Նուռ

Ի՞նչ է կատարվում օրգանիզմում, երբ նուռ ենք ուտում

232
(Թարմացված է 13:11 28.08.2020)
Իզուր չէ, որ նուռն անվանում են «աստվածների սնունդ»։ Այս հրաշք միրգը ոչ միայն ամրացնում է առողջությունը, այլև կանխում է տարբեր հիվանդությունների առաջացումը։ Բայց ոչ մի դեպքում չի կարելի այն չարաշահել։

Նուռը ոչ միայն գեղեցիկ միրգ է՝ անհավանական համեղ հատիկներով, այլև մարդու օրգանիզմին անհրաժեշտ մի շարք օգտակար նյութերով հարուստ սննդամթերք։

Մասնագետները եկել են այն եզրահանգման, որ մեկ նուռը պարունակում է մարդուն մեկ օրում անհրաժեշտ վիտամինների մոտ 40 տոկոսը։

Дни Москвы в Ереване (8 сентября 2019). Еревaн
© Sputnik / Andranik Ghazaryan
Նուռ

Նռան հատիկները մեծ քանակությամբ պարունակում են հիմնականում վիտամին С, Р, B6 և В12։ Վիտամին C-ն, ինչպես հայտնի է, ամրացնում է դիմադրողականությունը։ Վիտամին Р-ն դրական ազդեցություն ունի արյունատար անոթների վրա։ B6-ն ամրացնում է նյարդային համակարգը, իսկ B12-ը նպաստում արյան վերականգնմանը։

Այս պտղի մեջ բարձր է նաև միկրոէլեմենտների խտությունը։ Նուռը պարունակում է կալցիում, մագնիում, կալիում, մանգան, ֆոսֆոր, յոդ, երկաթ, նատրիում։

Նռան հյութը հարուստ է բուսական թթուներով՝ լիմոնաթթու, խնձորաթթու, գինեթթու, թրթնջկաթթու, սաթի թթու։ Դրանց շնորհիվ այն գրգռում է ախորժակը և ստամոքսի ցածր թթվայնության դեպքում օգնում նյութափոխանակությանը։

Սիրտ և անոթներ

Նուռը հատկապես օգտակար է սրտանոթային հիվանդությունների դեպքում։ Կարգավորում է զարկերակային ճնշումը, նպաստում հեմոգլոբինի և էրիթրոցիտների ակտիվ սինթեզին։ Այդ պատճառով նռան հյութը հաճախ են նշանակում անեմիայի, ցածր հեմոգլոբինի դեպքում, ինչպես նաև հիվանդություններից և վիրահատություններից հետո վերականգնման շրջանում ընդհանուր թուլության համար։

Տարեցների համար հոյակապ պրոֆիլակտիկ միջոց է սրտի և անոթների հիվանդությունների դեմ։ Բացի այդ, նուռն իջեցնում է արյան մեջ շաքարի պարունակությունը, ուստի ցուցված է շաքարային դիաբետ ունեցողներին։

Նուռն օժտված է երիտասարդացնող և հակաբորբոքային հատկությամբ

Ապացուցված է, որ նռան մեջ ավելի շատ հակաօքսիդանտներ կան, քան կանաչ թեյի։ Հիշեցնենք, որ հենց հակաօքսիդանտներն են պայքարում ազատ ռադիկալների դեմ՝ այդպիսով դանդաղեցնելով օրգանիզմի ծերացումը։

Фрукты, гранат
© Sputnik / Asatur Yesayants
Նուռ

Իսկ հակաբորբոքային ազդեցության շնորհիվ նուռն օգնում է երիկամների, թոքերի և լյարդի տարբեր բորբոքային հիվանդությունների դեպքում։

Իսկ հակացուցումներ կա՞ն

Եթե բացառենք անհատական անհանդուրժողականությունը, ապա կարելի է ասել, որ նռան հատիկներն անգամ մեծ քանակության դեպքում առանձնապես վնասակար չեն։ Չնայած չի կարելի մոռանալ՝ առհասարակ չարժե որևէ բան չարաշահել։

Իսկ այ նռան թարմ քամած, թանձր հյութը պետք է խմել քիչ-քիչ և զգուշորեն։ Բանն այն է, որ հյութը շատ բարձր թթվայնություն ունի և կարող է գրգռել լորձաթաղանթները, ուստի խորհուրդ է տրվում այն նոսրացնել ջրով, հատկապես եթե այն նախատեսվում է տալ երեխաներին։

Гранат
© Sputnik / Асатур Есаянц
Նուռ

Նռան հյութը հակացուցված է ստամոքսի խոցային հիվանդության և բարձր թթվայնությամբ ուղեկցվող գաստրիտի դեպքում։

Բժիշկները խորհուրդ են տալիս նռան հյութն օգտագործելուց հետո ողողել բերանը, քանի որ այն քայքայում է ատամների էմալը։

Ժողովրդական բժշկության մեջ ընդունված է թուրմեր սարքել նռան կեղևից, սակայն դրանցով տարվել չի կարելի, քանի որ այդ պտղի կեղևը պարունակում է թունավոր ալկալոիդներ (բնական ծագման, ազոտ պարունակող օրգանական միացություններ)։

232
թեգերը:
առողջ սնունդ, նուռ, օրգանիզմ
Ըստ թեմայի
Ի՞նչ է կատարվում օրգանիզմում, երբ կարմիր հաղարջ ենք ուտում
Ի՞նչ է կատարվում օրգանիզմում, երբ կոկռոշ եք ուտում
Ի՞նչ է կատարվում օրգանիզմում, երբ դդմիկ ենք ուտում
Ի՞նչ է տեղի ունենում օրգանիզմում, երբ խաղող ենք ուտում
Հայ դպրոցականների թիմը

Հաղթանակ. հայ դպրոցականների թիմը մեդալներ է շահել ամենահեղինակավոր օլիմպիադայում

50
(Թարմացված է 23:01 27.09.2020)
Ռազմական իրադարձությունների ֆոնին կրթական հաղթանակը ևս մեկ անգամ հիշեցնում է, որ մեր փրկության գրավականն են հզոր բանակն ու ներդաշնակ հասարակությունը, իսկ վերջինիս գրավականն է որակյալ կրթությունը։

ԵՐԵՎԱՆ, 27 սեպտեմբերի – Sputnik. Այսօր ավարտվել է աշխարհում ամենահեղինակավոր մաթեմատիկայի օլիմպիադան, և հայ դպրոցականների թիմը շահել է 2 արծաթե, 3 բրոնզե մեդալներ և 1 գովասանագիր։ Տեղեկությունը հայտնում է ԲՈԿ նախկին ղեկավար Սմբատ Գոգյանը, որը եղել է դպրոցականների թիմի ղեկավարը։

Հայկական թիմում են եղել Մհեր Կարագուլյանը, Էրիկ Բաբասյանը, Վաչագան Դիլանյանը, Հայկ Կարապետյանը, Տիգրան Չտչյանն ու Վահագն Հովհաննիսյանը։

«Այսօրվա ռազմական իրադարձությունների ֆոնին այս կրթական հաղթանակը բոլորիս հիշեցնում է, որ ռազմի դաշտում հաղթանակների իմաստը հենց հայ հասարակության գոյության և արարման համար է։ Մեր փրկության գրավականն են հզոր բանակն ու ներդաշնակ հասարակությունը, իսկ վերջինիս գրավականն է որակյալ կրթությունը»,– Facebook-ի իր էջում գրել է Գոգյանը։

Մեր թիմն օլիմպիադային մասնակցել է «Քվանտ վարժարանի» տարածքում, իսկ ամբողջ տարվա ընթացքում աշակերտներին իրենց գիտելիքներն են փոխանցել ֆիզմաթ դպրոցի ուսուցիչներ Տիգրան Մարգարյանը, Գուրգեն Ասատրյանը, նախկին օլիմպիականներ Ալբերտ Գևորգյանը, Գագիկ Մաղաքյանը և Սմբատ Գոգյանը։

Հայ դպրոցականները մեդալներ են նվաճել Ինֆորմատիկայի միջազգային օլիմպիադայում

50
թեգերը:
մաթեմատիկա, օլիմպիադա, Սմբատ Գոգյան, Հայաստան
Ըստ թեմայի
Դպրոցականները պետության հաշվին կապահովվեն բժշկական դիմակներով ու ախտահանիչներով
«Որ բացում ենք, էլ չենք փակում. դպրոցներն ու դպրոցականները փորձադաշտ չեն». Փաշինյան
Ո՞ր մանկավարժների և դպրոցականների տրանսպորտային ծախսերը կփոխհատուցվեն. նախարարի հրամանը
Վարդան Մինասյան

Վարդան Մինասյանն ու Արաս Օզբիլիսն իրենց զորակցությունն են հայտնել հայոց բանակին

53
(Թարմացված է 19:53 27.09.2020)
Ֆուտբոլի հայտnի մարզիչն ու հայտնի ֆուտբոլիստը վստահ են, որ հայոց բանակը միայն հաղթելու ունակությամբ է օժտված։

ԵՐԵՎԱՆ, 27 սեպտեմբերի - Sputnik. Հայաստանի ֆուտբոլի ազգային հավաքականի նախկին գլխավոր մարզիչ Վարդան Մինասյանը Instagram-ի իր էջում գրառում է կատարել ու անդրադարձել Արցախում ընթացող մարտերին։ Նա իր զորակցությունն է հայտնել Հայոց բանակին ու հայ զինվորին։ «Ուժ և կորով, միասնյություն, հաղթելու ենք»,–ծիծաղող զինծառայողներով նկարի վրա գրել է Վարդան Մինասյանը։

View this post on Instagram

Ուժ ու կորով, միասնություն #հաղթելուենք

A post shared by Vardan Minasyan (@official.vardanminasyan) on

Արցախում ընթացող ռազմական գործողություններին Instagram-ի իր էջում անդրադարձել է նաև Հայաստանի ազգային հավաքականի ֆուտբոլիստ Արաս Օզբիլիսը։ Ֆուտբոլիստը թեժ կետերում գտնվողներին իր աջակցությունը հայտնել էԱրցախի հանրապետության դրոշը հրապարակելով։

View this post on Instagram

🙏🏼🙏🏼🙏🏼🙏🏼

A post shared by Aras Ozbiliz (@arasozbiliz) on

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 20 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիարվոր ունի։

Արցախում և Հայաստանում ռազմական դրություն և համատարած զորահավաք է հայտարարվել։

«Նախնիներս Ղարաբաղից են»․ Արոնյանն արձագանքել է Արցախում տեղի ունեցող իրադարձություններին

53
թեգերը:
Արցախ, Ղարաբաղյան հակամարտություն, Լեռնային Ղարաբաղ, Արաս Օզբիլիս, Վարդան Մինասյան
թեմա:
Ադրբեջանական ագրեսիա Արցախում. 2020
Ըստ թեմայի
Մեր ու մանուկ, ամբողջ ազգով կանգնելու ենք ու հաղթենք. ԵԿՄ-ն պատրաստ է մեկնել Արցախ
Հաքերային հարձակման են ենթարկվել հայկական մի շարք ԶԼՄ–ների կայքեր
Ակնկալում ենք, որ միջազգային հանրությունը կարձագանքի Ադրբեջանի քայլերին. նախագահ
Հեռախոս, արխիվային լուսանկար

Արցախում խափանվել է հեռախոսային ու ինտերնետային կապը

0
Փորձագետը հորդորում է շատ չանհանգստանալ, եթե չի հաջողվում կապ հաստատել Արցախի հետ։

ԵՐԵՎԱՆ, 28 սեպտեմբերի – Sputnik. Տեղեկատվական անվտանգության փորձագետ Սամվել Մարտիրոսյանը հայտնում է, որ Արցախում այս պահին խափանվել են կապի գրեթե բոլոր ծառայությունները։

«Չեն գործում կանխավճարային համակարգը, հետվճարային համակարգը, շարժական համացանցը և SMS-ը: Պատճառը Ադրբեջանի թիրախավորված գործողություններն են»,- Facebook–ի իր էջում գրել է նա։

Մարտիրոսյանը նաև հայտնում է, որ «Ղարաբաղ Տելեկոմի» և արտադրող ընկերության մասնագետներն աշխատում են խնդիրը կարգավորելու ուղղությամբ: Փորձագետը Արցախի հետ կապ հաստատել ցանկացողներին հորդորում է շատ չանհանգստանալ։

0