Ծիրանի բերքահավաք Արմավիրի Այգեշատ գյուղում

«Հայուհին ծիրան չսիրի՞, ոնց կարող է». կամ ինչպես խոպանչիները գործ գտան Արմավիրում

2071
(Թարմացված է 11:41 03.07.2020)
Sputnik Արմենիայի թղթակիցները մասնակցել են ծիրանի բերքահավաքինև պարզել «հայկական խնձորի» հավաքման և իրացման գաղտնիքները։

ԵՐԵՎԱՆ, 3 հուլիսի – Sputnik. Ֆերմեր Գևորգ Գրիգորյանը՝ Արմավիրի մարզի Այգեշատ գյուղից, գարնան սկզբից օրուգիշեր աշխատել է իր ոչ մեծ հողատարածքում, որտեղ 45 ծիրանենի կա․ խնամել է ծառերը, իսկ գիշեները ջրել է այգին։ Այգեշատում ոռոգման ջրի լուրջ խնդիր կա, և երբեմն Գևորգն անգամ ստիպված է եղել վիճել համագյուղացիների հետ։

Сбор урожая абрикосов в селе Айгешат (29 июня 2020). Армавирская область
© Sputnik / Aram Nersesyan
Ծիրանի այգի Արմավիրի Այգեշատ գյուղում
Իսկ հիմա բերքահավաքի ժամանակն է։ Կիզիչ արևի տակ աշխատանքը եռում է։ Սանդուղքը ձեռքներին հասուն տղամարդիկ ու երիտասարդ տղաները պտտվում են ծառերի շուրջ, ճարպկորեն մի ճյուղից մյուսն են անցնում և պտուղները քաղում ու լցնում տաս լիտրանոց դույլերում, որոնք հատուկ կեռիկներով կախում են ճյուղերից։

«Եթե Գևորգը գարնանը ճյուղերը կտրեր, պտուղներն ավելի խոշոր կլինեին։ Բայց, փառք Աստծո, նրա բերքը շատ է։ Այ իմ այգու  ծիրանները խոշոր են, բայց այս տարվա բերքը շատ քիչ է»,-ասում է ֆերմերի ազգականը, որը հարևան հողամասի տերն է։

Фермер Геворк Григорян во время сбора урожая абрикосов в селе Айгешат (29 июня 2020). Армавирская область
© Sputnik / Aram Nersesyan
Գևորգ Գրիգորյանը
Գևորգի այգու բերքահավաքը կտևի 3-4 օր։ Եթե խումբը փորձառու լիներ, երկու օրում էլ գլուխ կբերեին, բայց աշխատում են դպրոցականներն ու խոպանչիների բրիգադը, որոնք այս տարի չեն կարողացել Ռուսաստան՝ արտագնա աշխատանքի մեկնել։ Նրանք գալիս են Շիրակի մարզից՝ առավոտյան ժամը վեցին և տուն են վերադառնում ուշ գիշերով։

Տգեղները կմնան տանը, սիրուններին կտանեն. կորոնավիրուսը, կարկուտն ու ծիրանի արտահանումը

Գևորգն ինքն էլ ոչ մի րոպե անգործ չի նստում։ Դույլն է մոտեցնում հավաքողներին, սանդուղքն է տեղաշարժում։ Ասում է՝ աշխատել սիրում է, բայց վատ մենեջեր կլիներ՝ շատ է խղճում բոլորին։ Աշխատողներն էլ ջանում են, որքան կարող են, բայց խոստովանում են՝ շինարարությունն ավելի լավ ու արագ է ստացվում։

Работник из Ширака во время сбора урожая абрикосов в селе Айгешат (29 июня 2020). Армавирская область
© Sputnik / Aram Nersesyan
Ծիրանի բերքահավաք Արմավիրի Այգեշատ գյուղում

«Բերքահավաքը նույնպես ձեռնտու է։ Գումար ծախսում ենք միայն ուտելիքի և գազի վրա, դա էլ բոլորով ենք հավաքում և ավելի էժան է ստացվում։ Բա ի՞նչ անենք։ Հո ձեռքներս ծալած չենք նստելու»,-ասում Աբո անունով աշխատակիցը և տանում է հերթական դույլը։

«Խոպանչիները» համակարգված են աշխատում։ Չորսը քաղում են ծիրանը, իսկ հինգերորդը՝ «բրիգադիրը», ինչպես նրան անվանում են, տանում-դատարկում է դույլը։ Գործի ընթացքում կատակում և անկեդոտներ են պատմում։ Իսկույն երևում է, որ պատրաստված են շոգին աշխատելու՝ յուրաքանչյուրի մոտ սառցաջրով շիշ ու լայնեզր գլխարկ կա։ Տղամարդիկ անկաշկանդ շփվում են մեզ հետ և թույլ են տալիս լուսանկարել իրենց։

Сбор урожая абрикосов в селе Айгешат (29 июня 2020). Армавирская область
© Sputnik / Aram Nersesyan
Ծիրանի բերքահավաք Արմավիրի Այգեշատ գյուղում

Ի տարբերություն այս վարպետ բրիգադի, պատանիները պակաս համակարգված են աշխատում․ յուրաքանչյուրն ինքն է լցնում իր դույլը, իջնում է, դատարկում այն և նորից բարձրանում։ Տղաները թաքնվում են տեսախցիկից և հարցերին գրեթե չեն պատասխանում։

-Հենիխ Մխիթարյանի՞ն սիրում ես,–հարցնում եմ 15–ամյա մի պատանու։

-Չէ։

-Իսկ ինչո՞ւ ես նրա ազգանունով մարզաշապիկ հագել։

-Նկատեցի՞ք։ Չէ, ուղղակի ֆուտբոլ եմ սիրում։

-Իսկ ընկերուհի ունե՞ս։

-Չէ,-ակնհայտորեն խաբում է, և ընկերները սկսում են քրքջալ։

Մեր զրույցին հետևում են կանայք։ Նրանք նստած են ծառերի ստվերում, ծածկոցների շուրջ, որոնց վրա ծիրանների ամբողջ սար է։ Կանայք տեսակավորում են պտուղները, երեք շարքով դասավորում արկղերում՝ տակը ամենամանրերը, վերևում ամենախոշորներն ու հասունները։ Պարզվում է, որ դասավորելու մի քանի ձև կա՝ փախլավայաձև, անկյունագծով և անգամ սրտաձև։

Сбор абрикосов в селе Айгешат, Армавир
© Sputnik / Aram Nersesyan
Ծիրանի բերքահավաք Արմավիրի Այգեշատ գյուղում

Գլխավորը, որ արկղում փչացած մրգեր չհայտնվեն։ Կանայք գնորդ ընկերության աշխատակիցներն են։ Ընկերությունը բերքն ընդունում է մեկ կգ-ի դիմաց 200 դրամով։ Նրանք կարծում են, որ լավ գին է, ֆերմերը նույնպես չի բողոքում։ Աննան ու Վարդիթերը ցույց են տալիս, թե ինչպես է պետք ճիշտ շարել պտուղները և պատմում են, որ օրական 40-50 արկղ են լցնում։

«Առաջ արկղերի վրա մեր անուններն էին գրում, և արտահանումից հետո Ռուսաստանի տարբեր քաղաքներից մեզ շնորհակալական նամակներ էին գալիս՝ սիրուն դասավորված ու համեղ ծիրանների համար։ Հաճելի էր»,-պատմում է Վարդիթերը։

Сбор урожая абрикосов в селе Айгешат (29 июня 2020). Армавирская область
© Sputnik / Aram Nersesyan
Ծիրանի բերքահավաք Արմավիրի Այգեշատ գյուղում

Նա փոխում է աշխատանքը՝ մի օր բերքահավաքով է զբաղվում, հաջորդ օրը՝ տեսակավորմամբ։ Հակառակ դեպքում մեջքը կցավի։ Երկար նստելը տհաճ է, հատկապես շոգին։ Վարդիթերի երեխաները նույնպես մասնակցում են բերքահավաքին։ Նա համոզված է, որ եթե գյուղացիները վարկեր չունենային, ապա մի սեզոն աշխատանքի ընթացքում հնարավոր կլիներ արժանավայել վաստակել և անգամ մի քիչ փող պահել սև օրվա համար։

-Ինչո՞ւ ծիրան չես ուտում,-հարցնում է մյուս աշխատակցուհին՝ Աննան։

-Չեմ սիրում ծիրան։

-Ո՞նց թե՝ հայ աղջիկը ծիրան չի սիրում։ Մի հատ արագ այ էս հասածը կեր,-ինձ է մեկնում միրգը։

Сбор урожая абрикосов в селе Айгешат (29 июня 2020). Армавирская область
© Sputnik / Aram Nersesyan
Ծիրանի բերքահավաք Արմավիրի Այգեշատ գյուղում

Ստիպված ուտում եմ։ Հանկարծ պատանիները ծառերից իջնում ու մոտենում են նոր ժամանած բեռնատարին։ Գնորդն է։ Օրը մի քանի անգամ բեռնատարով գալիս է և մրգերը տեղափոխում սառցապահեստ, որպեսզի արևի տակ չփչանան։ Տղամարդիկ սկսում են տանել արկղերը։ Նախ կշռում են, ապա տեղադրում մեքենայի մեջ։ Բեռնատարը հեռանում է, և բոլորը վերադառնում են իրենց գործին։

Сбор абрикосов в селе Айгешат, Армавир
© Sputnik / Aram Nersesyan
Ծիրանի բերքահավաք Արմավիրի Այգեշատ գյուղում

 

2071
թեգերը:
խոպանչի, գյուղացի, Գյուղ, Ռուսաստան, բերքահավաք, բերք, ծիրան, Արմավիր
Ըստ թեմայի
Վնասատուներ, եղանակ, թե գյուղացու սխալ մոտեցում. ինչու է ծիրանի բերքը քիչ ու անորակ
Հայաստանի արևահամ այցեքարտը. ծիրանի բերքահավաքը` լուսանկարներով
Պետրոսյան. «Եթե մինչև ապրիլի 10 ցրտահարություններ չլինեն, ծիրանի բերքը կփրկվի»
Pentawards մրցանակաբաշխություն

Հայկական ընկերությունը երկրորդ անգամ փաթեթավորման դիզայնի «Օսկար» է ստացել

37
(Թարմացված է 23:58 24.09.2020)
Pentawards միջազգային մրցույթի պատմության մեջ  սա առաջին դեպքն է, երբ որևէ ընկերություն 2 տարի անընդմեջ արժանանում է «Տարվա լավագույն ընկերություն» տիտղոսին։

ԵՐԵՎԱՆ, 24 սեպտեմբերի – Sputnik. Հայկական Backbone բրենդինգ ընկերությունը երկրորդ տարին է` ճանաչվում է  Pentawards մրցանակաբաշխության հաղթող, տեղեկանում ենք ընկերության Facebook-ի էջից։

Pentawards-ը փաթեթավորման դիզայնի ոլորտում նույն մասշտաբի և հեղինակության մրցանակաբաշխություն է, ինչ կինեմատոգրաֆիայի ոլորտում «Օսկարը»։ Այն հիմնադրվել է Լոնդոնում, նրան ամեն տարի մասնակցում են աշխարհի առաջատար դիզայներական ընկերությունները՝ ներկայացնելով  տարբեր մեգաընկերությունների համար ստեղծված բրենդները՝ Microsoft, Coca Cola, Snickers, Nestle, Nike, Xiaօmi  և այլն։

«Մենք ուրախ  և անասելի հպարտ ենք, որ այս տարի աշխարհի տարբեր երկրների և միջազգային խոշոր կազմակերպությունների ներկայացուցիչների և ընկերությունների ներկայությամբ, 2-րդ անգամ հնչեց Agency of the Year - Backbone from ARMENIA արտահայտությունը: Այս տիտղոսը մեծ փառք և հեղինակություն է բերում ոչ միայն մեր ընկերությանը այլև Հայաստանին՝ միջազգային հարթակում», – ասված է ընկերության տարածած հաղորդագրությունում։

Սիմոն Աբգարյանը միանգամից երեք մրցանակ է ստացել «Մոլիեր» մրցանակաբաշխության ժամանակ

Pentawards միջազգային մրցույթի պատմության մեջ  սա առաջին դեպքն է, երբ որևէ ընկերություն 2 տարի անընդմեջ արժանանում է «Տարվա լավագույն ընկերություն» տիտղոսին։

37
թեգերը:
«Օսկար» մրցանակաբաշխություն, մրցանակաբաշխություն
Ըստ թեմայի
Նոբելյան մրցանակակիրը հայտարարել է` կորոնավիրուսը լաբորատորիայում է ստեղծվել
Հայտնի են «Ավրորա 2020»–ի մրցանակակիրները
Նախագահական, հետո «Պողոսյան». մրցանակների հանձնման արարողությունը՝ լուսանկարներով
Ադամ Սահկյանի անկյունը իրենց տանը

«Վերածնունդդ օրհնվի, Ադամ ջան». ծնվել է Ապրիլյան պատերազմի հերոս Ադամ Սահակյանի եղբորորդին

53
(Թարմացված է 23:29 24.09.2020)
Երեխան Ադամի եղբոր` Մուշեղ Սահակյանի և նրա կնոջ Անի Ամիրջանյան–Սահակյանի առաջնեկն է։ Նա հորեղբոր անունը կկրի։

ԵՐԵՎԱՆ, 24 սեպտեմբերի – Sputnik. Ծնվել է ապրիլյան պատերազմի հերոս Ադամ Սահակյանի եղբորորդին, նրան հորեղբոր պատվին Ադամ են անվանել։ Տեղեկությունը հայտնում է Ադամի մայրիկը` Գայանե Անտոնյանը, Facebook-ի իր էջում։ Երեխան Ադամի եղբոր` Մուշեղ Սահակյանի և նրա կնոջ Անի Ամիրջանյան–Սահակյանի առաջնեկն է։

Բարեկամներն ու ընկերները շնորհավորում են Ադամի մայրիկին` փոքրիկի ծննդյան առթիվ։

«Վերածնունդդ օրհնվի, Ադամ ջան։ Գայանե քույրս, բոլորիս աչքը լույս», «Գայանե ջան, ձեր ընտանիքում նրա ծնունդով ուրախությունը ուրախությանը թող հաջորդի», – գրում են Անտոնյանին։

Ադամ Սահակյանը 2016-ի ապրիլին տեղի ունեցած հայ–ադրբեջանական պատերազմի հերոս է։ Ապրիլի 1-ի գիշերը՝ «Լալայկա» կոչվող բարձունքում ավագ Ադամ Սահակյանի գլխավորությամբ 7 հոգուց բաղկացած սահմանապահ ուժերն անցնում են շրջանաձև պաշտպանության` ադրբեջանական հարձակման դեմ։ Իր զինընկերների հետ 5 ժամ շարունակ մարտնչելով թշնամու դեմ և հասցնելով նրան զգալի կորուստներ (200-ից ավելի սպանված հատուկջոկատային)` Սահակյանն ընկնում է հերոսի մահով։

Սահակյանի և նրա զինընկերների` թշնամու դեմ մղած պայքարը հնարավորություն է տվել Ջաբրաիլի հայկական գնդին տեղակայվել ռազմաճակատի 2-րդ գծում և կանգնեցնել հակառակորդին։ Սահակյանը հետմահու պարգևատրվել է Արցախի Հանրապետության «Մարտական ծառայություն» և Հայաստանի Հանրապետության «Արիության» մեդալներով։

Յուրաքանչյուր տարիքում երջանկությունը մի տեսք ունի. զրույց` Ադամ Սահակյանի մոր հետ

53
թեգերը:
երեխա, նորածին, Ադամ Սահակյան
Ըստ թեմայի
Ապրիլյան պատերազմում զոհված Արմենակ Ուրֆանյանին Արցախի հերոսի կոչում կշնորհվի
«Որպես նախարար` ես հաղթելու կողմնակից եմ». Դավիթ Տոնոյանը` Ապրիլյան պատերազմի մասին
Ո՞վ է հաղթել Ապրիլյան պատերազմում. Արցախի նախագահը ներկայացրեց իր տեսակետը

Ի՞նչը պետք է պահպանել. համաշխարհային առաջնորդները որոշել են ՄԱԿ-ում փոփոխություններ անել

0
(Թարմացված է 23:43 24.09.2020)
Այս տարի լրացավ ՄԱԿ–ի 75-ամյակը։ Անդամ երկրները որոշել են, որ կառույցում պետք է փոփոխություններ անել։

ՄԱԿ-ի անդամ երկրների առաջնորդները մտադիր են բարեփոխումներ իրականացնել ՄԱԿ-ում։ Գլխավոր ասամբլեայի հոբելյանական նիստի ժամանակ նման կոչով են հանդես եկել համաշխարհային մի քանի առաջնորդներ։

Օրինակ՝ Գերմանիայի կանցլեր Անգելա Մերկելը հայտարարել է, որ Բեռլինը կարող է դառնալ Անվտանգության խորհրդի ընդլայնման գործընթացի նախաձեռնողը։

«Գլոբալ խնդիրները համաձայնություն և համագործակցություն են պահանջում, անկախ ազգային սահմաններից։ Չափազանց հաճախ է ԱԽ–ն արգելափակման մեջ հայտնվում, երբ կարևոր որոշումներ ընդունելու կարիք կա»,-հայտարարել է նա:

Փոփոխությունների անհրաժեշտության մասին խոսել է նաև Ռուսաստանի նախագահ Վլադիմիր Պուտինը, այլապես, նրա կարծիքով, «կարելի է ընդարմանալ»։ 

Հակամարտությունները պետք է լուծվեն միայն խաղաղ ճանապարհով. Լավրով

ՌԴ առաջնորդը միաժամանակ ընդգծել է, որ պետք է պահպանել գլխավորը՝ ՄԱԿ–ի Անվտանգության խորհրդի մշտական անդամների վետոյի իրավունքը, թեև Արևմուտքը պնդում է, որ այն չեղարկվի:

Իսկ, թե ինչով է այն կարևոր աշխարհում կայունության պահպանման համար՝ դիտեք տեսանյութում:

0
թեգերը:
Անգելա Մերկել, Վլադիմիր Պուտին
Ըստ թեմայի
ՄԱԿ-ի գլխավոր քարտուղարը կոչով դիմել է Երևանին ու Բաքվին
ԱՄՆ պետքարտուղարության օրինագծում տեղ է գտել հստակ ձևակերպում` Լեռնային Ղարաբաղ. Մակունց
Ադրբեջանը չի հետևում ՄԱԿ-ի հրադադարի կոչին. Եկեղեցիների համաշխարհային խորհրդի արձագանքը
Որն է COVID-19–ից մահացության ամենաբարձր ցուցանիշ ունեցող երկիրը. ՄԱԿ–ի տվյալները