Հիվանդանոց

Ինչ վիճակում են Գյումրու «Երեխաների տուն» մանկատան երեխաները

162
(Թարմացված է 19:36 26.08.2020)
Կորոնավիրուսով վարակված երեխաներից մեկը տեղափոխվել էր վերակենդանացման բաժանմունք. խնդիրներ էր ունեցել։

ԵՐԵՎԱՆ, 27 օգոստոսի – Sputnik. Գյումրու «Երեխաների տուն» մանկատանը կորոնավիրուսով վարակված երեխաները շարունակում են մնալ երևանյան բուժհաստատություններում, նրանց վիճակը կայուն է: Տեղեկությունը Sputnik Արմենիային հայտնեց Շիրակի մարզպետարանի առողջապահության և սոցիալական ապահովության վարչության պետի ժամանակավոր պաշտոնակատար Լեյլի Ասլանյանը։

Ավելի վաղ տեղեկացրել էինք, որ Գյումրու «Երեխաների տուն» մանկատանը իրականացված թեստավորման արդյունքում կորոնավիրուս էր հաստատվել 6 երեխայի և 7 աշխատակցի մոտ։ Երեխաներն աշխատողներից են վարակվել, քանի որ հաստատությունն աշխատում է փակ ռեժիմով։

Աշխատակիցներից 3-ը ներկա պահին տնային հսկողության տակ են, 6 երեխա ու 4 աշխատակից տեղափոխվել են Երևան:

«Երեխաների վիճակը կայուն է: Հաշվի առնելով այն հանգամանքը, որ նրանք զարգացման ծանր արատներով են, 2–ը տեղափոխվել են «Արաբկիր», 4-ը՝ «Սուրբ Գրիգոր Լուսավորիչ» ԲԿ–ներ: Երեխաներից մեկը տեղափոխվել էր վերակենդանացման բաժանմունք. խնդիրներ էր ունեցել, բայց վիճակը հիմա կայուն է»,-ասաց Ասլանյանը՝ վստահեցնելով, որ հաստատությունում նոր դեպքեր չկան:

Նա մարզում տիրող իրավիճակն ընդհանուր առմամբ նորմալ է համարում, թեև, ի տարբերություն անցած օրերի, Գյումրու ինֆեկցիոն հիվանդանոցում հիվանդների թվի ավելացում կա:

«Ավելացում կա, բայց մեծ թվեր չունենք»,-վստահեցրեց Ասլանյանը։

Նշենք, որ Գյումրու ինֆեկցիոն հիվանդանոցում օգոստոսի 23-ին բուժում էր ստանում 38 քաղաքացի, ներկա պահին` 41։ 42-ով ավելացել է նաև տնային մեկուսացման ցուցում ունեցող քաղաքացիների թիվը: Արձանագրվել է մահվան 39 դեպք: Մահվան վերջին դեպքը գրանցվել է 3 օր առաջ, մահացածը կրտսեր բուժաշխատող է՝ ծնված 1960 թվականին։ Նա մահացել է մայրաքաղաքում: Աշխատում էր Գյումրու հոգեկան առողջության կենտրոնում, ունեցել է ուղեկցող հիվանդություններ: Հաստատությունում մահվան այլ դեպքեր չեն գրանցվել:

Նախարարությունն արդեն 9 մլրդ դրամից ավելի գումար է ծախսել «կորոնավիրուսի վրա». մանրամասներ

162
թեգերը:
մանկատուն, Գյումրի, կորոնավիրուս, Հայաստան
թեմա:
Կորոնավիրուսը Հայաստանում և Արցախում (1509)
Ըստ թեմայի
Կորոնավիրուսը ծագել է ո՞չ Ուհանում և ո՞չ 2019–ին. գիտնականների նոր բացահայտումը
Կորոնավիրուսի ախտանիշների հաջորդականությունը
Կորոնավիրուսի դեմ պայքարի համար Հայաստանին 2 մլն դոլար կտրամադրվի
Աննա Հակոբյանը Արցախում

«Ամուսինս ինձ ասաց, որ մեր տղան պետք է գնա, մասնակցի». ի՞նչ է ասել Աննա Հակոբյանը որդուն

66
(Թարմացված է 11:59 30.09.2020)
ՀՀ վարչապետի կինը Ստեփանակերտ է գնացել այն մտքով, որ հնարավոր է` որոշ ժամանակ չկարողանա վերադառնալ Երևան և հեռախոսային կապ չունենա որդու հետ։

ԵՐԵՎԱՆ, 30 սեպտեմբերի – Sputnik. Արցախի ԱԺ-ում կին պատգամավորների հետ հանդիպման ժամանակ ՀՀ վարչապետի տիկնոջը` Աննա Հակոբյանին, խնդրել են դիմել աշխարհին, որպեսզի մեզ օգնեն այս պատերազմում։ Հակոբյանը Facebook սոցիալական ցանցի իր էջում տեսագրություն է հրապարակել, որում հնչում է նրա պատասխանը։

«Մենք պետք է իմանանք, որ մեր ուժը մենք ենք, մեր հույսը մենք ենք։ Ինչքան էլ դժվար լինի, բայց պետք է մենք անենք այն, ինչ պետք է մե՛նք անենք։ Չվախենաք, որքան էլ դժվար լինի։ Չգիտեմ` սա արժի ասել, թե ոչ. շատ անձնական է, նաև անձնական չէ։ Արցախ գալու ճանապարհին իմ ամուսինն ինձ ասել է, որ մեր տղան պետք է գնա, մասնակցի այս ամենին. նա պահեստային զորքերի մեջ է։ Ինքը հագնվել է, ես ասել եմ` հա, տղաս, զինվորական հագուստ հագի ու գնա, ես քեզ պաշտում եմ, բայց հայրենիքի համար զոհվելուց վեհ բան չկա։ Ես մեքենայի մեջ, Ստեփանակերտ գալու ճանապարհին իմ որդուն դա եմ ասել, որովհետև չգիտեի՝ ինչ վիճակ է, մտածել եմ՝ կարող է կապ չունենանք, էդ կապը կտրվի»,– ասել է Հակոբյանը։

Նա նշել է նաև, որ եկել է Ստեփանակերտ այն մտքով, որ հնարավոր է` որոշ ժամանակ չկարողանա վերադառնալ Երևան և հեռախոսային կապ չունենա որդու հետ։

Հիշեցնենք` սեպտեմբերի 27-ին հայտնի դարձավ, որ Աննա Հակոբյանը մեկնել է Արցախ։ Այդ օրը վաղ առավոտյան Ադրբեջանը լայնածավալ ռազմական հարձակում էր սկսել արցախա–ադրբեջանական սահմանի ողջ երկայնքով:

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 74 ԱԹՍ–ից, 7 ուղղաթիռից, 137 զրահատեխնիկայից, 1 ինքնաթիռից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

66
թեգերը:
Աշոտ Փաշինյան, Արցախ, Աննա Հակոբյան
Ըստ թեմայի
Արսեն Թորոսյանն այցելել է վիրավոր զինծառայողներին. լուսանկարներ
Հայ զինծառայողները մի քանի վայրկյանում երկու ԱԹՍ են խոցում. տեսանյութ
Աննա Հակոբյանն այցելել է վիրավոր զինվորներին
Ստեփանակերտի ապաստարաններում մարդիկ հուզված են, բայց ամուր. Աննա Հակոբյան
Շտապօգնություն

ՀՀ–ում կորոնավիրուսի հետևանքով մեկ տղամարդ է մահացել

30
(Թարմացված է 11:12 30.09.2020)
Նախորդ օրն արձանագրվել է մահվան 1 դեպք, երբ պացիենտը ունեցել է կորոնավիրուսային վարակ, սակայն մահը վրա է հասել այլ հիվանդության պատճառով:

ԵՐԵՎԱՆ, 30 սեպտեմբերի – Sputnik. Հայաստանում վերջին մեկ օրում կորոնավիրուսի հետևաքով մեկ կին է մահացել։ Տեղեկությունը հայտնում են ՀՀ առողջապահության նախարարությունից։

«Պացիենտը եղել է 77 տարեկան տղամարդ և ունեցել է ուղեկցող խրոնիկական հիվանդություններ»,–գրված է հաղորդագրության մեջ։

Նախորդ օրն արձանագրվել է մահվան 1 դեպք, երբ պացիենտը ունեցել է կորոնավիրուսային վարակ, սակայն մահը վրա է հասել այլ հիվանդության պատճառով: Ադպիսի դեպքերի ընդհանուր թիվը 297 է:

Նախորդ օրը գրանցվել է կորոնավիրուսի հաստատման 458 նոր դեպք։ Այս պահին Հայաստանում վարակվածների թիվը 50359 է։

Ռուսաստանում սկսել են COVID-19–ի դեմ պատվաստանյութը փորձարկել ռիսկային խմբերի վրա

30
թեգերը:
տղամարդ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում (1509)
Ըստ թեմայի
Բուհերի ռեկտորներ, մանկավարժներ. Շիրակի մարզում կորոնավիրուսի ակտիվացում է նկատվում
Կորոնավիրուսը, Հայաստանի տնտեսությունն ու պոպուլիզմը. ի՞նչ սպասել ապագայում
Հայաստանի անշարժ գույքի շուկան կորոնաճգնաժամի ֆոնին
Пресс-конференция представителя Минобороны РА Арцруна Ованнисяна (29 сентября 2020).

Գիշերն ընթացող մարտերը չեն եղել նույն ինտենսիվությամբ, ինչ նախորդ գիշերը. Հովհաննիսյան

0
(Թարմացված է 12:07 30.09.2020)
Արծրուն Հովհաննիսյանը հայտնեց, որ, ցավոք, հայկական կողմն ունի զոհեր, իսկ թե քանիսի մասին է խոսքը, հայտնի կլինի քիչ ավելի ուշ

Այս գիշերն Արցախի սահմանի ողջ երկանյքով շարունակվել են ընթանալ մարտեր, սակայն դրանք չեն եղել նույն ինտենսիվությամբ, ինչ նախորդ գիշերը։ Լրագրողների հետ ճեպազրույցում ասաց ՀՀ ՊՆ ներկայացուցիչ Արծրուն Հովհաննիսյանը։

«Հակառակորդը հյուսիսային ուղղությամբ լայնածավալ գործողությունների են անցել։ Այս պահին էլ մարտեր են ընթանում։ Ադրբեջանական կողմը կիրառում է բազում միջոցներ, այդ թվում` հեռավար միջոցներ, ԱԹՍ–ներ, հրետանի»,–ասաց Հովհաննիսյանը։

Նա հայտնեց նաև, որ, ցավոք, հայկական կողմն ունի զոհեր, իսկ թե քանիսի մասին է խոսքը, հայտնի կլինի քիչ ավելի ուշ։ Հովհաննիսյանը նշեց նաև, որ հակառակորդը նույնպես մեծ քանակությամբ զոհեր ունի։

0
թեգերը:
Հայաստան