Սատկած մեղուներ

Թունավորված մեղուների առեղծվածը. ինչպես է գյուղացին ունքը շինելու տեղ աչքը հանում

1860
(Թարմացված է 00:01 25.07.2020)
Այս տարի հանրապետության տարբեր շրջաններում մեղուների անկման զանգվածային դեպքեր են եղել։ Մեղվապահները վստահ են՝ հիվանդությունը նման մեծ ծավալի սպանդ չի անում, մեղուները թունավորված են։

Ձմեռը նորմալ անցավ, գարունը մահացու դարձավ. այսպես կարելի է բնութագրել այն, ինչ եղավ Գնել Ղլեչյանի մեղուների հետ։ Ասում է՝ ձմռան ամիսներն են բարդ համարվում, սովորաբար մեկ-երկու ընտանիքի կորուստ է լինում, այս տարի ուրախացել էր՝ 100 տոկոս արդյունք էր գրանցել։ Ապրիլի սկզբին հասկացավ՝ ուրախանալու համար դեռ շատ վաղ էր։ Արզնու ամառանոցային գոտում գտնվող մեղվափեթակների հարևան ծիրանանոցի սրսկումից հետո կորուստները սկսվեցին։

«Մեղուները կա՛մ գնում էին, չէին վերադառնում, կա՛մ բժժած էին գալիս, հետո անկումը սկսվեց,- ցավով պատմում է մեղվապահն ու ավելացնում, որ գրեթե 70 տոկոս կորուստ է ունեցել, 20 մեղվափեթակից 6-ն են մնացել։ – Այն էլ ճգնաժամային դժվար այդ շրջանում սա գումարային մեծ կորուստ է։ Արդեն գիտեմ, որ վաճառքի բերք այս տարի չեմ ունենալու, այն, ինչ ստանամ, մեղուների վերականգնման համար է օգտագործվելու»։

Ասում է՝ հարևանի այգու սրսկման մասին չի իմացել, երկրորդ սրսկումից առաջ այգետերը զգուշացրել է, ժամանակին միջոցներ են ձեռնարկել, նոր կորուստներից խուսափել են։ Բայց և հավելում է՝ առաջին անգամը չէր, որ այգին սրսկվում էր, բայց նման բան առաջին անգամ պատահեց։ Հետաքրքիրն այն է, որ 10 հա-ից ավելի տարածք զբաղեցնող սրսկված ծիրանանոցում էլ մեկ հատիկ ծիրան չի հասունացել։

Առաջինը չէր, ցավոք վերջինն էլ չի լինի. մեղուներին թունավորողները

Ապրիլին սոցցանցերի գյուղատնտեսական մասնագիտական խմբերում, հետո նաև մամուլում աղմուկ բարձրացավ. Արմավիրի Նորավան և Լուկաշին գյուղերում մեղուների մասսայական անկում է։ Լաբորատոր փորձաքննությամբ պարզվեց՝ մեղուները պարազիտային կամ ինֆեկցիոն հիվանդություն չեն ունեցել։ Զանգվածային ակնման պատճառը թունավորումն էր։ Մասնագետները եզրակացրին՝ մեղուները թունավորվել են առվույտի դաշտերը թույնով սրսկելու հետևանքով։

Упадок пчел в Армавире
© Photo : provided by Mariam Yenokyan
Սատկած մեղուներ

Նորավանի բնակիչ Մարիամ Ենոքյանը 25 տարվա մեղվապահ է, ամուսնու ընտանիքն այս գործով է զբաղվում 1947 թվականից։ Ասում է՝ որոշակի քանակով անկման դեպքեր ամեն տարի են լինում, բայց իրենց ընտանեկան 70 և ավելի տարիների փորձով՝ անկման այսպիսի ծավալներ դեռ երբեք չէին եղել։ Խնդիրը սկսվեց ապրիլին. դա այն ժամանակահատվածն է, երբ այգետերերը սրսկում են անում տարբեր վնասատուների դեմ։

Ուրբաթը շաբաթից շուտ եկավ. տուրիզմի ոլորտին «ռեանիմատոլոգներ» են պետք

«Սրսկող մեքենան ուրիշ տեղից էր եկել, միանգամից հեկտարներով սրսկել այնպիսի դեղամիջոցներ, որոնց վրա գրված է՝ դրանք չեն թույլատրվում մեղվանոցների և ձկնաբուծարանների հարևանությամբ կիրառել։ Մարդիկ կան, մինչև 90 տոկոս կարուստ են ունեցել։ Ես տեսանյութեր եմ նկարել, որոնցում մեղուների անկման 7-8-րդ օրն է արդեն, իսկ առաջին օրերին դույլերով էինք մեղու թափում»։

Տիկին Մարիամի խոսքով՝ մեղուների կորուստը միայն ապրիլով չի ավարտվել։ Մեղվաընտանիքները մինչև հիմա «խելքի չեն գալիս», մեղվապահների կորուստները հիմա էլ են շարունակվում։ Անձամբ ինքը մեղուների անկումից անմիջապես հետո անցել է մեղվափեթակների վերականգնման։ Ամեն տարի գարնանը 1000-2000 դոլար գումար վաստակում մեղուների վաճառքից, իսկ այս տարի մեղվի գնորդ ինքը դարձավ։

Առաջին խնդիրը թունաքիմիկատներն են, երկրորդը՝ մեղվապահներին սրսկման մասին ժամանակին չզգուշացնելը։

Օրենքը կա, բայց խախտողների համար պատժամիջոցները չկան

Յուրաքանչյուր տարեվերջին ՀՀ էկոնոմիկայի նախարարությունը տվյալներ է ստանում հանրապետությունում գրանցված մեղվափեթակների թվի վերաբերյալ։ Պատասխանատուները նշում են՝ տարեցտարի թվի լուրջ փոփոխություն չի լինում՝ 228-230 հազար։

Նախարարության աշխատակազմի գյուղատնտեսական առաջնային արտադրանքի վարչության պետի տեղակալ Տիգրան Ալեքսանյանի խոսքով՝ այնպես չէ, որ դաշտը օրենսդրական առումով բաց է՝ «Մեղվաբուծության մասին» օրենքը կա, որը սահմանում է մեղվապահների իրավունքներն ու պարտականությունները։

Բարձրակարգ «հյուրանոց» մեղուների համար, կամ գորիսեցի պապիկի հնարամտությունը

Ըստ օրենքի՝ թունաքիմիկատներ կամ ագրոքիմիկատներ օգտագործող անձինք պարտավոր են քիմիական մշակում սկսելուց ոչ ուշ, քան 3 օր առաջ անձամբ գրավոր կամ զանգվածային լրատվության միջոցներով մշակման ենթակա գյուղատնտեսական և անտառային բույսերի տարածքից 5 կիլոմետրից պակաս հեռավորության վրա գտնվող մեղվանոց ունեցող անձանց և լիազոր մարմնին տեղեկացնել աշխատանքների սկզբի և ավարտի մասին:

Օրենքի սահմանումը հստակ է, մնում է՝ այգետերերն այնքան գիտակից ու պատասխանատու լինեն, որ մեղուների թունավորման պատճառ չդառնան։

«Անգամ սրսկման ժամերը կապ ունեն, եթե գործընթացը պահպանվի, վնաս ոչ ոք չի կրի»,- մեկնաբանում է Ալեքսանյանն ու ավելացնում, որ մարզպետարանների և ՏԻՄ-երի միջոցով իրազեկման աշխատանքներ են իրականացնում, բացատրում ամեն բան։

Մեղվապահները համաձայնում են՝ օրենքը կա, բայց իրավախախտների համար պատժամիջոցների հարցն է բաց մնում։ Կա՛մ պետք է տուգանքներ սահմանվեն, կա՛մ թունաքիմիկատներ վաճառողներին պարտավորեցնեն՝ մեղուներին չսպանել։

Մեկին օգնում է, մյուսի՝ տունը քանդում. թունաքիմիկատների առեղծվածը

Թունաքիմիկատների շուկայի վերահսկողությունն իրականացնող լիազոր մարմինը Սննդամթերքի անվտանգության տեսչական մարմինն է (ՍԱՏՄ)։ ՍԱՏՄ-ի մամուլի խոսնակ Անուշ Հարությունյանը նշում է՝ այս տարի ահազանգ ոչ միայն Արմավիրից են ստացել, այլև Արարատից։

«Մեր մասնագետները ստուգել էին, թե ինչ թունաքիմիկատներ են օգտագործվել։ Դրանց վրա նշված էր մեղուների համար հակացուցումը, բայց դրանք արգելված թունաքիմիկատներ չէին։ Նշանակում է՝ այստեղ ՏԻՄ-երի խնդիրն է, իրենք պետք է աշխատեն գյուղացիների հետ, իրազեկեն, որ սրսկում կատարելուց առաջ զգուշացնեն տարածքի մեղվապահներին, նրանք էլ համապատասխան միջոցներ ձեռնարկեն»,- մեկնաբանում է Հարությունյանն ու շարունակում բացատրել։

Կա թույլատրելի թունաքիմիկատների ցանկ։ Տեսչական մարմինը պարբերաբար ստուգայցեր է իրականացնում, պիտանելիության ժամկետանց կամ ոչ թույլատրելի թունաքիմիկատներ հայտնաբերելիս՝ դրանք ոչնչացվում են։ Նախորդ տարի բավականին մեծ խմբաքանակ է շուկայում հայտնաբերվել և ոչնչացվել։ Բայց խնդիրը միայն բուն թունաքիմիկատը չէ, գյուղացիները հաճախ այն ճիշտ չեն օգտագործում։

«Մենք հաճախ ահազանգ ենք ստանում, որ թունաքիմիկատից բույսերը վառվել են։ Ստուգման արդյունքում պարզվել է, որ պատճառը թունաքիմիկատի սխալ կիրառությունն է։ Երբեմն չենք էլ կարողանում հասկանալ, թե ինչ է օգտագործել. ասում է՝ խանութում տվեցին։ Անունը չգիտի, օգտագործել է, տուփը դեն նետել»։

Հարությունյանն ընդգծում է՝ պետք է մասնագետներին դիմել, խորհրդակցել՝ բնությանն օգնելու փոխարեն չվնասելու համար։

Հ.Գ. Եթե մեղուները ոչնչանան, չորս տարի անց մարդիկ էլ կմահանան։ Ալբերտ Էյնշտեյնը պնդում էր՝ առանց մեղուների չի լինի փոշոտում, չեն լինի բույսեր, չեն լինի կենդանիներ, մարդն էլ չի լինի։

1860
թեգերը:
մեղու, Արզնի, Արմավիր, Հայաստան
Ըստ թեմայի
Երբ ծախում ես մայրիկիդ թխած լահմաջոն կամ որոշում ես ճագար բուծել. բիզնեսի նոր կանոններ
Մեկուսացման օրերին քարից ծնվեց ժողովրդի պահապան հրեշտակը. գյուղի տված բնական կրթությունը
Ինչպես կարող է հաշմանդամություն ունեցող երեխայի մայրն աշխատել ու մնալ փոքրիկի կողքին
Սևան

«Սպիտակ Շորժայի» սեփականատերը մամուլից է տեղեկացել, որ իր տարածքում բիզնես են հիմնել

38
(Թարմացված է 21:12 04.08.2020)
Ռուսաստանաբնակ ճարտարապետ Ռուբեն Չախմախչյանը Sputnik Արմենիային պատմել է, թե որտեղից է իմացել Հայաստանում իր տարածքի շուրջ բարձրացած աղմուկի մասին։ Նա նաև ներկայացրել է տարածքի նկատմամբ իր սեփականության իրավունքը հաստատող փաստաթղթերը։

ԵՐԵՎԱՆ, 4 օգոստոսի – Sputnik, Նելլի Դանիելյան. Սևանի «Սպիտակ Շորժա» (White Shorja) հանգստի գոտու տարածքի իրական սեփականատերը` ճարտարապետ Ռուբեն Չախմախչյանը մամուլի հրապարակումներից է տեղեկացել, որ իր տարածքում ինչ–որ մարդիկ ապօրինի գործունեություն են ծավալել։ Սեփականատերն այդ մասին իմացել է այն ժամանակ, երբ շրջակա միջավայրի նախարարն արդեն հայտարարել էր այդ գործունեությունը կասեցնելու մասին։

«Ես չեմ ուզում քաղաքական հարցերի մեջ մտնել` ումն է դա, ով է այդ մարդը։ Բայց տպավորությունն այնպիսին էր, որ այդ մարդը ինչ–որ բիզնես է անում, բայց անպայման փորձում է ինչ–որ մեկից ինչ–որ բան խլել։ Բայց տեղեկություններ կային, որ Հայաստանում հիմա անօրինականությունները կանխվում են։ Այդպիսի աղոտ հույս կար։ Ու երեկ, փաստորեն, նախարարը որոշում կայացրեց այդ բոլոր անօրինական շինությունները կանխել»,– Sputnik Արմենիայի հետ հեռախոսազրույցում անթաքույց ուրախությամբ ասաց ճարտարապետը։

Հիշեցնենք` օգոստոսի 3-ին շրջակա միջավայրի նորանշանակ նախարար Ռոմանոս Պետրոսյանը հանձնարարել էր ամենասեղմ ժամկետում կասեցնել Սևանի «Սպիտակ Շորժա» (White Shorja) հանգստի գոտու գործունեությունն ու ապամոնտաժել տարածքում տեղադրված ապօրինի տաղավարները։ Նախարարը հայտարարել էր նաև, որ տնտեսվարողը տարածքի նկատմամբ որևէ իրավական կարգավիճակ չունի։

Ինչ վերաբերում է Ազգային ժողովի «Իմ քայլը» խմբակցության պատգամավոր Հայկ Սարգսյանին, որին, ըստ լուրերի պատկանել է անօրինական բիզնեսը, տարածքի իրական սեփականատեր Չախմախչյանը հայտնեց, որ նրան երբևէ չի ճանաչել և նրա հետ գործնական հարաբերություններ չի ունեցել։

«Հայկ Սարգսյանը, որքան ես գիտեմ, նույնքան տարեկան է, որքան որ ես Հայաստանում չեմ գտնվել։ Դրա համար առնչվելու առիթ չի եղել»,– կատակեց նա։

Սևանի ափին գտնվող տարածքում հանգստի գոտի կառուցելու գաղափարը ճարտարապետն ու նրա երկու ընկերները հղացել են շուրջ 20 տարի առաջ։ «Սևան» ազգային պարկի հետ տարածքի վարձակալության պայմանագիրը, Չախմախչյանի պարզաբանմամբ, նախապես ձևակերպվել է ընկերներից մեկի անունով։ Իսկ 2008թ–ին տարածքից 3.5 հա–ն` վարձակալության իրավունքով, իսկ դրան կից 5 հա–ն` սեփականության իրավունքով` նվիրատվության պայմանագրի հիման վրա փոխանցվել է Ռուբեն Չախմախչյանին։ Մնացած 5 հա–ն սեփականության իրավունքով ձեռք է բերել նրա մտերիմ ընկերն ու բիզնես–գործընկերը, որի հետ էլ ծրագրում էին հանգստյան գոտի կառուցել։

«Մենք արդեն բավական աշխատանք էինք արել տարածքում, ու արդեն ծրագրում էինք շինարարությունը սկսել։ Բայց, ցավոք, դեֆոլտները խանգարեցին»,– նշեց Չախմախչյանը` ակնարկելով 2009թ–ի համաշխարհային տնտեսական ճգնաժամը։

Սևանի Շորժայի ափի կառուցպատման նախագիծն այսօր էլ կա, տարածքի սեփականատերերն անգամ անունն են որոշել`«Զարթոնք», այժմ սպասում են այն իրագործելու համար բարենպաստ տնտեսական իրավիճակի։ 

Ինչ վերաբերում է իրենց տարածքում ապօրինի ծավալված բիզնեսին, Ռուբեն Չախմախչյանը հայտնեց, որ տեղի ունեցած միջադեպի առնչությամբ Հայաստանի իշխանություններից ու ազգային պարկից որևէ պահանջ չունի, չնայած, որ տարածքը ապօրինի շահագործման հետևանքով վնաս է կրել։

«Ինձ ասացին, որ ավազ են լցրել, բարեկարգել են ափը։ Այդ ավազը քանդել և հանել են իմ սեփական հողատարածքից։ Այսինքն`փչացրել են այդ հողատարածքը։ Եթե այնտեղ ես տնակներ կառուցեմ, պետք է կառուցեմ ափից հեռու, վերևի հատվածում, իսկ իրենք քանդել, այդ տարածքից ավազը հանել են, տեղափոխել ափ։ Այն տարածքը, որը կառուցապատման ենթակա է, փչացրել են»,– պարզաբանեց Չախմախչյանը։

Վերջինս Sputnik Արմենիային ներկայացրեց նաև տարածքի նկատմամբ իր իրավունքը հաստատող փաստաթղթերը` սեփականության վկայականն ու կառուցապատման իրավունքի պայմանագիրը։

  • «Սպիտակ Շորժա» ծովափնյա գոտու սեփականատեր Ռուբեն Չախմախչյանի սեփականության իրավունքը հաստատող փաստաթղթերը
    «Սպիտակ Շորժա» ծովափնյա գոտու սեփականատեր Ռուբեն Չախմախչյանի սեփականության իրավունքը հաստատող փաստաթղթերը
    © Photo : provided by Ruben Chakhmakhchyan
  • «Սպիտակ Շորժա» ծովափնյա գոտու սեփականատեր Ռուբեն Չախմախչյանի սեփականության իրավունքը հաստատող փաստաթղթերը
    «Սպիտակ Շորժա» ծովափնյա գոտու սեփականատեր Ռուբեն Չախմախչյանի սեփականության իրավունքը հաստատող փաստաթղթերը
    © Photo : provided by Ruben Chakhmakhchyan
  • «Սպիտակ Շորժա» ծովափնյա գոտու սեփականատեր Ռուբեն Չախմախչյանի սեփականության իրավունքը հաստատող փաստաթղթերը
    «Սպիտակ Շորժա» ծովափնյա գոտու սեփականատեր Ռուբեն Չախմախչյանի սեփականության իրավունքը հաստատող փաստաթղթերը
    © Photo : provided by Ruben Chakhmakhchyan
  • «Սպիտակ Շորժա» ծովափնյա գոտու սեփականատեր Ռուբեն Չախմախչյանի սեփականության իրավունքը հաստատող փաստաթղթերը
    «Սպիտակ Շորժա» ծովափնյա գոտու սեփականատեր Ռուբեն Չախմախչյանի սեփականության իրավունքը հաստատող փաստաթղթերը
    © Photo : provided by Ruben Chakhmakhchyan
1 / 4
© Photo : provided by Ruben Chakhmakhchyan
«Սպիտակ Շորժա» ծովափնյա գոտու սեփականատեր Ռուբեն Չախմախչյանի սեփականության իրավունքը հաստատող փաստաթղթերը

Հիշեցնենք, որ հուլիսի 26-ին Սևանի «Սպիտակ Շորժա» լողափում տեղի էր ունեցել Գոռ Սուջյանի մենահամերգը։ Խնջույքից տեսագրություն և լուսանկարներ էին հրապարակվել, որոնցում երևում էր նաև Ազգային ժողովի «Իմ քայլը» խմբակցության պատգամավոր Հայկ Սարգսյանը:

Նա դիմակի չէր դրել, որի համար ավելի ուշ տուգանվել էր։ Սարգսյանն ինքը պարզաբանում էր տարածել` ասելով, որ ընդամենը մի պահ դիմակ չի կրել։

Մամուլում տարածված լուրերի համաձայն` այս լողափը պատկանում է հենց նրան կամ առնչություն ունի նրա հետ, սակայն Սարգսյանը դա էլ է հերքում։

38
թեգերը:
փաստաթուղթ, սեփականատեր, «Իմ քայլը» խմբակցություն, Պատգամավոր, ԱԺ, Հայկ Սարգսյան, Լողափ, Սևան, Հայաստան
Ըստ թեմայի
Սևանի հանրային լողափերում նավակներ են շրջվել. օգնության են հասել փրկարարները
Հայերն այլևս վրացական լողափերում չե՞ն հանգստանում. օբյեկտիվ և սուբյեկտիվ պատճառներ
Լողափ` հաշմանդամություն ունեցողների համար. Սևանում յուրահատուկ ծրագիր է մեկնարկել
Հանրային լողափերն անվտանգ են. նախարարը մեկնաբանել է Սևանում լողալու շուրջ աղմուկը

Հարսանի՞ք, թե՞ բաժանում. ինչպես է համավարակը ազդել ամուսնությունների վրա

17
(Թարմացված է 20:34 04.08.2020)
ՀՀ արդարադատության նախարարությունը Sputnik Արմենիային է տրամադրել 2019 և 2020 թվականների առաջին կիսամյակում գրանցված ամուսնալուծությունների ու ամուսնությունների վիճակագրությունը։ Թվերը իսկապես հետաքրքիր են։
Հարսանի՞ք, թե՞ բաժանում. ինչպես է համավարակը ազդել ամուսնությունների վրա
© Sputnik / Shushanik Sargsyan

Աշխարհի շատ երկրներում կորնավիրուսային համավարակից ու հարկադիր մեկուսացումից հետո ավելացել է ամուսնալուծությունների թիվը, բայց որքան էլ տարօրինակ թվա, Հայաստանում այդ ցուցանիշը նվազել է։

Պակասել են նաև գրանցված ամուսնությունները։ Փորձագետները կարծում են, որ պատճառը կարող է լինել ՀՀ–ում մեծ միջոցառումներ անցկացնելու արգելքը։ Հիմա միջոցառումներին կարող է մասնակցել առավելագույնը 20 մարդ, իսկ հայերը սիրում են մի քանի հարյուր հոգով հարսանիք անել։

17
թեգերը:
հարսանիք, ամուսնալուծություն, ամուսնություն, կորոնավիրուս, Հայաստան
Ըստ թեմայի
«Աներևակայելի բարդ ու ցավոտ է»․ Քիմ Քարդաշյանը խոսել է ամուսնու հիվանդության մասին
«Տիեզերքի լավագույն տղամարդը». Աննա Սեդոկովան 3-րդ անգամ է ամուսնանում
«Եթե ամուսնության առաջարկ անի, կհամաձայնեմ». Լոլիտան պատմել է նոր հարաբերությունների մասին
Թուրքական սերիալի ճանաչված դերասանուհին ամուսնացել է հայ գործարարի հետ
Աշխարհի ամենաերիտասարդ վարչապետն ամուսնացել է ֆուտբոլիստի հետ. լուսանկար
Բորիս Նեմցովի դուստրը հայի հետ է ամուսնացել. լուսանկար
Արմեն Սուքիասյան

Ինչպես ապրում ենք, այնպես էլ կատակում ենք, կամ տոտալ լռություն ցունամիից առաջ

0
(Թարմացված է 21:13 04.08.2020)
Հայաստանում այս օրերին շատ է քննարկվում, որ կորոնավիրուսային իրավիճակով պայմանավորված` շատ է տուժել նաև ժամանցային ոլորտը։ Ինչ ակնկալիքներ ունեն ոլորտի մասնագետները, ում են դիմել ու ինչ արձագանք են ստացել, Sputnik Արմենիան փորձել է պարզել պրոդյուսեր Արմեն Սուքիասյանից։

ԵՐԵՎԱՆ, 4 օգոստոսի — Sputnik. Հայաստանում ժամանցային ոլորտը սարսափելի վիճակում է։ Կորոնավիրուսային իրավիճակով պայմանավորված` տնտեսությունը մեծ վնասներ է կրում, որի աղետալի հետևանքները կտեսնենք կես տարի անց։ Sputnik Արմենիայի հետ զրույցում նման կարծիք հայտնեց ճանաչված պրոդյուսեր, մի շարք մեգանախագծերի համահիմնադիր Արմեն Սուքիասյանը։

Продюсер Армен Сукиасян
Պրոդյուսեր Արմեն Սուքիասյանը

Խնդիրը կարգավորելու, փոփոխություններ անելու, ոլորտն առողջացնելու համար Սուքիասյանը դիմել է տարբեր գերատեսչությունների, ԱԺ պատգամավորների, բայց, ասում է` պատասխանատուներն այնքան էլ շահագրգռված չեն կամ ի զորու չեն խնդիրները լուծելու։

«Ցավոք, այսօր ՀՀ կառավարությունում ունենք կառավարման զրոյական փորձով գործիչներ, որոնք հասարակական սեկտորից դարձել են կառավարիչներ։ Ենթադրենք` մյուս ընտրություններում նրանք բավարար ձայներ չհավաքեն և չկազմեն մեծամասնություն, ինչո՞վ են զբաղվելու։ Շարունակելո՞ւ են քաղաքական կարիերան, թե՞ մտածում են` հայկական կամ միջազգային խոշոր ընկերությունները նստած սպասում են` այս կամ այն նախարարը երբ է թողնելու քաղաքականությունը, որ կանչեն մի կառավարիչի պաշտոն տան»,-ասաց պրոդյուսերը։

Արմենը վստահ է, որ բնության մեջ բացարձակ լռությունը տագնապալի է, պետք է անհանգստանալ, քանի որ տոտալ լռությունից հետո միշտ ցունամի է լինում։ Հիմա մենք այդ տոտալ լռության մեջ ենք ու այդ ցունամին, որը ավերիչ հետևանքներ կունենա՝ գալու է։

«Այժմ բոլորս մի նավի մեջ ենք։ Կան մարդիկ, որ այդ նավը ճոճում են։ Ես չեմ ուզում լինել նավը ճոճողներից մեկը, այլ ուզում եմ օգնել, որ նավապետն իր անձնակազմով մեզ տանի տեղ հասցնի, որովհետև խորտակվելու դեպքում բոլորս ենք խորտակվելու»,-շեշտեց նա։

Արմենը լիահույս է, որ օգոստոսի 12-ից արտակարգ դրության ձևաչափը կփոխվի ու պարետատունը շատ բաներ կթույլատրի, որովհետև ոստիկանությունը չի վերահսկում իրավիճակը ու կորոնավիրուսի դեմ հայկական պայքարը չի գործում։

Չնայած բարդ իրավիճակին` Արմենն իր թիմով ձեռքերը ծալած չի նստում։ Աշխատում են այն ծրագրերի վրա, որոնք պարետատունը թույլ է տալիս։

Продюсер Армен Сукиасян
Պրոդյուսեր Արմեն Սուքիասյանը` հերթական նախագծի ժամանակ

«Հիմա ընտրել ենք ավելի փոքր նախագծեր, որոնք այս պահին հնարավոր է իրականացնել։ Մեր թիմով (FunnyMen փրոդաքշն) տասնյակ հաղորդումների վրա ենք աշխատում: Ունենք նոր երաժշտական նախագիծ, որը կոչվում է «Shazat»։ Այն բավականին սիրվեց հանդիսատեսի կողմից։ Ունենք նախագիծ, որը կոչվում է «Երկու գնդակների արանքում», դա ավելի աբսուրդ հումորի մասին է։ Վերջին օրերին ևս մեկ հաղորդում նկարահանեցինք, որը կոչվում է «10-ի Բ», որտեղ հայտնի մարդիկ փորձում են իրենց գիտելիքներն ու մրցում են դպրոցականների հետ։ Այս պահին աշխատում ենք նաև 2 սերիալների և մեծ ինտելեկտուալ հաղորդման վրա»,-մանրամասնեց Արմենը։

Продюсер Армен Сукиасян (в середине), Владимир Зеленский (справа) и соавтор проекта Лига Юмора Арам Меликян
© Photo : provided by Armen Suqiasyan
Պրոդյուսեր Արմեն Սուքիասյանը` ընկերների հետ

Պրոդյուսերի խոսքով` համավարակից առաջ ունեցել են 2 մեծ TV նախագծեր, որոնք պետք է ցուցադրվեին հեռուստաընկերություններից մեկով։ Դրանք չեղարկել են, որովհետև նման ֆորմատի հաղորդումնեը խելամիտ չէր լինի նկարել 20 հանդիսատեսով։ Նա նշեց, որ դեռ բանակցությունների փուլում են և փորձում են ստեղծված իրավիճակից ելք գտնել։

Եթե ռեստորանները բացվել են, թատրոններն ինչո՞ւ են փակ. թատերական գործիչների առաջարկը

Պրոդյուսերի խոսքով ՝ այսօր հումորի նշաձողը Հայաստանում շատ ցածր է, որն էլ ավելի է բարդացնում ժամանցային և հումորային արտադրանք ստեղծելն ու մատուցելը։ Մարդիկ կարող են ինչ-որ հաղորդումից կտոր վերցնելով Tik-tok նկարել, ստեղծել անորակ մի բան, որն առցանց տիրույթում մեծ դիտումներ է հավաքում։ Իսկ երբ մարդն ունի թատերական կրթություն, աշխատել է իր վրա ու նստում, լուրջ սցենար է գրում և հումոր ստեղծում, որի վրա մարդիկ պետք է մտածեն, հասկանում է, որ նրանք այլևս չեն ուզում մտածել։

Продюсер Армен Сукиасян
© Photo : provided by Armen Suqiasyan
Պրոդյուսեր Արմեն Սուքիասյանը

«Բայց մենք չենք հարմարվում ու անընդհատ փորձում ենք հասարակությանը ցույց տալ, որ հումորը պետք է ունենա կառուցվածք, ունենա պարադոքս, մարդկանց մտածելու տեղիք տա»,-ասաց նա։

Անդրադառնալով հումորի ուղվածություններին` Արմենը մեջբերում է ՈՒՀԱ–ի (КВН) հաղորդավար ու հիմնադիր Ալեքսանդր Մասլիկովի խոսքերը՝ «Как живем, так и шутим» (Ինչպես ապրում ենք, այնպես էլ կատակում ենք)։

Վստահ է՝ քանի դեռ Հայաստանում քաղաքական իրավիճակն է առաջին տեղում, գերիշխելու է քաղաքական հումորը, կլինի մշակույթը կամ սպորտը, ապա հումորն այդ ուղղվածության կլինի։

Արմենը շեշտում է՝ Հայաստանում հնարավոր է գրագետ քաղաքական հումոր անել, սոցիալական հարցեր բարձրացնել ՝ չվիրավորելով անձը, բայց կա քաղաքական որոշում, որ այս կամ այն TV-ին չի ցանկանում հարաբերությունները փչացնել տվյալ քաղաքական ուժի հետ, և այդ հումորների համար պարզապես տեղ չի գտնվում եթերում։

Փաշինյանն արձագանքել է, բայց ռեստորանային բիզնեսի ցավը միայն քաղաքապետը կարող է բուժել

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը։

0
թեգերը:
Արմեն Սուքիասյան, պրոդյուսեր, հումորներ, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Ծաղիկները կորոնավիրուսին չեն սպասում․ ի՞նչ վիճակում են ծաղկավաճառներն ու ջերմոցատերերը
«Մեր վարչապետն էլ է լրագրող»․ 10-ամյա Հակոբն ուզում է՝ մայրն այլևս չլացի, չոր բարձին քնեն
Եթե ես չանեմ, չեմ կարող ուրիշից ակնկալել․ կորոնավիրուսի դեմ պայքարող կամավորի պատմությունը