Ընթերցանություն

Հանվել է ամեն հայկակա՞նը. դպրոցական գրականության ծրագրի մասին կարծիքները տարբեր են

813
(Թարմացված է 23:42 27.07.2020)
Ժամանակակից հայ գրողների գործերի ընդգրկումը դպրոցական ծրագրերում, ինչպես նաև դասականներից որոշների դուրս մղումը ծրագրից քննարկումների և քննադատությունների տեղիք է տվել։ Sputnik Արմենիան փոփոխությունների առնչությամբ զրուցել է մասնագետների հետ։

ԵՐԵՎԱՆ, 27 հուլիսի — Sputnik. Միջնադարյան և դասական մի շարք գրողների գործերը դպրոցական ծրագրից դուրս թողնելը  հատուկ ծրագիր է, որովհետև դրանց թեման, ըստ էության, հայն ու հայկականությունն է, պետականությունը, օտար նվաճողների դեմ ատելության արթնացումը։ Սա շատ մարդկանց դուր չի գալիս։ Sputnik Արմենիայի հետ զրույցում նման կարծիք հայտնեց բանասեր, դոցենտ Սերժ Սրապիոնյանը` անդրադառնալով հանրակրթական չափորոշիչների փոփոխման արդյունքում դպրոցում գրականության հայեցակարգից դուրս մնացած գրողների թեմային։

Մեծ աղմուկ հանած հայեցակարգից դուրս են մնացել Մովսես Խորանացին, Նահապետ Քուչակը, Ներսես Շնորհալին, Երվանդ Օտյանը։ Սակայն միաժամանակ դպրոցական ծրագրում ընդգրկվել են ժամանակակից հայ գրողներ` Հրաչյա Սարիբեկյան, Արամ Պաչյան, Արմեն Օհանյան...

«Ոչ մի անգամ հայ գրականության դասավանդման ծրագրում ընդգրկված արժեքները նման ռևիզիայի և կասկածի չեն ենթարկվել։ Սա գաղափարական ինտերվենցիա է այն ամենի դեմ, ինչն իր մեջ հայ մասնիկ է պարունակում։ Նրանք իրավունք չունեն կպնելու հայոց դպրոցին. Թումանյանը ճիշտ էր ասում` ամեն հայրենիք ունի իր գրականությունը, գրականությունը հայրենիք չունի»,–ասաց Սրապիոնյանը։

Ինչ վերաբերում է ժամանակակից հայ գրողների գործերի ընդգրկմանը դպրոցական ծրագրում` Սրապիոնյանը նշեց, որ գրական խոստումնալից արժեքների մեջ ընտրվել են այն գործերը, որտեղ հայրենիքի մասին ոչ մի թեմա չկա, չկան մարդկային փոխհարաբերություններ։ Ավելին, մասնագետը կարծում է`ճշմարիտ գրողը հասկանում է` իր գրածը դպրոցական դասագրքերում ընդգրկման ենթակա՞ է, թե ոչ։

Սրապիոնյանի մեկնաբանմամբ` գրականության ծրագրի մշակման աշխատանքային խումբը, տեսնելով, որ ընդվզում կա ինչպես մասնագետների, այնպես էլ հասարակության կողմից իրենց կազմածի առնչությամբ, ստիպված հայտարարեցին, թե կներառեն դասական գրողներին ծրագրում։

Հայաստանի գրողների միության նախագահ Էդվարդ Միլիտոնյանը Sputnik Արմենիայի հետ զրույցում հայտնեց` միշտ պայքարել է, որ ժամանակակից գրողներն ընդգրկվեն դասագրքերում։ Նրա խոսքով` հիմա փորձ է արվում 50 տարվա այդ բացթողումը լրացնել։

«Լավ է, որ փորձ են անում ընդգրկել ժամանակակիցներին, մեծ բացթողում է եղել, որ նրանց գործերը չեն ուսումնասիրվել մինչ այս։ Այլ հարց է` ում գործերն են ընդգրկում։ Այստեղ, կարծում եմ`պետք է չափորոշիչներ լինեն, որ ընտրությունը համոզիչ լինի»,–ասաց Միլիտոնյանը։

Գրականությունից մինչև տիեզերք, կամ դպրոցական ծրագրի շուրջ ծավալված բանավեճը հավերժական է

Նրա խոսքով` պետք է ներառվեն այն գրողների գործերը, որոնք հեղինակություն ունեն, թարգմանվել են տարբեր լեզուներով։ Եթե չափորոշիչներ չլինեն, ըստ Միլիտոնյանի, քաոս կլինի։ Բացի այդ, ժամանակակից գրողի լեզվամտածողությունը, ստեղծագործության թեմատիկան պետք է հարազատ լինի երեխային. պատահական գրողներին չպետք է ներառեն դպրոցական ծրագրում։ Միլիտոնյանը նկատեց` ռուս գրականությունը դպրոցական ծրագրում չգիտես ինչու ներառված չէ։

Գրականագետ, գրաքննադատ, բանասիրական գիտությունների թեկնածու Արքմենիկ Նիկողոսյանի կարծիքով էլ` խնդրի դրվածքը մի փոքր սխալ է ներկայացվում, և դրա մեղավորը նաև չափորոշիչների հեղինակներն են։ Այնպես է ստացվում, որ կատարվել է լավ բան, առաջադեմ քայլ, ժամանակակից հայ գրողը վերջապես 30 տարվա ընդմիջումից հետո հայտնվել է գրականության մերօրյա դասագրքերում:

«Բայց, քանի որ փնթիության, անուշադրության, անհետևողականության պատճառներով դասագրքերից հանվել են շատ կարևոր հարցեր ու հեղինակներ, ապա հանրային մի շատ ստվար զանգվածի մոտ առաջացել է այն ընկալումը, որ հանել են դասականներին, որպեսզի նրանց տեղը բերեն Հրաչ Սարիբեկյանին, Արամ Պաչյանին, Արմեն Օհանյանին, Հովհաննես Գրիգորյանին և մյուսներին»,- նշեց գրականագետը:

Նիկողոսյանի կարծիքով՝ անհրաժեշտ է պարզապես բացատրել, որ դրանք չեն արվել մեկը մյուսի փոխարեն, իսկ այն, որ ժամանակակից գրողը պետք է ներառվի դասագրքերում, ամենալուսավոր կետն է, որ կա չափորոշիչներում։

Նշենք, որ ՀՀ կրթության, գիտության, մշակույթի և սպորտի նախարարությունն արդեն իսկ հանդես է եկել պարզաբանմամբ` վստահեցնելով, որ Ոսկեդարի և միջնադարյան հայ գրականությունը ներառված է ուսումնական ծրագրում։ Նկատենք միայն, որ Խորենացի, Եղիշե, Նարեկացի, Օտյան և մի շարք այլ գրողներ, հրապարակված հայեցակարգում ներառված չեն։

Նախարարությունը, սակայն հայտնում է, որ գրականության ամբողջական ցանկը կներկայացվի հանրային քննարկումների արդյունքում արված լրամշակումներից հետո։

813
թեգերը:
գրականություն, Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան, դասագիրք, հայ, գրող, Աշակերտ, ծրագիր, Հայաստան, դպրոց
Ըստ թեմայի
Պարտադիր առարկաները կնվազեն, աշակերտներին չեն համեմատի իրար հետ. նոր փոփոխություններ
«Հայ եկեղեցու պատմություն» առարկան բովանդակային փոփոխություն չի կրելու». Մակունց
Դասաժամերի նվազեցումից հետո հնարավոր կլինի՞ խուսափել ուսուցիչների կրճատումից
Pentawards մրցանակաբաշխություն

Հայկական ընկերությունը երկրորդ անգամ փաթեթավորման դիզայնի «Օսկար» է ստացել

38
(Թարմացված է 23:58 24.09.2020)
Pentawards միջազգային մրցույթի պատմության մեջ  սա առաջին դեպքն է, երբ որևէ ընկերություն 2 տարի անընդմեջ արժանանում է «Տարվա լավագույն ընկերություն» տիտղոսին։

ԵՐԵՎԱՆ, 24 սեպտեմբերի – Sputnik. Հայկական Backbone բրենդինգ ընկերությունը երկրորդ տարին է` ճանաչվում է  Pentawards մրցանակաբաշխության հաղթող, տեղեկանում ենք ընկերության Facebook-ի էջից։

Pentawards-ը փաթեթավորման դիզայնի ոլորտում նույն մասշտաբի և հեղինակության մրցանակաբաշխություն է, ինչ կինեմատոգրաֆիայի ոլորտում «Օսկարը»։ Այն հիմնադրվել է Լոնդոնում, նրան ամեն տարի մասնակցում են աշխարհի առաջատար դիզայներական ընկերությունները՝ ներկայացնելով  տարբեր մեգաընկերությունների համար ստեղծված բրենդները՝ Microsoft, Coca Cola, Snickers, Nestle, Nike, Xiaօmi  և այլն։

«Մենք ուրախ  և անասելի հպարտ ենք, որ այս տարի աշխարհի տարբեր երկրների և միջազգային խոշոր կազմակերպությունների ներկայացուցիչների և ընկերությունների ներկայությամբ, 2-րդ անգամ հնչեց Agency of the Year - Backbone from ARMENIA արտահայտությունը: Այս տիտղոսը մեծ փառք և հեղինակություն է բերում ոչ միայն մեր ընկերությանը այլև Հայաստանին՝ միջազգային հարթակում», – ասված է ընկերության տարածած հաղորդագրությունում։

Սիմոն Աբգարյանը միանգամից երեք մրցանակ է ստացել «Մոլիեր» մրցանակաբաշխության ժամանակ

Pentawards միջազգային մրցույթի պատմության մեջ  սա առաջին դեպքն է, երբ որևէ ընկերություն 2 տարի անընդմեջ արժանանում է «Տարվա լավագույն ընկերություն» տիտղոսին։

38
թեգերը:
«Օսկար» մրցանակաբաշխություն, մրցանակաբաշխություն
Ըստ թեմայի
Նոբելյան մրցանակակիրը հայտարարել է` կորոնավիրուսը լաբորատորիայում է ստեղծվել
Հայտնի են «Ավրորա 2020»–ի մրցանակակիրները
Նախագահական, հետո «Պողոսյան». մրցանակների հանձնման արարողությունը՝ լուսանկարներով
Ադամ Սահկյանի անկյունը իրենց տանը

«Վերածնունդդ օրհնվի, Ադամ ջան». ծնվել է Ապրիլյան պատերազմի հերոս Ադամ Սահակյանի եղբորորդին

56
(Թարմացված է 23:29 24.09.2020)
Երեխան Ադամի եղբոր` Մուշեղ Սահակյանի և նրա կնոջ Անի Ամիրջանյան–Սահակյանի առաջնեկն է։ Նա հորեղբոր անունը կկրի։

ԵՐԵՎԱՆ, 24 սեպտեմբերի – Sputnik. Ծնվել է ապրիլյան պատերազմի հերոս Ադամ Սահակյանի եղբորորդին, նրան հորեղբոր պատվին Ադամ են անվանել։ Տեղեկությունը հայտնում է Ադամի մայրիկը` Գայանե Անտոնյանը, Facebook-ի իր էջում։ Երեխան Ադամի եղբոր` Մուշեղ Սահակյանի և նրա կնոջ Անի Ամիրջանյան–Սահակյանի առաջնեկն է։

Բարեկամներն ու ընկերները շնորհավորում են Ադամի մայրիկին` փոքրիկի ծննդյան առթիվ։

«Վերածնունդդ օրհնվի, Ադամ ջան։ Գայանե քույրս, բոլորիս աչքը լույս», «Գայանե ջան, ձեր ընտանիքում նրա ծնունդով ուրախությունը ուրախությանը թող հաջորդի», – գրում են Անտոնյանին։

Ադամ Սահակյանը 2016-ի ապրիլին տեղի ունեցած հայ–ադրբեջանական պատերազմի հերոս է։ Ապրիլի 1-ի գիշերը՝ «Լալայկա» կոչվող բարձունքում ավագ Ադամ Սահակյանի գլխավորությամբ 7 հոգուց բաղկացած սահմանապահ ուժերն անցնում են շրջանաձև պաշտպանության` ադրբեջանական հարձակման դեմ։ Իր զինընկերների հետ 5 ժամ շարունակ մարտնչելով թշնամու դեմ և հասցնելով նրան զգալի կորուստներ (200-ից ավելի սպանված հատուկջոկատային)` Սահակյանն ընկնում է հերոսի մահով։

Սահակյանի և նրա զինընկերների` թշնամու դեմ մղած պայքարը հնարավորություն է տվել Ջաբրաիլի հայկական գնդին տեղակայվել ռազմաճակատի 2-րդ գծում և կանգնեցնել հակառակորդին։ Սահակյանը հետմահու պարգևատրվել է Արցախի Հանրապետության «Մարտական ծառայություն» և Հայաստանի Հանրապետության «Արիության» մեդալներով։

Յուրաքանչյուր տարիքում երջանկությունը մի տեսք ունի. զրույց` Ադամ Սահակյանի մոր հետ

56
թեգերը:
երեխա, նորածին, Ադամ Սահակյան
Ըստ թեմայի
Ապրիլյան պատերազմում զոհված Արմենակ Ուրֆանյանին Արցախի հերոսի կոչում կշնորհվի
«Որպես նախարար` ես հաղթելու կողմնակից եմ». Դավիթ Տոնոյանը` Ապրիլյան պատերազմի մասին
Ո՞վ է հաղթել Ապրիլյան պատերազմում. Արցախի նախագահը ներկայացրեց իր տեսակետը

Ի՞նչը պետք է պահպանել. համաշխարհային առաջնորդները որոշել են ՄԱԿ-ում փոփոխություններ անել

0
(Թարմացված է 23:43 24.09.2020)
Այս տարի լրացավ ՄԱԿ–ի 75-ամյակը։ Անդամ երկրները որոշել են, որ կառույցում պետք է փոփոխություններ անել։

ՄԱԿ-ի անդամ երկրների առաջնորդները մտադիր են բարեփոխումներ իրականացնել ՄԱԿ-ում։ Գլխավոր ասամբլեայի հոբելյանական նիստի ժամանակ նման կոչով են հանդես եկել համաշխարհային մի քանի առաջնորդներ։

Օրինակ՝ Գերմանիայի կանցլեր Անգելա Մերկելը հայտարարել է, որ Բեռլինը կարող է դառնալ Անվտանգության խորհրդի ընդլայնման գործընթացի նախաձեռնողը։

«Գլոբալ խնդիրները համաձայնություն և համագործակցություն են պահանջում, անկախ ազգային սահմաններից։ Չափազանց հաճախ է ԱԽ–ն արգելափակման մեջ հայտնվում, երբ կարևոր որոշումներ ընդունելու կարիք կա»,-հայտարարել է նա:

Փոփոխությունների անհրաժեշտության մասին խոսել է նաև Ռուսաստանի նախագահ Վլադիմիր Պուտինը, այլապես, նրա կարծիքով, «կարելի է ընդարմանալ»։ 

Հակամարտությունները պետք է լուծվեն միայն խաղաղ ճանապարհով. Լավրով

ՌԴ առաջնորդը միաժամանակ ընդգծել է, որ պետք է պահպանել գլխավորը՝ ՄԱԿ–ի Անվտանգության խորհրդի մշտական անդամների վետոյի իրավունքը, թեև Արևմուտքը պնդում է, որ այն չեղարկվի:

Իսկ, թե ինչով է այն կարևոր աշխարհում կայունության պահպանման համար՝ դիտեք տեսանյութում:

0
թեգերը:
Անգելա Մերկել, Վլադիմիր Պուտին
Ըստ թեմայի
ՄԱԿ-ի գլխավոր քարտուղարը կոչով դիմել է Երևանին ու Բաքվին
ԱՄՆ պետքարտուղարության օրինագծում տեղ է գտել հստակ ձևակերպում` Լեռնային Ղարաբաղ. Մակունց
Ադրբեջանը չի հետևում ՄԱԿ-ի հրադադարի կոչին. Եկեղեցիների համաշխարհային խորհրդի արձագանքը
Որն է COVID-19–ից մահացության ամենաբարձր ցուցանիշ ունեցող երկիրը. ՄԱԿ–ի տվյալները