Վերելակ

Հայկական ընկերության հավաքած նոր վերելակները. երևանցիները կօգտագործեն ու կվճարեն

1330
(Թարմացված է 20:20 31.07.2020)
Գործարանում և՛ հաստոցային պարկ կա, և՛ փորձառու վարպետներ: Վերելակների հավաքման և մոնտաժման աշխատանքներում արդեն իսկ մոտ 200 մարդ է ներգրավված:

ԵՐԵՎԱՆ, 31 հուլիսի - Sputnik. Երևանի բազմահարկ շենքերում արդեն սկսել են նոր վերելակներ տեղադրել: Ինչպես Sputnik Արմենիայի թղթակցին հայտնեցին Երևանի քաղաքապետարանից, այս տարի նախատեսված է 500 վերելակի տեղադրում: Մայրաքաղաքում ընդհանուր 4666 վերելակ է կա, որոնցից կփոխարինեն ամենամաշվածները: Նոր վերելակները կհավաքի և կտեղադրի տեղական մի ընկերություն:

Ռուսական ավտոմեքենաների համար ռելեներ արտադրող հայկական «Ռաֆէլգրիգ» գործարանը որոշել է նոր արտադրություն սկսել և համաձայնագիր է կնքել Մոգիլյովի վերելակաշինության գործարան հետ (նախկին Միության տարածքում այս ոլորտի խոշորագույն արտադրողներից մեկը):

Монтаж новых лифтов в административном районе Нор-Норк (29 июля 2020). Еревaн
© Sputnik / Asatur Yesayants
Երևանի շենքերում փոխում են հին վերելակները. Նոր Նորք

«Բարդ մասերը՝ շարժիչները, ռեդուկտորները, էլեկտրոնիկան, մենք իհարկե չենք անում: Բայց մետաղական դետալները, բռնիչ սեպերը, դռների շրջանակները, մենք ենք թողարկում: Մնացածը մեզ մատակարարում է «Մոգիլյովլիֆտմաշը»», - մեզ տեղեկացրեց «Ռաֆէլգրիգ» ընկերության տնօրեն Ռաֆայել Գրիգորյանը:

Այսօր հավաքման գործընթացում տեղական արտադրության բաժինը 10% է, սակայն ապագայում այն կավելանա: Դրա համար գործարանում և՛ հաստոցային պարկ կա, և՛ ամենաարժեքավորը՝ փորձառու մասնագետներ: Վերելակների հավաքման և մոնտաժման վրա արդեն իսկ մոտ 200 մարդ է աշխատում: Արտադրության մեջ հիմնականում զբաղված են նրանք, ովքեր հասցրել են աշխատել խորհրդային գործարաններում: Ճիշտ է, նրանց գտնելը հեշտ չէ, քանի որ այդ գործարաններն արդեն 30 տարի է, ինչ կանգնած են:

Монтаж новых лифтов в административном районе Нор-Норк (29 июля 2020). Еревaн
© Sputnik / Asatur Yesayants
Երևանի շենքերում փոխում են հին վերելակները. Նոր Նորք

«Բայց մենք գտանք, գիտեինք`ինչպես փնտրել: Լավ խառատ-ներտաշողներ, փականագործներ, ամեն ինչ ունենք: Թեև նրանք հիմնականում տարիքով են, սակայն երիտասարդների էլ ենք ընդունել», - ասաց Գրիգորյանը:

Այս շաբաթ վերելակների տեղադրման աշխատանքներ են իրականացվում  մի քանի տասնյակ շենքերում, 4-5 օր հետո նոր վերելակները շահագործման կհանձնեն:

Նոր Նորք վարչական շրջանի կոմունալ վարչության պետ Հայկ Մարտիրոսյանի խոսքով՝ չի կարելի ասել, որ հին վերելակներն ավելի էժան են. դրանց մե՛կ ճոպանն է մաշվում, մե՛կ շարժիչն այրվում, մե՛կ ռեդուկտորն է շարքից դուրս գալիս:

Շարժիչը հաճախ փչանում է գերբեռնվածությունից. օրինակ` երբ վերելակում եռանդով թռչկոտում կամ շինանյութ են տեղափոխում: Մեծամասամբ  վերելակները հնացել են այն շենքերում, որտեղ ավելի շատ բնակիչներ կան`12, 14 և 16-հարկանիներում, կամ այնտեղ, որտեղ մեկ հարկի վրա ոչ թե 2, այլ 4 կամ 6 բնակարան է:

«Կարելի է այսպես հաշվել. երևանյան մեկ 14-հարկանի շենքը մեկ հայկական գյուղ է», -կատակում է վերելակ տեղադրողներից մեկը:

Առաջին փուլի շրջանակում Նոր Նորքում այս տարի 40 վերելակ կտեղադրվի: Եթե հապաղեն, ապա Մարտիրոսյանի խոսքով, վթարները մի քանի անգամ ավելի հաճախակի կդառնան:

Монтаж новых лифтов в административном районе Нор-Норк (29 июля 2020). Еревaн
© Sputnik / Asatur Yesayants
Երևանի շենքերում փոխում են հին վերելակները. Նոր Նորք

«Ռաֆէլգրիգ» գործարանը, որը զբաղվում է վերելակների տեղադրմամբ, քաղաքապետարանի առաջ պարտավորվել է տարվա ընթացքում անվճար սպասարկել դրանք:  Դրանից հետո սպասարկման համար պետք է վճարեն բնակիչները:

Երևանում վերելակ է պոկվել. 36-ամյա երիտասարդը հիվանդանոցում է

Ինչպես Sputnik Արմենիային պարզաբանեցին Երևանի քաղաքապետարանի մամուլի ծառայությունից, քաղաքապետարանը համաձայնագրեր կկնքի համատիրությունների հետ, որոնց համաձայն` վերելակի սպասարկման վճարը կփոխանցվի բանկային հաշվին, որը յուրաքանչյուր շենքի համար առանձին է: Մի քանի տարի անց կուտակված միջոցներից վերելակները կվերանորոգեն արդեն առանց պետության կամ քաղաքապետարանի ֆինանսական մասնակցության:

Монтаж новых лифтов в административном районе Нор-Норк (29 июля 2020). Еревaн
© Sputnik / Asatur Yesayants
Երևանի շենքերում փոխում են հին վերելակները. Նոր Նորք

Թե որքան կլինի սպասարկման վճարը, դեռ պարզ չէ (հաշվի առնելով մեկ շքամուտքում հարկերի թիվը, բնակարանների ընդհանուր քանակը): Սակայն հազիվ թե խոսքը մեծ գումարի մասին լինի: Կարևորը բնակիչները կիմանան, թե որքան գումար է կուտակվել  հաշվին և ինչի համար է այն ծախսվում: Միջոցների վերահսկումը թույլ կտա դրանք էապես տնտեսել:

Монтаж новых лифтов в административном районе Нор-Норк (29 июля 2020). Еревaн
© Sputnik / Asatur Yesayants
Երևանի շենքերում փոխում են հին վերելակները. Նոր Նորք
1330
թեգերը:
շենք, Երևանի քաղաքապետարան, Երևան, վերելակ
Ըստ թեմայի
Երևանի վարչական շրջաններում նոր վերելակներ են գործարկվել
Լավ լուր. 100–ի փոխարեն 500 նոր վերելակ կտեղադրվի Երևանում
Երևանում փրկարարները փրկել են շան ձագին` նրան հանելով վերելակի հորանից. լուսանկար
Եռաբլուր

Եղել են դեպքեր` զոհվածի մասունքը նույնականացվել է թաղումից հետո. մնացածը գաղտնիք է

75
Sputnik Արմենիայի աղբյուրները հայտնել էին, որ լինում են դեպքեր, երբ պատերազմում զոհվածներից մեկի մասունքը հայտնաբերվում է հուղարկավորությունից հետո. առողջապահության նախարարությունը հաստատել է այդ լուրը։

ԵՐԵՎԱՆ, 19 հունիսի – Sputnik. Արցախյան 44-օրյա պատերազմի զոհերի մասունքների նույնականացման դեպքեր են եղել նաև հուղարկավորությունից հետո։ Sputnik Արմենիայի գրավոր հարցմանն ի պատասխան հայտնել են ՀՀ առողջապահության նախարարությունից։

Աբովյանի դիահերձարանում պոլիէթիլենային պարկերով գետնին դրված զինծառայողների մասունքների` մեծ աղմուկ բարձրացրած դեպքի օրերին Sputnik Արմենիայի աղբյուրները հայտնեցին, որ լինում են դեպքեր` հուղարկավորությունից հետո նույն անձին պատկանող մասունքներ են նորից հայտնաբերվում։ Նման դեպքերում, բնականաբար, դժվար է լինում ծնողների համար, քանի որ արտաշիրիմում պետք է արվի։

«Նշենք, որ հուղարկավորությունից հետո մասունքների նույնականացման դեպքեր եղել են։ Դեպքերի թվի և հետագա գործողությունների վերաբերյալ տեղեկություն կարող եք ստանալ քննչական կոմիտեից»,– առողջապահության նախարարությունից այսպես են պատասխանել Sputnik Արմենիայի գրավոր հարցմանը։

Նախարարությունից հայտնել են նաև, որ ԱՆ «Դատաբժշկական գիտագործնական կենտրոնը» փորձաքննություն իրականացնող կենտրոն է և արտաշիրինման դեպքերի և հետագա ընթացքի վերաբերյալ որևէ ինֆորմացիայի չի տիրապետում։

Հետաքրքրվել էինք նաև, թե  հնարավո՞ր է` Աբովյան մասնաճյուղում եղած պարկերի մեջ, որոնք նույնականացվել են, բայց ծնողները հրաժարվում են վերցնեն, լինեն արդեն իսկ հուղարկավորված անձանց մասունքներ։ Սակայն մեզ հայտնել են` քանի որ քրեական գործ է հարուցվել և նախաքննություն է իրականացվում, որևէ տեղեկատվություն տալ չեն կարող։

«Իմ բացթողումն է». Անահիտ Ավանեսյանը` դիերի և մասունքների ոչ պատշաճ պահման դեպքի մասին

Քանի որ առողջապահության նախարարությունը մանրամասներ չէր հայտնել` ուղղորդելով դիմել ՔԿ, գրավոր հարցում էինք ուղարկել նաև վերոնշյալ կառույց` հասկանալու, թե շա՞տ են եղել դեպքերը, երբ հուղարկավորությունից հետո են մասունքներ հայտնաբերվել և ի՞նչ քայլեր են արվում այդ դեպքում։

Ի դեպ, թեմային անդրադառնում ենք ուշ, քանի որ ՔԿ-ն մեր հարցմանը պատասխանել է սահմանված 5-օրյա ժամկետից շատ անց` այդպես էլ որևէ հարցի կոնկրետ պատասխան չտրամադրելով։ Կառույցից հայտնել են`քանի որ քրգործ է հարուցվել, իսկ մեր պահանջած տեղեկությունները պարունակում են հրապարակման ոչ ենթակա նախնական քննության տվյալներ, ուստի չի կարող այն տրամադրվել։

Քննչական կոմիտեն միաժամանակ հիշեցնում է, որ պատերազմին առնչվող թիվ 69108320 քրգործն է հարուցվել քրեական օրենսգրքի մի շարք հոդվածների հատկանիշներով։ Մասնավորապես, ահաբեկչության, ահաբեկչության ֆինանսավորման, ազգային, ռասայական կամ կրոնական թշնամանք հարուցելու, ագրեսիվ պատերազմի, միջազգային ահաբեկչության, զինված ընդհարումների ժամանակ միջազգային մարդասիրական իրավունքի նորմերի լուրջ խախտումների, զինված ընդհարման ժամանակ անգործության կամ հանցավոր հրաման արձակելու, ագրեսիվ պատերազմի հրապարակային կոչերի և ցեղասպանությունն ու խաղաղության, մարդկության անվտանգության դեմ ուղղված մյուս հանցագործությունները հերքելը, մեղմացնելը, դրանց հավանություն տալու կամ արդարացնելու համար։

Հիշեցնենք միայն, որ դեռ հունիսի 1-ին ՀՀ առողջապահության նախարարությունը հայտնել էր` այս պահին դատաբժշկական կենտրոնում չկան փորձաքննություն չանցած մասունքներ: Կա 50 մասունք, որոնք մի քանի անգամ անցել են փորձաքննություն, բայց դրանցից դեռ չի հաջողվել ԴՆԹ անջատել: Մնացած բոլոր դիերը փորձաքննված են, որոնց մի մասը` 149-ը, ծնողների բազայի հետ համընկնում չի ունեցել: Կան նաև նույնականացված մասունքներ, սակայն դեռ հարազատների կողմից չեն վերցվել դրանք հուղարկավորելու համար:

Զոհվածների դիերն ու մասունքները պարկերով նկուղներում թողնելու դեպքով քրգործ է հարուցվել

75
թեգերը:
ՀՀ Առողջապահության նախարարություն, Դիակ, աճյուն, զինծառայող, Արցախյան պատերազմ, Հայաստան
Ըստ թեմայի
«Մեր մի պատուհանից Ղազանչեցոցն էր երևում, մյուսից` Կանաչ ժամը». շուշեցի ընտանիքի երազանքը
Ուզում էր զինվորական դառնալ` հավերժ զինվոր մնաց. Արտյոմը զոհվեց իր 71 ընկերների հետ միասին
«4 տարի պայքարեցինք, որ երեխա ունենանք». Հովհաննեսը զոհվեց` չտեսնելով երազանք-դստերը
Եռաբլուր

«Ներողություն, որ չկարողացանք պաշտպանել ձեզ». Գոհար Ավետիսյանը Եռաբլուր է այցելել