Ռայնիսի փողոցում պայթյունից փլուզված շենքը, Երևան

Արթնանում ես ու էլ տուն չունես. Երևանում որոտացած պայթյունը՝ ականատեսի աչքերով ու զգացածով

534
(Թարմացված է 00:11 28.08.2020)
Փրկարարների, ծանոթների, ընկերների օգնությամբ Ռայնիսի 1 հասցեի հինգերորդ մուտքի բնակիչներն առավոտից իրենց գույքն են դուրս բերում։

ԵՐԵՎԱՆ, 27 օգոստոսի - Sputnik, Մարիաննա Փայտյան. Հագուստով լի տոպրակներ, կենցաղային իրեր, վերմակ, աթոռ, բազկաթոռ... Քանաքեռ-Զեյթունի Ռայնիսի 1 հասցեի բնակիչները դուրս են բերում այն ամենը, ինչը հնարավոր է փրկել։ Շենքի փլուզված հատվածն աղետի գոտի, փախստականների ճամբար է հիշեցնում։ Պայթյունը որոտացել է քառահարկ շենքի հինգերորդ մուտքում։ Մուտքի աջ կողմում գտնվող բնակարանները փլուզվել են, ձախ կողմինը՝ կանգուն մնացել... Թեպետ կանգուն բառն այստեղ չափազանցված է։

Ситуация у жилого дома по улице Райниса на следующий день после взрыва (27 августа 2020). Еревaн
© Sputnik / Gor Margaryan
Ռայնիսի փողոցում պայթյունից փլուզված շենքը, Երևան

Հինգերորդ մուտքի չորրորդ հարկի բնակիչներից մեկը, որը չցանկացավ ներկայանալ, պատմում է՝ դեպքի օրը արթնացել է 7 անց 10-ի սահմաններում ուժեղ ձայնից։ Թե շուրջբոլորը ինչ է կատարվում՝ սկզբում չհասկացավ։ Հետո աչքերի առաջ կոտրված պատուհաններն էին, դուռը, իսկ դռնից այն կողմում՝ փլուզված շքամուտքն ու հարևանների հողին հավասարված տները։ Ասում է՝ դիմացի հարևանուհու հետ մտերիմ չէր, բայց միշտ փոխադարձ, քաղաքավարի բարևում էին։ Խոսքը երեկ փլատակների տակից դուրս բերված և հոսպիտալացված երկու բնակիչներից մեկն է՝ 71-ամյա տիկին Սվետլանան։

Ситуация у жилого дома по улице Райниса на следующий день после взрыва (27 августа 2020). Еревaн
© Sputnik / Gor Margaryan
Ռայնիսի փողոցում պայթյունից փլուզված շենքը, Երևան

Մեր զրուցակցին հարևանների հետ պատուհանից տարհանել են արդեն դեպքի վայր ժամանած ԱԻՆ աշխատակիցները։

«Դժվար է խոսել այս ամենի մասին։ Աննկարագրելի սթրեսային է։ Քնում ես տանդ, արթնանում ես ու քեզ ասում են՝ էլ տուն չունես։ Հիմա փրկարարների, մեր ծանոթների օգնությամբ պատուհաններից դուրս ենք բերում մեր գույքն ու ունեցվածքը, մեզ արդեն ասել են, որ մուտքի այս հատվածը պետք է ամբողջությամբ քանդեն»,- պատմում է մեր զրուցակիցն ու ավելացնում, որ փրկված գույքը յուրաքանչյուրը տեղափոխում է իր բարեկամի, ծանոթի տուն, որտեղ հնարավոր է, մինչև հասկանան, թե ինչ է լինելու։ Երեկվանից գիշերում են երևանյան հյուրանոցային համալիրներից մեկում։ Պայմաններից գոհ է, թեպետ կգերադասեր՝ իր տանը լինել։ Գիտի, որ հյուրանոցում մոտ մեկ շաբաթ են անցկացնելու։ Թե ինչ է լինելու դրանից հետո, դեռևս անհայտ է։

Ситуация у жилого дома по улице Райниса на следующий день после взрыва (27 августа 2020). Еревaн
© Sputnik / Gor Margaryan
Ռայնիսի փողոցում պայթյունից փլուզված շենքը, Երևան

Զրուցակիցս շփոթված է, հուզված. 36 ժամ առաջ տուն ուներ, հիմա չունի։ Բայց ասում է՝ եղածը չես փոխի, պետք է հաշտվել, ընդունել ու շարունակել ապրել։ Ի վերջո, բախտին շնորհակալ լինելու իսկապես լուրջ առիթ կա. իր դռնից ընդամենը մեկ քայլ հեռավորությամբ գտնվող բնակարանի հետքն էլ չկա․․․

Ситуация у жилого дома по улице Райниса на следующий день после взрыва (27 августа 2020). Еревaн
© Sputnik / Gor Margaryan
Ռայնիսի փողոցում պայթյունից փլուզված շենքը, Երևան
534
թեգերը:
փրկարար, տուն, պայթյուն, Երևան, Հայաստան
թեմա:
Պայթյուն Երևանում (23)
Ըստ թեմայի
Պայթյուն Երևանում. հայտնի է` որտեղ են կացարան տվել տուժած ընտանիքներին
Երևանի Ռայնիսի փողոցում պայթած շենքի փլատակների տակ 58–ամյա քաղաքացի կա
Պայթյուն և փլատակներ. Երևանի Ռայնիսի փողոցը դեպքից հետո. լուսանկարներ
Պայթյունի հետևանքով ծայրահեղ ծանր վիճակում գտնվող բնակիչը 41 տարեկան է. մանրամասներ
Մեսրոպ Առաքելյան

Սահմանափակումներն ուշացած են. բուքմեյքերական խաղադրույքների մեծ մասը կատարվում է օնլայն

62
(Թարմացված է 08:44 18.09.2020)
ՀՀ վարչապետի խորհրդական Մեսրոպ Առաքելյանը Sputnik Արմենիայի եթերում անդրադարձել է շահումով խաղերին և բուքմեյքերական գրասենյակների գործունեությանը վերաբերող նոր պայմաններին։
Առաքելյան. «Բուքմեյքերական ընկերությունների գործունեության ծավալը խիստ մտահոգիչ է»

ՀՀ կառավարությունն այսօրվա նիստում հաստատեց վիճակախաղերի, տոտալիզատորների, բուքմեյքերական գրասենյակի գործունեության պայմանները։ Ինչպես նշեց ՀՀ ֆինանսների նախարար Ատոմ Ջանջուղազյանը, բոլոր այն կազմակերպությունները, որոնք չեն պահպանի սահմանված կանոնները,ստիպված կլինեն հրաժարվել իրենց գործունեությունից։

Մեսրոպ Առաքելյանի դիտարկմամբ` նախորդ տարի ԱԺ–ն կատարեց օրենսդրական փոփոխություններ, որոնք առնչվում էին բուքմեյքերական գրասենյակների աշխատանքային սահմանափակումներին։ Նոր օրենքը նոր սահմանափակումներ է մտցնում` կապված գովազդի, արտաքին տեսքի, տեղակայման հեռավորության հետ, ինչը մի փոքր քայլ է այն ուղղությամբ, որպեսզի ոչ թե սահմանափակվի տոտալիզատորների գործունեությունը, այլ նվազեցվի դրանց մատչելիությունը։

«Բայց անկեղծ ասած`այն չափը, որով այսօր բուքմեյքերական ընկերությունները ծավալում են իրենց գործունեությունը, համարում եմ խիստ մտահոգիչ, իսկ այն սահմանափակումները, որոնք մենք կիրառում ենք, խաղադրույքների նվազման առումով շատ լուրջ փոփոխություն չեն առաջացնում»,– նշում է վարչապետի խորհրդականը։

Մեսրոպ Առաքելյանի փոխանցմամբ` սկզբում խոսվում էր բուքմեյքերական գրասենյակների գործունեությունն արգելելու մասին, բայց հետո՝ ԱԺ քննարկումների արդյունքում, ընտրվեց փոխզիջումային տարբերակ։ Ըստ նրա` այժմ առկա է մի իրավիճակ, որ նույնիսկ եթե գրասենյակների ամբողջ ծավալը վերացնենք, միևնույն է, տարեցտարի ոչ միայն այդ ոլորտը, այլև տնտեսությունն ու հատկապես սպասարկման ոլորտը գնում է դեպի օնլայն հարթակ։

Առաքելյան. «Հայաստանում պետք է արգելվի բուքմեյքերական գործունեությունը»

Խաղադրույքների մասով նկատվում է, որ ավելի մեծ ծավալների շրջանառություն են ապահովում համացանցային տարբերակները։ Հետևաբար գրասենյակների՝ ոչ առցանց տիրույթում նույնիսկ ամբողջական փակումը խնդրի լուծման վրա չի ունենա այնպիսի ազդեցություն, որ խաղադրուքները նվազեն։

«Բուքմեյքերական գրասենյակների հանդեպ կիրառվող սահմանափակումները ուշացած են զուտ ժամանակային առումով, որովհետև տնտեսությունն ինքը տանում է այդ գրասենյակների փակման, ոչ արդյունավետ լինելուն»,– նշում է վարչապետի խորհրդականը։

Կառավարությունը խստացնում է շահումով խաղերի գործունեության պայմանները. մանրամասներ

Մեսրոպ Առաքելյանի համոզմամբ` խաղադրույք կատարելը կամ խաղասենյակում հայտնվելը հպարտության չափանիշ չէ, և եթե դեռահասը մտնում է բուքմեյքերական գրասենյակ, այդ մասին կարող են իմանալ։ Բայց եթե նա խաղադրույք է կատարում օնլայն հարթակում՝ գաղտնիության պայմաններում, սա արդեն խնդրահարույց է։ Ըստ նրա` սմարթֆոնների տարածումը կամ «հեռախոսային հիվանդությունն» ավելի շատ դեռահասների շրջանում է տարածված, հետևաբար IT ոլորտի զարգացմանը զուգընթաց անհրաժեշտ է շարունակ ձեռքը պահել զարկերակի վրա և վերահսկողությունն իրականացնել պատշաճ մակարդակով։

Հիշեցնենք, որ վիճակախաղերի, տոտալիզատորների, բուքմեյքերական գրասենյակի գործունեության պայմաններտ վերաբերյալ կառավարության որոշումն ուժի մեջ է մտնում 2020 թվականի նոյեմբերի 1-ից:

62
թեգերը:
Հայաստան, բուքմեյքեր
Ըստ թեմայի
Ի՞նչ են պարզել ռումբի ահազանգից հետո «Աջարաբեթի» գրասենյակ մեկնած մասնագետները
Առաքելյան. «Հայաստանում պետք է արգելվի բուքմեյքերական գործունեությունը»
Ոչ ոք վաղվա վրա վստահ չէ. մարդիկ հրաժարվել են առցանց խաղադրույքներից ու պատվերներից
Արխիվային լուսանկար

Դպրոցի ճամփան դժվար է, երկար... Սալուտցիները սպառնում են դասի չուղարկել երեխաներին

113
Չորրորդ դասարանից բարձր աշակերտները ստիպված կլինեն կրթություն ստանալու համար ամեն օր 12 կմ քայլել։

ԵՐԵՎԱՆ, 17 սեպտեմբերի - Sputnik, Արմենուհի Մխոյան. Շիրակի մարզի Սալուտ բնակավայրի 17 դպրոցականների հետագա ուսումնառությունը հարցականի տակ է. հարևան Մուսայելյան գյուղ տանող երթուղին այս ուսումնական տարում այլևս չի գործում։ Սալուտի բնակիչներն էլ պնդում են՝ հարցը չլուծվի՝ երեխաներին դպրոց չեն ուղարկի:

Երբ դասընկեր ունենալը երազանք է. Շաղիկում ուսումնական տարին մեկ աշակերտով կսկսեն

Նշենք, որ Սալուտի երեխաները 4-րդ դասարանից հետո ուսումնառությունը շարունակում են Մուսայելյանի դպրոցում, ուր հաճախում են նաև Սարապատ համայնքի Հարթաշեն ու Վարդաղբյուր բնակավայրերի աշակերտները։

Պատասխանատուները նշում են, որ փոխադրամիջոց չլինելու պատճառը ֆինանսական կարգի փոփոխությունն է. եթե նախորդ տարիներին գումարը հատկացվում էր դպրոցին, որն էլ տրանսպորտային կազմակերպության մրցույթ էր հայտարարում, հիմա այն տրամադվում է մանկավարժներին և աշակերտներին՝ օրական 200 դրամ հաշվարկով։ Իսկ դա արդյունքում ավելի քիչ գումար է կազմում, քան մրցույթի ժամանակ էր հատկացվում։

«Սրանից ելնելով՝ կազմակերպությունները հրաժարվում են փոխադրում իրականացնել ավելի ցածր գնով»,-Sputnik Արմենիային տեղեկացնում է Շիրակի մարզպետարանի կրթության վարչության պետ Հրայր Կարապետյանը։

Դպրոցներին տրամադրվող տաք սնունդը համավարակի պատճառով կփոխարինվի չորով

Հարցը համայնքի ու վարչական ղեկավարի կողմից Ժամանակավորապես լուծվել է՝ որոշակի տրանսպորտային միջոցներ են տրամադրվել, բայց խնդրի վերջնական կարգավորման համար մարզպետարանը դիմել է ՀՀ կրթության, գիտության, մշակույթի և սպորտի նախարարությանը։

Պատասխանատուն նշում է՝ այս պահին հիմնական բողոքներն աշակերտներից ու նրանց ծնողներից են, իսկ մանկավարժները հիմնականում այլ բնակավայրերից են, և նրանց տեղափոխումը կազմակերպված է:

113
թեգերը:
Շիրակի մարզ, դպրոց, Գյուղ
Ըստ թեմայի
Ֆիոլետովո գյուղի դպրոցն այս տարի այլ տեսք ուներ. ինչ փոփոխություններ էին արվել
Կարելի՞ է բազմակի օգտագործման դիմակ դնել. դասերը մեկնարկելուն պես նոր հարցեր են ծագել
Որոշ դասեր այգում և երաժշտություն դասամիջոցներին. դպրոցները հարմարվում են նոր պայմաններին
Նիկոլ Փաշինյան. արխիվային լուսանկար

Փաշինյանը շնորհավորել է հրեաների Նոր տարին

1
(Թարմացված է 11:45 18.09.2020)
Հրեական Նոր տարին շարժական տոն է։ Այն նշվում է սեպտեմբեր–հոկտեմբեր ամիսներին` լիալուսնի օրը, իսկ հաջորդ օրը մեկնարկում է հրեական հաշվարկով հերթական նոր տարին։

ԵՐԵՎԱՆ, 18 սեպտեմբերի — Sputnik. ՀՀ վարչապետ Նիկոլ Փաշինյանը շնորհավորական ուղերձ է հղել Հայաստանի հրեական համայնքին` հրեական նոր տարվա՝ Ռոշ Հաշանայի կապակցությամբ:

«Հայաստանի հրեական համայնքի սիրելի ներկայացուցիչներ, ջերմորեն շնորհավորում եմ ձեզ հրեական Նոր տարվա՝ Ռոշ Հաշանայի կապակցությամբ: Այսօր ինչպես Հայաստանի հրեական համայնքը, այնպես էլ ողջ հրեա ժողովուրդը նշում է տարվա նորամուտը խորհրդանշող գեղեցիկ տոնը: Թող այս նոր տարին խաղաղության, բարեկեցության և առաջընթացի տարի լինի: Եվ թող նոր իրողություններին համահունչ շարունակվեն ամրապնդվել և զարգանալ մեր ժողովուրդների միջև առկա դարավոր կապերը»,– ասված է ՀՀ վարչապետի ուղերձում:

Շնորհավորելով հրեա հայրենակիցներին` Փաշինյանը նրանց մաղթել է քաջառողջություն և ամենայն բարիք:

Պատմությունը չես փոխի․ ինչպես հայերը փրկեցին հրեական ընտանիքը

Հայաստանում ապրող հրեաների թիվը տարբեր տվյալներով տատանվում է 500-2000-ի սահմաններում։

Հրեական Նոր Տարին շարժական տոն է։ Այն նշվում է սեպտեմբեր–հոկտեմբերի ամիսներին, լիալուսնի օրը։

Այդ օրը հրեաներին արգելված է աշխատել, իսկ հաջորդ օրը մեկնարկում է հրեական հաշվարկով հերթական նոր տարին։

Հայերն ու հրեաները՝ նմանություններ և տարբերություններ, կամ ինչով է վտանգավոր նոր ծրագիրը

1
թեգերը:
շնորհավորանք, Ամանոր, հրեա, Նիկոլ Փաշինյան
Ըստ թեմայի
Ինչ կարող են միասին անել հայերը և հրեաները. գիտնականներից չեն պրծնի անգամ «սև խոռոչները»
«Պարգև չեմպիոնին», կամ ինչպես նուրբ հայուհին գրավեց լեգենդար հրեա շախմատիստի սիրտը
Հրեական կազուս և հայկական ակցենտ․ պատմության դաս Արևելյան Եվրոպայի առաջնորդների համար