«Գյումրի» բժշկական կենտրոն

Գյումրու ԲԿ-ում կվերսկսեն վիրահատությունները.  բժիշկներն առողջացել են

822
(Թարմացված է 23:24 08.07.2020)
«Գյումրի» բժշկական կենտրոնի՝ կորոնավիրուսով վարակված  բժիշկներն  առողջացել են ու վերադարձել աշխատանքի: Կենտրոնն աստիճանաբար կսկսի պլանային վիրահատությունները:

ԵՐԵՎԱՆ, 8 հուլիսի - Sputnik. «Գյումրի» բժշկական կենտրոնի COVID-19-ի ախտանիշ ունեցող 17 աշխատակիցների մեծ մասն արդեն առողջացել ու վերադարձել են աշխատանքի: Տեղեկությունը Sputnik Արմենիային հայտնեց ԲԿ տնօրեն Արմեն Իսահակյանը։

«Փառք Աստծո, մեր բժիշկները լավացել են ու վերադարձել են աշխատանքի միայն  2-3 բժիշկ է մնացել, որ դեռևս տնային պայմաններում շարունակում է բուժում ստանալ: Մեր բուժաշխատողների վերադարձով մենք կարողանում ենք վերականգնել պլանային վիրահատությունների ընթացքը»,- ասաց նա։

Բժիշկների վերադարձով աստիճանաբար կվերսկսվեն նաև պլանային վիրահատությունները, որոնք դադարեցվել էին արտակարգ դրության հայտարարումից ի վեր՝ խստագույնս պահպանելով հակահամաճարակային բոլոր անհրաժեշտ նորմերը:

Ահազանգ. Գյումրիում ռեանիմացիոն բաժանմունքի և տրիաժային ծառայության կարիք ունեն

«Բժշկական կենտրոնի ներսում խիստ կարանտին է սահմանված: Հիվանդներին խնամողների թիվը հասցված է նվազագույնի, բացառվում է ելումուտը շենք:Կարանտինն առավելագույն խստությամբ է պահպանվում»,- հավաստիացրեց Իսահակյանը:

 Ի դեպ, այս ընթացքում դադարեցված են եղել ինչպես վճարովի, այնպես էլ պետպատվերի շրջանակում իրականացվելիք վիրահատությունները: Մինչ օրս կատարվել են  միայն անհետաձգելի վիրահատություններ, ինչը լուրջ  ֆինանսական խնդիրներ է առաջացրել բուժկենտրոնում:

Հավելենք, որ այս ընթացքում  մեկ այլ խնդիր ևս լուծում է գտել, ինչն անչափ կարևոր է կենտրոնի համար. ստեղծվել է տրիաժի միջանկյալ բաժանմունք,  որը կֆինանսավորվի պետության կողմից: Խոսքը  միջանկյալ բաժանմունք-մեկուսարանների մասին է: Այստեղ ընդունված հիվանդների նմուշառում է  իրականացվում ու դրական արդյունքից հետո վերջիններս տեղափոխվում են կա՛մ Գյումրու ինֆեկցիոն հիվանդանոց, կա՛մ մայրաքաղաք, իսկ բացասական պատասխանի դեպքում, ըստ անհրաժեշտության, հիվանդը շարունակում է բուժօգնություն ստանալ «Գյումրի» բժշկական կենտրոնում:

Ստուգումներ Գյումրիում, կամ պարետի ո՞ր որոշումներն են խախտվում սպասարկման կետերում

822
թեգերը:
բժիշկ, կորոնավիրուս, վիրահատություն, հիվանդանոց, Գյումրի
թեմա:
Կորոնավիրուսը Հայաստանում և Արցախում (1324)
Ըստ թեմայի
«էս սաղ ապրանքը բդի թափե՞նք». Գյումրին «ստուգումների տակ» է
Ինչպես է կորոնավիրուսով վարակված տղամարդը հայտնվել «Գյումրի» ԲԿ–ում. պարզաբանում է տնօրենը
«Գյումրի» ԲԿ 29 աշխատակիցները կմեկուսացվեն. նրանք շփվել են վարակակիր քաղաքացու հետ
Գյումրիում ծնողները զգուշավոր են. քանի երեխա է հաճախում մանկապարտեզ և ինչ պայմաններով
«Զվարթնոց» օդանավակայան

Հայաստանից Ռուսաստան հինգ չվերթ կիրականացվի․ դեսպանատունը մանրամասներ է ներկայացրել

8
(Թարմացված է 19:24 03.08.2020)
Ի տարբերություն նախորդ չվերթերի, որոնց կարող էին մասնակցել միայն Ռուսաստանի կոնկրետ շրջանների բնակիչները, այս թռիչքները նախատեսված են ՌԴ բոլոր քաղաքացիների համար։

ԵՐԵՎԱՆ, 3 օգոստոսի – Sputnik. ՌԴ քաղաքացիները, որոնք ցանկանում են Հայաստանից Ռուսաստան վերադառնալ, կարող են օգտվել օգոստոսին կայանալիք հինգ ավիաչվերթից։ Տեղեկությունը հայտնում է ՀՀ-ում ՌԴ դեսպանատան մամուլի ծառայությունը։

Օգոստոսի 5-ին` տեղական ժամանակով 15:50-ին, տեղի կունենա Գյումրի-Մոսկվա չվերթը։ Օգոստոսի 8-ին Երևանից Սոչի և Դոնի Ռոստով մեկական չվերթեր կկազմակերպվեն։ Իսկ օգոստոսի 10-ին Երևանի «Զվարթնոցից» օդանավեր կթռչեն դեպի Կալուգա և Սանկտ Պետերբուրգ։

Չվերթի համար պետք է գրանցվել հետևյալ հղումով։ Տեղերը սահմանափակ են։ Ցուցակները ձևավորվելու են գրանցումների հիման վրա։

Այս չվերթները նախատեսված են ՌԴ բոլոր քաղաքացիների համար։

Հիշեցնենք` Ռուսաստանը մարտի 27-ից կորոնավիրուսի պատճառով դադարեցրել էր այլ երկրների հետ պարբերական և չարտերային ավիահաղորդակցությունը։ Բացառություն են կազմում տարհանման, ինչպես նաև բեռնափոխադրող, փոստային, սանիտարական և մարդասիրական չվերթերը, դատարկ ինքնաթիռների տեղափոխումը՝ տեխսպասարկման համար, տրանզիտային թռիչքները երկրի տարածքում՝ վերալիցքավորման կամ անձնակազմի փոփոխության վայրէջքով, որոնք իրականացվում են ՌԴ կառավարության առանձին որոշումներով։ Ռուսաստանն օգոստոսի 1-ից ավիահաղորդակցությունը վերսկսել է երեք երկրի՝ Մեծ Բրիտանիայի, Թուրքիայի (Անկարա և Ստամբուլ) և Տանզանիայի հետ:

8
թեգերը:
թռիչք, չվերթ, Ռուսաստան, Հայաստան
Ըստ թեմայի
Մինսկ-Երևան չվերթի ուղևորի ուղեբեռում թմրանյութեր են հայտնաբերվել
Երևան–Մոսկվա չվերթ. Հայաստանից Ռուսաստան են վերադարձել ևս 112 քաղաքացի
Առաջիկա օրերին ՌԴ-ից միանգամից 3 չարտերային չվերթ կիրականացվի
Ինքնաթիռ, արխիվային լուսանկար

Առաջիկա օրերին ՌԴ-ից միանգամից 3 չարտերային չվերթ կիրականացվի

42
(Թարմացված է 18:08 03.08.2020)
Չարտերային չվերթներից երկուսը նախատեսված է Մոսկվա-Երևան, մեկը՝ Կալուգա - Երևան ուղղություններով:

ԵՐԵՎԱՆ, 3 օգոստոսի - Sputnik. Ռուսաստանում ՀՀ դեսպանատնից հայտնում են, որ «Aircompany Armenia» ավիաընկերությունն առաջիկա օրերին կիրականացնի 3 չարտերային չվերթ՝ Մոսկվա-Երևան և Կալուգա - Երևան ուղղություններով:

Հայաստանից հայրենիք է վերադարձել ևս 158 ռուսաստանցի

«Տոմսերն ազատ վաճառքի սկզբունքով կարելի է ձեռք բերել ընկերության կայքից (armeniafly.com), կամ ընկերության երևանյան գրասենյակից (հասցե՝ Վ․Սարգսյանի 10)։ Մոսկվա-Երևան չվերթների տոմսերի արժեքը՝ սկսած 14 հազ․ 500 ռուբլի, իսկ Կալուգա-Երևան չվերթի տոմսի արժեքը՝ սկսած 10 հազ․ 700 ռուբլի»,- նշված է հաղորդագրության մեջ։

Մոսկվա-Երևան առաջին չվերթը նախատեսված է օգոստոսի 7-ին՝ ժամը 12։30-ին՝ «Վնուկովո» օդանավակայանից, Կալուգա - Երևան չվերթը՝ օգոստոսի 10-ին՝ ժամը 10։30-ին՝ «Կալուգա» միջազգային օդանավակայանից: Մոսկվայից դեպի Երևան ևս մեկ չվերթ նախատեսված է օգոստոսի 11-ին՝ ժամը 12։30-ին՝ դարձյալ «Վնուկովո» օդանավակայանից:

4 չվերթ՝ 2 օրում. օդային փոխադրումներն աստիճանաբար աշխուժանում են

42
թեգերը:
ուղևոր, տոմս, չվերթ, Կալուգա, Մոսկվա, Երևան, Հայաստան
Ըստ թեմայի
Մոսկվայից դեպի Երևան ու Գյումրի չարտերային չվերթեր կլինեն
Երևան–Մոսկվա չվերթ. Հայաստանից Ռուսաստան են վերադարձել ևս 112 քաղաքացի
Երևան-Մոսկվա երկու չվերթ․ Հայաստանում Ռուսաստանի դեսպանատունը մանրամասներ է ներկայացրել
Մինսկ-Երևան չվերթի ուղևորի ուղեբեռում թմրանյութեր են հայտնաբերվել