Սմբատաբերդ

Որտե՞ղ են հայերն անցկացնում հանգստյան օրերը

512
(Թարմացված է 09:04 30.07.2020)
Համավարակի և փակ սահմանների ժամանակաշրջանում մեր քաղաքացիները ստիպված են հանգիստն անցկացնել Հայաստանի տարածքում։ Sputnik Արմենիան պարզել է` զբոսաշրջային որ ուղղություններ են նախընտրում նրանք:

Տարածված կարծիք կա, որ ամռանը Հայաստանում ամենապահանջված հանգստի վայրը Սևանն է, որին հաջորդում են Ծաղկաձորը, Դիլիջանը, Աղվերանն ու Ջերմուկը: Համենայնդեպս զբոսաշրջային ոլորտի ներկայացուցիչները պնդում են, որ մինչև նախորդ ամառ հենց այդ ուղղություններն էին մեծ պահանջարկ վայելում:

Սակայն համավարակն իր շտկումներն է արել մարդկանց նախապատվության հարցում: Սա վերաբերում է հատկապես երիտասարդներին: Սոցցանցերի մասնագիտական խմբերում անցկացրած մեր հարցումը ցույց տվեց, որ քաղաքացիները սկսել են նախապատվություն տալ ոչ թե լողափնյա պասիվ հանգստին, այլ լեռնային արշավներին ու հեծանվային տուրերին։

Տուրիզմի հայկական ֆեդերացիայի նախագահ Մեխակ Ապրեսյանն ավելի վաղ Sputnik Արմենիային ասել էր, որ զբոսաշրջային ընկերություններն էապես ընդլայնել են իրենց առաջարկած ուղղությունները, և հայաստանցիները սկսել են արդեն իսկ գործող ուղղությունների հետաքրքիր այլընտրանք գտնել:

Եվ այսպես` Էդուարդ Մխիթարյանը գրեթե բոլոր հանգստյան օրերին նոր ճանապարհորդության է մեկնում: Նա երկու նախասիրություն ունի` ճանապարհը դժվարամատչելի լինի (ցանկալի է այնտեղ հասնել ամենագնացներով), և վայրը շատ գովազդված չլինի:

Sputnik Արմենիային նա պատմեց, որ նախանցած շաբաթ ընկերների հետ եղել է Վայոց Ձորի մարզում, այցելել է Սմբատաբերդ ամրոց ու միջնադարյան Ցախաց քար վանք: Նախորդ հանգստյան օրերին մեկնել է Արագածոտնի մարզ. Ապարանի ջրամբարի ափին կարելի է ձուկ որսալ, լողալ և պիկնիկ կազմակերպել: Հաջորդ շաբաթ-կիրակի Էդուարդը ծրագրում է այցելել Գեղարոտի ջրվեժ, որը գտնվում է Արագածի լանջին:

«Մենք մի քայլ առաջ կլինենք»․ հայուհիների նրբաճաշակ բիզնեսը սահմանամերձ Նոյեմբերյանում

«Նախընտրում եմ հանգստի էժան տարբերակները՝ երկու օրվա համար 15-20 հազար դրամ` մեկ անձի հաշվարկով: Գիշերում ենք հյուրատներում կամ ճանապարհամերձ հյուրանոցներում, սնվում մեզ հետ բերած մթերքով կամ խորոված ենք անում, եթե տեղը հարմար է», - ասաց նա:

Լարիսա Զամկոչյանն էլ պատմեց, որ հանգստյան օրերին ընկերների հետ կմեկնի Շիրակի մարզ` հեծանվատուրի: Նրանք մտադիր են այցելել Ջաջուռ գյուղ, որտեղ գտնվում է նկարիչ Մինաս Ավետիսյանի տուն-թանգարանը, և մաքուր ու համեղ մեղր համտեսել Սարիար գյուղում:

«Գիշերը կմնանք վրաններում: Միասին խորոված կուտենք և գարեջուր կխմենք: Բնականաբար, ավանդական խարույկ ու երգեր կլինեն: Նախնական հաշվարկով` մեկ անձի ծախսերը 10 հազար դրամից չեն անցնի», - նշեց նա:

Իսկ Էդուարդ Մելքումյանը երկու շաբաթը մեկ արշավներ է կազմակերպում ընկերների հետ: Անցած շաբաթ նրանք հաղթահարել են Գեղամա լեռնաշղթայի ամենաբարձր գագաթը՝ Աժդահակ լեռը, այս շաբաթ հեծանիվներով ուղևորվելու են Սյունիքի մարզ:

«Կայցելենք Փուխրուտ գյուղ, որը գտնվում է 2300 մետր բարձրության վրա: Այնտեղ ընդամենը 4 ընտանիք է ապրում: Գյուղը շրջապատված է լեռներով, որտեղ շատ արջեր կան: Այ դա իսկական էքստրիմ կլինի, քանի որ քնելու ենք վրաններում և քնապարկերում, սնվելու ենք գյուղացիների մոտ», - ասաց նա:

Արփի Հովհաննիսյանն էլ որոշել է հանգիստն անցկացնել և՛ լճում, և՛ լեռներում: Անցած շաբաթ եղել է Սևանա լճում, որտեղ առագաստային սպորտով է զբաղվել, իսկ այս շաբաթ կգնա Խուստուփ լեռ և գիշերակացը կանցկացնի վրանում:

Մեր բոլոր զրուցակիցները նշեցին, որ նախկինում պասիվ հանգստի կողմնակից են եղել, սակայն կարանտինից ու սահմանափակումներից հետո նախընտրում են ակտիվ հանգիստը:

Բացի այդ, արշավներն ու հեծանվային տուրերը ոչ միայն ավելի մատչելի են, քան հյուրանոցներն ու հյուրատները, որտեղ, ի դեպ, այսօր շատ դժվար է ազատ տեղ գտնել, այլև ավելի օգտակար: Եթե նույն Սևանում հանգիստը կարող է արժենալ օրական 20-100 հազար դրամ, ապա լեռնային արշավը`10-30 հազար դրամ:

512
թեգերը:
հանգստյան օր, հայեր, Հայաստան
Ըստ թեմայի
Ինչպես հայերը պատրաստվեն COVID-19–ի երկրորդ ալիքին. փորձառու մարդկանց խորհուրդներ
Քարուքանդ ճանապարհները խանգարում են. Արփի լիճն ավելի գրավիչ կդառնա զբոսաշրջիկների համար
Նոր զբոսայգի, գյուղմթերքի շուկա, ջրավազան Մեղրիում. Փաշինյանը տեսանյութ է հրապարակել
Pentawards մրցանակաբաշխություն

Հայկական ընկերությունը երկրորդ անգամ փաթեթավորման դիզայնի «Օսկար» է ստացել

38
(Թարմացված է 23:58 24.09.2020)
Pentawards միջազգային մրցույթի պատմության մեջ  սա առաջին դեպքն է, երբ որևէ ընկերություն 2 տարի անընդմեջ արժանանում է «Տարվա լավագույն ընկերություն» տիտղոսին։

ԵՐԵՎԱՆ, 24 սեպտեմբերի – Sputnik. Հայկական Backbone բրենդինգ ընկերությունը երկրորդ տարին է` ճանաչվում է  Pentawards մրցանակաբաշխության հաղթող, տեղեկանում ենք ընկերության Facebook-ի էջից։

Pentawards-ը փաթեթավորման դիզայնի ոլորտում նույն մասշտաբի և հեղինակության մրցանակաբաշխություն է, ինչ կինեմատոգրաֆիայի ոլորտում «Օսկարը»։ Այն հիմնադրվել է Լոնդոնում, նրան ամեն տարի մասնակցում են աշխարհի առաջատար դիզայներական ընկերությունները՝ ներկայացնելով  տարբեր մեգաընկերությունների համար ստեղծված բրենդները՝ Microsoft, Coca Cola, Snickers, Nestle, Nike, Xiaօmi  և այլն։

«Մենք ուրախ  և անասելի հպարտ ենք, որ այս տարի աշխարհի տարբեր երկրների և միջազգային խոշոր կազմակերպությունների ներկայացուցիչների և ընկերությունների ներկայությամբ, 2-րդ անգամ հնչեց Agency of the Year - Backbone from ARMENIA արտահայտությունը: Այս տիտղոսը մեծ փառք և հեղինակություն է բերում ոչ միայն մեր ընկերությանը այլև Հայաստանին՝ միջազգային հարթակում», – ասված է ընկերության տարածած հաղորդագրությունում։

Սիմոն Աբգարյանը միանգամից երեք մրցանակ է ստացել «Մոլիեր» մրցանակաբաշխության ժամանակ

Pentawards միջազգային մրցույթի պատմության մեջ  սա առաջին դեպքն է, երբ որևէ ընկերություն 2 տարի անընդմեջ արժանանում է «Տարվա լավագույն ընկերություն» տիտղոսին։

38
թեգերը:
«Օսկար» մրցանակաբաշխություն, մրցանակաբաշխություն
Ըստ թեմայի
Նոբելյան մրցանակակիրը հայտարարել է` կորոնավիրուսը լաբորատորիայում է ստեղծվել
Հայտնի են «Ավրորա 2020»–ի մրցանակակիրները
Նախագահական, հետո «Պողոսյան». մրցանակների հանձնման արարողությունը՝ լուսանկարներով
Ադամ Սահկյանի անկյունը իրենց տանը

«Վերածնունդդ օրհնվի, Ադամ ջան». ծնվել է Ապրիլյան պատերազմի հերոս Ադամ Սահակյանի եղբորորդին

55
(Թարմացված է 23:29 24.09.2020)
Երեխան Ադամի եղբոր` Մուշեղ Սահակյանի և նրա կնոջ Անի Ամիրջանյան–Սահակյանի առաջնեկն է։ Նա հորեղբոր անունը կկրի։

ԵՐԵՎԱՆ, 24 սեպտեմբերի – Sputnik. Ծնվել է ապրիլյան պատերազմի հերոս Ադամ Սահակյանի եղբորորդին, նրան հորեղբոր պատվին Ադամ են անվանել։ Տեղեկությունը հայտնում է Ադամի մայրիկը` Գայանե Անտոնյանը, Facebook-ի իր էջում։ Երեխան Ադամի եղբոր` Մուշեղ Սահակյանի և նրա կնոջ Անի Ամիրջանյան–Սահակյանի առաջնեկն է։

Բարեկամներն ու ընկերները շնորհավորում են Ադամի մայրիկին` փոքրիկի ծննդյան առթիվ։

«Վերածնունդդ օրհնվի, Ադամ ջան։ Գայանե քույրս, բոլորիս աչքը լույս», «Գայանե ջան, ձեր ընտանիքում նրա ծնունդով ուրախությունը ուրախությանը թող հաջորդի», – գրում են Անտոնյանին։

Ադամ Սահակյանը 2016-ի ապրիլին տեղի ունեցած հայ–ադրբեջանական պատերազմի հերոս է։ Ապրիլի 1-ի գիշերը՝ «Լալայկա» կոչվող բարձունքում ավագ Ադամ Սահակյանի գլխավորությամբ 7 հոգուց բաղկացած սահմանապահ ուժերն անցնում են շրջանաձև պաշտպանության` ադրբեջանական հարձակման դեմ։ Իր զինընկերների հետ 5 ժամ շարունակ մարտնչելով թշնամու դեմ և հասցնելով նրան զգալի կորուստներ (200-ից ավելի սպանված հատուկջոկատային)` Սահակյանն ընկնում է հերոսի մահով։

Սահակյանի և նրա զինընկերների` թշնամու դեմ մղած պայքարը հնարավորություն է տվել Ջաբրաիլի հայկական գնդին տեղակայվել ռազմաճակատի 2-րդ գծում և կանգնեցնել հակառակորդին։ Սահակյանը հետմահու պարգևատրվել է Արցախի Հանրապետության «Մարտական ծառայություն» և Հայաստանի Հանրապետության «Արիության» մեդալներով։

Յուրաքանչյուր տարիքում երջանկությունը մի տեսք ունի. զրույց` Ադամ Սահակյանի մոր հետ

55
թեգերը:
երեխա, նորածին, Ադամ Սահակյան
Ըստ թեմայի
Ապրիլյան պատերազմում զոհված Արմենակ Ուրֆանյանին Արցախի հերոսի կոչում կշնորհվի
«Որպես նախարար` ես հաղթելու կողմնակից եմ». Դավիթ Տոնոյանը` Ապրիլյան պատերազմի մասին
Ո՞վ է հաղթել Ապրիլյան պատերազմում. Արցախի նախագահը ներկայացրեց իր տեսակետը

Ի՞նչը պետք է պահպանել. համաշխարհային առաջնորդները որոշել են ՄԱԿ-ում փոփոխություններ անել

0
(Թարմացված է 23:43 24.09.2020)
Այս տարի լրացավ ՄԱԿ–ի 75-ամյակը։ Անդամ երկրները որոշել են, որ կառույցում պետք է փոփոխություններ անել։

ՄԱԿ-ի անդամ երկրների առաջնորդները մտադիր են բարեփոխումներ իրականացնել ՄԱԿ-ում։ Գլխավոր ասամբլեայի հոբելյանական նիստի ժամանակ նման կոչով են հանդես եկել համաշխարհային մի քանի առաջնորդներ։

Օրինակ՝ Գերմանիայի կանցլեր Անգելա Մերկելը հայտարարել է, որ Բեռլինը կարող է դառնալ Անվտանգության խորհրդի ընդլայնման գործընթացի նախաձեռնողը։

«Գլոբալ խնդիրները համաձայնություն և համագործակցություն են պահանջում, անկախ ազգային սահմաններից։ Չափազանց հաճախ է ԱԽ–ն արգելափակման մեջ հայտնվում, երբ կարևոր որոշումներ ընդունելու կարիք կա»,-հայտարարել է նա:

Փոփոխությունների անհրաժեշտության մասին խոսել է նաև Ռուսաստանի նախագահ Վլադիմիր Պուտինը, այլապես, նրա կարծիքով, «կարելի է ընդարմանալ»։ 

Հակամարտությունները պետք է լուծվեն միայն խաղաղ ճանապարհով. Լավրով

ՌԴ առաջնորդը միաժամանակ ընդգծել է, որ պետք է պահպանել գլխավորը՝ ՄԱԿ–ի Անվտանգության խորհրդի մշտական անդամների վետոյի իրավունքը, թեև Արևմուտքը պնդում է, որ այն չեղարկվի:

Իսկ, թե ինչով է այն կարևոր աշխարհում կայունության պահպանման համար՝ դիտեք տեսանյութում:

0
թեգերը:
Անգելա Մերկել, Վլադիմիր Պուտին
Ըստ թեմայի
ՄԱԿ-ի գլխավոր քարտուղարը կոչով դիմել է Երևանին ու Բաքվին
ԱՄՆ պետքարտուղարության օրինագծում տեղ է գտել հստակ ձևակերպում` Լեռնային Ղարաբաղ. Մակունց
Ադրբեջանը չի հետևում ՄԱԿ-ի հրադադարի կոչին. Եկեղեցիների համաշխարհային խորհրդի արձագանքը
Որն է COVID-19–ից մահացության ամենաբարձր ցուցանիշ ունեցող երկիրը. ՄԱԿ–ի տվյալները