Այգեպար

Բնակիչներն այսօր վերադարձել են բնականոն կյանքին. Տավուշի մարզպետ

342
(Թարմացված է 21:52 17.07.2020)
Այսօրվանից Այգեպարում սկսել են վնասված տների վերականգնման աշխատանքները, վաղվանից դրանք կմեկնարկեն նաև Ներքին Կարմիրաղբյուր գյուղում։  

ԵՐԵՎԱՆ, 17 հուլիսի - Sputnik. Այսօր օրը խաղաղ է եղել, Տավուշի մարզի սահմանամերձ գյուղերի բնակիչները կարողացել են վերադառնալ բնականոն աշխատանքին՝ որքանով դա հնարավոր է այս իրավիճակում։ Լուրը Իջևանում կայացած ճեպազրույցի ժամանակ հայտնեց Տավուշի մարզպետ Հայկ Չոբանյանը։ Նրա խոսքով՝ արդեն սկսել են վնասված տների վերականգնման աշխատանքները։

«Առաջնահերթ վերականգնվում են այն տները, որոնք երկար նախագծային աշխատանքներ չեն պահանջում, սենյակները կամ տունը պետք է բերել ապրելու վիճակին»,- նշեց Չոբանյանը՝ հավելելով, որ վերականգնման աշխատանքներն այսօրվանից սկսել են Այգեպարում, վաղվանից կմեկնարկեն Ներքին Կարմիրաղբյուր գյուղում։

Մարզպետի խոսքով՝ բնակիչներից շատերն են իրեն հարցնում՝ արդյոք դեռ վա՞ղ չէ տների վերականգնման աշխատանքները սկսելու համար, իսկ եթե հակառակորդը նորի՞ց սկսի։ Չոբանյանի պատասխանը մեկն է՝ վերականգնման աշխատանքները պետք է անմիջապես սկսվեն, որովհետև սահմանում ապրող մարդը ոչ մի օր չպետք է այդ պայմաններում մնա։

«Քաղաքակիրթ կյանքը, քաղաքակիրթ վիճակն իրենց արժանի վիճակն է։ Սահմանում ապրող մարդը պետք է ունենա նաև այլ առավելություններ, որովհետև ինքը սահման է պահում։ Օրորոցի երեխան պահում է սահմանը, որովհետև թիկունք է սահմանին այնտեղ կանգնած զինվորի համար»,- նշեց մարզպետը՝ շնորհակալություն հայտնելով բնակիչներին իրենց համեստության համար։

Ադրբեջանը նեղն է ընկել և Թուրքիայից զենքի օգնությու՞ն է ուզել․ Հովհաննիսյանի տեղեկությունը

Նա նաև ասաց, որ մարզում ակտիվորեն շարունակվում են ճանապարահաշինարարակական, ջրամատակարարման աշխատանքները։ Նրա խոսքով՝ աշխատանքները դադարեցվել են միայն երեկ՝ շինարարներին թիրախ չդարձնելու համար, քանի որ հակառակորդն ԱԹՍ-ներով անկանոն հրթիռակոծում էր սահմանամերձ բնակավայրերը։ Այսօրվանից աշխատանքները վերսկսվել են։

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Հուլիսի 16–ին հայկական ստորաբաժանումները կանխել են հակառակորդի դիվերսիոն ներթափանցման փորձը։ Թեժ մարտից հետո հակառակորդը, կորուստներ կրելով, հետ է շպրտվել։ Այնուհետև ադրբեջանական ստորաբաժանումները սկսել են հրետակոծել Այգեպար և Մովսես գյուղերը՝ կիրառելով ականանետ և Դ-30 հաուբից:

Հուլիսի 17-ի պաշտոնական տվյալներով՝ Ադրբեջանն ունի 13 զոհ, իսկ հայկական կողմը` 4 զոհ, 36 վիրավոր և ևս մեկը խաղաղ բնակչությունից։

342
թեգերը:
սահմանապահ, Սահման, Հայկ Չոբանյան, Մարզպետ, Ներքին Կարմիրաղբյուր, Այգեպար, Տավուշ
թեմա:
Հայ–ադրբեջանական սահմանին տիրող իրավիճակը (209)
Ըստ թեմայի
«Բանակը քանակով չի որոշվում». Արթուր Ալեքսանյանի` զինծառայողներին գոտեպնդող գրառումը
Ադրբեջանցիներից մեկի քիթն է կոտրվել, մյուսի՝ աչքի տակը վնասվել. ինչ է կատարվել Լոնդոնում
Վնասվածք ստացած և բերման ենթարկված ադրբեջանցիներ․ Լեհաստանում հայերի ցույցը թեժ է անցել
Զորահավաք. արխիվային լուսանկար

Զորահավաքի ենթակա անձի մոտ կորոնավիրուսի առկայության հավանականությունը վերստուգվելու է

97
(Թարմացված է 13:53 31.10.2020)
Առողջապահության փոխնախարարը կորոնավիրուսային հիվանդության նմուշառում և լաբորատոր թեստավորում իրականացնող կազմակերպություններին հորդորում է զերծ մնալ իրավախախտ գործունեությունից:

ԵՐԵՎԱՆ, 31 հոկտեմբերի - Sputnik. ՀՀ առողջապահության նախարարի տեղակալ Արտյոմ Սմբատյանը տեղեկացնում է, որ զորահավաքի ենթակա անձի մոտ կորոնավիրուսային հիվանդության դրական պատասխանի դեպքում մեծ հավանականությամբ վերստուգվելու է։

«Վերստուգվելու է թե՛ անձի նմուշին համապատասխանությունը և թե՛ նմուշի ՊՇՌ թեստավորման պատասխանի իսկությունը»,–Facebook սոցցանցի իր էջում գրել է Սմբատյանը։

Նա հորդորել է կորոնավիրուսային հիվանդության նմուշառում և լաբորատոր թեստավորում իրականացնող կազմակերպություններին, համապատասխան ստորաբաժանումներին զերծ մնալ իրավախախտ գործունեությունից:

Ավելի վաղ ԱԱԾ-ն հայտնել էր, որ զորահավաքի ենթակա քաղաքացու հայրը դիմել է բժշկական կենտրոններից մեկն և հորդորել լաբորատորիայի աշխատակիցներին կեղծ եզրակացություն կազմել, որ իր որդին վարակվել է կորոնավիրուսով:

Դրա համար կազմվել են լաբորատոր թեստերի եզրակացություններ՝ ուրիշի անալիզների հիման վրա։ Հարուցվել է քրեական գործ, ձերբակալվել է զորահավաքի ենթակա քաղաքացին և բժշկական կենտրոնի աշխատակիցները:

Զինծառայողին զորահավաքից ազատելու համար Covid-19-ի կեղծ եզրակացություն են տվել. տեսանյութ

97
թեգերը:
Պատերազմ, թեստ, կորոնավիրուս, զորահավաք
Ըստ թեմայի
Արցախում ռազմական դրություն և համատարած զորահավաք է հայտարարվել
Հանրապետության հրապարակում զորահավաք է, ազատամարտիկները հավաքվում են. տեսանյութ
ՀՀ կառավարությունն առաջարկում է փոխել Հայաստանում հաստատված զորահավաքային պլանը
Երևան

Առաջիկա օրերին տեղումների չսպասեք. եղանակի տեսություն

67
(Թարմացված է 09:16 31.10.2020)
Օդերևութաբանների կանխատեսումներով` առաջիկա օրերին հանրապետության տարածքում ջերմաստիճանի կտրուկ փոփոխություն չի սպասվում։

ԵՐԵՎԱՆ, 31 հոկտեմբերի – Sputnik. Հանրապետության տարածքում հոկտեմբերի 31-ին, նոյեմբերի 1-4-ը սպասվում է առանց տեղումների եղանակ:

Տեղեկությունը հայտնում է ՀՀ ԱԻՆ «Հիդրոմետ» ծառայությունը` հավելելով, որ քամին հարավարևմտյան է՝ 3-8 մ/վ:

 Եղանակի կանխատեսում
Եղանակի կանխատեսում

Երևան քաղաքում հոկտեմբերի 31-ին, նոյեմբերի 1-4-ը սպասվում է առանց տեղումների եղանակ:

Մայրաքաղաքում հոկտեմբերի 31-ի գիշերային ժամերին կգրանցվի 10-12 աստիճան տաքություն, իսկ ցերեկը կլինի + 23...+25 աստիճան։

Ճակատ մեկնելու ցանկություն հայտնածները Երևանում սովորում են ողջ մնալու արվեստը. տեսանյութ

 

67
թեգերը:
Երևան, Արցախ, Հայաստան, եղանակ
թեմա:
Եղանակը Հայաստանում
Медработники оперируют раненного мужчину во время обстрелов медицинского центра Степанакерта (28 октября 2020). Карабах

Բժիշկներն աշխատում են ռմբակոծության տակ. Նաղդալյանն ազդեցիկ լուսանկարներ է հրապարակել

0
Աննա Նաղդալյանը Ադրբեջանի հերթական քայլն է ի ցույց դրել` սոցցանցում վիրավոր բնակիչների լուսանկարներ հրապարակելով։

ԵՐԵՎԱՆ, 31 հոկտեմբերի - Sputnik. ՀՀ ԱԳՆ մամուլի խոսնակ Աննա Նաղդալյանը Twitter-ի իր էջում լուսանկարներ է հրապարակել Արցախի հիվանդանոցներից մեկից: Լուսանկարներում Ադրբեջանի զինված ուժերի գնդակոծության հետևանքով ծանր վիրավորում ստացած խաղաղ բնակիչներն են։

«Ադրբեջանի զինված ուժերի կողմից Արցախի քաղաքացիական բնակչության և ենթակառուցվածքների, այդ թվում ՝ հիվանդանոցների, բժշկական ենթակառուցվածքների, այլ օբյեկտների կանխամտածված գնդակոծության հետևանքները։ Բժիշկներն աշխատում են ռմբակոծության տակ»,-գրել է Նաղդալյանը։

​Հիշեցնենք, որ հոկտեմբերի 28-ին հրթիռակոծվել էր Ստեփանակերտի ծննդատունը։

Սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեմա:
Ադրբեջանական ագրեսիան Արցախում - 2020