Նիկոլ Փաշինյան

Մեր 4 զոհերը հայրենիք–պետության զոհասեղանին դրեցին ամենաթանկը. Փաշինյանը Եռաբլուրում է

188
(Թարմացված է 14:57 16.07.2020)
Հայ-ադրբեջանական սահմանին հուլիսի 14-ին հակառակորդի կրակոցից զոհված 31-ամյա մայոր Գարուշ Համբարձումյանին հուղարկավորում են Եռաբլուր պանթեոնում։ Հուղարկավորությանը ներկա են ՀՀ վարչապետ Նիկոլ Փաշինյանը, Ամենայն Հայոց Կաթողիկոս Գարեգին Բ-ն, ՊՆ Դավիթ Տոնոյանը և ուրիշներ։

ԵՐԵՎԱՆ, 16 հուլիսի- Sputnik. Մայոր Գարուշ Համբարձումյանը, կապիտան Սոս Էլբակյանը, կրտսեր սերժանտներ Սմբատ Գաբրիելյանը և Գրիշա Մաթևսոյանը հայրենիք–պետության զոհասեղանին դրեցին ամենաթանկը` կյանքը։ Հուլիսի 14-ին հայ-ադրբեջանական սահմանին հակառակորդի կրակոցից զոհված 31-ամյա մայոր Գարուշ Համբարձումյանի հուղարկավորության ժամանակ Եռաբլուրում ասաց ՀՀ վարչապետ Նիկոլ Փաշինյանը։

«Հայրենիք և պետություն ունենալը պատասխանատվություն է, որն ընկած է ժողովրդի և հանրության ուսերին։ Այս պատասխանատվությունը, սակայն, կարող է դառնալ անպատասխանատվություն, եթե մենք այն թողնենք ժողովուրդ-հանրություն հասկացությունների մեջ ցրված, եթե ի վիճակի չլինենք դա բաժանել մեզնից յուրաքանչյուրի մեջ»,–նշեց Փաշինյանն իր ելույթում։

Նրա խոսքով` Տավուշում զոհված 4 զինծառայողները ոչ միայն իրենց կյանքը զոհեցին, այլ նաև իրենց հարազատների, քանի որ վերջիններս ապրելու են այս խեղդող բացակայության հետ։ Փաշինյանն ընդգծեց, որ մեր զոհված զինծառայողները լիարժեք և անմնացորդ կրեցին հայրենիք և պետություն ունենալու իրենց բաժին պատասխանատվությունը։

Վարչապետն ասաց` ճիշտ է, մեր 4 զինծառայողները նահատակվեցին, բայց միթե նրանցից հետո նահատակվեց նաև հայրենիք ունենալու պատասխանատվությունը։

«Ոչ, իհարկե։ Այդ պատասխանատվությունը սպասում է մեզնից յուրաքանչյուրին` նախագահից մինչև հոգևորական, վարչապետից մինչև փոքր գործարար։ Յուրաքանչյուրն իր պատասխանատվությունը պետք է ավելացնի` մեր նահատակների պատասխանատվությունը գետնին չթողնելով։ Հիմա մեր` ապրողներիս պատասխանատվության ժամն է»,– ավելացրեց Փաշինյանը։

Նրա խոսքով` պետք է ամուր կանգնենք այս հողի վրա, այնքան ու այնպես ամուր, ինչպես այս պահին Տավուշի հողին կանգնած են մեր հերոս–եղբայրները։

Փաշինյանը շեշtեց, որ յուրաքանչյուրս մեր զինանշանն ու դրոշը տեսնելիս` պետք է մեզ հարց տանք` իսկ ի՞նչ եմ ես անում, որ հերոսների թիկունքն ամուր լինի, փամփշտակալները լիքը լինեն, և դուխն էլ տեղը լինի։ Նրա խոսքով` հարցի պատասխանը յուրաքանչյուրը պետք է տա ինքն իրեն ու Աստծուն։

Հակառակորդի կրակոցներից զոհված մայոր Գարուշ Համբարձումյանը Լոռու մարզի Բազում համայնքից էր։ Նա ամուսնացած էր, ունի 2 որդի։

Նրա հուղարկավորությունը կատարվում է զինվորական կարգով։

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Հուլիսի 15-ի պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ, 10 վիրավոր։

Հակառակորդի կրակոցների հետևանքով զոհվել են զինծառայողներ Սմբատ Գաբրիելյանը, Գրիշա Մաթևոսյանը, Սոս Էլբակյանը և Գարուշ Համբարձումյանը։ ՀՀ նախագահ Արմեն Սարգսյանի հրամանագրով` նրանք հետմահու պարգևատրվել են։

Հուլիսի 16–ի առավոտյան ՊՆ–ն հայտնեց, որ գիշերը՝ ժամը 03:40-ի սահմանում, ՀՀ ԶՈւ դիրքապահները հակառակորդի շարժ են նկատել։ Անցնելով շրջանաձև պաշտպանության՝ հայկական ստորաբաժանումները կանխել են հակառակորդի դիվերսիոն ներթափանցման փորձը։ Թեժ մարտից հետո հակառակորդը, կորուստներ կրելով, հետ է շպրտվել։ Այնուհետև ադրբեջանական ստորաբաժանումները ժամը 05:20-ին սկսել են հրետակոծել Այգեպար և Մովսես գյուղերը՝ կիրառելով ականանետ և Դ-30 հաուբից:

Պաշտպանության նախարար Դավիթ Տոնոյանը կապ է հաստատել ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշչիկի հետ։ Նա ներկայացրել է ժամը 03:40-ից ՀՀ պետական սահմանին ստեղծված իրավիճակը, նշել, որ ադրբեջանական կողմն ունի բազմաթիվ վիրավորներ և զոհեր։

188
թեգերը:
Գարուշ Համբարձումյան, Եռաբլուր պանթեոն, հուղարկավորություն, Նիկոլ Փաշինյան
թեմա:
Հայ–ադրբեջանական սահմանին տիրող իրավիճակը (209)
Ըստ թեմայի
«Սահմանն ամուր է». Պառավաքարում վերակառուցվում է խմելու ջրի հնամաշ ցանցը. Պապիկյան
Կառավարությունը մեկ րոպե լռությամբ հարգեց զոհված հայ զինվորականների հիշատակը
Հայաստանաբնակ տասնյակ եզդիներ դիմել են, որ մեկնեն սահման. Ռուստամ Բաքոյան
Ադրբեջանական «փառապանծ» Յաշմայի մոտ 100 հատուկջոկատայինի գրոհ է կասեցվել
20 06 2021թ.

Զենքով ընտրատեղամաս մուտք գործելու ու բռնություն գործադրելու փաստով քրգործ է հարուցվել

8
(Թարմացված է 17:32 20.06.2021)
ՔԿ–ում գրանցված ընդհանուր 15 դեպքերից 3–ը տեղի են ունեցել Արմավիրի, 1-ը` Արարատի, 3-ը` Կոտայքի, 1-ը` Շիրակի, 1-ը` Լոռու, 2-ը` Տավուշի, 2-ը` Գեղարքունիքի և 1-ական դեպք` Երևանի Ավան Նոր Նորք և Մալաթիա–Սեբաստիա վարչական շրջաններում։

ԵՐԵՎԱՆ, 20 հունիսի – Sputnik. Այսօր` հունիսի 20-ին, մինչև ժամը 15։00, ՀՀ քննչական կոմիտեում ստացվել են նյութեր` ընտրախախտումներին վերաբերող 15 դեպքերով։ Այս մասին այսօր ԿԸՀ–ում կայացած ասուլիսում հայտարարեց ՀՀ քննչական կոմիտեի ՀԿԳ քննության գլխավոր վարչության պետի տեղակալ Կամո Սահակյանը։

«15 դեպքերից 10–ը վերաբերում են 1–ից ավելի կամ այլ անձի փոխարեն քվեարկելուն, 4-ը` քվեարկության գաղտնիությունը խախտելուն, 1-ը` զենքով տեղամասային կենտրոն մուտք գործելուն ու տեղամասային կենտրոնում կամ դրան հարակից տարածքում բռնություն գործադրելուն»,– ասաց Սահակյանը։

15 դեպքերից միայն 1-ով` զենքով տեղամասային կենտրոն մուտք գործելու կամ տեղամասային կենտրոնում ու դրան հարակից տարածքում բռնություն գործադրելու դեպքով հարուցվել է քրեական գործ, մյուսներով նյութեր են նախապատրաստվում։

Կամո Սահակյանը նաև նշեց, որ հիշյալ 15 դեպքերից 3–ը տեղի է ունեցել Արմավիրի, 1-ը` Արարատի, 3-ը` Կոտայքի, 1-ը` Շիրակի, 1-ը` Լոռու, 2-ը` Տավուշի, 2-ը` Գեղարքունիքի և 1-կան դեպք` Երևանի Ավան, Նոր Նորք, և Մլաթիա–Սեբաստիա վարչական շրջաններում։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

8
թեգերը:
Հայաստան, Քրեական գործ, Բռնություն, Ընտրություններ
Ըստ թեմայի
Աբովյանի ընտրատեղամասերից մեկում ընտրողը փորձել է դուրս հանել քվեաթերթիկը
Ընտրողների 26.82 տոկոսն արդեն իսկ մասնակցել է ընտրություններին
ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում
Արխիվային լուսանկար

Նորամարգի երկու բնակիչ 15 000-20 000 դրամի սահմաններում ընտրակաշառք են բաժանել

36
(Թարմացված է 17:09 20.06.2021)
Ոստիկանությունը տեղեկացնում է, որ կաշառք բաժանելու կասկածանքով Նորամարգի երկու բնակիչներից մեկը ձերբակալվել է։

ԵՐԵՎԱՆ, 20 հունիսի – Sputnik. Կաշառք տալու կասկածանքով ՀՀ ոստիկանությունը Արարատի մարզի Նորամարգ գյուղի 2 բնակչի է բերման ենթարկել։ Ոստիկանության պաշտոնական կայքից տեղեկանում ենք, որ տեղեկություններ էին ստացվել, որ ԱԺ արտահերթ ընտրություններին մասնակցող դաշինքներից մեկի օգտին քվեներ ապահովելու համար Նորամարգի 2 բնակիչ, նախնական համաձայնության գալով, նույն գյուղի բնակչության շրջանում գումարի տեսքով ընտրակաշառք են բաժանել և շարունակում են բաժանել:

«Տվյալներ են ձեռք բերվել, որ նշված անձինք Նորամարգ գյուղի բնակչության շրջանում 15 000-20 000 դրամի սահմաններում փող են բաժանել դաշինքներից մեկի օգտին քվեներ ապահովելու համար»,–նշված է հաղորդագրության մեջ։

Փաստի առթիվ հարուցված քրեական գործի շրջանակներում նշված անձինք բերման են ենթարկվել ոստիկանության բաժին, նրանցից մեկը ձերբակալվել է։

Քննությունը շարունակվում է:

Ընտրակաշառքի 155 դեպք, 26 քրեական գործ, 6 կալանք. դատախազությունը տվյալներ է հայտնել

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

36
թեգերը:
Հայաստան, Ազգային ժողովի ընտրություններ, Ընտրություններ, Կաշառք, ընտրակաշառք
թեմա:
ԱԺ արտահերթ ընտրություններ 2021
Ըստ թեմայի
Սպիտակում 10 հազար դրամ ընտրակաշառք առաջարկելու մեղադրանքով կին է ձերբակալվել. ՔԿ
Քանաքեռ-Զեյթունում ընտրակաշառք է բաժանվել դաշինքի օգտին. թեկնածուներից մեկը ձերբակալված է
Սնունդ` քվեի դիմաց. Գավառում ընտրակաշառքի գործով ևս 8 անձի մեղադրանք է առաջադրվել