Ովքե՞ր և ինչի՞ համար են արժանացել Արմեն Սարգսյանի տիկնոջ հատուկ մրցանակներին
(Թարմացված է 19:23 27.08.2020)
ՀՀ նախագահը վստահ է, եթե երեխան փոքր տարիքում չսիրի գիրքը, հետո դժվար է լինելու։ Նունե Սարգսյանն էլ վստահ է, որ անհրաժեշտ է ամեն կերպ քաջալերել մանկապատանեկան գրականությանը վերաբերող մրցանակաբաշխությունը։ ԵՐԵՎԱՆ, 27 օգոստոսի - Sputnik. Մանկական գրականությունն ինչ-որ իմաստով բոլոր գրականությունների մայրն է, քանի որ սերը գրքի նկատմամբ վաղ տարիքից է ձևավորվում։ ՀՀ նախագահ Արմեն Սարգսյանը վստահ է, եթե այդ տարիքում չսիրեն գիրքը, հետո դժվար է լինելու մանավանդ 21-րդ դարում, երբ գիրք չկարդալու համար հազար ու մի առիթ կա։
©
Sputnik / Asatur Yesayants
Նախագահի մամուլի ծառայության հաղորդմամբ՝ երեկ նախագահական նստավայրում մանկապատանեկան գրականությանը վերաբերող մրցանակաբաշխություն է կայացել։ Դեռ նախորդ տարվա սեպտեմբերին ՀՀ կրթության, գիտության, մշակույթի և սպորտի նախարարության աջակցությամբ Խնկո Ապոր անվան ազգային մանկական գրադարանը, «IBBY Հայաստանը», «Արևիկ» հրատարակչության և «Արտբրիջ» գրախանութի գործընկերությամբ հայտարարվել էր մանկագիրների և նկարազարդողների մրցույթ։
Մրցույթի նպատակն էր խթանել մանկագրության և մանկապատանեկան գրքի նկարազարդման մշակույթի զարգացումը Հայաստանում: Մրցույթի արդյունքներն արդեն ամփոփվել էին Խնկո Ապոր անվան ազգային մանկական գրադարանում՝ Հանրապետության նախագահի տիկնոջ՝ մանկագիր Նունե Սարգսյանի ներկայությամբ:
Բացի սահմանված մրցանակներից, տիկին Նունե Սարգսյանն էլ իր կողմից «Մանկապատանեկան արձակ» և «Մանկապատանեկան գրքի նկարազարդում» անվանակարգերում սահմանել էր երկու «Հատուկ մրցանակ»:
Հաղթողների պարգևատրման արարողությունն էլ տեղի է ունեցել երեկ նախագահական նստավայրում։
«Մրցանակաբաշխությունը, լինելով առաջինը, կարծում եմ` հաջող է անցել։ Շնորհավորում եմ և՛ կազմակերպիչներին, և՛ մասնակիցներին: Վստահ եմ, որ անհրաժեշտ է ամեն կերպ քաջալերել այս նախաձեռնությունը»,- ասել է ՀՀ նախագահը։
Հանրապետության նախագահի տիկնոջ հատուկ մրցանակներին են արժանացել «Մանկապատանեկան գրքի նկարազարդում» անվանակարգում՝ Լիլիթ Ալթունյանը, «Մանկապատանեկան արձակ» անվանակարգում՝ Աննա Ասլանյանը։
«Նկատեցի, որ երկուսդ էլ աշխատում եք երեխայի երևակայության վրա։ Եթե երեխան նստի հեռուստացույցի առջև և ֆիլմ դիտի, նրա երևակայությունը չի աշխատի։ Սակայն Լիլիթի նկարազարդումները մյուս երեխաների համար խթան կլինեն նույն կերպ աշխատելու համար։ Վերջերս այնքան շատ երեխաներ են ինձ ասել, որ ուզում են գրող դառնալ կամ ցանկանում են գիրք գրել։ Օրինակները շատ կարևոր են։ Աննան ստեղծում է հեքիաթներ խաղի միջոցով: Նրա պատմության մեջ խաղեր կան, որոնք նույնպես ազդում են երեխայի երևակայության վրա»,- շնորհավորելով հաղթողներին՝ ասել է Նունե Սարգսյանը։
Խնկո Ապոր անվան ազգային մանկական գրադարանի տնօրեն Ռուզան Տոնոյանը կարևորել է պետության աջակցությունը՝ շեշտելով, որ այս ոլորտին ուժեղ հիմք է պետք։
Զարմանալի անունով ու լավ գեներով աղջիկ. ո՞վ է Նունե Սարգսյանի գրքի համահեղինակը
թեգերը:
Սերժ Սարգսյանը պատասխանել է հարցին՝ արդոք Օնիկ Գասպարյանն իր դրդմամբ է գործում
(Թարմացված է 17:21 03.03.2021)
ՀՀ երրորդ նախագահ Սերժ Սարգսյանը շեշտեց, թե ամենայն հավանականությամբ իշխանությունը նոր «ներկայացում» է պատրաստում։
ԵՐԵՎԱՆ, 3 մարտի – Sputnik. ՀՀ երրորդ նախագահ Սերժ Սարգսյանը լրագրողների հետ զրույցում պատասխանեց այն լուրերին, թե Զինված ուժերի ԳՇ պետ Օնիկ Գասպարյանն իր դրդմամբ է գործում։
«Այդ տեղեկությունը իրականությանը համապատասխանում է այնքանով, որքանով իրականությանը համապատասխանում են կապիտուլյանտի հայտարարություններն այն մասին, թե որքան կառուցողական է Ալիևը, որ Շուշին ադրբեջանական քաղաք է, |«Իսկանդերը» պայթում է 10 տոկոսով և այն մասին, որ «Իսկանդերը» 80–ականների զենք է»,– ասաց Սարգսյանը։
Նրա կարծիքով՝ իշխանությունը ներկայացում է պատրաստում։
«Համբերենք, տեսնենք, իսկ մնացած հարցերին կպատասխանեմ, երբ ներկայացումը դիտենք»,–եզրափակեց Սարգսյանը։
«Անցնելու ենք Փաշինյանի ճանապարհով». Գյումրիից քայլերթով գալիս են Երևան. տեսանյութ
(Թարմացված է 15:50 03.03.2021)
Քայլերթի մասնակիցները Նիկոլ Փաշինյանին խորհդանշական ճամպրուկ են բերում։ Պատրաստավում են մարտի 5-ին հասնել Երևան։ԵՐԵՎԱՆ, 3 մարտի – Sputnik, Արմենուհի Մխոյան. Մարտի 3-ին` ժամը 11:00-ին, Գյումրիում մեկնարկել է ֆլեշմոբ-քայլերթ՝ ՀՀ վարչապետ Նիկոլ Փաշինյանի հրաժարականի պահանջով: Նախաձեռնության համահեղինակ իրավաբան Կարապետ Պողոսյանը Sputnik Արմենիայի հետ զրույցում հայտնեց, որ ինքն ու դերասան Մկրտիչ Վարդանյանը պատրաստվում են անցնել այն ճանապարհով, որով Փաշինյանը երեք տարի առաջ Գյումրիից եկել է Երևան, հասնել մայրաքաղաք ու խորհրդանշական իրեր փոխանցել ՀՀ վարչապետին։
Պատերազմին մասնակցած եզդիները միացել են Փաշինյանի հրաժարականի պահանջին. Այսեր Իսոյան
Նշենք, որ քայլերթից առաջ Պողոսյանն ու Վարդանյանը խորհրդանշական ակցիա են իրականացրել՝ Նիկոլ Փաշինյանի ուսապարկը խորհրդանշող պայուսակից հանելով իրեր՝ փուչիկ, ծաղրածուի և բժշկական դիմակներ, կախարդական փայտիկ, նոթբուք, ելակ, նուռ, Հայաստանի քարտեզը, Ադրբեջանի նախագահ Իլհամ Ալիևի նկարը։ Նրանք վստահեցրին, որ հենց այս ամենն էր Փաշինյանն իր հետ բերել Երևան։
Ֆլեշմոբի մասնակիցները նշեցին, որ այդ ամենից բացի, իրենք այլ իրեր էլ են տանելու Փաշինյանին` պարան, օճառ, մարզական կոշիկներ, հերոս տղաների շիրիմների լուսանկարը և այլն:
Մի շարք քաղաքացիներ էլ առաջարկել են պայուսակում ավելացնել նաև 2020 թվականին իմքայլականների նախաձեռնված «Սահմանադրական» հանրաքվեի «Այո» քարոզչության բուկլետը, «Հպարտ քաղաքացու անձնագիրը», Շուշիի տան բանալիներ և այլն։
«Հենց նույն ճանապարհով, որով 2018 թվականին Փաշինյանը Գյումրիից շարժվել է Երևան, մենք ենք անցնելու, լինելու ենք նույն բնակավայրերում, փորձելու ենք հասկանալ մարդկանց դիրքորոշումը, լսել նրանց կարծիքները։ Ամենայն հավանականությամբ, արդեն ուրբաթ օրը ճամպրուկը կհասցնենք կառավարություն», - ասաց Կարապետ Պողոսյանը` քաղաքացիներին հորդորելով միանալ իրենց:
Sputnik Արմենիայի տեղեկություններով` նրանք արդեն հասել են Սպիտակ։
Սպիտակի ղեկավարը միանում է Փաշինյանի հրաժարականի պահանջին և աջակցում ԳՇ–ին