Շպանկա

Ի՞նչ է կատարվում օրգանիզմում, երբ «շպանկա» ենք ուտում

650
(Թարմացված է 17:04 07.07.2020)
Ամառը հյութալի, համեղ մրգերի, հատապտուղների և բանջարեղենների շրջան է։ Մենք շարունակում ենք պատմել ամենահայտնի պտուղների օգտակար և վնասակար հատկությունների մասին։ Այսօր կխոսենք քաղցրաթթու հատապտուղի` «շպանկայի» մասին։

ԵՐԵՎԱՆ, 7 հուլիսի - Sputnik.«Շպանկան» ոմանք սխալմամբ համարում են բալի տեսակ, սակայն դա այդպես չէ։ Այն մուգ կարմիր քաղցրաթթու հատապտուղ է, բալի և կեռասի հիբրիդ, որն իր դիմացկունության շնորհիվ աճում է գրեթե  ամենուր։ Շատերին է հետաքրքիր «շպանկայի» օգտակար և վնասակար հատկությունները։ Եկեք միասին պարզենք դրանք։

Օգնում է անքնության և սթրեսի ժամանակ

Անքնությամբ տառապող մարդկանց քնելուց առաջ խորհուրդ է տրվում մի բուռ «շպանկա» ուտել կամ 100 գրամ «շպանկայի» հյութ խմել։ Հատապտուղը պարունակում է մելանին, որը հանգստացնում է նյարդային համակարգն ու քնելու ցանկություն առաջացնում։

Ի՞նչ է կատարվում օրգանիզմի հետ, երբ բալ եք ուտում

Ֆրուկտոզայով, պեկտինով, աղաղանյութով, գրեթե բոլոր վիտամիններով և մի շարք միկրոտարրերով հարուստ այս պտուղը բարձրացնում իմունիտետը, ինչպես նաև տոնուսը։

Шпанка
© Sputnik / Anahit Boyajyan
Շպանկա

Ջերմիջեցնող միջոց

Տարատեսակ տերաֆլյուների և գրիպոֆլյուների փոխարեն փորձեք իջեցնել ջերմությունը` մի բուռ «շպանկա» ուտելով։ Այս փոքրիկ հատապտուղը պարունակում է վիտամին B, ֆոլաթթու, երկաթ, կալիում, ֆոսֆոր և մագինում, այդ պատճառով այն օգտագործում են ջերմությունն իջեցնելու, կոկորդի և հազի բուժման համար։ Թարմ կամ չորացրած «շպանկան» խորհուրդ է տրվում օգտագործել բրոնխիտի ժամանակ, իսկ չորացրածը նաև հիանալի միջոց է տենդի, շնչուղիների բորբոքային հիվանդությունների դեպքում։

Սրտանոթային հիվանդությունների համար

«Շպանկայի» ակտիվ նյութերը բարձրացնում են օրգանիզմի տոնուսը, ամրացնում անոթները, իջեցնում բարձր ճնշումը։ Թարմ «շպանկան», «շպանկայի» կոմպոտը կամ այն սառեցրած վիճակում կասեցնում է անոթների պատերին տրոմբների առաջացումը։ Մասնագետները նշում են, որ կանոնավոր «շպանկա» ուտող մարդկանց մոտ սրտանոթային հիվանդության զարգացման վտանգը զգալիորեն ցածր է։

Աղեստամոքսային տրակտի նորմալացում

«Շպանկա» թույլ լուծողական է, այն կարգավորում է աղիների աշխատանքը։ Խրոնիկ փորկապության դեպքում օրական մեկ բուռ թարմ կամ սառեցրած «շպանկան» կարող է օգտակար լինել։

Արյան մեջ հեմոգլոբինի բարձրացում

Հաճախ ցածր հեմոգլոբին ունեցող մարդիկ ամենահեշտ ճանապարհն են ընտրում. պատվիրել թանկարժեք դեղորայք, չկռահելով նույնիսկ, որ «շպանկան» բարձրացնում է  արյան մեջ հեմոգլոբինի մակարդակը։ Նման արդյունք ապահովում է «շպանկայի» մեջ երկաթի և ֆոլաթթվի առկայությունը։

Ի՞նչ է կատարվում օրգանիզմում, երբ ծիրան եք ուտում

Հին նախանշան կա. եթե հղի կինը «շպանկա» է ուտում, նա առողջ երեխա կունենա։ Այդ փաստը բացատրվում է նրա մեջ պարունակվող երկաթով, ինչը կանխարգելում է անեմիան։ Կնոջ ներսում զարգացող օրգանիզմին բավարար քանակի ֆոլաթթու, երկաթ և մագնիում է անհրաժեշտ ճիշտ զարգացման համար։

Գեղեցկության համար

«Շպանկան» դանդաղեցնում է մարմնի ծերացումն ու հաճախ օգտագործվում դիետաների ժամանակ։ Նրանք, ովքեր ուզում են նիհարել, կարելի է և անհրաժեշտ է «շպանկա» ուտել, քանի որ 100 գրամը (52 կկալ) օրգանիզմը հարստացնող անհրաժեշտ տարրեր է պարունակում։ Արդյունավետ նիհարելու համար ձեր սննդակարգում ներառեք 1 բաժակ «շպանկա», այն արագացնում է նյութափոխանակությունը, ազատում օրգանիզմում կուտակված հեղուկից և տոքսիններից։

Բացի այդ, այն կարելի է օգտագործել որպես կոսմետիկ միջոց։ «Շպանկայի» պտուղներից և հյութից կարելի է սնուցող դիմակներ պատրաստել դեմքի և մազերի խնամքի համար, որոնք բարերար ազդեցություն են թողնում դրանց կառուցվածքի վրա։

Հակացուցումները

Չնայած օգտակարությանը, «շպանկան» միշտ չէ, որ առողջության վրա դրական ազդեցություն է թողնում։ Եթե դուք աղեստամոքսային տրակտի խրոնիկ հիվանդություն ունեք, հրաժարվեք «շպանկայից», այն բարձրացնում  է թթվայնությունը։ Բացի այդ, այն խորհուրդ չի տրվում մարդկանց, որոնք տասներկումատնյա աղիքի խոց ունեն։

Հավկիթն օրգանիզմի համար օգտակա՞ր է, թե ՞ վնասակար. միֆ և իրականություն

Հիշեք, որ «շպանկայի» կորիզը թունավոր է։  Ի տարբերություն հատապտղի տերևների և պոչիկների՝ կորիզները ոչ մի դեպքում չի կարելի օգտագործել սննդի մեջ կամ դրանցից թուրմ պատրաստել։

650
թեգերը:
առողջ սնունդ, օրգանիզմ, շպանկա, հատապտուղ
Ըստ թեմայի
Ի՞նչ է կատարվում օրգանիզմում, երբ լոլիկ եք ուտում
Ի՞նչ է կատարվում օրգանիզմում, երբ պանիր եք ուտում
Ի՞նչ է կատարվում օրգանիզմում, երբ մոռ եք ուտում
Ի՞նչ է տեղի ունենում օրգանիզմում, երբ ելակ ենք ուտում
Հիվանդանոց, արխիվային լուսանկար

Եվս 5 մահ. կորոնավիրուսի զոհ դարձածներից ամենաերիտասարդը 56 տարեկան է

2
(Թարմացված է 11:12 01.10.2020)
Նախորդ օրն արձանագրվել է մահվան 1 դեպք, երբ պացիենտը ունեցել է կորոնավիրուսային վարակ, սակայն մահը վրա է հասել այլ հիվանդության պատճառով:

ԵՐԵՎԱՆ, 1 հոկտեմբերի – Sputnik. Վերջին մեկ օրում Հայաստանում կորոնավիրուսի հետևանքով 4 մարդ է մահացել։ Տեղեկությունը հայտնում է ՀՀ առողջապահության նախարարությունը։

«Պացիենտները եղել են 56 (տղամարդ) 84 (կին), 84 (կին) և 80 (տղամարդ) տարեկան։ Բոլորն ունեցել են ուղեկցող խրոնիկական հիվանդություններ»,–գրված է հաղորդագրության մեջ։

Նախորդ օրն արձանագրվել է մահվան 1 դեպք, երբ պացիենտը ունեցել է կորոնավիրուսային վարակ, սակայն մահը վրա է հասել այլ հիվանդության պատճառով: Ադպիսի դեպքերի ընդհանուր թիվը 298 է:

Ռուսաստանում սկսել են COVID-19–ի դեմ պատվաստանյութը փորձարկել ռիսկային խմբերի վրա

Հայաստանում կորոնավիրուսով վարակվածների թիվը վերջին մեկ օրում ավելացել է 491–ով և դարձել 50359։

2
թեգերը:
Կին, տղամարդ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Բուհերի ռեկտորներ, մանկավարժներ. Շիրակի մարզում կորոնավիրուսի ակտիվացում է նկատվում
Կորոնավիրուսով են վարակվել զբոսաշրջային միկրոավտոբուսի բոլոր ուղևորները
Կորոնավիրուսը, Հայաստանի տնտեսությունն ու պոպուլիզմը. ի՞նչ սպասել ապագայում
Թեստավորում

491 դեպք` մեկ օրում. Հայաստանում կորոնավիրուսով վարակվածների թիվը դարձավ 50359

36
(Թարմացված է 11:12 01.10.2020)
Հիվանդությունների կանխարգելման և վերահսկման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները։

ԵՐԵՎԱՆ, 1 հոկտեմբերի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 491–ով և դարձել 50359։ Տեղեկությունը հայտնում է Հիվանդությունների կանխարգելման և վերահսկման ազգային կենտրոնը:

Կենտրոնի տվյալներով` այս պահին փաստացի բուժում են ստանում 5370 մարդ, կատարվել է 296327 թեստավորում, առողջացել են վարակվածներից 44219–ը։ Գրանցվել է մահվան 963 դեպք (+4)։ Կորոնավիրուսով վարակված, բայց այլ պատճառով մահացածների թիվը 298 է (+1)։

Հիշեցնենք` մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հայաստանում ուսուցիչների գրեթե 1,5 տոկոսի մոտ կորոնավիրուս է հայտնաբերվել. ԱՆ

Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասարակական վայրերում դիմակ դնելու պահանջը շարունակում է գործել:

36
թեգերը:
համավարակ, վարակ, հիվանդ, թեստ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Եթե բոլորը գնան բանակ, բիզնեսը կպայթի, կամ ինչի մասին են ամաչում խոսել գործարարները
Զուտ հայկական և բուրավետ բիզնես «դիմակասերների» համար
Կարևոր է մեր թիկունքը ամուր պահելու համար. ՀՀ առողջապահության նախարարության հորդորը