Աթենա Մանուկյան

«Թագուհի ես». Աթենա Մանուկյանն առանց շպարի լուսանկար է հրապարակել

95
(Թարմացված է 19:29 26.08.2020)
Երկրպագուները շատ են հավանել Աթենայի բնական գեղեցկությունը, նրանք տարբեր հաճոյախոսություններ են շռայլել երգչուհու հասցեին։

ԵՐԵՎԱՆ, 27 օգոստոսի - Sputnik. «Եվրատեսիլ 2020» միջազգային երգի մրցույթի Հայաստանի ներկայացուցիչ, հունահայ երգչուհի  Աթենա Մանուկյանը Instagram–ի իր էջում առանց շպարի լուսանկար է հրապարակել ու ցուցադրել բնական գեղեցկությունը։

«Անչափ սիրում եմ բոլորիդ»,– լուսանկարին կից գրել է երգչուհին։

Посмотреть эту публикацию в Instagram

Публикация от Athena Manoukian (@athenamanoukian)

Երկրպագուները շատ են հավանել Աթենայի բնական լուսանկարը, նրանք տարբեր հաճոյախոսություններ են շռայլել երգչուհու հասցեին։

«Մենք էլ քեզ ենք անչափ սիրում», « թագուհի ես», «գեղեցկուհի ես»,– գրել են նրանք։

Հիշեցնենք, որ  «Եվրատեսիլ 2020» միջազգային երգի մրցույթը այս տարի չկայացավ կորոնավիրուսի պատճառով։ Մրցույթի չեղարկումից և Europe Shine A Light («Լուսարձակիր Եվրոպա») համերգից հետո կազմակերպիչները որոշել էին առցանց հարցումներ անցկացնել՝ հասկանալու համար, թե որ երկիրը կարող էր հաղթել «Եվրատեսիլ 2020»-ում։

Հայաստանի մասնակից Աթենա Մանուկյանն առցանց հարցման արդյունքում զբաղեցրել էր 3-րդ հորիզոնականը։

Նշենք, որ Աթենան ծնվել է Աթենքում, 25 տարեկան է, առաջին անգամ բեմ է դուրս եկել պատանեկան տարիներին։ Ընդամենը 13 տարեկանում հաղթել է «This Is What"s Missing» տաղանդների հունական շոուում, որը հեռարձակվում է «Ալֆա ՏՎ» հեռուստաալիքով։

Մեկ տարի անց նա իր «To Fili Tis Aphroditis» երգով մասնակցել է «Մանկական Եվրատեսիլ» ազգային փուլին և զբաղեցրել 7-րդ հորիզոնականը։

«Շուտով կներկայացնեմ իմ նոր երգը»․ Աթենա Մանուկյանը հայտնել է պրեմիերայի օրը

Աթենա Մանուկյանին ավելի մեծ ճանաչում է բերել «XO» ստեղծագործությունը, որը ձայնագրվել է Շվեդիայում։ Ստեղծագործությունը մեծ հաջողություն է ունեցել ոչ միայն Հունաստանում, այլև ամբողջ Եվրոպայում, ինչպես նաև Ամերիկայում, Ավստրալիայում և Ասիայում։

 

95
թեգերը:
Լուսանկար, երգ, տեսահոլովակ, երգչուհի, Աթենա Մանուկյան, Հայաստան
Ըստ թեմայի
«Կվերադառնանք ավելի ուժեղ»․ Աթենա Մանուկյանն անդրադարձել է «Եվրատեսիլ 2020»-ի չեղարկմանը
«Դեպի Եվրատեսիլում» չհաղթելու դեպքում Աթենա Մանուկյանն ուժերը կփորձի հայկական շոուբիզնեսոմ
Ի՞նչ գիտենք «Եվրատեսիլում» Հայաստանը ներկայացնող Աթենա Մանուկյանի մասին
NordStar ինքնաթիռ, արխիվային լուսանկար

Առաջիկա օրերին Մոսկվա-Երևան չարտերային չվերթեր կլինեն

12
(Թարմացված է 18:56 18.09.2020)
Չվերթերը կկայանան սեպտեմբերի 23-ին և 25-ին, մեկնումը Մոսկվայի ժամանակով՝ 11:00-ին, «Դոմոդեդովո» օդանավակայանից։

ԵՐԵՎԱՆ, 18 սեպտեմբերի - Sputnik. ՀՀ քաղաքացիներին Հայաստան վերադարձնելու գործընթացը շարունակվում է։ Ռուսաստանի Դաշնության մայրաքաղաք Մոսկվայից ևս 2 չարտերային չվերթ է ծրագրվում դեպի Երևան։ Լուրը Facebook-ի պաշտոնական էջում հայտնում է Ռուսաստանում Հայաստանի դեսպանությունը։

Չվերթերը կկայանան սեպտեմբերի 23-ին և 25-ին, մեկնումը Մոսկվայի ժամանակով՝ 11:00-ին։ Թռիչքները կիրականացնի «Nord Star» ավիաընկերությունը «Դոմոդեդովո» օդանավակայանից։

«Տոմսերի վաճառքը կիրականացվի «Դոմոդեդովո» օդանավակայանի N 85 և N 94 տոմսարկղերից, կամ ավիաընկերության մոսկովյան գրասենյակից (հասցե՝ Բալակլավսկի պողոտա 16, 2-րդ հարկ, գր․3, մուտքը՝ Ստարոբալակլավսկայա փողոցի կողմից, մետրոյի «Չերտանովսկայա» կայարան, տոմսերը կարող եք ամրագրել հետևյալ հեռախոսահամարներով՝ +7 (495) 739 93 33, +7 (495) 739-95-55)»,- տեղեկացնում են դեսպանությունից։

Ո՞ր ավիաընկերություններն են վերսկսել կանոնավոր չվերթերը դեպի Հայաստան

Նշենք, որ ավիատոմսի արժեքը 14.700 ռուբլի է։

Չվերթերին վերաբերող բոլոր հարցերով անհրաժեշտ է դիմել ավիաընկերության գրասենյակ։

12
թեգերը:
Դոմոդեդովո, չվերթ, Մոսկվա, Երևան, Հայաստան
Ըստ թեմայի
Եկատերինբուրգ–Երևան չարտերային չվերթ կկայանա. դեսպանություն
Մոսկվայից Երևան նոր չարտերային չվերթեր կլինեն. տոմսի գինը 94 հազար դրամի սահմաններում է
Մոսկվայից դեպի Երևան ու Գյումրի 6 նոր չվերթ կկայանա. թռիչքների օրերն ու ժամերը հայտնի են
Մոսկվայից դեպի Երևան նոր չարտերային չվերթեր կիրականացվեն
Խաղող

Հայաստանում հնարավո՞ր է ապրել խաղողագործությամբ. փորձագետների կարծիքները տարբեր են

18
Գյուղացիները ստիպված են խաղողի վաճառքից ստացված գումարով ապրել մի ամբողջ տարի։ Իսկ այս տարի վաստակելու խնդիրն ավելի բարդ էր։

ԵՐԵՎԱՆ, 18 սեպտեմբերի – Sputnik. Խաղողի ներկայիս գների պատճառով գյուղացիները նորմալ եկամուտ չեն ստանում ծանր աշխատանքի դիմաց։ Այսօր լրագրողներին հետ հանդիպման ժամանակ հայտարարեց Հայաստանի խաղողագործների միության նախագահ Արտակ Սարգսյանը։

Սահմանված գինն այս տարի շատ ցածր է` 1 կգ–ի դիմաց 135-140 դրամ, այն հազիվ ծածկում է խաղողի աճեցման ինքնարժեքը։ Նրա խոսքով`  միայն Երևանի կոնյակի գործարանն է 155 դրամ առաջարկում (18-20% շաքարի պարունակության դեպքում), սակայն այն, բնականաբար,  գնում է կոնյակի համար նախատեսված տեխնիկական խաղողի ոչ ամբողջ խմբաքանակը։

«Մյուսները ստիպված են վաճառել խաղողը 130-140 դրամով, երբեմն էլ նաև ավելի էժան։ Եկամուտը նվազագույնն է, իսկ դրանով ստիպված ես ապրել ամբողջ տարին ու պահել ընտանիքդ», – ընդգծեց Սարգսյանը։

Ըստ նրա` խաղողի ինքնարժեքը միայն մոտ 110 դրամ է կազմում(1 կգ–ն)։

Հայաստանի խաղողագործության և գինեգործության կենտրոնի տնօրեն Զարուհի Մուրադյանի կարծիքով, սակայն, ինքնարժեքն ավելի ցածր է` 75-90 դրամ (1 կգ)` նույնիսկ հաշվի առնելով աշխատանքը։

«Որակյալ խաղող արտադրելու դեպքում, եկամուտը լիովին բավարար է։ Այս տարի, իհարկե, ավելի դժվարացել է։ Սակայն ծանր է ոչ միայն գյուղացիների համար, այլև գործարանների։ Չէ՞ որ նրանց վաճառքները ևս կրճատվել են, ավելի շատ ապրանք է մնացել պահեստներում», – նշեց նա։

Սեղանի տեսակները, բնականաբար, ավելի թանկ են վաճառվում։ Սակայն այս տարի, ըստ Սարգսյանի, այն վաճառվում է ընդամենը 150 դրամով, այն դեպքում, երբ անցած տարի խաղողը 300-400 դրամ էր։

Այգեգործը նախարարից լավ է. արմավիրցի Երեմի 100 տեսակի աղջիկ-խաղողներն ու ինքնաշեն տրակտորը

«Պարզ է, որ արտահանողների մոտ ևս բարդություններ են առաջացել ռուսական շուկայում, վաճառքը դժվարացել է ճգնաժամի պատճառով։ Նրանց դժվարությունները նաև մեզ են փոխանցվել», – հավելեց նա։

Հիշեցնենք, որ պաշտոնական տվյալներով, Հայաստանում 120-130 հազար տոննա խաղող է աճեցվում, որի շուրջ 10%–ը սեղանի, մնացածը` տեխնիկական։

18
թեգերը:
Գինի, գին, բերք, գյուղացի, Խաղող
Ըստ թեմայի
«Կարևորը՝ բերքը չփչանա». խաղողագործները դժգոհ են փոխմարզպետի պատասխանից և մթերման գներից
Ի՞նչ է տեղի ունենում օրգանիզմում, երբ խաղող ենք ուտում
Կարմիր խաղողի պահանջարկը մեծ է, կամ ինչպես հայերը սիրեցին սպիտակ և վարդագույն գինիները
Շտապօգնության մեքենա, արխիվային լուսանկար

Ավտովթար Աբովյան քաղաքում. 16 և 18 տարեկան տուժածների վիճակը ծանր է

0
(Թարմացված է 20:11 18.09.2020)
Փրկարարներն արգելափակումից դուրս են բերել վարորդին և ուղևորին. նրանք տեղափոխվել են մայրաքաղաքի տարբեր բուժհաստատություններ։

ԵՐԵՎԱՆ, 18 սեպտեմբերի - Sputnik. Ավտովթար է տեղի ունեցել Աբովյան քաղաքի «Սուրբ Հովհաննես» եկեղեցու մոտակայքում։ ԱԻՆ մամուլի ծառայության հաղորդմամբ՝ Կոտայքի մարզային ճգնաժամային կառավարման կենտրոնը վթարի մասին ահազանգը ստացել է ժամը 15։20-ին։

«Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ»,- նշված է հաղորդագրության մեջ։

Դեպքի վայրում պարզվել է, որ Աբովյան քաղաքի Զորավար Անդրանիկի փողոցում 18-ամյա Նորայր Ն.-ի վարած «Mercedes» մակնիշի ավտոմեքենան դուրս է եկել ճանապարհի երթևեկելի հատվածից և բախվել ծառին:

Չայնիի ոլորաններում բախվել են Geely–ն և Opel–ը. կա մեկ զոհ, երեք վիրավոր

Փրկարարներն արգելափակումից դուրս են բերել վարորդին և 16-ամյա ուղևոր Մուշեղ Հ․-ին։ Նրան հոսպիտալացրել են Աբովյանի ԲԿ, այնուհետև շտապօգնության մեքենայով տեղափոխել Երևանի «Սուրբ Աստվածամայր» ԲԿ։ Իսկ վարորդը հոսպիտալացվել է «Միքայելյան վիրաբուժության ինստիտուտ»: Բժիշկները վարորդի և ուղևորի առողջական վիճակը գնահատել են ծանր:

 

0
թեգերը:
ՀՀ արտակարգ իրավիճակների նախարարություն (ԱԻՆ), շտապօգնություն, հիվանդանոց, ուղևոր, Վիրավոր, վարորդ, վթար, Աբովյան, Հայաստան
թեմա:
Վթար, պատահար, սպանություն, գողություն
Ըստ թեմայի
Խոշոր վթար Կոտայքում. տուժածներից մեկը հղի կին է
Ողբերգական վթար Գեղարքունիքում. մեքենան հայտնվել է Սևանա լճում, վարորդը՝ տեղում մահացել
Վթար և վրաերթ Երևանի Հալաբյան և Կիևյան փողոցների խաչմերուկում
Վթարի է ենթարկվել Ապարանի հոգևոր հովիվը. նա հոսպիտալացվել է