Ամուլսար

Ամուլսարում լարված իրավիճակ է. մեծ թվով պահնորդներ են եկել

184
(Թարմացված է 14:45 01.07.2020)
Ավելի վաղ տարածքը հսկում էին «Պանտերա սեքյուրիթիի» աշխատակիցները, սակայն այժմ հանքի պահնորդական ծառայությունը փոխվել է, և նոր պահնորդները փոքր-ինչ ագրեսիվ են կատարում իրենց պարտականությունները: Տեղի բնակիչները, որոնք դեմ են Ամուլսարի հանքի շահագործմանը, վրդովվել են։

ԵՐԵՎԱՆ, 1 հուլիսի - Sputnik. Ամուլսար տանող ճանապարհին կրկին լարված իրավիճակ է: Արդեն երկրորդ օրն է՝ բնակիչները սպասում են պահնորդական խմբի դուրս գալուն։ Դեռ երեկ պահնորդական խմբի պատասխանատուն խոստացել էր, որ խումբն այսօր հեռացվելու է, մնալու են միայն հերթափոխի ծառայողները։ Այսօր էլ ջերմուկցիներն առավոտից հավաքվել են Ամուլսար տանող ճանապարհին՝ իրենց աչքերով տեսնելու և համոզվելու, որ պահնորդները հեռանում են։ Սակայն պահնորդները դեռ տեղում են։

Ջերմուկի բնակիչ, բնապահպան ակտիվիստ, «Դեմ եմ Ամուլսարում հանքաարդյունաբերությանը» նախաձեռնության հեղինակ Շիրակ Բունիաթյանը Sputnik Արմենիայի հետ զրույցում նշեց, որ լեզվակռիվ է եղել։ Նա նաև Facebook-ի իր էջում տեսագրություն է հրապարակել` նշելով, որ պահնորդների հեռանալու ժամը մոտենում է, բայց նրանք դեռ տեղում են, ավելին` արդեն նաև ոստիկանական ուժեր են կուտակվում։

Մինչ այդ տարածքը հսկում էին «Պանտերա սեքյուրիթի» ընկերության աշխատակիցները, որի հետ պայմանագիր ուներ Ամուլսարի հանքի շահագործման լիցենզիա ունեցող «Լիդիան Արմենիան»: Պայմանագրի ժամկետն ավարտվեց, և «Լիդիան Արմենիան» նոր համաձայնագիր կնքեց մեկ այլ ընկերության հետ, որի ներկայացուցիչները մոտ 60 հոգանոց խմբով այսօր առավոտյան ժամը 05։00 -ին ժամանել էին հանքի տարածք։ Տեղում են նաև մեծ թվով ջերմուկցիներ, ինչն էլ երկու կողմերի միջև լարում է ստեղծել։

Պահնորդական ծառայության պատասխանատուն ուղիղ միացման ժամանակ նշեց, որ ոչ մի պայմանավորվածություն իրենք չենք խախտում։ Ռեզերվային ուժերը հենց այս պահին հեռացնել չեն կարող այն պատճառով, որ տեղում մեծ թվով բնակիչներ են կուտակվել։

Բնակիչները ոչ միայն պահանջում են, որ պահնորդական մեծաթիվ ուժերը հեռանան, այլև պահնորդներն իրենց մեքենաները տարածք չմտցնեն, այլ կայանեն ճանապարհի եզրին, և հերթափոխի ծառայողները ներս մտնեն։ Նրանք նաև պահանջում են, որ պահնորդական ծառայության մեքենաները համապատասխան տարբերանշաններ ունենան։

«Այս պահին իրավիճակը վերահսկողության տակ է։ Օրվա ընթացքում նրանք կհեռանան տարածքից»,- նշեց Բունիաթյանը։

Հիշեցնենք, որ Ջերմուկի բնակիչները դեռևս նախորդ տարվանից պարբերաբար փակում են դեպի Ամուլսար տանող ճանապարհները: Նրանք կարծում են, որ հանքի շահագործումը մեծ վնաս կհասցնի շրջակա միջավայրին:

ՀՀ վարչապետ Նիկոլ Փաշինյանը 2018 թ–ի սեպտեմբերի 9–ին Facebook–յան ուղիղ եթերում անդրադարձել էր Ամուլսարի հանքի շահագործման թեմային` ասելով, որ Ջերմուկի բնակիչները պետք է ապաշրջափակեն Ամուլսարի հանք տանող ճանապարհները:

Ավելի վաղ լիբանանյան «Էլարդ» ընկերությունն Ամուլսարի հանքի շահագործման ընթացքում իրականացրել էր շրջակա միջավայրի ռիսկերի գնահատում: Ընկերության ներկայացուցիչները ուսումնասիրել էին դեռևս 2016 թ.-ին «Լիդիան Արմենիա» ընկերության պատրաստած` շրջակա միջավայրի վրա ազդեցության գնահատումը և հայտարարել հնարավոր ռիսկերի մասին: Միևնույն ժամանակ Հայաստանի քննչական կոմիտեի ներկայացուցիչները նշել են, որ ռիսկերը կառավարելի են:

Ամուլսարի ոսկու հանքը Հայաստանի երկրորդ խոշոր հանքավայրն է: Այն ղեկավարում է «Լիդիան Արմենիա» ՓԲԸ-ն, որը միջազգային Lydian international ընկերության դուստր ձեռնարկությունն է:

Ամուլսարի գործում նոր փաստաթուղթ է ի հայտ եկել. ՔԿ նախագահ

184
թեգերը:
Հայաստան, Ամուլսար
Ըստ թեմայի
«Այս պահին Ամուլսարի շահագործումն արգելելու դե յուրե հիմք չկա». Փաշինյան
Ամուլսարի քրգործով նոր տվյալներ են ի հայտ եկել. Արսեն Այվազյան
Յուրա Իվանյանը Ամուլսարի հարցում որևէ շահագրգռվածություն չի ունեցել. ՔԿ նախագահ
«Լիդիան Արմենիան» կվաճառի՞ Ամուլսարի հանքի շահագործման ծրագիրը. «Ժողովուրդ»
Արխիվային լուսանկար

Ավարտվում է Սևանա լճում արդյունագործական ձկնորսության որսաշրջանը. մանրամասներ

32
Կարգավորումներն ունեն կարևոր նպատակ՝ ձկնապաշարների վերականգնման միջոցով վերականգնել Սևանա լճի էկոհամակարգի հավասարակշռությունը:

ԵՐԵՎԱՆ, 3 օգոստոսի – Sputnik. Սեպտեմբերի 1-ից ավարտվում է Սևանա լճում արդյունագործական ձկնորսության որսաշրջանը։ Տեղեկությունը Facebook–ի իր էջում հայտնում է ՀՀ շրջակա միջավայրի նախարարության մամուլի ծառայությունը։

Նշենք, որ շրջակա միջավայրի նախարարությունը 2021 թվականի մարտի 25-ից մեկնարկել էր Սևանա լճում սիգի արդյունագործական ձկնորսության 2-րդ փուլը։

«Սևան ազգային պարկ» ՊՈԱԿ օրենքով սահմանված կարգով՝ ՀՀ շրջակա միջավայրի նախարարության հետ կնքվել է թվով 303 պայմանագիր շուրջ 221տ 164կգ ձկան որս իրականացնելու համար։

Նշվում է, որ վաղը շրջակա միջավայրի նախարար Ռոմանոս Պետրոսյանի մոտ կհրավիրվի խորհրդակցություն՝ ամփոփելու արդյունագործական որսաշրջանի երկրորդ փուլը, քննարկելու արդյունքները և արձանագրված թերությունները։

«Կարվի հնարավորը, որպեսզի արդյունագործական որսաշրջանի դադարեցումը տարածաշրջանում որևէ սոցիալական խնդրի չհանգեցնի։ Հաշվի կառնվեն մեր հայրենակիցների բոլոր մտահոգությունները, դրանց համար լուծումներ գտնելու նպատակով կկազմակերպվեն քննարկումներ նախարարության համապատասխան ստորաբաժանումներում»,–նշված է հաղորդագրության մեջ։

Շեշտվում է, որ այս կարգավորումներն ունեն կարևոր նպատակ՝ ձկնապաշարների վերականգնման միջոցով վերականգնել Սևանա լճի էկոհամակարգի հավասարակշռությունը:

Հիշեցնենք` Գիտությունների ազգային ակադեմիայի 2020 թ. հաշվառման տվյալների համաձայն՝ Սևանա լճում սիգի ընդհանուր զանգվածը կազմել էր 2345 տոննա, որից արդյունագործական ընդհանուր պաշարը՝ մոտ 586,2 տոննա։

Սիգի փորձարարական որսի 2-րդ փուլի շրջանակում 2021 թ. օգտագործման համար սահմանվել էր առավելագույնը 250 տոննա չափաքանակ։

Ձուկը կթանկանա. կառավարությունն օրինականացնելու է Սևանի ձկան որսը

32
թեգերը:
Սևան, ձկնորս, արդյունաբերություն
Ըստ թեմայի
Ձկնորսները փակել են Երևան-Սևան մայրուղին. ինչի՞ց են դժգոհ նրանք
Առանց պայմանագրի սիգի որսն արգելվում է. ի՞նչ պետք է իմանա ձկնորսը
Ձկնորսները կկարողանան աշխատել պետական կազմակերպությունում ու աշխատավարձ ստանալ
Վերջին օրերին Սևանից 23 ապօրինի ձկնորսական ցանց է դուրս բերվել
Շուռնուխում և Որոտանում բազմաբնակարան շենքերի հիմնանորոգման աշխատանքներ են ընթանում

Շուռնուխում և Որոտանում բազմաբնակարան շենքերի հիմնանորոգման աշխատանքներ են ընթանում

41
(Թարմացված է 20:15 03.08.2021)
Հիմնովին նորոգվում են համայնքային ենթակայության երկու շենքերը. 11 ընտանիք նոր բնակարան կունենա։

ԵՐԵՎԱՆ, 3 օգոստոսի – Sputnik. ՀՀ Սյունիքի մարզի Շուռնուխ և Որոտան բնակավայրերում բազմաբնակարան շենքերի հիմնանորոգման աշխատանքները ընթացքի մեջ են: Տեղեկությունը Facebook-ի իր էջում հայտնել է Գորիսի փոխհամայնքապետ Իրինա Յոլյանը և լուսանկարներ հրապարակել։

Յոլյանը նշել է, որ Շուռնուխում և Որոտանում հետպատերազմական շրջանում բնակավայրերի բնակիչները, որպես առաջնահերթ խնդիր, համայնքի ղեկավար Առուշ Առուշանյանին ներկայացրել էին բնակարանաշինության հարցը, ինչին համայնքի ղեկավարն արագ արձագանքել էր։

«Բազմաբնակարան շենքերի հիմնանորոգման աշխատանքները ընթացիկ են։ Հիմնովին նորոգվում են համայնքային ենթակայության երկու շենքերը, որի արդյունքում բնակավայրերի 11 ընտանիք նոր բնակարան կունենա»,–նշել է Գորիսի փոխհամայնքապետը։

Հիշեցնենք` պատերազմական գործողություններից հետո սահմանազատման աշխատանքների ժամանակ Շուռնուխի 13 տների բնակիչներ զրկվել են տնից։

Պատերազմից հետո առաջին անգամ Շուռնուխում կաթողիկոսի օրհնությամբ պսակադրություն է եղել

Կառավարության որոշմամբ` պահուստային ֆոնդից քաղաքաշինության նախարարությանը 470 մլն դրամ էր հատկացվեց` Շուռնուխում բնակելի թաղամաս կառուցելու նպատակով։

Տներից զրկված քաղաքացիներին հատկացվում էր նաև 300 հազար դրամ միանվագ և 68 հազարական դրամ (6 ամսվա ընթացքում) աջակցություն։

41
թեգերը:
Շուռնուխ, Որոտան, Սյունիք, տուն
Ըստ թեմայի
Նախագահը աջակցություն կցուցաբերի Շուռնուխի ու Որոտանի բնակիչներին. տեսանյութ
«Մի երկու ամիս էլ Սուրենին կնստացնեն». Որոտանի վարչական ղեկավարին ձերբակալել են
Որոտանի գյուղապետի տնից զենք ու զինամթերք է հայտնաբերվել
Սյունիք

Ադրբեջանցի զինծառայողները Ճակատեն և Դավիթ Բեկ գյուղերից գողացել են 8 կով և 1 ցուլ. ՄԻՊ

55
(Թարմացված է 00:17 04.08.2021)
ՀՀ ՄԻՊ–ը ևս մեկ անգամ վերահաստատել է, որ ՀՀ բնակչության պաշտպանության, իրավունքների երաշխավորման համար Սյունիքի և Գեղարքունիքի շուրջ անհրաժեշտ է ստեղծել անվտանգության գոտի:

ԵՐԵՎԱՆ, 4 օգոստոսի – Sputnik. Հայաստանի մարդու իրավունքների պաշտպան Արման Թաթոյանը ֆեյսբուքյան իր էջում ներկայացրել է, թե վերջին օրերին ինչ ահազանգեր է ստացել ադրբեջանական զինծառայողների` Սյունիքի հատվածից անասուններ գողանալու վերաբերյալ։

«Ադրբեջանական զինծառայողները գողացել են ՀՀ Սյունիքի մարզի Կապանի Ճակատեն և Դավիթ Բեկ գյուղերի 3 ընտանիքի պատկանող 8 կով և 1 ցուլ»,–գրել է նա:

Մասնավորապես, ՀՀ մարդու իրավունքների պաշտպանի աշխատակազմը 2021 թվականի օգոստոսի 3-ի ահազանգերով պարզել է, որ Սյունիքի մարզի Կապան համայնքի Ճակատեն գյուղի վարչական տարածքում՝ անմիջապես գյուղից մոտ 1 կմ հեռավորության վրա գտնվող արոտավայրում 2021 թվականի հուլիսի 26-ին արածացնելու են տարել գյուղի երկու ընտանիքին պատկանող 4 կովեր:

Կենդանիներն, արածելով, հասել են գյուղի վարչական տարածքում գտնվող «Յուրդեր» անվամբ արոտավայրը և մոտեցել ադրբեջանական զինված ուժերի վերահսկողության տակ գտնվող տարածքին: Ըստ ահազանգերի՝ դրանից հետո ադրբեջանական զինծառայողները կենդանիներին կապել են իրենց հատվածում, թույլ չեն տվել վերադառնալ և, բնակիչները շուրջ 5 օր իրենց բնակելի տան դիմացի սարից հեռադիտակով տեսել են, որ կենդանիները գտնվում են «Ջամբար» կոչվող տարածքում, իսկ օգոստոսի 1-ի դրությամբ կենդանիներն արդեն անհետացել են:

Նշված դեպքից բացի, 2021 թվականի օգոստոսի 2-ին Մարդու իրավունքների պաշտպանի աշխատակազմը ևս մեկ ահազանգ է ստացել այն մասին, որ ՀՀ Սյունիքի մարզի Կապան համայնքի Դավիթ Բեկ գյուղի բնակիչը գյուղի 3 ընտանիքի պատկանող 6 խոշոր եղջերավոր կենդանիների (1 ցուլ, 5 կով) 2021 թվականի հուլիսի 14-ին արածացնելու է տարել գյուղին պատկանող՝ շուրջ 1.5 կմ հեռավորության վրա գտնվող արոտավայր:

Վերին Շորժայում մարդիկ ադրբեջանական նշանառության տակ են. Թաթոյանը լուսանկար է հրապարակել

Գյուղի բնակիչը, կարճ ժամանակ հեռացել է արոտավայրից և վերադառնալուն պես հայտնաբերել, որ կենդանիներից 5-ը չկան, իսկ կովերից մեկը ադրբեջանական զինված ուժերի վերահսկողության տակ գտնվող կողմից վերադառնում է՝ պարանը գլխին կապած (ինքը կենդանիներին առանց պարան է արածացնելու տարել):

Հեռվում նկատել է, թե ինչպես են ադրբեջանական զինծառայողները դեպի իրենց խորքը քշում կենդանիներին:

Նշված երկու դեպքերում էլ տեղի ունեցածի մասին բնակիչները տեղեկացրել են գյուղերի վարչական շրջանների ղեկավարներին:

Դեպքերի մասին տեղյակ են պահվել նաև ՀՀ Զինված ուժերի ներկայացուցիչները և ՌԴ սահմանապահները: Կենդանիների վերադարձման ուղղությամբ տարվող բանակցությունները օգոստոսի 3-ի դրությամբ արդյունք չեն տվել:

Ադրբեջանական զինծառայողները հրաժարվում են վերադարձնել կենդանիներին՝ պատճառաբանելով, թե նրանք իրենց մոտ չեն:

Այս տվյալները Մարդու իրավունքների պաշտպանի աշխատակազմը հաստատել է Ճակատեն և Դավիթ Բեկ գյուղերի նշված բնակիչների, նրանց համագյուղացիների հետ առանձնազրույցներով, ինչպես նաև դա հաստատել են համայնքային մարմինները:

«Ադրբեջանական զինծառայողների կողմից ՀՀ սահմանային բնակիչների պատկանող կենդանիների գողությունները, նրանց վնաս պատճառելն ունի պարբերական բնույթ: Նրանց անօրինական արարքները խախտում են ՀՀ բնակիչների սեփականության իրավունքը, այդ արարքներն ուղղված են անասնապահությամբ զբաղվելու և ընտանիքի եկամուտը վաստակելու հնարավորությունից զրկելուն»,– նշել է Թաթոյանը:

Նա ընդգծել է, որ այս ամենն իր հերթին անվտանգությունից բացի, առաջացնում է սոցիալական բնույթի խնդիրներ, այդ թվում` լուրջ վնասներ է հասցնում ՀՀ սահմանային բնակչությանը:

ՌԴ սահմանապահները մասնակիորեն տեղակայվել են Սյունիքում. Կոպիրկին

ՀՀ ՄԻՊ–ը ևս մեկ անգամ վերահաստատել է, որ ՀՀ բնակչության պաշտպանության, իրավունքների երաշխավորման համար Սյունիքի և Գեղարքունիքի շուրջ անհրաժեշտ է ստեղծել անվտանգության գոտի:

Դա պահանջում է նրանց հեռացում ՀՀ սահմանային գյուղերի հարևանությունից և Սյունիքի համայնքների միջև ճանապարհներից:

55
թեգերը:
ՀՀ ՄԻՊ, Արման Թաթոյան, Հայաստան, Սյունիք, կով, ադրբեջանցի, զինծառայող
Ըստ թեմայի
«Խաղաղությունը, ցավոք, միայն մեզնից չի կախված». Փաշինյանը` նախընտրական խոստման մասին
Փաշինյանն ասել է` ինչու ՀՀ–ն սահմանային իրադրությունը լուծելու միջոցներ չի ձեռնարկում
Ռուսաստանի աջակցությամբ Հայաստան է վերադարձել 81 գերի. ՀՀ–ում ՌԴ դեսպան