Խաղող

Ի՞նչ է տեղի ունենում օրգանիզմում, երբ խաղող ենք ուտում

1897
(Թարմացված է 15:51 25.08.2020)
Քաղցր, հյութեղ, թարմացնող և շատ օգտակար։ Այս ամենը խաղողի մասին է։ Սակայն այս միրգը նաև մի շարք հակացուցումներ ունի։

Խաղողն ամենահամեղ մրգերից է, որի օգտակարության մասին գիտեին դեռևս Հին Հունաստանում․ իմաստուն հույները մի շարք հիվանդություններ էին բուժում խաղողով։

Այսօր էլ բժշկության մեջ մի ամբողջ ուղղություն կա, որը հիմնված է հիվանդությունները բացառապես խաղողով բուժելու փորձառության վրա։ Կոչվում է ամպելոթերապիա։

Ի՞նչն է այդքան արժեքավոր դարձնում խաղողը

Այս միրգը հարուստ է մի շարք վիտամիններով, միկրոտարրերով, ամինաթթուներով, բջջանյութով, ինչպես նաև զանազան ֆերմենտներով և եթերայուղերով։ Դժվար է գերագնահատել այն օգուտը, որն այս բոլոր նյութերը միասին կարող են տալ օրգանիզմին։

Հետաքրքիր է, որ խաղողը աշխարհում աճող բոլոր բուսատեսակներից ամենաշատ ենթատեսակներն ունի՝ մոտ ութ հազար։ Ընդ որում՝ յուրաքանչյուր տեսակն իր անունն ու օգտագործման ցուցումներն ունի։ Օրինակ՝ կանաչ խաղողի հյութը նպաստում է դիմադրողականության բարձրացմանը, առույգությանն ու էներգիային, իսկ մուգ տեսակների խաղողի հյութը հակաուռուցքային ազդեցություն ունի։ Այն նաև խթանում է ուղեղի աշխատանքը և դրական է անդրադառնում տեսողության վրա։

Համեղ են, բայց վնասակար. ո՞ր մթերքներից պետք է հրաժարվել

Ինչ վերաբերում է կարմիր երանգների խաղողին, ապա այն հզոր հակաբակտերիալ ազդեցություն ունի, ինչի շնորհիվ օրգանիզմը պաշտպանում է մի շարք վիրուսներից ու մակաբույծներից։

Օգտակար է սրտին

Հետազոտությունները ցույց են տվել, որ խաղողը կանխում է թրոմբների առաջացումը և սրտի նոպաները կանխող հիանալի պրոֆիլակտիկ միջոց է։ Բացի այդ, ամրացնում է արյունատար անոթների պատերը։

Երիտասարդացնող ազդեցություն

Խաղողը հարուստ է հակաօքսիդանտներով, որոնք պայքարում են ազատ ռադիկալների դեմ և դանդաղեցնում ծերացման գործընթացները։ Լավացնում է դեմքի գույնն ու մաշկի որակը, իսկ ֆոսֆորի, կալցիումի և ռիբոֆլավինի (ջրում լուծվող կարևորագույն վիտամիններից մեկն է) շնորհիվ ամրացնում է մազերը, եղունգներն ու ատամները։

Օգնում է հաղթահարել հոգնածությունը

Խաղողն օգնում է կարգավորել նյարդային համակարգի աշխատանքը, նվազեցնել հոգնածությունը, վերականգնել ուժերը, բարձրացնել աշխատունակությունը: Հիանալի միջոց է խրոնիկ հոգնածության դեմ պայքարելու համար։

Բացի այդ, մաքրում է օրգանիզմը, հեռացնում ծանր մետաղներն ու նույնիսկ ռադիոակտիվ միացությունները։

Հակացուցումներ

Խաղողի չափից ավելի օգտագործումը բարձրացնում է արյան մեջ գլյուկոզայի մակարդակը: Այսպիսով, այն պետք է սահմանափակվի այնպիսի հիվանդությունների դեպքում, ինչպիսիք են շաքարային դիաբետը, ճարպակալումը, ինչպես նաև արյան բարձր ճնշումը, լյարդի ցիռոզը, կարիեսը:

Խորհուրդ չի տրվում խաղող ուտել ստամոքսի և տասներկումատնյա աղիքի խոցային հիվանդության սրման, ինչպես նաև փորլուծության ժամանակ:

Մասնագետները խորհուրդ են տալիս խաղողն ուտել այլ մթերքներից առանձին՝ աղիներում խմորման գործընթացներից խուսափելու համար։

Ցանկալի է այս մրգատեսակից հրաժարվել նաև երեկոյան ժամերին, քանի որ այդ ժամանակ ինսուլինի արտադրությունն օրգանիզմում նվազում է, և մրգերը (մասնավորապես՝ խաղողը) մարսելն օրգանիզմի համար բարդ առաջադրանք է դառնում։

Բժիշկը թվարկել է այն մթերքները, որոնք կարող են անաֆիլակտիկ շոկ առաջացնել

Խաղող ուտելուց հետո խորհուրդ է տրվում հանգամանորեն ողողել բերանը, քանի որ հատապտուղների մեջ պարունակվող շաքարը բացասաբար է ազդում ատամի էմալի վրա՝ ոչնչացնելով այն:

Ալերգիկ ռեակցիաների հակված մարդիկ պետք է զգույշ լինեն սև խաղողի տեսակների հարցում:

Մթերքներ, առանց որոնց անհնար է նիհարել. սննդաբանի խորհուրդները

1897
թեգերը:
օրգանիզմ, Խաղող
Ըստ թեմայի
Ի՞նչ է կատարվում օրգանիզմում, երբ սեխ ենք ուտում
Ի՞նչ է տեղի ունենում օրգանիզմում, երբ ձմերուկ ենք ուտում
Ի՞նչ է տեղի ունենում օրգանիզմում, երբ դեղձ ենք ուտում
Ի՞նչ է կատարվում օրգանիզմում, երբ կարմիր բողկ ենք ուտում
Սպիտակ. արխիվային լուսանկար

Տուժածներ չկան. ինչ է եղել Սպիտակի հիվանդանոցում

241
(Թարմացված է 16:49 30.10.2020)
Համայնքապետարանից տեղեկացրեցին, որ անսարքությունն արդեն վերացված է, հիվանդներն անգամ չեն էլ իմացել խնդրի մասին։

ԵՐԵՎԱՆ, 30 հոկտեմբերի - Sputnik. Սպիտակի հիվանդանոցում պայթյուն չի եղել։  Տեղեկությունը Sputnik Արմենիայի հետ զրույցում հայտնեց Սպիտակի համայնքապետարանի պատասխանատուն։

Հիշեցնենք՝ քիչ առաջ ԱՆ մամուլի խոսնակ Ալինա Նիկողոսյանը հայտնել էր, որ Սպիտակ բժշկական կենտրոնում թթվածնի մատակարարման համակարգն է պայթել:

«Հիվանդանոցում պայթյուն չի եղել, անսարքություն է եղել թթվածնի բալոնի ռեդուկտորի հետ կապված»,- նշեց համայնքապետարանի ներկայացուցիչը։

Իրենց ունեցած տեղեկություններով՝ ներսում գտնվող հիվանդներն անգամ չեն էլ զգացել կատարվածը։

«Տուժածներ, վախեցողներ չեն եղել»,- հավելեց կինը։ Նրա խոսքով՝ անսարքությունն արդեն վերացված է։

Ավելի ուշ ՀՀ ԱԻՆ–ը հաստատեց, որ Սպիտակի հիվանդանոցում վնասվել է թթվածնային բալոնի մատակարարման համակարգը։ Այլ գույքային վնասներ և տուժածներ չկան։

241
թեգերը:
ՀՀ Առողջապահության նախարարություն, պայթյուն, հիվանդանոց, Սպիտակ
ՀՀ ԱԻՆ

Խնդրում ենք չանհանգստանալ. Շենգավիթում փորձարկվում է ձայնային տագնապի համակարգը

94
(Թարմացված է 15:49 30.10.2020)
ՀՀ–ում հայտարարված ռազմական դրության ռեժիմի շրջանակներում ՀՀ արտակարգ իրավիճակների նախարարությունը հայտարարել էր, որ հնարավոր օդային տագնապի դեպքում Երևանում ու ՀՀ այլ բնակավայրերում կարող են գործել օդային տագնապի ձայնային ազդանշաններ։

ԵՐԵՎԱՆ, 30 հոկտեմբերի - Sputnik. ՀՀ արտակարգ իրավիճակների նախարարությունը հայտնում է, որ այսօր ցերեկը Երևանի Շենգավիթ վարչական շրջանում իրականացվելու են նոր տեղադրված ձայնային տագնապի ազդանշանային էլեկտրաշչակների փորձարկումներ։

«Խնդրում ենք չանհանգստանալ։ Նախապես հայցում ենք ձեր ներողամտությունը»,– գրում է ԱԻՆ–ը։

Հիշեցնենք` ՀՀ–ում հայտարարված ռազմական դրության ռեժիմի շրջանակներում ՀՀ արտակարգ իրավիճակների նախարարությունը հայտարարել էր, որ հնարավոր օդային տագնապի դեպքում Երևանում ու ՀՀ այլ բնակավայրերում կարող են գործել օդային տագնապի ձայնային ազդանշաններ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ Գրանցվել են նաև թշնամական անօդաչու թռչող սարքերի թռիչքներ ու հարվածներ Հայաստանի Հանրապետության տարածքում, մասնավորապես՝ Կապանի շրջանում։ Այդ դեպքերում օդային տագնապի ազդանշան է միացել։

ԱԹՍ-ի արկն ընկել է գնդերեց Դավիթ սարկավագի ավտոմեքենայի վրա․ լուսանկար

94
թեգերը:
օդային տագնապ, ՀՀ արտակարգ իրավիճակների նախարարություն (ԱԻՆ)
Ըստ թեմայի
Ստեփանակերտում օդային տագնապ է
18 օրում խոցվել է հակառակորդի 180 օդային հարձակման միջոց. Մովսեսյան
Կապան քաղաքում օդային տագնապ է հայտարարվել
Արմեն Սարգսյան ու Էմանուել Մակրոն

Ահաբեկչությունը սահման չունի. Արմեն Սարգսյանի ցավակցական ուղերձը՝ Էմանուել Մակրոնին

0
Նախագահը համոզվածություն է հայտնել, որ Ֆրանսիան նաև այս մարտահրավերը կհաղթահարի։

ԵՐԵՎԱՆ, 30 հոկտեմբերի - Sputnik. ՀՀ նախագահ Արմեն Սարգսյանը ցավակցական հեռագիր է հղել Ֆրանսիայի Հանրապետության նախագահ Էմանուել Մակրոնին։ Նախագահի մամուլի ծառայության հաղորդմամբ՝ Արմեն Սարգսյանը ցավակցել է պաշտոնակցին Նիցցայում տեղի ունեցած ողբերգական միջադեպի կապակցությամբ:

«Խորապես ցնցված եմ այս բարբարոս արարքից, որը հարվածեց Նիցցայի սրտին՝ Աստվածամոր տաճարին: Հայաստանը խստորեն դատապարտում է ատելության և անհանդուրժողականության այդ արարքը»,- նշված է նախագահի ցավակցական ուղերձում։

Արմեն Սարգսյանը նշել է, որ այս ողբերգական պահին մենք մտքով զոհերի և նրանց ընտանիքների հետ ենք։ Նախագահն ընդգծել է՝ ահաբեկչությունը, արմատականությունն ու մոլեռանդությունը սահմաններ չունեն։ Դրանք լուրջ սպառնալիք են մեր հասարակությունների համար, ուստի անհրաժեշտ է համախմբել մեր ջանքերը՝ այդ աղետի դեմ պայքարելու համար:

«Այս դժվար պահին Հայաստանն ու հայ ժողովուրդը համերաշխ են Ֆրանսիայի և նրա ժողովրդի հետ: Մենք միշտ ձեր կողքին ենք: Լինենք ուժեղ և միասնական՝ պաշտպանելու խաղաղության, հանդուրժողականության և ազատության արժեքները»։

Արմեն Սարգսյանը արիություն է մաղթել ֆրանսիացի բարեկամ ժողովրդին և համոզվածություն հայտնել, որ Ֆրանսիան, ինչպես միշտ, կհաղթահարի նաև այս մարտահրավերը։

Նիկոլ Փաշինյանը ցավակցական հեռագիր է հղել Էմանուել Մակրոնին

Հիշեցնենք, որ հոկտեմբերի 29-ին Նիցցայի Աստվածամոր տաճարի մոտ անհայտ տղամարդը դանակով հարձակվել է հավատացյալների վրա։ Նիցցայի քաղաքապետ Քրիստիան Էստրոզին հայտարարել է, որ Նիցցայի Աստվածամոր տաճարի մոտ դանակով հարձակումը նման է ահաբեկչության։ Հարձակման ընթացքում զոհվել է երկու մարդ, մի քանիսը վիրավորվել են։ 

0
թեգերը:
Ահաբեկչություն, Էմանուել Մակրոն, Արմեն Սարգսյան
Ըստ թեմայի
«Նա ցանցառի մեկն է». ֆրանսիական Charlie Hebdo–ն պատկերել է Էրդողանի ծաղրանկարը. լուսանկար
Ֆրանսիայի Ավինյոն քաղաքում սպանել են ոստիկանների վրա դանակով հարձակված տղամարդուն
Թուրքի կողմից գլխին մուրճի հարված ստացած երիտասարդը վիրահատության կարիք ունի