Աղտոտված արագիլ

Ինչո՞ւ չի թռչում արագիլը. սևացած փետուրներով թռչուններ, որոնց չի գտնում տեսչական մարմինը

498
(Թարմացված է 12:36 07.07.2020)
Արմավիրի մարզի մի շարք համայնքներում արագիլներն աղտոտվել են։ Չնայած տեսչական մարմնի հայտարարությանը, թե աղտոտված արագիլներ չեն գտել Արմավիրում, Sputnik Արմենիան ֆիքսել է նրանցից շատերին։

Վզի հատվածում մուգ շագանակագույն և կեղտից իրարից առանձնացված փետուրներով, կեղտոտ տոտիկներով, կտուցը լայն բացած արագիլը փորձում է թռչել, թևերը թափահարում է, թափահարում ու պատի վրայից կարճ ցատկ կատարում գետնին։ Թռչելու փոխարեն սկսում է քայլել։

Аист с испачканными перьями в селе Акнашен
© Sputnik / Aram Nersesyan
Աղտոտված արագիլ

Արմավիրի մարզի Ակնաշեն համայնքում ենք` գյուղապետարանի ու դպրոցի միջնամասի դատարկ հատվածում։ Դիմացի մայթից 9-10 տարեկան տղա է գալիս հոր հետ ու, տեսնելով աղտոտված արագիլին ուղղված մեր զարմացած հայացքները, ասում է, որ մի քանի օր է` արագիլն այս տարածքում քայլում է, թռչելիս միայն 2-3 մետր բարձրություն է հաղթահարում ու կանգնում դպրոցի պատի վրա։

Аист с испачканными перьями в селе Акнашен
© Sputnik / Aram Nersesyan
Ակնաշեն

Մեր գլխավերևում արագիլների բույն կա, որում նույնպես 2 աղտոտված արագիլ կա, նրանք, սակայն, ինչպես պատմում են տեղի բնակիչները, կարողանում են թռչել: Ակնաշենցիներն ասում են, որ արագիլները չեն վախենում մարդկանցից, իրենք հաճախ են կերակրում թռչուններին:

Аисты с испачканными перьями в селе Акнашен
© Sputnik / Aram Nersesyan
Ակնաշենում

Համայնքի ղեկավարը՝ Միսակ Միսակյանը, մեզ հետ զրույցում նշում է՝ արագիլները հիվանդ չեն:

«Մեզ մոտ մի տարածք կա, Սև ջուր է կոչվում, հիմա բավական շատ տիղմ կա այնտեղ, իսկ արագիլները հենց այդ ջրերից են սնունդ հայթայթում: Ես ինքս շատ եմ տեսել նրանց այդ տարածքում, տեղ կա՝ անգամ նրանց ոտքերի հետքերն են տեսանելի»,-ասաց Միսակյանը:

Река с тиной в селе Ерасхаун
© Sputnik / Aram Nersesyan
Սև ջուր

Համայնքի ղեկավարի նշած հատվածը` Սև ջուրը, Ակնաշենից այդքան էլ հեռու չէ. տեղում համոզվում ենք, որ գետը, ճիշտ է, աղտոտված է, մամուռով պատված, որի վրա ճնճղուկներ են պտտվում, բայց արագիլներ այդպես էլ չենք տեսնում այդ տարածքում։Ակնաշենն Արմավիրում միակ համայնքը չէ, որտեղ աղտոտված արագիլներ կան: Մարզի Գայ, Հովտաշատ, Երասխահուն համայնքներում նույնպես կան սևացած փետուրներով թռչուններ:

Նշենք, որ օրերս սոցցանցերի օգտատերերն ահազանգել էին, թե ինչպես նախորդ տարի, այս տարի ևս աղտոտված արագիլներ են հայտնվել Արմավիրի համայնքներում, սակայն Բնապահպանության և ընդերքի տեսչական մարմինը հայտարարություն էր տարածել, թե ստուգայցեր են կատարել և աղտոտված արագիլներ չեն հայտնաբերել։ Այնինչ համայնքներ մտնելիս պարզապես անհնար է նրանց չնկատել:

Հովտաշատում, ճիշտ է, աղտոտված արագիլները շատ քիչ են` 4-5 նման արագիլ կգտնես, որոնց կողքին տասնյակ սպիտակները կան։ Տեղի բնակիչներից մի կին պատմում է` աղտոտված արագիլները կարողանում են թռչել, ձագերին կեր բերել։

Жительница села Овташат
© Sputnik / Aram Nersesyan
Հովտաշատի բնակիչներից մեկը

Հովտաշատում արագիլներին կերակրելու կարիք չկա. նրանք ինքնուրույն են սննդի հարցը լուծում։

Аисты с испачканными перьями в селе Овташат
© Sputnik / Aram Nersesyan
Հովտաշատ

Հովտաշատցիներն ասում են, որ արագիլների աղտոտման պատճառը գուցե տեղում գործող ձկնաբուծարաններն են, որոնց ճարպոտ թափոններն աղտոտում են գետերը, որտեղից ձուկ, գորտ են որսում թռչունները։

Испачканные аисты в гнездах в общинах Акнашен, Овташат, Гай и Ерасхаун (6 июля 2020).
© Sputnik / Aram Nersesyan
Հովտաշատ
Аисты с испачканными перьями в селе Овташат
© Sputnik / Aram Nersesyan
Հովտաշատ

Երասխահուն համայնքում արդեն 1-1.5 ամիս է, ինչ մաքուր արագիլների կողքին աղտոտվածներն են հայտնվել։ Համայնքի ղեկավար Արմեն Ավետիսյանն ասում է` հետևում են արագիլներին, որ եթե տեսնեն` չեն կարողանում թռչել, առանց սննդի չմնան հանկարծ։ Երասխահունի աղտոտված արագիլները, սակայն, ինչպես և մյուս համայնքներինը, կարողանում են թռչել։

Аисты с испачканными перьями в селе Ерасхаун
© Sputnik / Aram Nersesyan
Երասխահուն
Аист с испачканными перьями в селе Ерасхаун
© Sputnik / Aram Nersesyan
Երասխահուն

«Մոտակայքում գտնվող ձկնաբուծարանների ջրերը մաքուր են։ Կարծում եմ` եթե այսպես աղտոտվում են, ուրեմն կերի վայրը հեռու է։ Սևացած փետուրներով արագիլները հիմնականում մեծերն են` հին արագիլները»,–նշում է Ավետիսյանը։

  • Երասխահուն
    Երասխահուն
    © Sputnik / Aram Nersesyan
  • Երասխահուն
    Երասխահուն
    © Sputnik / Aram Nersesyan
  • Երասխահուն
    Երասխահուն
    © Sputnik / Aram Nersesyan
  • Երասխահուն
    Երասխահուն
    © Sputnik / Aram Nersesyan
  • Արագիլներ
    Արագիլներ
    © Sputnik / Алексей Даничев
  • Երասխահուն
    Երասխահուն
    © Sputnik / Aram Nersesyan
  • Երասխահուն
    Երասխահուն
    © Sputnik / Aram Nersesyan
1 / 7
© Sputnik / Aram Nersesyan
Երասխահուն

Մինչ Երասխահունում նկարում ենք աղտոտված արագիլներին, մի մեքենա է անցնում փողոցով։ Սովետական «Ժիգուլու» միջից վարորդն ասում է, որ մաքուր արագիլներին էլ նկարենք` միայն վատը ցույց չտանք։ Որոշ ժամանակ հետևելով մեր աշխատանքին, տեսնելով, որ մաքուրներին էլ ենք նկարում` տղամարդն անկեղծանում է, թե մեղք են աղտոտվածները, բոլորի խղճի վրա ազդում են։

«Կգրեք, որ օգնեն էս խեղճերին»,–ասում է տղամարդն ու հեռանում։

Երասխահունի բնակիչներից հետաքրքրվում ենք` տեսչական մարմնի աշխատակիցներն ինչպե՞ս չեն նկատել աղտոտված արագիլներին։ Ասում են` շատերն են գալիս, նկարում արագիլներին, իրենք չգիտեն էլ` ով ով է։

Հիշեցնենք, որ նախորդ տարի, երբ հարևան Արարատի մարզի Հովտաշենում մեծ թվով աղտոտված արագիլներ էին հայտնվել, Բնապահպանության և ընդերքի տեսչական մարմինը հայտնել էր, որ աղտոտման հավանական աղբյուրը Հրազդան գետի աղտոտված հատվածն է: Իսկ գետն աղտոտել էին մարզի ձկնաբուծարանները: Հրազդան գետի տվյալ հատվածը բացահայտումից հետո մաքրվեց, ավելի քան 30 տոննա աղբ հեռացվեց, ու խնդիրը հարթվեց:

Հաշվի առնելով, որ տեսչական մարմին խոստացել է պարբերաբար ստուգայցեր անցկացնել, հուսանք, որ կեղտոտված արագիլների խնդիրն այս տարի էլ շուտափույթ կլուծվի։

«Դե, գնա, գնա». Կարմիր գրքում գրանցված սև արագիլին բնություն են վերադարձրել

498
թեգերը:
արագիլ, Արմավիրի մարզ, Հայաստան
Ըստ թեմայի
Տարօրինակ աշխարհ, կամ խելոք հավերի, թռչող թագավորների և փոխխոսնակ դարձած տաքսիստների մասին
Երևանի կենդանաբանական այգուց անհետացած կակադուին գտել են. լուսանկար
Աֆրիկայում 350 փիղ է սատկել. պատճառներից մեկը կարող է կորոնավիրուսը լինել

«Ինձ համար մեկ էր...». Ժաննա Լևինան խոսել է Գարիկ Մարտիրոսյանի հանդեպ իր սիրո մասին

35
(Թարմացված է 23:04 13.08.2020)
Լևինան պատմել է, թե ինչպես են բնակարան վարձել Մոսկվայում։ Նա ասել է, որ 40 տարեկանում պատրաստ չէր լինի նույն սցենարի կրկնությանը։

ԵՐԵՎԱՆ, 13 օգոստոսի — Sputnik. Հայտնի հաղորդավար Գարիկ Մարտիրոսյանի կինը՝ Ժաննա Լևինան, պատմել է՝ ինչպես է սկսվել ամուսնու հետ համատեղ կյանքը։ Նա ասել է, որ 20 տարեկանում այնքան է սիրահարված եղել, որ չի էլ մտածել փողի մասին։

Լևինան YouTube-ի «ТО Gazgolder» ալիքում հրապարակված «Конечно, Вася» շոուի ժամանակ հիշեցրել է, որ իրենք արդեն 20 տարվա ամուսիններ են։

«Գարիկն այն ժամանակ պարզապես ՈւՀԱ-ի մասնակից էր, ընդհանրապես փող չուներ։ Բայց ես էլ 20 տարեկան էի։ Ինձ համար լրիվ մեկ էր․․․», - ասել է Լևինա–Մարտիրոսյանը։

Կինը պատմել է, որ սկզբում դժվարությունների են բախվել։ Մոսկվա տեղափոխվելուց հետո պարտքով գումար են վերցրել ընկերներից ու մեկսենյականոց բնակարան վարձել։ Լևինան ինքն է այդ «հյուղակի» համար վարագույր կարել էժան կտորից։

Գարիկ Մարտիրոսյանի կինը միաժամանակ ասել է, որ 40 տարեկանում պատրաստ չէր լինի նույն սցենարի կրկնությանը։ Տղամարդու մեջ նա առաջին հերթին ուժեղ բնավորությունն է գնահատում։

Ինչպե՞ս «կալանավորել», որ չփախչի. Գարիկ Մարտիրոսյանի կինը՝ իր բաղձալի ցանկության մասին

«Ամուսինս պետք է ինձանից մի քանի անգամ ուժեղ լինի։ Եթե նա ավելի թույլ լինի, ես նրան «կուտեմ»։ Չեմ կարողանա նրա հետ ապրել», - ավելացրել է նա։

Ժաննա Լևինան ու Գարիկ Մարտիրոսյանն ամուսնացել են 1998 թվականին։ 2004 թվականի ամռանը ծնվել է նրանց դուստրը` Ժասմինը։ Որդին` Դանիելը, լույս աշխարհ է եկել 2009 թվականի հոկտեմբերին։ Ժաննան այժմ 44 տարեկան է, Գարիկը` 46։

Գարիկ Մարտիրոսյանն ու կինը պարում են «Սուպեր Ժորիկի» «Զոլոտո» երգի ներքո

35
թեգերը:
Կին, ամուսին, սեր, Գարիկ Մարտիրոսյան, Ժաննա Լևինա
Ըստ թեմայի
«Ցնցող կին». Գարիկ Մարտիրոսյանը պարծենում ու հպարտանում է իր կողակցով. տեսանյութ
Գարիկ Մարտիրոսյանը նմանակում է Դմիտրի Նագիևին. տեսանյութ
Գարիկ Մարտիրոսյանի կինը հիշել է` ինչպես էին տարազով պարում Երևանում
Շրջակա միջավայրի նախարարության, ոստիկանության աշխատակիցներն ու համայնքի ղեկավարը հայտնաբերել ու ապամոնտաժել են Աժդահակ լեռան խառնարանային լճում տեղադրված բենզապոմպը

Պարզվել է Կարմիր կատարից ձգվող խողովակի առեղծվածը. ո՞վ է ջուր գողացել խառնարանային լճից

321
(Թարմացված է 21:04 13.08.2020)
Զբոսաշրջիկների սիրելի վայրերից մեկի` Աժդահակ լեռան անունը վերջին օրերին շատ արծարծվեց։ Պատճառն ահազանգն էր` բարձունքներից մեկի լճի մոտ խողովակ են դրել և ջուր են «քաշում»։ Պատկերն արդեն հստակեցվել է, հայտնի է` ով է նման քայլի դիմել, և որքան ջրից է զրկվել լիճը։

Գեղամա լեռնաշղթայի հյուսիսային հատվածում շուրջ 3600 մետր բարձրության վրա գտնվող Կարմիր կատար բարձունքի խառնարանային լճից երկրորդ տարին անընդմեջ ապօրինի ջրառ իրականացնողը մի անասնապահ է։ Sputnik Արմենիային լուրը հայտնեց Բնապահպանության և ընդերքի տեսչական մարմնի Կոտայքի տարածքային բաժնի տնօրեն Մկրտիչ Վանոյանը։

Сотрудники министерства окружающей среды, полиции и глава общины нашли, демонтировали и конфисковали установленный бензонасос в кратерном озере Аждаак (12 августа 2020). Гегамский хребет
Լիճ մտնող խողովակը

Երեկ մեծ աղմուկ էր բարձրացրել ահազանգը, որ Աժդահակ լեռան բարձունքներից մեկի խառնարանի տարածքում 5 կիլոմետրանոց խողովակաշար է տեղադրվել, ջրառ է իրականացվում։ Ըստ ահազանգի` եթե այսպես շարունակվի, խառնարանը կարող է անապատացման եզրին հայտնվել։ Շրջակա միջավայրի նախարարի հանձնարարությամբ` թիմ էր ձևավորվել, որոնք այցելել էին «դեպքի վայր»։ Ահազանգը ճիշտ էր, պոմպը տեղում ապամոնտաժել էին։

Сотрудники министерства окружающей среды, полиции и глава общины нашли, демонтировали и конфисковали установленный бензонасос в кратерном озере Аждаак (12 августа 2020). Гегамский хребет
Ապամոնտաժված պոմպը

«Դեռ նախորդ տարի Արմավիրի մարզի Արտաշատ քաղաքի բնակիչ Թեմուր Խուդոյանը (ազգությամբ եզդի) Աժդահակ լեռան խառնարանային լճից առանց ջրօգտագործման թույլտվության բենզապոմպի և խողովակաշարի միջոցով կատարել էր ապօրինի ջրառ։ Նա վարչական պատասխանատվության էր ենթարկվել (150 000 դրամ) և պարտավորվել հեռացնել խողովակները։ Այս տարի, սակայն, նորից նույն դեպքին ականատես եղանք»,–ասաց Վանոյանը։

Նրա խոսքով` տղամարդն ասել է, որ ջուրն իր` 1000-ի հասնող անասունների համար է օգտագործում։ Սովորաբար անասնապահներն այնտեղ մի քանի ամիս մնում են իրենց անասունների և ընտանիքների հետ։ Իսկ որ այս տարի նույնպես այդ տարածքից ապօրինի ջրառ է իրականացվում և նորից նույն մարդու «մատն է խառը», դեռ օգոստոսի 6-ին են ահազանգ ստացել։ Տեսչական մարմնի աշխատակիցները բանավոր նկատողություն են տվել Թեմուր Խուդոյանին` հանձնարարելով խողովակները հեռացնել։ Սակայն օրեր անց նորից ահազանգ են ստացել, որ տղամարդը շարունակում է ջրառը։

Հարցին, թե ո՞վ է մեղավոր, որ երկրորդ տարին անընդմեջ նույն ապօրինությունն է կատարվում, և ինչպե՞ս է ստացվել, որ խողովակները տեղադրելու պրոցեսն աննկատ է մնացել, Վանոյանը պատասխանեց, որ վերահսկողությունը պետք է Գառնի համայնքի ղեկավարությունն իրականացներ։ Նրա խոսքով` տեսչական մարմինը հաջորդ տարի չի թույլատրի, որ տղամարդը ջրամբարին «մոտ գնա»` անասուններին արածացնի։

Мкртич Ваноян, директор Котайкского территориального управления инспекции по охране природы
© Sputnik / Asatur Yesayants
Մկրտիչ Վանոյան

Կոտայքի մարզպետի պաշտոնակատար, փոխմարզպետ Առնակ Ավետիսյանն էլ իր հերթին ասաց` եթե խնդիրը կրկնվում է երկրորդ անգամ, ուրեմն չի բացառվում, որ պատկան մարմիններից մեկը թերացել է իր աշխատանքում։ Սակայն, ըստ Ավետիսյանի, այս պահին խնդիրն ամբողջությամբ լուծվել է։

«Բենզապոմպը հեռացվել է, առանց որի հնարավոր չէ ջրառ անել։ Խողովակներն ապամոնտաժվել են, հիմա խողովակները տարածքից հեռացնելու առնչությամբ քննարկում է գնում»,–ասաց Ավետիսյանը։

Նա հայտնեց, որ վերջերս է արշավախմբով Աժդահակ բարձրացել, որի կատարներից մեկի վրա էլ գտնվում է Կարմիր կատարի խառնարանը։ Սակայն այդ հատվածից, որտեղով իրենք են լեռը բարձրացել, խողովակները նկատելի չեն եղել։

И.о. губернатора Котайкской области Арнак Аветисян
© Sputnik / Asatur Yesayants
Առնակ Ավետիսյան

Ավետիսյանի խոսքով` համայնքների ղեկավարներին արդեն իսկ հանձնարարվել է ավելի ուշադիր լինել` բացառելու համար նման երևույթները։ Նա նշեց` ՏԻՄ–երի գործառույթների մեջ է մտնում բնապահպանական ռիսկերի նվազեցումը։ Աժդահակը, ըստ Կոտայքի մարզպետի պաշտոնակատարի, բնության գոհարներից մեկն է, որի հանդեպ լեռնագնացների ուշադրությունը տարեցտարի ավելանում է։

Գեղարդ համայնքի ղեկավար Սանասար Թառոյանն էլ հայտնեց` ապօրինի ջրառի հետևանքով խառնալիճը մեծ վնասներ չի կրել, քանի որ խոսքը 15 տոննա ջրի մասին է։ Նրա խոսքով` Թեմուր Խուդոյանն այսօր իր մոտ է եղել, գրություն գրել ու ներողություն խնդրել արածի համար։

«Հաջորդ տարի նրան թույլ կտամ այդ տարածք մուտք գործել, երբ նա օրինական ձևով ջրառ իրականացնելու թույլտվություն կունենա։ Այդ տարածքում, ուր անասուններ են պահում, կա ջրագիծ, սակայն Խուդոյանն արդարանում էր, թե հեռու է ջրագիծը, ինչի պատճառով էլ ինքն իր ջրագիծն էր գցել»,–ասաց համայնքի ղեկավարը։

Ինչ վերաբերում է վերահսկողությանը, ապա, ըստ Թառոյանի, դա ոչ թե իրենք, այլ Շրջակա միջավայրի նախարարությունը պետք է իրականացնի։ Նրա խոսքով` հենց նախարարությունը պետք է հետևողական լիներ, որ նախորդ տարվա նույն քայլը չանեին այս տարի։

Շրջակա միջավայրի նախարարության մամուլի քարտուղար Դավիթ Գրիգորյանը մեզ հետ զրույցում հայտնեց, որ նախարարությունը որևէ վերահսկողական գործառույթ չունի այս դեպքում, քանի որ Կարմիր կատարը բնության հատուկ պահպանվող տարածքի կարգավիճակ չունի։ Նա փաստեց միայն, որ ջրառն ապօրինի է կատարվել խառնարանային լճից, քանի որ ջրօգտագործման թույլտվություն այդ տարածքից չի տրամադրվել որևէ մեկին։

Ստացվում է` վերահսկողության առումով կլոր շրջան է ստեղծվում, երբ պատկան մարմիններից որևէ մեկը պատասխանատվությունն իր վրա չի վերցնում։

Նշենք միայն, որ պոմպն արդեն իսկ փոխանցել են տիրոջը, իսկ օգոստոսի 17-ին վարչական լսումների օր է նշանակվել, որի ժամանակ Թեմուր Խուդոյանին նորից 150 000 դրամի չափով տուգանելու որոշում կկայացվի։

321
թեգերը:
Աժդահակ լեռ, լիճ, Հայաստան
Ըստ թեմայի
Դեբեդ գետի Լալվար վտակի ջրում մեծ քանակի սուլֆատ իոն ու մանգան է հայտնաբերվել
Սևանի ափերին քանդման ենթակա 3800 շինություն կա. նախարարը տեղում ծանոթացել է լճի խնդիրներին
Մինսկ

Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից

0
(Թարմացված է 23:50 13.08.2020)
Հանրապետության ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

ԵՐԵՎԱՆ, 13 օգոստոսի - Sputnik. Բելառուսի ներքին գործերի նախարար Յուրի Կարաևը խոսել է ցուցարարների հետ բախումների ժամանակ պատահաբար տուժած մարդկանց մասին։

ՌԻԱ Նովոստին հայտնում է, որ Կարաևը «Մարկով. անձնական ոչինչ» հաղորդման ժամանակ ներողություն է խնդրել այդ մարդկանցից։

Հիշեցնենք` կիրակի՝ օգոստոսի 9-ին, Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Քվեարկության ավարտից հետո զանգվածային բողոքի ակցիաներ են սկսվել: ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

Տիխանովսկայան չի ընդունել ընտրության արդյունքներն ու Բելառուսից փախել է Լիտվա։

Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ

0
թեգերը:
Բողոքի ակցիա, Մինսկ, Բելառուս
Ըստ թեմայի
Բելառուսում տղամարդը շան հետ զբոսնելիս փամփուշտ է «որսացել» ու վիրավորվել. տեսանյութ
«Ձեր «սև» ուժը Ձեր թուլությունն է». Սպիվակովը հրաժարվել է Լուկաշենկոյի հանձնած շքանշանից
Բախումներ հատուկջոկատայինների և ցուցարարների միջև. ինչ է կատարվում Մինսկում. տեսանյութ
Վլադիմիր Պուտինը և Էմանուել Մակրոնը քննարկել են Բելառուսում տիրող իրավիճակը