Լիտվայի նախագահն ու առաջին տիկինը, արխիվային լուսանկար

Լիտվայի առաջին տիկինը նվերներ է ուղարկել կորոնավիրուսով վարակված հայ երեխաներին

97
(Թարմացված է 19:23 03.07.2020)
ՀՀ առողջապահության նախարարությունը՝ ի նշան երախտագիտության, պատվոգրեր և հուշանվերներ է հանձնել Լիտվայից ժամանած պատվիրակության անդամներին:

ԵՐԵՎԱՆ, 3 հուլիսի - Sputnik. Լիտվայի նախագահի տիկինը՝ Դիանա Նաուսեդենեն, նվերներ է ուղարկել հայ երեխաներին, որոնց մոտ կորոնավիրուս է հաստատվել: Այս մասին հայտնում է Հայաստանում Լիտվայի դեսպանատան լրատվական ծառայությունը: Նվերները Հայաստան են հասցվել այսօր՝ հուլիսի 3-ին, Լիտվայից ժամանած ռազմական ինքնաթիռով:

Ի դեպ, այսօր Հայաստանին կորնավիրուսի դեմ պայքարում օգնության հասած լիտվացի բժիշկներն ավարտել են իրենց առաքելությունն ու վերադառնում են հայրենիք: Ինչպես հայտնում է ՀՀ առողջապահության նախարարության մամուլի ծառայությունը, այդ առիթով նախարար Արսեն Թորոսյանը հյուրընկալվել է ՀՀ-ում Լիտվայի դեսպանատանը, հանդիպել առաքելության անդամների հետ, շնորհակալություն հայտնել կորոնավիրուսային հիվանդության դեմ պայքարում ցուցաբերած աջակցության համար:

Նախարարը կարևորել է գործընկերների աջակցությունն ու շարունակական համագործակցության հույս հայտնել:

Հանդիպման ավարտին առողջապահության նախարարության կողմից Լիտվայից ժամանած պատվիրակության անդամներին պատվոգրեր և փոքրիկ հուշանվերներ են հանձնվել՝ ի նշան երախտագիտության:

Լիտվացի բժիշկներն ու 1,5 տոննա բեռն արդեն Հայաստանում են

11 հոգուց բաղկացած պատվիրակությունը Լիտվայից Հայաստան էր ժամանել երկու շաբաթ առաջ` իր հետ բերելով բժշկական պաշտպանիչ պարագաներ, սարքավորումներ և Covid-19-ի ախտորոշման թեստեր: Բժիշկներն աշխատել են «Սուրբ Աստվածամայր» բժշկական կենտրոնի և «Վնասվածքաբանության և Օրթոպեդիայի գիտահետազոտական կենտրոնի» վերակենդանացման բաժանմունքներում, իսկ փորձագետների թիմը՝ առողջապահության նախարարությունում, ՀՀ ԱՆ Առողջապահության ազգային ինստիտուտում, ՀՀ ԱՆ Հիվանդությունների վերահսկման և կանխարգելման ազգային կենտրոնում և «Նորք ինֆեկցիոն» կլինիկական հիվանդանոցում։

Փաշինյանը շնորհակալություն է հայտնել կորոնավիրուսի դեմ պայքարում Հայաստանին օգնողներին

97
թեգերը:
Արսեն Թորոսյան, հուշանվեր, բժիշկ, երեխա, նվեր, կորոնավիրուս, դեսպանատուն, Լիտվա, ՀՀ Առողջապահության նախարարություն, Հայաստան
թեմա:
Կորոնավիրուսը Հայաստանում և Արցախում (1599)
Ըստ թեմայի
Տոնոյանը շնորհակալություն է հայտնել լիտվացի պաշտոնակցին
Սերբիան մեկ միլիոն դոլարի հումանիտար օգնություն կուղարկի Հայաստան
Բացի բուժաշխատողներից, Լիտվան Հայաստան կուղարկի թեստեր և բժշկական պարագաներ
Լիտվացի բժիշկները կհասնեն օգնության. Լիտվայից Հայաստան կժամանի բժշկական մի խումբ` թեստերով
Զորահավաք. արխիվային լուսանկար

Զորահավաքի ենթակա անձի մոտ կորոնավիրուսի առկայության հավանականությունը վերստուգվելու է

86
(Թարմացված է 13:53 31.10.2020)
Առողջապահության փոխնախարարը կորոնավիրուսային հիվանդության նմուշառում և լաբորատոր թեստավորում իրականացնող կազմակերպություններին հորդորում է զերծ մնալ իրավախախտ գործունեությունից:

ԵՐԵՎԱՆ, 31 հոկտեմբերի - Sputnik. ՀՀ առողջապահության նախարարի տեղակալ Արտյոմ Սմբատյանը տեղեկացնում է, որ զորահավաքի ենթակա անձի մոտ կորոնավիրուսային հիվանդության դրական պատասխանի դեպքում մեծ հավանականությամբ վերստուգվելու է։

«Վերստուգվելու է թե՛ անձի նմուշին համապատասխանությունը և թե՛ նմուշի ՊՇՌ թեստավորման պատասխանի իսկությունը»,–Facebook սոցցանցի իր էջում գրել է Սմբատյանը։

Նա հորդորել է կորոնավիրուսային հիվանդության նմուշառում և լաբորատոր թեստավորում իրականացնող կազմակերպություններին, համապատասխան ստորաբաժանումներին զերծ մնալ իրավախախտ գործունեությունից:

Ավելի վաղ ԱԱԾ-ն հայտնել էր, որ զորահավաքի ենթակա քաղաքացու հայրը դիմել է բժշկական կենտրոններից մեկն և հորդորել լաբորատորիայի աշխատակիցներին կեղծ եզրակացություն կազմել, որ իր որդին վարակվել է կորոնավիրուսով:

Դրա համար կազմվել են լաբորատոր թեստերի եզրակացություններ՝ ուրիշի անալիզների հիման վրա։ Հարուցվել է քրեական գործ, ձերբակալվել է զորահավաքի ենթակա քաղաքացին և բժշկական կենտրոնի աշխատակիցները:

Զինծառայողին զորահավաքից ազատելու համար Covid-19-ի կեղծ եզրակացություն են տվել. տեսանյութ

86
թեգերը:
Պատերազմ, թեստ, կորոնավիրուս, զորահավաք
Ըստ թեմայի
Արցախում ռազմական դրություն և համատարած զորահավաք է հայտարարվել
Հանրապետության հրապարակում զորահավաք է, ազատամարտիկները հավաքվում են. տեսանյութ
ՀՀ կառավարությունն առաջարկում է փոխել Հայաստանում հաստատված զորահավաքային պլանը
Երևան

Առաջիկա օրերին տեղումների չսպասեք. եղանակի տեսություն

67
(Թարմացված է 09:16 31.10.2020)
Օդերևութաբանների կանխատեսումներով` առաջիկա օրերին հանրապետության տարածքում ջերմաստիճանի կտրուկ փոփոխություն չի սպասվում։

ԵՐԵՎԱՆ, 31 հոկտեմբերի – Sputnik. Հանրապետության տարածքում հոկտեմբերի 31-ին, նոյեմբերի 1-4-ը սպասվում է առանց տեղումների եղանակ:

Տեղեկությունը հայտնում է ՀՀ ԱԻՆ «Հիդրոմետ» ծառայությունը` հավելելով, որ քամին հարավարևմտյան է՝ 3-8 մ/վ:

 Եղանակի կանխատեսում
Եղանակի կանխատեսում

Երևան քաղաքում հոկտեմբերի 31-ին, նոյեմբերի 1-4-ը սպասվում է առանց տեղումների եղանակ:

Մայրաքաղաքում հոկտեմբերի 31-ի գիշերային ժամերին կգրանցվի 10-12 աստիճան տաքություն, իսկ ցերեկը կլինի + 23...+25 աստիճան։

Ճակատ մեկնելու ցանկություն հայտնածները Երևանում սովորում են ողջ մնալու արվեստը. տեսանյութ

 

67
թեգերը:
Երևան, Արցախ, Հայաստան, եղանակ
թեմա:
Եղանակը Հայաստանում

78 թուրք եմ խփել. 2 պատերազմ տեսած դիպուկահար կինն առաջնագիծ է ուղարկում որդուն. տեսանյութ

0
(Թարմացված է 15:09 31.10.2020)
Պաշտպանության բանակը տեսանյութ է հրապարակել` ներկայացնելով, թե ինչ տրամադրվածությամբ են առաջնագիծ մեկնում կամավորները։

Պահեստազորի ավագ լեյտենանտ, 2 պատերազմ տեսած և 1990-ականներին վիրավորում ստացած տիկին Վերան հիմա էլ պատրաստ է մեկնել Արցախ, թեկուզ ճաշ եփելու կամ հրացան լիցքավորելու համար։ Այժմ, սակայն, տիկին Վերայի որդու հերթն է. Արթուրը Ռուսաստանից վերադարձել ու որպես կամավոր մեկնում է Արցախ։

«Ես դիպուկահար եմ եղել։ 78 թուրք եմ խփել, հիմա էլ կուզեմ գնալ։ Իմ տղեն պետք է միանշանակ գնա, հայ է` պետք է կռվի: Իրեն ասել եմ` Աստված քեզ հետ է, վերադառնալու ես»,–ասում է տիկին Վերան։

Նրա տղան էլ` Արթուրը, նշում է, որ պատվի խնդիր էր վերադառնալն ու հայրենիքի համար կռիվ մեկնելը։

Մեկ ուրիշ կամավոր էլ ասում է, որ երեք եղբայր են և երեքն էլ մեկնելու են առաջնագիծ` իրենց պարտքը կատարելու։ Տղամարդն ասում է` այս հողը մերն է, մերն էլ մնալու է։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
դիպուկահար, Կին, կամավոր, տեսանյութ
թեմա:
Ադրբեջանական ագրեսիան Արցախում - 2020
Ըստ թեմայի
Արայիկ Հարությունյանը երիտասարդներին կոչ է արել կամավորական խմբեր ձևավորել
Լոռու մարզպետն ու համայնքների ղեկավարներն արձագանքել են Փաշինյանի կոչին և կամավորագրվել
Տավուշում ստեղծվում են համայնքային կամավորական ջոկատներ. Հայկ Չոբանյան