ԵՐԵՎԱՆ, 15 օգոստոսի – Sputnik. Հայտնի դիմահարդար, նորաթուխ մայրիկ Գոհար Ավետիսյանն Instagram-ի իր էջում ամուսնու հետ լուսանկարներ է հրապարակել, որոնք արվել են զույգի որդու` Գասպարի քառասունքի առթիվ կազմակերպված խնջույքի ժամանակ։
Լուսանկարներում Գոհարի ամուսինը գրկել է որդուն։
«Հազվագյուտ լուսանկարներ։ Ընտանիք։ Մենք հայրիկի հետ քեզ շատ ենք սիրում, փոքրիկս։ Եղիր ամենաառողջը, մենք միշտ կողքիդ ենք»,– լուսանկարներին կից գրել է դիմահարդարը։
Посмотреть эту публикацию в Instagram
Հիշեցնենք՝ Գոհար Ավետիսյանի տղան ծնվել է հուլիսի 3-ին։ Ավելի վաղ դիմահարդարը հրապարակել էր նաև քառասուն օրական որդու լուսանկարը։
Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ աղջիկն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։
Գոհար Ավետիսյանը միացել է ցատկելով կերպարանափոխվելու ֆլեշմոբին. տեսանյութ
16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիա՝ տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին և ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։ Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։
Առանց տոնային քսուքի․ Գոհար Ավետիսյանը գեղեցիկ ամառային շպարի տարբերակ է ցույց տվել