Հակոբջանյանների տունը

«Նա հրեշ չէ, այլ սիրող հայր»․ Խաշթառակ գյուղի ընտանեկան դրամայի մանրամասները

9263
(Թարմացված է 12:19 24.08.2020)
Ընտանիքի 7 երեխաներից մի մասին ծեծելու, մյուսներին թունավորելու միջադեպը մեծ իրարանցում առաջացրեց։ Sputnik Արմենիայի նկարահանող խումբն այցելել է Խաշթառակ գյուղ ու փորձել հասկանալ՝ ինչ է կատարվել։

Տավուշի մարզի Խաշթառակ գյուղը մինչև վերջին իրադարձությունները  համարվում էր հայկական կինեմատոգրաֆի Հոլիվուդը։ Այստեղ են նկարահանվել դասական մի քանի ֆիլմեր` «Մենք ենք, մեր սարերը», «Տղամարդիկը»,  իսկ տեղացիները հայրենի գյուղով գլուխ գովելու առիթը բաց չէին թողնում։

Вид на деревню Хаштарак в Тавуше
© Sputnik / Aram Nersesyan
Խաշթառակ գյուղը

Բայց գյուղում օրերս այնպիսի «դրամա» տեղի ունեցավ, որի նմանը ամերիկյան սցենարիստները նույնիսկ չէին կարող երևակայել։ Դեպքը պատահել է Հակոբջանյանների ընտանիքում։ Հենց այդ ընտանիքում են ծեծել երեք երեխաներին ու թունավորել հինգին։ Գործով մեղադրվում են Սամվել պապն ու նրա դուստրը՝ Մարիաննան։ Գյուղը երբեք այսքան այցելուներ չի ունեցել, երբ տեղացիներն անծանոթ մեքենա են տեսնում, միանգամից հասկանում են՝ թե ինչի են եկել։

«Համայնքապետը տեղում չէ, Իջևան է գնացել՝ ցուցմունք տալու, - ասում է գյուղապետարանի աշխատողը, - սոցիալական աշխատողն էլ է նրա հետ։ Ահավոր է։ Երեխաներն էլ են մեղք, Սերյոժիկն էլ (գյուղում Սամվելին այդպես են դիմում` խմբ․)»։

Алвард, соседка Акопджанянов, на балконе своего дома в деревне Хаштарак (21 августа 2020). Тавуш
© Sputnik / Aram Nersesyan
Հարևան Ալվարդը

Առանց ավելորդ հարցերի ցույց է տալիս նրանց տունն ու բացատրում` ինչպես գտնել։ Փոքր տնակն ասես ամոթից «թաքնվել» է երկու մեծ տների արանքում։ Արտաքին տեսքից բավականին հաճելի է, թեև` անխնամ։ Բայց հենց մոտենում ես, սարսափելի գարշահոտություն է փչում։

«Տանը մարդ չկա։ Երեխաները հիվանդանոցում են, մեծերը՝ բանտում։ Նարեկի (երեխաներից ավագը`խմբ) հետ այսօր եմ խոսել, ասում է՝ մկնդեղից են թունավորվել, բայց փոքրերն արդեն ավելի լավ են իրենց զգում։ Երեխեքը մեղք են, խնամող չունեն», - մեզ պատմում է հարևանուհի Ալվարդը։

Նա նշում է, որ բակում քննչական փորձաքննություն են արել։ Ընտանիքի հայրը մեղքն իր վրա է վերցրել, բայց այդ վարկածին ոչ ոք չի հավատում։ Հարևանուհին երբեք չի տեսել, որ Սամվելը բղավի երեխաների վրա կամ պատժի նրանց, իսկ Մարիաննան`Սամվելի դուստրն ու երեխաներից 5–ի մայրը,  պարբերաբար ծեծում էր նրանց։ Ալվարդը խոսքի մեջ ասում է, որ ընտանիքում մի քանիսը հոգեկան խնդիրներ ունեն, բայց ամենաագրեսիվը Մարիաննան է։

«Երեխաներն իրենք իրենցով են մեծանում։ Փոքրերը հաճախ ընկնում էին այս աստիճաններից, նրանց հետևող չկար։ Տատն ու պապը նորմալ են, բայց նրանք ամբողջ օրն աշխատում են, որ ընտանիքը պահեն»,–պատմում է հարևանուհին։

Ալվարդը մեզ նրանց բակ է ուղեկցում,  գարշահոտություն ուժեղանում է։ Այստեղ ինչ ասես կա՝ կեղտոտ մանկական գուլպաներից մինչև ճիլոպ ու սայլակ։ Դռան վրա կողպեք չկա, փոխարենը դռան ու փեղկի արանքում շորի կտոր է։

Дверная ручка в доме Акопджанянов в деревне Хаштарак (21 августа 2020). Тавуш
© Sputnik / Aram Nersesyan
Հակոբջանյանների տան դուռը

Հարևանուհին հանում է այն, ու դուռը բացվում է։ Առաջին սենյակն աղքատիկ է, բայց համեմատաբար հավաքած։ Այն և՛ խոհանոց է, և՛ ճաշասենյակ, և՛, դատելով սենյակի մեջտեղում գտնվող մանկական մահճակալից, մանկական սենյակ։

Разбросанная обувь во дворе дома Акопджанянов в деревне Хаштарак (21 августа 2020). Тавуш
© Sputnik / Aram Nersesyan
Հակոբջանյանների բակը

Երկրորդ սենյակ ենք գնում ու սարսափում։ Այնտեղ յոթ կամ ութ մահճակալ կա, պահարան ու անվերջանալի աղբ։ Սենյակն ավելի շատ աղբանոցի է նման, քան ննջասենյակի։ Ալվարդը նկատում է մեր լուսանկարչի դեմքի զարմանքն ու ավելացնում է, որ հարևանուհին երեկոյան մի փոքր մաքրություն է արել․ առաջ ավելի վատ վիճակ էր։

Интерьер дома Акопджанянов в деревне Хаштарак (21 августа 2020). Тавуш
© Sputnik / Aram Nersesyan
Հակոբջանյանների տունը

Կինը մեզ առաջարկում է նաև խորդանոց մտնել, որտեղից երեխաները մկնդեղ են գտել։ Ամեն դեպքում, նրանց տատն այդպես է պատմել։ Տնից դուրս ենք գալիս ու ներքևի մասում մեկ այլ «բնապատկեր» է հայտնվում`նորից սարսափելի հոտով։ Այդ ընթացքում հարևանները մեզ են հետևում կողքի տնից։

Տավուշում դաժանորեն ծեծված 4-ամյա երեխայի մոտ դրական դինամիկա կա

«Այս երեխաները նոր ոչինչ չեն ունեցել` ո՛չ հագուստ, ո՛չ խաղալիք։ Բոլորն օգնում են նրանց, իրենց օգտագործած իրերն են տալիս, բայց ապրելու տարրական պայմանների մասին խոսք լինել չի կարող։ Երեխաներն իրենք են իրենց համար ճաշ եփում, կերակրում են ավելի փոքրերին, հիգիենայի մասին խոսք չկա։ Բայց մեծերը նրանց չեն ծեծում, մենք լսած կլինեինք»։

Интерьер дома Акопджанянов в деревне Хаштарак (21 августа 2020). Тавуш
© Sputnik / Aram Nersesyan
Հակոբջանյանների տունը

Պարզում ենք, որ երեխաների տատը՝ Էմման, գյուղում է, ավելին՝ աշխատանքի վայրում։ Նա դպրոցում հավաքարար է աշխատում։ Դարպասի մոտ դիմավորում է մեզ։ Խնամված տեսք ունի, հագին մաքուր խալաթ է, մազերը՝ ներկած։

-Բողոքելու եմ թեժ գծով,–ասում է նա։

- Բայց ի՞նչ ենք արել։

-Դուք չէ, ոստիկանները։ Ամուսինս մեղավոր չէ։ Նա հրեշ չէ, նա էդ լրբին սիրող հայր է։ Սերյոժան մեղքն իր վրա է վերցրել, որ աղջիկը չկործանվի։

- Դուք Ձեր աղջկան չե՞ք խղճում։

- Ամուսինս է մեղք ու Սերյոժան (թոռը, որը ծայրահեղ ծանր վիճակում է`խմբ․)․եթե նա չդզվի, ինձ չեմ ների։

Эмма Акопджанян у ограды в деревне Хаштарак (21 августа 2020). Тавуш
© Sputnik / Aram Nersesyan
Эмма Акопджанян у ограды в деревне Хаштарак (21 августа 2020). Тавуш

Պատմում է, որ տարիներ շարունակ ընտանիքում վեճ կա։ Դուստրը գրեթե տանը չի լինում, իսկ երբեմն ագրեսիայի բռնկում է ունենում և ծեծում բոլորին, այդ թվում՝ իրեն։ Սոցիալական ծառայություններին երբեք չեն դիմել, նրանք էլ չեն եկել։ Վերջերս փորձել է թոռներին ինտերնատ տեղավորել, բայց չի ստացվել։ Երեխաները դստեր պատճառով են թունավորվել։ Կինը պնդում է, որ Մարիաննան ապխտած ձուկը պահել է այնտեղ, որտեղ մկնդեղ են պահում, երեխաներն էլ գտել ու կերել են։

Фасад дома Акопджанянов в деревне Хаштарак (21 августа 2020). Тавуш
© Sputnik / Aram Nersesyan
Հակոբջանյանների տունը

Տղամարդու ձայն է լսվում։ Հարևան Սերյոժա Քամալյան է։ Պնդում է, որ ամբողջ ընտանիքն է մեղավոր է այդ ողբերգության մեջ, քանի որ ծնողները երեխաների մասին հոգ չեն տանում։ Ստացած նպաստը ծախսում են իրենց հաճույքի վրա, իսկ երեխաները անտեր են։ Հարևանն այս ամենը կնոջ դեմքին է ասում, նա էլ գլուխն է թափահարում ու արդարանում` ասելով, որ դուստրն իրեն երբեք չի լսում։

- Ինչու՞ է ձեր տունն այդ վիճակում, - չեմ դիմանում ու հարցնում եմ։

- Ես էլ չեմ կարող։ Մենակ եմ, հասկանո՞ւմ եք։ Շատ եմ հոգնել, - պատասխանում է նա ու արագ մաքրում է արցունքները։  

- Գիտե՞ք, որ երեխաներին կարող են խլել ձեզնից։

- Այո, այդպես բոլորի համար ավելի լավ կլինի։ Հատկապես՝ երեխաների։

  • Հակոբջանյանների տունը
    Հակոբջանյանների տունը
    © Sputnik / Aram Nersesyan
  • Հակոբջանյանների բակը
    Հակոբջանյանների բակը
    © Sputnik / Aram Nersesyan
  • Հակոբջանյանների տան առաջին սենյակը
    Հակոբջանյանների տան առաջին սենյակը
    © Sputnik / Aram Nersesyan
  • Հակոբջանյանների տան երկրորդ սենյակը
    Հակոբջանյանների տան երկրորդ սենյակը
    © Sputnik / Aram Nersesyan
  • Հակոբջանյանների տան առաջին սենյակը
    Հակոբջանյանների տան առաջին սենյակը
    © Sputnik / Aram Nersesyan
  • Հակոբջանյանների խորդանոցից գտնված մկնդեղը
    Հակոբջանյանների խորդանոցից գտնված մկնդեղը
    © Sputnik / Aram Nersesyan
  • Էմմա Հակոբջանյանը
    Էմմա Հակոբջանյանը
    © Sputnik / Aram Nersesyan
  • Հակոբջանյանների բակը
    Հակոբջանյանների բակը
    © Sputnik / Aram Nersesyan
  • Հակոբջանյանների տունը Տավուշի Խաշթառակ գյուղում
    Հակոբջանյանների տունը Տավուշի Խաշթառակ գյուղում
    © Sputnik / Aram Nersesyan
  • Սերյոժա Քամալյանն ու Էմմա Հակոբջանյանը
    Սերյոժա Քամալյանն ու Էմմա Հակոբջանյանը
    © Sputnik / Aram Nersesyan
  • Հակոբջանյաննյանների տան առաջին սենյակը
    Հակոբջանյաննյանների տան առաջին սենյակը
    © Sputnik / Aram Nersesyan
1 / 11
© Sputnik / Aram Nersesyan
Հակոբջանյանների տունը

Մենք հեռանում ենք ու փորձում ստանալ տեղի սոցապ ծառայության մեկնաբանությունը, սակայն պաշտոնյան զբաղված է։ Ոչ պաշտոնական աղբյուրներից իմանում ենք, որ Տավուշի մարզպետ Հայկ Չոբանյանը ժողով է անցկացրել պատասխանատու բոլոր անձանց մասնակցությամբ ու հստակ հրահանգել է լուծել ոչ միայն Հակոբջանյանների, այլև բոլոր այն ընտանիքների հարցը, որոնք մեն-մենակ են մնացել իրենց խնդիրների հետ։

9263
թեգերը:
աղբ, ծեծ, պապիկ, մայր, երեխա, Տավուշ, Խաշթառակ
Ըստ թեմայի
Տավուշում ծեծված 6-ամյա երեխայի վիճակը ծայրահեղ ծանր է
Տավուշում ծեծված երեխաներից մեկին էլ են Երևան բերել. փոքրիկը որոշ չափով գիտակցություն ունի
Տավուշում ծեծված երեխաների 5 քույր–եղբայրները թունավորմամբ տեղափոխվել են հիվանդանոց
Գևորգ Կոստանյան

Հետախուզման մեջ գտնվող ՀՀ նախկին բարձրաստիճան պաշտոնյաները ցանկանում են մեկնել Արցախ

320
(Թարմացված է 17:47 29.09.2020)
Հետախուզվող նախկին պաշտոնյաներն անձամբ կամ փաստաբանների միջոցով միջնորդություն են ներկայացրել նախաքննական մարմիններին` հետախուզումը դադարեցնելու մասին։

ԵՐԵՎԱՆ, 29 սեպտեմբերի - Sputnik. Հետախուզման մեջ գտնվող ՀՀ նախկին բարձրաստիճան 3 պաշտոնյաներ դիմել են ՀՀ իշխանություններին` հայրենիք վերադառնալու ու Արցախին օգտակար լինելու հարցով։

Արցախ մեկնելու ցանկություն է հայտնել ՀՀ պաշտպանության նախկին նախարար, հետախուզման մեջ գտնվող Միքայել Հարությունյանը: Վերջինը 168.am-ին հայտնել է, որ ՀՀ իշխանություններից առայժմ պատասխան չի ստացել։

Սեպտեմբերի 27-ին ՀՀ դատախազությանն ու ՀՔԾ պետին է դիմել նաև ՀՀ նախկին գլխավոր դատախազ Գևորգ Կոստանյանը` իր նկատմամբ հայտարարված հետախուզումը վերացնելու միջնորդությամբ, քանի որ այդ հանգամանքը թույլ չի տալիս հատել ՌԴ սահմանն ու վերադառնալ Հայաստան։

Ընդ որում, նա պատրաստակամություն է հայտնում պատերազմական իրավիճակի ավարտից անմիջապես հետո ինքնակամ ներկայանալ նախաքննական մարմին։

13 կուսակցություն կոչով դիմել են Հայաստանի ու Արցախի իշխանություններին

ՀՀ իշխանությանը դիմած երրորդ նախկին պաշտոնյան հետախուզման մեջ գտնվող ԴԱՀԿ նախկին պետ Միհրան Պողոսյանն է: Նա նշել է, որ ցանկանում է «օր առաջ վերադառնալ Հայաստան և իր հնարավորությունների սահմաններում աջակից լինել իր ժողովրդին»։

Հիշեցնենք` ՀՀ պաշտպանության նախկին նախարար, գեներալ-գնդապետ Միքայել Հարությունյանին մեղադրանք է առաջադրվել 2008 թվականի մարտի 1-ի իրադարձությունների օրերին սահմանադրական կարգը տապալելու համար, հեռակա կարգով դատապարտվել է կալանքի, նրա նկատմամբ միջազգային հետախուզում է հայտարարվել:

Գևորգ Կոստանյանը կորոնավիրուսով է վարակվել

Միհրան Պողոսյանը մեղադրվում է առանձնապես խոշոր չափերի փողերի լվացման համար։

Հիշեցնենք` Գևորգ Կոստանյանը դեռևս 2019թ-ի սեպտեմբերին «Մարտի 1»-ի գործով հրավիրվել էր հարցաքննության, սակայն ՀՔԾ–ն հայտնել էր, որ Կոստանյանն արտերկրում է և կվերադառնա 15-20 օրից։ Նա «Մարտի 1»–ի գործով ներգրավվել է որպես մեղադրյալ։

Ըստ այդ մեղադրանքի` 2008–ի մարտի 1-ին և 2-ին Երևանում տեղի ունեցած իրադարձություններից հետո Գևորգ Կոստանյանը պահանջել է հետին ամսաթվով կազմել և շրջանառության մեջ դնել մարտի 1-ին և 2-ին ոստիկանության կատարած գործողությունների իրավաչափությունը հիմնավորող փաստաթղթեր:

320
թեգերը:
Հատուկ քննչական ծառայություն (ՀՔԾ), պաշտոնյա, Արցախ
Ըստ թեմայի
Միհրան Պողոսյանին նոր ծանր մեղադրանքներ կառաջադրվեն. գլխավոր դատախազ
«Իմ անձնական կարծիքով`սխալ է». Տոնոյանը` Միքայել Հարությունյանի երկքաղաքացիության մասին
Հրայր Թովմասյանի նախկին վարորդին մեղադրանք է առաջադրվել. ի՞նչ կապ ունի Միհրան Պողոսյանը
ՄԻՊ Արման Թաթոյան

Վարդենիսի նյարդահոգեբանական տուն-ինտերնատի բնակիչները հրետակոծությունից տագնապ են ապրել

99
(Թարմացված է 16:55 29.09.2020)
Արման Թաթոյանը վստահեցնում է, որ այս պահի տվյալները վկայում են, որ խաղաղ բնակչությունը գտնվում է ակնհայտ նպատակային հրետակոծության տակ:

ԵՐԵՎԱՆ, 29 սեպտեմբերի - Sputnik. ՀՀ Մարդու իրավունքների պաշտպան Արման Թաթոյանը տեղեկացնում է, որ Վարդենիսում հրետակոծության մասին ահազանգեր է ներկայացրել Վարդենիսի նյարդահոգեբանական տուն-ինտերնատի բժշկական անձնակազմը։

«Տուն–ինտերնատի անձնակազմից նշել են, որ հրետակոծության պատճառով խնամյալների մոտ վախ ու տագնապ է առաջացել: Հրետակոծության փաստերը հաստատվել են նաև պաշտոնական հարցման արդյունքներով»,–նշված է ՄԻՊ–ի հաղորդագրության մեջ։

Մարդու իրավունքների պաշտպանի թեժ գծին ահազանգեր են ներկայացրել խաղաղ բնակիչները և տրամադրել նաև մոտ մեկ ժամ առաջ արված հրետակոծության լուսանկարներ: Թաթոյանը վստահեցնում է, որ այս պահի տվյալները վկայում են, որ խաղաղ բնակչությունը գտնվում է ակնհայտ նպատակային հրետակոծության տակ:

ՄԻՊ–ը փաստում է, որ առավոտյան այրվել է նաև քաղաքացիական ավտոբուս թիրախային ԱԹՍ հարձակման արդյունքում։ Սպանվել է մեկ խաղաղ բնակիչ, ինչը հաստատվել է նաև Մարդու իրավունքների պաշտպանի պաշտոնական աղբյուրներով:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 83 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանի ԶՈւ–ի թիրախ դարձած Մարտունին «Գրադից» հետո. լուսանկարներ, տեսանյութ

99
թեգերը:
հրետակոծություն, Արման Թաթոյան, ՀՀ ՄԻՊ, Վարդենիս
թեմա:
Ադրբեջանական ագրեսիան Հայաստանի վրա - 2020
Ըստ թեմայի
Վարդենիսում երկրորդ ճակատ բացելու փորձը նորություն չէ. Հովհաննիսյան
Նախարարն ու մարզպետը հրապարակել են Վարդենիսում խոցված ավտոբուսի լուսանկարները
Վարդենիսում ադրբեջանական կրակոցից խաղաղ բնակիչ է զոհվել. ՀՀ ԱԳՆ
Վրաց-թուրքական սահման

Սամցխե Ջավախքի հայերը փակել են Թուրքիայի հետ սահմանը. ո՞րն է նրանց պահանջը

19
(Թարմացված է 03:01 30.09.2020)
Այս պահին ցուցարարները հեռացել են: Նրանք մտադիր են հայ-վրացական սահմանի բացման հարցը լուծել այլ ճանապարհով։

ԵՐԵՎԱՆ, 30 սեպտեմբերի Sputnik. Սամցխե Ջավախքի տարածաշրջանից հարյուրավոր հայեր ի նշան բողոքի մի քանի ժամով փակել են վրաց-թուրքական սահմանը։ Այս մասին Sputnik Արմենիայի թղթակցի հետ զրույցում ասել է Վրաստանի խորհրդարանի նախկին պատգամավոր Սամվել Պետրոսյանը։

Ցուցարարները Վրաստանի իշխանություններից պահանջել են բացել հայ-վրացական սահմանը ՝ հումանիտար բեռը Ղարաբաղ հասցնելու համար և թույլատրել կամավորների մեկնումը Արցախ։ Բացի այդ, ցուցարարները կասկածներ են հայտնել, որ Թուրքիան Վրաստանի տարածքով ռազմական բեռ է հասցնում Ադրբեջան։

Նշենք, որ նոր տիպի SARS-CoV-2 կորոնավիրուսային համաճարակի բռնկման պահից երկու երկրների միջև սահմանը փակ է։ Բացառություն են կազմում բեռնափոխադրումները։

«Սա մեզ համար առանձնակի ցավոտ է». Վրաստանի պատրիարք Իլյա II–ը դիմել է Երևանին և Բաքվին

Պետրոսյանը նշել է, որ ցուցարարները հասկացել են՝ արմատական (ռադիկալ) միջոցներով հարցը չի կարող լուծվել, և որոշել են չվնասել հայ-վրացական հարաբերությունները:

Ավելի վաղ Վրաստանի պաշտպանության և ազգային անվտանգության խորհրդարանական հանձնաժողովի նախագահ Իրակլի Սեսիաշվիլին հայտարարել էր, որ Վրաստանի տարածքը չի կարող օգտագործվել որևէ երկրի ռազմական շահերից ելնելով, և, որ դրանով է պայմանավորված Վրաստանի տարածքով ռազմական բեռների տարանցման արգելքը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Պաստառներ ձկնկիթի փոխարեն․ հայերի հանրահավաքն ու Փարիզում Ադրբեջանի դեսպանատան արձագանքը

 

19
թեգերը:
Բողոքի ակցիա, Սահման, Վրաստանի Հանրապետություն, Ադրբեջան, Պատերազմ, Արցախ
Ըստ թեմայի
Հայ զինծառայողները մի քանի վայրկյանում երկու ԱԹՍ են խոցում. տեսանյութ
Ադրբեջանը 790 զոհ ունի, որից 180-ը` Քարվաճառի ուղղությամբ. Արծրուն Հովհաննիսյան
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
Որտե՞ղ են տեղավորվել Արցախից տարհանված մարդիկ. ԱՀ պետնախարարը մանրամասներ է հայտնում