Արեգ Բալայան

Սթրիթ արտ սահմանամերձ գոտում. ինչպես Բալայանի «բլոճիկները» զվարճացրին Բերդի տղաներին

146
(Թարմացված է 18:12 04.08.2020)
Արեգ Բալայանը մեծատառով նկարիչ է, որին անկասկած պետք է ուշադրություն դարձնել։ Sputnik Style–ին տված բացառիկ հարցազրույցում նա պատմեց հայկական գրաֆիտիի ճակատագրի, տեղի բարքերի և իր աշխատանքների մասին։

Վիկտորյա Պիսարենկո, Sputnik

Գրաֆիտիով սկսել եմ զբաղվել 2018 թվականին, երբ ինձ հրավիրեցին Բեռլինում կովկասյան ժողովուրդների համար կազմակերպված սթրիթ արտի փառատոնի։ Սկզբում ես խուճապի էի մատնվել. մինչ այդ երբեք պատերի վրա մեծ աշխատանքներ չէի արել։ Երբ գեղարվեստի դպրոց էի հաճախում, ուսուցիչն ինձ հայ մանրանկարիչ Սարգիս Պիծակի անունով էր կոչում, քանի որ ես միշտ շատ մանր էի նկարում։

View this post on Instagram

A post shared by Areg Balayan (@blojiks) on

Մեկնելուց առաջ նկարիչ ընկերոջս հարցրի` ինչպես առանց փորձի մեծ բեմ դուրս գամ։ Նա ինձ հանգստացրեց. «Դու կկարողանաս, այնտեղ պարզապես մասշտաբներն են այլ, մնացածը նույնն է»։ Իրականում ամեն ինչ հենց այդպես էր, և իմ առաջին նկարները շատ լավ ստացվեցին։

Մեզ մոտ` Հայաստանում, այն ժամանակ նույնիսկ սթրիթ արտի համար ներկեր և մարկերներ չկային։ Կային երիտասարդներ, որոնք նկարում էին, սակայն նրանք դա անում էին շինարարական ներկերով, որոնք սթրիթ արտի համար այդքան էլ հարմար չեն։ Ես ինձ հետ այն ժամանակ որոշակի նյութեր բերեցի Երևան և արդեն այստեղ սկսեցի ամենուր նկարել։

View this post on Instagram

A post shared by Areg Balayan (@blojiks) on

Թբիլիսիում, օրինակ, արդեն առանց թեգի կամ նկարի շենք չես գտնի։ Իսկ Հայաստան զարգացման արևմտյան միտումները շատ դանդաղ են մտնում, քանի որ մեր ժողովուրդը ավանդական աշխարհայացք ունի։ Միայն սթրիթ արտի հարցում չէ, որ այդպես է։ Մի կողմից դա լավ է, քանի որ ոչ ոք պատմական շենքերը չի փչացնում, վանդալիզմով չի զբաղվում։ Օրինակ, ես ճարտարապետական հուշարձանների վրա չեմ նկարում, հարգում եմ դրանց ստեղծողին, սակայն ոմանք կարող էին և նկարել։

View this post on Instagram

A post shared by Areg Balayan (@blojiks) on

Մյուս կողմից, փողոցային լավ արվեստը ևս չի զարգանում, հայերը դեռ դրա հետ ծանոթ չեն։ Մարզերում մարդկանց համար սթրիթ արտն ընդհանրապես նորություն է։

«Երեխաներն արվեստն ավելի լավ են զգում». Երևանի շենքերը նկարազարդողների հետաքրքիր պատմությունները

Օրինակ, մի քանի օր առաջ` կարճ պատերազմի ժամանակ, Բերդ քաղաքում էի որպես վավերագրագետ։ Գիշերը դուրս եկա և իշուկ նկարեցի, որպեսզի երեխաներն առավոտյան արթնանային և ուրախանային։ Իսկ հետո լեռներում հին մեքենաներից մեկի բեռնախցիկի վրա դեղին կատու նկարեցի։ Երբ ընկերներով որոշեցինք սարեր գնալ և ճանապարհին լուսանկարվել զրահաբաճկոնով և սաղավարտով այդ կատվի կողքին, մեզ մոտեցան տեղի տղաները։

Նրանք ասացին. «Ի՞նչ եք անում։ Քաղա՞քն եք նկարահանում, ադրբեջանցիների դիրքերը»։ Ընկերս պատասխանեց. «Ոչ, մենք պարզապես ուզում էինք լուսանկարվել, Արեգն է այստեղ կատու նկարել»։ Մտածում եմ` վերջ, հիմա այստեղ կռիվ է լինելու, իսկ նրանք նայում են ինձ ու հարցնում. «Լսի՛ր, իսկ ինչո՞ւ ես երկու հատ նկար նկարել։ Լավ կլիներ` ավելի շատ նկարեիր»։

Մենք ծիծաղեցինք, ես պատմեցի, որ ներկերս վերջացել են, իսկ նրանք ինձ նույնիսկ ասացին, որ ներկ կգտնեն ինչ–որ տեղից։ Նման արձագանի արվեստից հեռու հասարակ տղաներից չէի սպասում, իսկ նրանք գնահատեցին և շատ ուրախ էին։

View this post on Instagram

A post shared by Areg Balayan (@blojiks) on

Երևանում, ի տարբերություն մարզերի, արդեն նայելու բան կա։ Օրինակ, Yerevan Tropics–ը Kond Gallery նախագիծն է սկսել, հիանալի վայր է ստացվել։ Հայտնի արտիստներից են նաև Artlab–ի տղաները։ Նրանք քաղաքական և սոցիալական աշխատանքներ են անում պատերազմի, իշխանության մասին։ Bohemnots–ը նույնպես այդ թեմայի մեջ է աշխատում` ներկայացումներ, փողոցային ակցիաներ։

View this post on Instagram

A post shared by kondgallery (@kondgallery) on

Տաղանդավոր տղաներից է Արեգ Շահինյանը, որն աշխատում է գեղագրության ոճում։

View this post on Instagram

A post shared by Areg Shahinian (@aregshahinian) on

Բացի այդ, Մոլդովայից մի տղա էր Գյումրիում ու Ապարանում շատ նկարում BTA թեգով։ Մի քանի աղջիկ հիմնադրել են Visual Gallery–ն, Urban Lab–ն, Urban Fest–ն, Գերմանիայից այնտեղ նկարիչների են հրավիրել։

Ոչ թե մոխրագույն ասֆալտ, այլ սթրիթբոլի դաշտ. Երևանը հետ չի մնում Նյու Յորքից. տեսանյութ

Ընդհանրապես, ես ավելի շատ նկարում եմ, քան ուսումնասիրում այլ սթրիթ արտ նկարիչների ոճերը։ Ինձ համար աշխատանքում ամենակարևորը գաղափարն է։ «Ի՞նչ ես ուզում ասել». սա է նկարչի համար գլխավոր հարցը։ Ձևն ինքն իրեն ստացվում է. տեխնիկայի և փորձի հարց է։

View this post on Instagram

A post shared by Areg Balayan (@blojiks) on

Հերոսներիս արդեն ավելի քան 20 տարի է, ինչ նկարում եմ. ինստիտուտում և դպրոցում բոլոր տետրերս դրանցով լի էին։ Դրանք «բլոճիկներ» եմ անվանում։ Պապս էր ինձ այդպես կոչում, մեզ մոտ այդպես է ընդունված։ Այդ բլոճիկներն այն լուսավոր ու մանկական բաներն են, որ քեզ հետ մեծ կյանք ես տանում։ Իսկ թռչունը, որն ուղեկցում է նրանց, գիտակից լինելու և դիտորդի մարմնավորում է։ Երբ ես նկարում եմ նրանց, ինքնամաքրվում եմ, մանկություն եմ վերադառնում։ Ինձ համար դա աուտոթերապիայի և ռեֆլեքսիայի պես մի բան է։

View this post on Instagram

A post shared by Areg Balayan (@blojiks) on

146
թեգերը:
Տավուշ, Բերդ, Արեգ Բալայան, նկարիչ
Ըստ թեմայի
Վիզուալ քարոզարշավ. կուսակցությունների նախընտրական տեսահոլովակները
Դիլիջան` առողջարանային Հայաստանի մշակութային «Բաբելոնը»
Գյումրին կզարդարվի խցանագորգերով
Գևորգ Կոստանյան

Հետախուզման մեջ գտնվող ՀՀ նախկին բարձրաստիճան պաշտոնյաները ցանկանում են մեկնել Արցախ

273
(Թարմացված է 17:47 29.09.2020)
Հետախուզվող նախկին պաշտոնյաներն անձամբ կամ փաստաբանների միջոցով միջնորդություն են ներկայացրել նախաքննական մարմիններին` հետախուզումը դադարեցնելու մասին։

ԵՐԵՎԱՆ, 29 սեպտեմբերի - Sputnik. Հետախուզման մեջ գտնվող ՀՀ նախկին բարձրաստիճան 3 պաշտոնյաներ դիմել են ՀՀ իշխանություններին` հայրենիք վերադառնալու ու Արցախին օգտակար լինելու հարցով։

Արցախ մեկնելու ցանկություն է հայտնել ՀՀ պաշտպանության նախկին նախարար, հետախուզման մեջ գտնվող Միքայել Հարությունյանը: Վերջինը 168.am-ին հայտնել է, որ ՀՀ իշխանություններից առայժմ պատասխան չի ստացել։

Սեպտեմբերի 27-ին ՀՀ դատախազությանն ու ՀՔԾ պետին է դիմել նաև ՀՀ նախկին գլխավոր դատախազ Գևորգ Կոստանյանը` իր նկատմամբ հայտարարված հետախուզումը վերացնելու միջնորդությամբ, քանի որ այդ հանգամանքը թույլ չի տալիս հատել ՌԴ սահմանն ու վերադառնալ Հայաստան։

Ընդ որում, նա պատրաստակամություն է հայտնում պատերազմական իրավիճակի ավարտից անմիջապես հետո ինքնակամ ներկայանալ նախաքննական մարմին։

13 կուսակցություն կոչով դիմել են Հայաստանի ու Արցախի իշխանություններին

ՀՀ իշխանությանը դիմած երրորդ նախկին պաշտոնյան հետախուզման մեջ գտնվող ԴԱՀԿ նախկին պետ Միհրան Պողոսյանն է: Նա նշել է, որ ցանկանում է «օր առաջ վերադառնալ Հայաստան և իր հնարավորությունների սահմաններում աջակից լինել իր ժողովրդին»։

Հիշեցնենք` ՀՀ պաշտպանության նախկին նախարար, գեներալ-գնդապետ Միքայել Հարությունյանին մեղադրանք է առաջադրվել 2008 թվականի մարտի 1-ի իրադարձությունների օրերին սահմանադրական կարգը տապալելու համար, հեռակա կարգով դատապարտվել է կալանքի, նրա նկատմամբ միջազգային հետախուզում է հայտարարվել:

Գևորգ Կոստանյանը կորոնավիրուսով է վարակվել

Միհրան Պողոսյանը մեղադրվում է առանձնապես խոշոր չափերի փողերի լվացման համար։

Հիշեցնենք` Գևորգ Կոստանյանը դեռևս 2019թ-ի սեպտեմբերին «Մարտի 1»-ի գործով հրավիրվել էր հարցաքննության, սակայն ՀՔԾ–ն հայտնել էր, որ Կոստանյանն արտերկրում է և կվերադառնա 15-20 օրից։ Նա «Մարտի 1»–ի գործով ներգրավվել է որպես մեղադրյալ։

Ըստ այդ մեղադրանքի` 2008–ի մարտի 1-ին և 2-ին Երևանում տեղի ունեցած իրադարձություններից հետո Գևորգ Կոստանյանը պահանջել է հետին ամսաթվով կազմել և շրջանառության մեջ դնել մարտի 1-ին և 2-ին ոստիկանության կատարած գործողությունների իրավաչափությունը հիմնավորող փաստաթղթեր:

273
թեգերը:
Հատուկ քննչական ծառայություն (ՀՔԾ), պաշտոնյա, Արցախ
Ըստ թեմայի
Միհրան Պողոսյանին նոր ծանր մեղադրանքներ կառաջադրվեն. գլխավոր դատախազ
«Իմ անձնական կարծիքով`սխալ է». Տոնոյանը` Միքայել Հարությունյանի երկքաղաքացիության մասին
Հրայր Թովմասյանի նախկին վարորդին մեղադրանք է առաջադրվել. ի՞նչ կապ ունի Միհրան Պողոսյանը
ՄԻՊ Արման Թաթոյան

Վարդենիսի նյարդահոգեբանական տուն-ինտերնատի բնակիչները հրետակոծությունից տագնապ են ապրել

96
(Թարմացված է 16:55 29.09.2020)
Արման Թաթոյանը վստահեցնում է, որ այս պահի տվյալները վկայում են, որ խաղաղ բնակչությունը գտնվում է ակնհայտ նպատակային հրետակոծության տակ:

ԵՐԵՎԱՆ, 29 սեպտեմբերի - Sputnik. ՀՀ Մարդու իրավունքների պաշտպան Արման Թաթոյանը տեղեկացնում է, որ Վարդենիսում հրետակոծության մասին ահազանգեր է ներկայացրել Վարդենիսի նյարդահոգեբանական տուն-ինտերնատի բժշկական անձնակազմը։

«Տուն–ինտերնատի անձնակազմից նշել են, որ հրետակոծության պատճառով խնամյալների մոտ վախ ու տագնապ է առաջացել: Հրետակոծության փաստերը հաստատվել են նաև պաշտոնական հարցման արդյունքներով»,–նշված է ՄԻՊ–ի հաղորդագրության մեջ։

Մարդու իրավունքների պաշտպանի թեժ գծին ահազանգեր են ներկայացրել խաղաղ բնակիչները և տրամադրել նաև մոտ մեկ ժամ առաջ արված հրետակոծության լուսանկարներ: Թաթոյանը վստահեցնում է, որ այս պահի տվյալները վկայում են, որ խաղաղ բնակչությունը գտնվում է ակնհայտ նպատակային հրետակոծության տակ:

ՄԻՊ–ը փաստում է, որ առավոտյան այրվել է նաև քաղաքացիական ավտոբուս թիրախային ԱԹՍ հարձակման արդյունքում։ Սպանվել է մեկ խաղաղ բնակիչ, ինչը հաստատվել է նաև Մարդու իրավունքների պաշտպանի պաշտոնական աղբյուրներով:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 83 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանի ԶՈւ–ի թիրախ դարձած Մարտունին «Գրադից» հետո. լուսանկարներ, տեսանյութ

96
թեգերը:
հրետակոծություն, Արման Թաթոյան, ՀՀ ՄԻՊ, Վարդենիս
թեմա:
Ադրբեջանական ագրեսիան Հայաստանի վրա - 2020
Ըստ թեմայի
Վարդենիսում երկրորդ ճակատ բացելու փորձը նորություն չէ. Հովհաննիսյան
Նախարարն ու մարզպետը հրապարակել են Վարդենիսում խոցված ավտոբուսի լուսանկարները
Վարդենիսում ադրբեջանական կրակոցից խաղաղ բնակիչ է զոհվել. ՀՀ ԱԳՆ
Արթուր Սարգսյան

Հայկական կողմը հետ է վերցրել նախկինում կորցրած որոշակի դիրքեր. ՊԲ հրամանատարի տեղակալ

0
(Թարմացված է 21:48 29.09.2020)
Մարտերի ընթացքում հայկական կողմը նույնպես կորուստներ ունի. տվյալները կհրապարակվեն ավելի ուշ։

ԵՐԵՎԱՆ, 29 սեպտեմբերի – Sputnik. ՊԲ հրամանատարի տեղակալ Արթուր Սարգսյանը ճեպազրույցի ընթացքում հայտնեց, որ հակառակորդի զավթողական մտահղացումը այսօր ևս ձախողվել է։ Հայկական կողմը, նրա խոսքով, հետ է վերցրել նախկինում կորցրած որոշակի դիրքեր։ 

«Ամբողջ օրվա ընթացքում հակառակորդը կիրառել է ողջ զինանոցը` ուղղաթիռներ, ինքնաթիռներ, ԱԹՍ, ծանր հրետանի, հրթիռահրետանային ողջ սպառազինությունը»,– ասաց նա` ավելացնելով, որ այս օրերի ընթացքում Ադրբեջանի ընդհանուր կորուստների թիվը 500-ից ավել է։

Այսօրվա մարտերում հակառակորդը կորցրել է 17 տանկ, 4 զրահափոխադրիչ, 3 ինժեներատեխնիկական ծանր զրահատեխնիկա, 13 ԱԹՍ։

«Ցավոք, մարտերի ընթացքում յուրային զորքերը նույնպես ունեն կորուստներ. տվյալները կհրապարակվեն ավելի ուշ պաշտոնական տեղեկատվությամբ»,– ասաց Սարգսյանը։

Նա հայտնեց, որ Արցախի օդային տարածքում նույնպես թուրքական F-16 կործանիչների կիրառում է գրանցվել։

«Արդեն դա չի կարելի անվանել առաջնագիծ, ամբողջությամբ ռազմաճակատի գիծ է, ամբողջ երկայնքով մարտեր են ընթանում։ Այդ առաջնագիծը կարող է խորանալ և՛ դեպի մեր կողմ, և՛ դեպի հակառակորդի կողմ»,– ավելացրեց ՊԲ հրամանատարի տեղակալը։

Նրա խոսքով` Ադրբեջանը Արցախի ուղղությամբ կիրառում է «Գրադ», «Սմերչ»։ Դրանք հաստատված են, մնացած զինատեսակների կիրառում էլ կա, որոնք այս պահին հրապարակման ենթակա չեն։ Սարգսյանը նշեց` եթե Ադրբեջանն ունեցել է որոշակի հաջողություններ, ապա դա թուրքական ձեռագրի արդյունք է։ 

 

0
թեմա:
Ադրբեջանական ագրեսիա Արցախում. 2020