Պսակադրություն Մովսես գյուղում

Տավուշի Մովսես գյուղում հարսանիք է եղել. մարդիկ վերադառնում են բնականոն կյանքի

699
(Թարմացված է 22:08 19.07.2020)
Տավուշի մարզպետ Հայկ Չոբանյանը ներկայացրեց մարզի սահմանամերձ համայնքներում տիրող իրավիճակն ու անվտանգության համար կատարվող քայլերը։

ԵՐԵՎԱՆ, 19 հուլիսի — Sputnik. Տավուշի սահմանամերձ համայնքներում գյուղացիները սկսել են լիարժեք կատարել իրենց գյուղատնտեսական աշխատանքները։ Դա նշանակում է, որ Տավուշում կյանքը վերադառնում է իր բնականոն հունին։ Իջևանում այսօր կայացած ասուլիսի ժամանակ տեղեկությունը հայտնեց Տավուշի մարզպետ Հայկ Չոբանյանը։

«Պետությունը, կառավարությունը կանգնած է մեր բնակչության մեջքին, համոզված եղեք, որ մենք ի վիճակի ենք մեր առջև ծառացած խնդիրները լուծելու։ Ասեմ ավելին` մենք այսօր մասնակցել ենք պսակադևրության արարողության Մովսեսի եղեկեցում, որը շատ գեղեցիկ է, ուստի մարդիկ վերադարձել են իրենց բնականոն կյանքին»,–ասաց մարզպետը։

Ի դեպ, Երևանի ավագանու անդամ Լևոն Զաքարյանը Մովսես գյուղում կայացած պսակադրությունից նկար է հրապարակել Facebook-ի իր էջում և տեղեկացրել, որ պսակադրության քավորը ԿԳՄՍ նախարար Արայիկ Հարությունյանն է եղել։

Անդրադառնալով ապաստարանների թեմային` Չոբանյանը նշեց, որ սահմանամերձ համայնքների բոլոր դպրոցներում պետք է լինեն ապաստարաններ։ Նշանակություն չունի, այժմ ուսումնական արձակուրդ է, թե ոչ, այդ ապաստարանները պետք է պատրաստ լինեն քաղաքացիների համար, քանզի ցանկացած պահի կարող է հրետակոծություն լինել։

«Մենք առաջիկայում ոչ միայն ապաստարանների կազմը կմեծացնենք, այլև մեր մասնագետները, ԱԻՆ մասնագետների հետ համագործակցելով, որոշակի տեխնիկական, ինժեներական շտկումներ կկատարեն։ Նախատեսում ենք նոր ապաստանային տարածքների ստեղծում ինչպես դպրոցներում, այնպես էլ դպրոցներին կից»,–ասաց Չոբանյանը։

Մարզպետը տեղեկացրեց, որ իրենք վնասները գնատահող հանձնաժողովի հետ են խոսել, աշխատանքներն ընթացքի մեջ են, որևէ խնդիր չունեն նախանշված աշխատանքները ճիշտ ժամկետներում ավարտելու հարցում։ «Շուտով կունենանք իրավիճակի լիարժեք գնահատական»,–ասաց Չոբանյանը։

Նրա խոսքով`իրավիճակը լիովին վերահսկելի է, և Տավուշում ապրում է արժանապատիվ հասարակություն, ուստի կարիք չկա սոցցանցային էջերով սրտաճմլիկ հայտարարություններ անելու։

Որ զինվորները չտանջվեն. Գյումրիում անվադողերի հավաքմանը նաև դպրոցականներն են մասնակցում

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Հուլիսի 16–ին հայկական ստորաբաժանումները կանխել են հակառակորդի դիվերսիոն ներթափանցման փորձը։ Թեժ մարտից հետո հակառակորդը, կորուստներ կրելով, հետ է շպրտվել։ Այնուհետև ադրբեջանական ստորաբաժանումները սկսել են հրետակոծել Այգեպար և Մովսես գյուղերը՝ կիրառելով ականանետ և Դ-30 հաուբից:

Հուլիսի 19-ի պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 4 զոհ ունի, 36 վիրավոր (ևս մեկը խաղաղ բնակչությունից)։

699
թեգերը:
ապաստարան, Մովսես գյուղ, հարսանիք, գյուղացի, Գյուղ, Սահման, Մարզպետ, Տավուշ, Հայկ Չոբանյան
թեմա:
Հայ–ադրբեջանական սահմանին տիրող իրավիճակը (209)
Ըստ թեմայի
Արցախի նախագահն ամբողջ գիշեր մարտական հերթապահություն է իրականացրել
Ինչ է արվում Տավուշում վնասված բնակավայրերի վերականգման և քաղպաշտպանության համար
Հռոմի Պապը կոչով դիմել է Հայաստանին և Ադրբեջանին
Ջուր

Երևանի մի շարք թաղամասերում ու մարզերում ջրամատակարարման նոր գրաֆիկ է սահմանվել

14
(Թարմացված է 13:00 26.09.2020)
2020–ի հոկտեմբերի 1-ից 2021–ի ապրիլի 30-ը մայրաքաղաքի որոշ թաղամասերում ջուրը կանջատվի կեսգիշերից մինչև առավոտվա 7-ը։

ԵՐԵՎԱՆ, 26 սեպտեմբերի – Sputnik. «Վեոլիա ջուր» ՓԲԸ-ն հայտարարություն է տարածել` տեղեկացնելով, որ 2020–ի հոկտեմբերի 1-ից 2021–ի ապրիլի 30-ը մայրաքաղաքի մի շարք թաղամասերի շենքերում ու առանձնատներում ջուրը կանջատվի կեսգիշերից մինչև առավոտվա 7-ը։

Նման գրաֆիկ կգործի Աջափնյակ թաղամասի Հալաբյան, Ֆուչիկ, Մազմանյան, Մարգարյան, Ավանի Ծարավ աղբյուր, Արաբկիրի Կոմիտաս, Խաչատրյան, Քոչար, Հակոբյան, Էրեբունու Դավիթ–Բեկ, Բելինսկի, Ռոստովյան, Որմնադիրների, Շենգավիթի Արարատյան, Արտաշիսյան, Թադևոսյան, Նժդեհ, Քանաքեռ–Զեյթունի Ուլնեցի, Ռայնիս, Թբիլիսյան, Մալաթիա–Սեբաստիայի Վանտյան, Կուրղինյան, Մեծարենց և այլ փողոցների որոշ շենքերում ու առանձնատներում։

«Ապրեք». Արայիկ Հարությունյանը համոզված է, որ հնարավոր է զերծ մնալ դպրոցները փակելուց

Դավթաշեն և Նուբարաշեն թաղամասերի բոլոր շենքերում և առանձնատներում ջրամատակարարումը կլինի շուրջօրյա։ Կենտրոն թաղամասում ջուրը կանջատվի միայն Ռուսթավելու, Կոզեռնի, Ս. Հովհաննեսի և Օստրովսկու փողոցներում, իսկ Նորք–Մարաշում գիշերը ջուր չեն ունենա միայն Հովսեփյան փողոցի և Նորքի 2, 6, 9, 13, 15 և 17 տների բնակիչները։ 

Հայտարարության մեջ «Վեոլիա ջուրը» նման որոշումը մեկնաբանում է ընկերության «ներկայիս տեխնիկական հնարավորություններով»։ ՀՀ հանրային ծառայությունները կարգավորող հանձնաժողովը հաստատել է ընկերության գրաֆիկը։

Հասցեների ամբողջական ցանկը կարող եք տեսնել այստեղ։

Հայաստանում անսպասելի տաք աշուն է. ի՞նչ պետք է անեն ճնշման խնդիր ունեցողները

14
թեգերը:
ջուր, Հայաստան
Ըստ թեմայի
«Վեոլիա ջուրն» առաջարկել է 2021թ-ին ջրի սակագինը թողնել անփոփոխ
Խորտակված եկեղեցու առեղծվածը. ինչու Սյունիքում վանքը ջրի տակ հայտնվեց
Երկրի վրա ջրի առաջացման առեղծվածը․ գիտնականների բացահայտումները 
Հիվանդանոց, արխիվային լուսանկար

ՀՀ–ում կորոնավիրուսից մահանալու 1 դեպք է գրանցվել. ևս երկուսը մահացել են այլ պատճառներով

53
(Թարմացված է 11:20 26.09.2020)
Կորոնավիրուսի համավարակի ողջ ընթացքում Հայաստանում արդեն 948 մարդ է մահացել այս հիվանդությունից։

ԵՐԵՎԱՆ, 26 սեպտեմբերի – Sputnik. Կորոնավիրուսը Հայաստանում ևս 1 մարդու կյանք է խլել։ Տեղեկությունը հայտնում է ՀՀ առողջապահության նախարարությունը։

«Պացիենտը եղել է 79 տարեկան տղամարդ և ունեցել է ուղեկցող խրոնիկական հիվանդություններ»,– նշված է հաղորդագրության մեջ։

Նախորդ օրն արձանագրվել է մահվան 2 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 295 է։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 429-ով ու հասել 49072-ի:

Բուհերի ռեկտորներ, մանկավարժներ. Շիրակի մարզում կորոնավիրուսի ակտիվացում է նկատվում

53
թեգերը:
Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Հիվանդություն, որը իմունիտետ է ձևավորում կորոնավիրուսի նկատմամբ. նոր բացահայտում
Հայաստանում ուսուցիչների գրեթե 1,5 տոկոսի մոտ կորոնավիրուս է հայտնաբերվել. ԱՆ
Կորոնավիրուսով են վարակվել զբոսաշրջային միկրոավտոբուսի բոլոր ուղևորները
Папа Римский Франциск I в Армении

Գարեգին Բ–ն մեկնել է Իտալիա. Հռոմի պապի հետ հանդիպում է նախատեսված

0
Հայրապետական այցով Իտալիա մեկնած Գարեգին Բ–ն իր օրհնությունն է բաշխելու Միլանի հայ համայնքին։

ԵՐԵՎԱՆ, 26 սեպտեմբերի – Sputnik. Ամենայն Հայոց Կաթողիկոս Գարեգին Բ–ն սեպտեմբերի 26-ին հայրապետական այցով մեկնել է Իտալիայի Հանրապետություն։ Տեղեկությունը հայտնում է Մայր աթոռի տեղեկատվական համակարգը։

«Այցի ընթացքում Ամենայն Հայոց Կաթողիկոսը Վատիկանում հանդիպում կունենա Հռոմի Սրբազան Քահանայապետ Ֆրանցիսկոս Պապի հետ»,– նշված է հաղորդագրության մեջ։

Նորին Սրբությունը նաև իր օրհնությունը կբաշխի Միլանի հայ համայնքին։

0