Հայկ Չոբանյան

Չինարիի 48-ամյա բնակչի վիճակը բավարար է, վնասվել է 41 շինություն․ Հայկ Չոբանյան

278
(Թարմացված է 21:47 16.07.2020)
Բացի շինություններից, հարվածներից վնասվել են ջրագծեր, տրանսպորտային միջոցներ, ընտանի կենդանիներ։

ԵՐԵՎԱՆ, 16 հուլիսի - Sputnik. Հակառակորդի անօդաչու թռչող սարքից վիրավորում ստացած Չինարիի 48-ամյա բնակիչ Արամայիս Հովակիմյանի վիճակը բավարար է։ Այս մասին Իջևանում կայացած ճեպազրույցի ժամանակ հայտարարեց Տավուշի մարզպետ Հայկ Չոբանյանը։

«Ամբողջ օրվա ընթացքում շատ լավ կազմակերպվել է քաղաքացիների պաշտպանությունը և պատսպարումը։ Կեսօրից հետո վիրավորվել է Չինարիի բնակիչը, նրան օգնության հասնող ԱԻՆ-ի մեքենան էլ է թիրախավորվել և հարվածներ ստացել», - պատմել է մարզպետը։

Նրա խոսքով ՝ վերջին երեսուն տարում նման մասշտաբային քաղպաշտպանություն չի եղել մարզում, քանի որ այս անգամ հակառակորդը թիրախավորել է ամբողջ Բերդի տարածաշրջանը։

«Ուսումնասիրել ենք բոլոր վնասված շինությունները։ 51 վնասման դեպք ունենք՝ 41 շինություն, չորս ենթակառուցվածք, չորս տրանսպորտային միջոցներ, երկու ընտանի կենդանիներ։ Այդ 51 վնասումից 22-ը այսօր են եղել», - նշել է Չոբանյանը։

«Ադրբեջանի՝ Մեծամորին հարվածելու սպառնալիքը հանցագործություն է»․ Արծրուն Հովհաննիսյան

Նրա խոսքով՝ վերականգնողական շինարարական աշխատանքները կիրականացվեն, երբ անվտանգ միջավայր ստեղծվի։ Միայն երկու շինություն լիարժեք կառուցման կարիք ունեն, մնացածը կվերականգնեն։

Հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Հուլիսի 16-ին, 05:20-ից սկսած Տավուշի Այգեպար, Մովսես և Չինարի գյուղերը հերթական անգամ հրետակոծվել են Ադրբեջանական զինուժի կողմից։ Հրետակոծությունների հետևանքով վնասվել է Այգեպարի մանկապարտեզը,

Հուլիսի 16-ի պաշտոնական տվյալներով՝ Ադրբեջանն ունի 13 (12 զինվորական, այդ թվում՝ գեներալ֊մայոր Փոլադ Հաշիմովը և 1 խաղաղ բնակիչ), իսկ հայկական կողմը` 4 զոհ՝ մայոր Գարուշ Համբարձումյանը, կապիտան Սոս Էլբակյանը, կրտսեր սերժանտներ Գրիշա Մաթևոսյանն ու Սմբատ Գաբրիելյանը։

278
թեգերը:
Չինարի, Վիրավոր, Մարզպետ, Հայկ Չոբանյան, Տավուշ, Սահման, հայ-ադրբեջանական
թեմա:
Հայ–ադրբեջանական սահմանին տիրող իրավիճակը (209)
Ըստ թեմայի
Օրվա կադր․ Ադրբեջանի հրետակոծության տակ գտնվող Տավուշում փոքրիկը քնած է ապաստարանում
Ադրբեջանական ԱԹՍ-ն հարվածել է Հայաստանի ԱԻՆ մեքենային
Ադրբեջանը թիրախավորել է Տավուշի սահմանամերձ գյուղերը. ՄԻՊ-ը լուսանկարներ է հրապարակել
Հայ–ադրբեջանական սահմանի գյուղերի հրետակոծության փաստով 13 քրեական գործ է հարուցվել
 Facebook

Ադրբեջանի իշխանությունն արգելափակել է գրեթե բոլոր սոցիալական ցանցերը

163
(Թարմացված է 11:40 27.09.2020)
Ադրբեջանում վաղ առավոտից սոցցանցային օգտատերերը բողոքում են, որ Facebook, Youtube, Whatsapp, TikTok սոցցանցային հարթակները չեն աշխատում։

ԵՐԵՎԱՆ, 27 սեպտեմբերի - Sputnik. Ադրբեջանի իշխանությունները արգելափակել են գրեթե բոլոր սոցիալական ցանցերը: Տեղեկությունը հայտնում է երկրի տրանսպորտի, կապի և բարձր տեխնոլոգիաների նախարարությունը:

Ադրբեջանի իշխանությունները պարզաբանել են, որ սոցիալական ցանցերի արգելափակումը պայմանավորված է «Հայաստանի կողմից լայնածավալ սադրանքները կանխելու համար»:

«Հուսով ենք, որ Ադրբեջանի քաղաքացիները ըմբռնում կցուցաբերեն՝ կապված այն սահմանափակումների հետ, որոնք կարող են ծագել սոցցանցային տիրույթում ՝ հակամարտության համատեքստում»,- նշել են նախարարությունից:

Նշենք, որ Ադրբեջանում սոցցանցային օգտատերերը վաղ առավոտից բողոքում են, որ Facebook, Youtube, Whatsapp, TikTok սոցցանցային հհարթակները չեն աշխատում:

Մեկ կին և մեկ երեխա. Մարտունիում խաղաղ բնակիչներ են զոհվել

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

«Պատերազմ են ուզում, պատերազմ էլ կստանան». Արցախի նախագահ

163
թեգերը:
Արցախ, հայ-ադրբեջանական, Ադրբեջան, Facebook
թեմա:
Ադրբեջանական ագրեսիա Արցախում. 2020
Ըստ թեմայի
Արցախում ռազմական դրություն և համատարած զորահավաք է հայտարարվել
Ինչպես է հայկական զինուժը ոչնչացնում ադրբեջանական տանկերը. տեսանյութ
Մարտերը շարունակվում են. հայկական կողմը խոցել է 2 ուղղաթիռ, 14 ԱԹՍ, տանկեր. տեսանյութ
Երևան

Քանի՞ օր անձրև չի գա Հայաստանում. եղանակի տեսություն

39
(Թարմացված է 22:41 26.09.2020)
Օդերևութաբանների կանխատեսումներով` հանրապետության տարածքում առաջիկա օրերին օդի ջերմաստիճանի էական փոփոխություն չի գրանցվի։

ԵՐԵՎԱՆ, 27 սեպտեմբերի — Sputnik. Հայաստանի տարածքում սեպտեմբերի 27-ին տեղումներ չեն լինի։ Չոր եղանակը կշարունակվի մինչև սեպտեմբերի 30-ը։ Տեղեկությունը հայտնում է ՀՀ արտակարգ իրավիճակների նախարարությունը։

«Օդի ջերմաստիճանն էապես չի փոխվի»,– նշված է հաղորդագրության մեջ։

Երևանում սեպտեմբերի 27-ի ցերեկային ժամերին սպասվում է 28–30, երեկոյան՝ 23–25, գիշերը՝ 14+16 տաքություն։

Հայաստանի հյուսիսում` Շիրակում, սեպտեմբերի 27-ին ցերեկը սպասվում է 20–25, գիշերը՝ 6–10 տաքություն։ Հարավում` Սյունիքում, ցերեկը կլինի 22–25, գիշերը՝ 12–16 տաքությունը։ Արցախում նույնպես տաք աշուն է, ցերեկը օդի ջերմաստիճանը կտատանվի +20–ից +25–ի, գիշերը՝ +6–ից +10–ի սահմանում։

 Եղանակի կանխատեսում
Եղանակի կանխատեսում
39
թեգերը:
Անձրև, եղանակ, Հայաստան
թեմա:
Եղանակը Հայաստանում
Ըստ թեմայի
«Ապրեք». Արայիկ Հարությունյանը համոզված է, որ հնարավոր է զերծ մնալ դպրոցները փակելուց
Երևանի մի շարք թաղամասերում ու մարզերում ջրամատակարարման նոր գրաֆիկ է սահմանվել
ՀՀ ոստիկանությունը մարտից ի վեր ավելի քան 145 հազար վարչական տույժ է նշանակել
Начальник управления информации и по связям с общественностью Артак Нерсисян во время брифинга Единного информационного центра (27 сентября 2020). Степанакерт

Արցախն իրացնում է ինքնապաշտպանության իր անքակտելի իրավունքը. ԱՀ ԱԳՆ

0
(Թարմացված է 15:38 27.09.2020)
Երկու հայկական պետություններն ակտիվորեն և համակարգված աշխատում են միջազգային հանրությանն Արցախի սանձազերծած ագրեսիան ներկայացնելու և այն կասեցնելու համար։

ԵՐԵՎԱՆ, 27 սեպտեմբերի– Sputnik. Արցախի Հանրապետության արտաքին գործերի նախարարությունը դատապարտում է  ադրբեջանական կողմի ռազմատենչ քաղաքականությունը։ Այսօր կայացած ճեպազրույցում այսպիսի հայտարարություն արեց ԱՀ ԱԳՆ տեղեկատվության և հասարակայնության հետ կապերի վարչության պետ Արտակ Ներսիսյանը։ 

«Արցախի Հանրապետությունը ՄԱԿ–ի կանոնադրության դրույթների համաձայն` իրականացնում է իր ինքնապաշտպանության անքակտելի իրավունքը, ձեռնարկում անհրաժեշտ բոլոր միջոցներն ագրեսիան հետ մղելու և տարածաշրջանում խաղաղությունը վերականգնելու համար»,– հայտարարեց Ներսիսյանը։

Նա տեղեկացրեց, որ Արցախի ԱԳՆ–ն ուղիղ կապի մեջ է ԵԱՀԿ գործող նախագահի անձնական ներկայացուցչի հետ, ԵԱՀԿ ՄԽ համանախագահները նույնպես տեղեկացված են, երկու հայկական պետություններն էլ ակտիվորեն և համակարգված աշխատում են միջազգային հանրությանն Արցախի սանձազերծած ագրեսիան ներկայացնելու և այն կասեցնելու համար։

Ներսիսյանը հիշեցրեց` լարվածության սրմանը նախորդել են ադրբեջանական ռազմատենչ հայտարարությունները, ԱՀ–ի դեմ ուժի կիրառման բացահայտ սպառնալիքները և զինված ուժերի շփման գոտում հոկտեմբերի 1-ին նախատեսված ԵԱՀԿ կողմից դիտարկման անցկացումից մերժումը։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։ 

Ինչպես է այրվում ադրբեջանական զրահատեխնիկան. նոր տեսանյութ

0
թեմա:
Ադրբեջանական ագրեսիա Արցախում. 2020