ԵՐԵՎԱՆ, 27 օգոստոսի - Sputnik. Երգչուհի Քեթի Փերին առաջին անգամ է մայրացել. 35-ամյա Փերին և փեսացուն՝ 43-ամյա դերասան Օռլանդո Բլումը, դուստր են ունեցել։ Ուրախ լուրի մասին զույգը պատմել է Unicef-ի Instagram-ի պաշտոնական էջում։ Նրանք երկուսն էլ այս կազմակերպության բարի կամքի դեսպան են։
Ո՞ւմ է նման Արփիի և Միհրանի որդին․ տեսանյութ
Զույգը լուսանկար է հրապարակել, որում երևում է բալիկի փոքրիկ թաթիկը։
«Մենք բառացիորեն ճախրում ենք, լցված ենք սիրով և երախտագիտությամբ, որ մեր դուստրը լույս աշխարհ եկավ»,- գրել են Փերին և Բլումը։
Посмотреть эту публикацию в Instagram
Նրանք նաև կոչ են արել իրենց երկրպագուներին գումար նվիրաբերել, որպեսզի չզարգացած երկրներում էլ երեխաներն առողջ ու երջանիկ ծնվեն, ինչպես իրենց դուստրը։
Ավելի ուշ Բլումն իր անձնական էջում տարածել է այս հայտարարությունն ու նշել դստեր անունը՝ Դեյզի Դավ Բլում։
Երգչուհու փեսացուն արդեն երկրորդ անգամ է հայր դառնում։ Նա արդեն իննամյա որդի ունի նախկին կնոջ՝ Միրանդա Քերի հետ ամուսնությունից։
Միհրան Ծառուկյանն ու Արփին հրապարակել են իրենց 40 օրական որդու լուսանկարը
Քեթի Փերին և Օռլանդու Բլումը արդեն չորս տարի է՝ միասին են։ Նրանք պատրաստվում էին ամուսնանալ այս ամառ, սակայն համավարակի պատճառով արարողությունը ստիպված եղան հետաձգել։
Քեթի Փերին ամերիկյան երգչուհի է, երգահան, դերասանուհի, ՄԱԿ-ի բարի կամքի դեսպան։ Օռլանդու Բլումն անգլիացի կինոդերասան է։ Նա մեծ ճանաչում ձեռք բերեց «Մատանիների տիրակալը» և «Կարիբյան ծովի ծովահենները» ֆիլմերում իր դերակատարումների շնորհիվ։
