Գրիշա Սարգսյան

«Գարուշ ջան, տղաներդ կմեծանան և կիսատ թողածդ ավարտին կհասցնեն». հրաժեշտ` 31-ամյա մայորին

309
(Թարմացված է 21:21 16.07.2020)
31-ամյա Գարուշ Համբարձումյանի` Եռաբլուրում հուղարկավորությանը ներկա են ինչպես ՀՀ վարչապետ Նիկոլ Փաշինյանը, այնպես էլ պաշտպանության նախարար Դավիթ Տոնոյանը։

ԵՐԵՎԱՆ, 16 հուլիսի - Sputnik. Տավուշում զոհված մեր 4 զինծառայողները կապրեն, քանի մենք կանք։ Հուլիսի 14-ին հայ-ադրբեջանական սահմանին հակառակորդի կրակոցից զոհված 31-ամյա մայոր Գարուշ Համբարձումյանի հուղարկավորության ժամանակ Եռաբլուրում ասաց նրա հորեղբայրը` Գրիշա Սարգսյանը։

«Իմ եղբոր որդին շատ նվիրված էր Հայոց բանակին։ Նա ընկավ հերոսի մահով։ Գարուշ ջան, դու ֆիզիկապես մեզ հետ չես լինելու։ Փառք Աստծո՝ ունես երկու արու զավակ, որոնք կմեծանան ու պակաս թողած գործդ ավարտին կհասցնեն»,–նշեց զոհված մայորի հորեղբայրը։

Նրա խոսքով` այս երիտասարդներին կորցնելով` չի նշանակում, որ կորցնում ենք ամեն ինչ։ Ընդհակառակը, պետք է ավելի ամուր կանգնենք երկրի պաշտպանության և զարգացման համար։

Գրիշա Սարգսյանը նշեց, որ զոհված զինծառայողներն իրենց կյանքը տվեցին բոլորիս ապագայի համար։

Եռագույնն ու ՀՀ նախագահի հրամանագրով հետմահու մայոր Գարուշ Համբարձումյանին շնորհված «Հայրենիքին մատուցած ծառայությունների համար» 2-րդ աստիճանի մեդալը հանձնեցին նրա հորը։

Նշենք, որ թաղման կարգն անցկացնում է Ամենայն Հայոց Կաթողիկոսը:

Սպայի հուղարկավորությունը կատարվում է զինվորական կարգով։

Հայաստանը թույլ կտա Ադրբեջանին մարտադաշտից տանել զոհերին ու վիրավորներին, բայց մի պայմանով

Հուղարկավորությանը ներկա են ինչպես ՀՀ վարչապետ Նիկոլ Փաշինյանը, այնպես էլ պաշտպանության նախարար Դավիթ Տոնոյանը։

Հակառակորդի կրակոցներից զոհված մայոր Գարուշ Համբարձումյանը Լոռու մարզի Բազում համայնքից էր։ Ամուսնացած էր, ունի 2 որդի։ Գարուշն ընտանիքի հետ ապրում էր Բերդում։

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով

Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Հուլիսի 15-ի պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ, 10 վիրավոր։

Հակառակորդի կրակոցների հետևանքով զոհվել են զինծառայողներ Սմբատ Գաբրիելյանը, Գրիշա Մաթևոսյանը, Սոս Էլբակյանը և Գարուշ Համբարձումյանը։ ՀՀ նախագահ Արմեն Սարգսյանի հրամանագրով` նրանք հետմահու պարգևատրվել են։

Հուլիսի 16–ի առավոտյան ՊՆ–ն հայտնեց, որ գիշերը՝ ժամը 03:40-ի սահմանում, ՀՀ ԶՈւ դիրքապահները հակառակորդի շարժ են նկատել։ Անցնելով շրջանաձև պաշտպանության՝ հայկական ստորաբաժանումները կանխել են հակառակորդի դիվերսիոն ներթափանցման փորձը։ Թեժ մարտից հետո հակառակորդը, կորուստներ կրելով, հետ է շպրտվել։ Այնուհետև ադրբեջանական ստորաբաժանումները ժամը 05:20-ին սկսել են հրետակոծել Այգեպար և Մովսես գյուղերը՝ կիրառելով ականանետ և Դ-30 հաուբից:

Պաշտպանության նախարար Դավիթ Տոնոյանը կապ է հաստատել ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշչիկի հետ։ Նա ներկայացրել է ժամը 03:40-ից ՀՀ պետական սահմանին ստեղծված իրավիճակը, նշել, որ ադրբեջանական կողմն ունի բազմաթիվ վիրավորներ և զոհեր։

309
թեգերը:
Գարուշ Համբարձումյան, Նիկոլ Փաշինյան, Եռաբլուր պանթեոն, հուղարկավորություն, հայ-ադրբեջանական
թեմա:
Հայ–ադրբեջանական սահմանին տիրող իրավիճակը (209)
Ըստ թեմայի
Տարօրինակ է` կինը՝ երեխան գիրկը, «տապոչկաներով» ինչպես էր գալիս առաջնագիծ». Հովհաննիսյան
Հատուկ չվերթ․ ՌԴ մասնագետները Հայաստան են եկել ԱԷԿ-ի վերանորոգման վերջին փուլի համար
Ադրբեջանական «փառապանծ» Յաշմայի մոտ 100 հատուկջոկատայինի գրոհ է կասեցվել
Փլուզված տանիք, «մաղ» դարձած պատ. Չինարիում ավերվել են հացի փուռն ու հարակից տունը
Երևանի ընտրատեղամասերից մեկում

Ընտրողների 26.82 տոկոսն արդեն իսկ մասնակցել է ընտրություններին

38
(Թարմացված է 15:18 20.06.2021)
ԿԸՀ անդամ Սիլվա Մարկոսյանը տվյալներ հայտնեց, թե որ մարզից որքան մարդ է մասնակցել քվեարկությանը։

ԵՐԵՎԱՆ, 20 հունիսի – Sputnik. ԿԸՀ անդամ Սիլվա Մարկոսյանը տվյալներ հայտնեց, թե ժամը 14-ի դրությամբ որքան մարդ է մասնակցել ընտրություններին։ Ընդհանուր 2 593 572 քվեարկելու իրավունք ունեցողներից արդեն իսկ քվեարկել են 695.626 քաղաքացի կամ ընտրողների 26.82 տոկոսը։

  • Երևանում արդեն իսկ քվեարկել է 251 504 քաղաքացի կամ ընտրողների 29.28 տոկոսը,
  • Արագածոտնում` 28 987 քաղաքացի կամ ընտրողների 24.68 տոկոս,
  • Արարատում` 58 767 քաղաքացի կամ ընտրողների 26.31 տոկոսը,
  • Արմավիրում` 51 536 քաղաքացի կամ ընտրողների 21.85 տոկոսը,
  • Գեղարքունիքում` 46 268 քաղաքացի կամ ընտրողների 24.41 տոկոսը,
  • Լոռիում` 61 081 քաղաքացի կամ ընտրողների 26.15 տոկոսը,
  • Կոտայքում` 66 654 քաղաքացի կամ ընտրողների 27.54 տոկոսը,
  • Շիրակում` 47 969 քաղաքացի կամ ընտրողների 21.15 տոկոսը,
  • Սյունիքում` 36 619 քաղաքացի կամ ընտրողների 33.37 տոկոսը,
  • Վայոց ձորում` 13 568 քաղաքացի կամ ընտրողների 29.1 տոկոսը,
  • Տավուշում` 32 682 քաղաքացի կամ ընտրողների 29.79 տոկոսը։

Հիշեցնենք, որ 2018 -ի ընտրությունների ժամանակ ժամը 14:00-ի դրությամբ մասնակցել էր 636 055 քաղաքացի կամ ընտրողների 24,53 %:

38
թեմա:
ԱԺ արտահերթ ընտրություններ 2021
Ընտրատեղամասեր Գյումրիում

Ինչ խնդիրներ են ունենում հաշմանդամություն ունեցողներն ընտրատեղամասեր այցելելիս

30
(Թարմացված է 15:12 20.06.2021)
Ամեն անգամ ընտրությունների նախաշեմին խոսք է գնում ընտրատեղամասերում հաշմանդամություն ունեցողների համար մատչելիություն ապահովելու մասին, սակայն խնդիրն այդպես էլ լուծում չի ստանում:

ԵՐԵՎԱՆ, 20 հունիսի – Sputnik. Հաշմանդամություն ունեցողների զգալի մասը Հայաստանում արտահերթ խորհրդարանական ընտրություններին չի կարողանում մասնակցել ընտրատեղամասերի մատչելիության բացակայության պատճառով։  

Գյումրիում Sputnik Արմենիայի այցելած տեղամասերի մեծ մասը թեքահարթակ չուներ, իսկ եթե ուներ, ապա դրանք չափորոշիչներին համապատասխան չէին: Նույնիսկ կան տեղամասեր, որոնք 2-րդ հարկում են տեղակայված, ու նույնիսկ մի քանի մարդու օգնությամբ, անվասայլակը բարձրացնել հնարավոր չէ:

Գյումրու թիվ 31/29 տեղամասի հանձնաժողովի նախագահ Սամվել Ոսկանյանը մեզ հետ զրույցում ասաց, որ այս պահին տեղամասի հետ կապված միակ խնդիրը անմատչելիությունն է: «Տեղամասը գտնվում է երկրորդ հարկում, ու շատ դժվար է հենաշարժողական խնդիր ունեցողին բարձրանալ երկրորդ հարկ»,-նշեց Սամվել Ոսկանյանը:

 Անմատչելիության խնդիր կար նաև թիվ 31/31 ընտրատեղամասում, սակայն ի տարբերություն 31/29-ի, այստեղ որոշակի հարմարություններ կային հաշմանդամություն ունեցողների համար:

«Տեսողության խնդիրներ ունեցող ընտրողների համար ունենք բրալյան տարբերակով նմուշներ, իսկ նրանք ովքեր անվասայլակով են գալու տեղամաս, պետք է փորձենք օգնել՝ սայլակը ներս բերելու հարցում »,-նշեց տեղամասի նախագահ Էլյանորա Հարությունյանը:

Избирательные участки в Гюмри
© Sputnik / Armenuhi Mkhoyan
Ընտրատեղամասեր Գյումրիում

Հաշմանդամություն ունեցող շատ քաղաքացիներ տեղամասերի անհարմարության պատճառով այդպես էլ ընտրության չեն մասնակցում:

Ենթադրվում է, որ այդ խնդիրը պետք է լուծվի ՏԻՄ-երի կողմից, բայց այն պահանջում է ֆինանսական ռեսուրսներ, իսկ ՏԻՄ-երը իրենց սուղ բյուջեներով դա չեն կարող իրականացնել:

30
թեգերը:
քվեարկություն, հաշմանդամ, Ազգային ժողովի ընտրություններ, Գյումրի, Հայաստան
Ըստ թեմայի
Զինվորների` ուղղորդված քվեարկության մասին լուրերն անհիմն են. ՊՆ
«Ինքնիշխան Հայաստանի» ընտրողին հրաժարվել են 26 համարի քվեաթերթիկ տալ. Սանասարյան
Քվեարկած թերթիկը լուսանկարելն ու տարածելն արգելված է օրենքով. ՄԻՊ
Արմեն Չարչյան

«Իմ դեմ կարված գործը փուչիկ է, որը պայթելու է մի օր». Արմեն Չարչյան

18
(Թարմացված է 15:59 20.06.2021)
Արմեն Չարչյանը հայտնում է, որ երբ ձերբակալված է եղել` 37 տարվա իր աշխատանքային գործունեության ընթացքում առաջին անգամ 2 գիշեր լրիվ հանգիստ քնել է. հեռախոսն առգրավված էր, ոչ մի կապի միջոց չկա։

ԵՐԵՎԱՆ, 20 հունիսի – Sputnik. «Իզմիրլյան» բժշկական կենտրոնի տնօրեն Արմեն Չարչյանը բացարձակապես անընդունելի է համարում իրեն վերագրվող մեղադրանքի կասկածը։ Չարչյանն այսօր հրավիրված ասուլիսի ժամանակ հայտարարեց այդ մասին` հավելելով, որ բավականաչափ լավ տիրապետռում է օրենքներին և որևէ օրենքի խախտում չի կատարել։

«Գործը, որը կարվել է իմ դեմ, իր մեջ նյութ չի պարունակում, բացի օդից։ Այդ գործը փուչիկ է, որը պայթելու է։ Այս ամենը նշանակում է, որ եղել է հստակ հրահանգ, որպեսզի ինձ ձերբակալեն։ Ասեմ, որ սա ինձ մեծ պատիվ է բերում, քանի որ եթե ես այդքան մեծ վտանգ եմ ներկայացնում ինձնից, ապա դա ինձ համար պատիվ է»,–ասաց Չարչյանը։

Նրա խոսքով` գործը բացառապես քաղաքական երանգ ունի և կախված է իր քաղաքական դիրքորոշումից։ Ավելին, նա խոստացավ գործին առնչվող նոր բան հայտնլ, սակայն երկու օրից։ Չարչյանը շնորհակալություն հայտնեց իրավապահներից, որոնց հետ շփվել է` ասելով, որ երբեմն նրանք անգամ ջերմ են եղել իր հանդեպ։

Նա նշեց նաև, որ պետք է մի կողմ դնել, թե ով է ինքը և հարցը դիտարկել իրավական տեսանկյունից։ Չարչյանը պատմեց, որ ամեն ինչին նաև մի փոքր հումորով է պետք վերաբերվել։ «37 տարվա իմ աշխատանքային գործունեության ընթացքում, ձերբակալության 2 օրերի ժամանակ առաջին անգամ 2 գիշեր լրիվ հանգիստ քնել եմ` հեռախոսն առգրավված էր, ոչ մի կապի միջոց չկար։ Շատ լավ հանգստացել եմ»,–ասաց Չարչյանը։

Նրա պաշտպան Էրիկ Ալեքսանյանն էլ նշեց, որ անանուն հաղորդումը չի հանդիսանում քրգործ հարուցելու առիթ` այդ դեպքում ստուգողական գործողություններ են անում և միայն դրանից հետո արձանագրված արդյունքները կարող են քրգործի առիթ դառնալ։ Այսինքն` օրինական կերպով քրգործ հարուցելու մասին խոսք չկա։

Մայր աթոռը կոչ է անում ազատ արձակել Արմեն Չարչյանին

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն ասում է տնօրինությունը շատ կոշտ, խիստ համարժեք վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Նույն օրը հայտնի դարձավ, որ ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Արմեն Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Արմեն Չարչյանն ազատ է արձակվել այսօր։

18
թեգերը:
Ձերբակալություն, Ընտրություններ, «Հայաստան» դաշինք, Արմեն Չարչյան
թեմա:
ԱԺ արտահերթ ընտրություններ 2021
Ըստ թեմայի
«Ինքնիշխան Հայաստանի» ընտրողին հրաժարվել են 26 համարի քվեաթերթիկ տալ. Սանասարյան
Քվեարկած թերթիկը լուսանկարելն ու տարածելն արգելված է օրենքով. ՄԻՊ
Ինչ խնդիրներ են ունենում հաշմանդամություն ունեցողներն ընտրատեղամասեր այցելելիս