ԵՐԵՎԱՆ, 30 հուլիսի – Sputnik. Այսօր և առաջիկա օրերին` մինչև օգոստոսի 3-ը, գիշերային ժամերին և կեսօրից հետո Հայաստանի առանձին շրջաններում կարճատև անձրև կտեղա, որը կուղեկցվի ամպրոպով։ Տեղեկությունը հայտնում է ՀՀ արտակարգ իրավիճակների նախարարությունը։
Ամպրոպի ժամանակ քամու ուժգնությունը կհասնի 20-25 մ/վ–ի: Առանձին վայրերում սպասվում է նաև կարկուտ:
Ըստ ԱԻՆ–ի հրապարակած գծապատկերի` այսօր անձրև կգա Շիրակում, Կոտայքում, Գեղարքունիքում, Լոռիում, Տավուշում և Արագածոտնում։
Այսօր և վաղը Երևանում տեղումներ չեն գրանցվի։ Առանձին հատվածներում կարճատև անձրև և ամպրոպ է սպասվում օգոստոսի 1-3-ը գիշերային և երեկոյան ժամերին։ Ամպրոպի ժամանակ քամու ուժգնությունը կհասնի 20-22 մ/վ–ի։
Հուլիսի 30-ին մայրաքաղաքում օդի ջերմաստիճանը ցերեկաը կտատանվի +34-ից +36–ի սահմանում, գիշերը կնվազի մինչև +22։
«Մենք մի քայլ առաջ կլինենք»․ հայուհիների նրբաճաշակ բիզնեսը սահմանամերձ Նոյեմբերյանում
