Երևան-Մոսկվա չարտերային թռիչք, արխիվային լուսանկար

Պատրաստ սպասում են. ե՞րբ ռուսական ինքնաթիռները կրկին կթռչեն Հայաստան

4123
(Թարմացված է 02:08 01.07.2020)
Չվերթերի վերսկսման մասին պազաբանում ստանալու նպատակով Sputnik-ը հարցում է անցկացրել ռուսական ավիաընկերությունների շրջանում։

Մարիա Նաումենկո, Դանարա Կուրմանովան, Sputnik

ՌԴ տրանսպորտի նախարար Եվգենի Դիտրիխը հայտնել է, որ Ռուսաստանը կարող է ԱՊՀ երկրների ուղևորափոխադրումը վերականագնել ավելի շուտ, քան մյուս պետությունների հետ։ Sputnik-ը դիմել է ռուսական ավիաընկերություններին և պարզել, թե արդյոք նրանք պատրաստ են օպերատիվ կերպով վերականգնել չվերթերը։

Ռուսաստան, Բելառուս, Ուկրաինա. առաջիկա օրերին Երևանից դեպի այս երկրներ թռիչքներ կլինեն

Ռուսական ԶԼՄ-ներում շրջանառվում է դեպի արտերկիր չվերթերի վերականգնման հավանական ամսաթիվը՝ հուլիսի 15-ը։ Առաջինը կարող են թռիչքները բացվել դեպի ԵԱՏՄ և ԱՊՀ անդամ երկրներ։

Ավիափոխադրողները սպասում են որոշմանը

S7 Airlines ավիաընկերությունը, որի երթուղային ցանցը համավարակից առաջ ներառում էր Ղազախստանը, Ուզբեկստանը, Հայաստանը, Մոլդովան, Ադրբեջանը, Ղրղզստանն ու Տաջիկստանը, Sputnik-ին հայտնեց, որ սպասում են սահմանների բացման մասին ՌԴ կառավարության որոշմանը։

«S7 Airlines-ը պատրաստ է արագ վերականգնել միջազգային չվերթերի իրականացումը, հենց որ անհրաժեշտ թույլտվություն ստանա։ Ինքնաթիռները, որոնք ժամանակավորապես թռիչքներում ներգրավված չեն, պահվում են Inflight Ready Condition վիճակում(թռիչքին պատրաստ վիճակ՝ խմբ․) և ցանկացած պահի պատրաստ են օդ բարձրանալ»,-հավաստիացրեց S7 ընկերությունների խմբի մամուլի քարտուղար Նադեժդա Խաիտովան։

Նա նշեց, որ փոխադրողը ելնելու է ակտուալ պահանջարկից, որի համաձայն էլ կկազմվի թռիչքների աշխարհագրությունը։ Այս պահին ընկերությունը չի պատրաստվում բացառել որևէ միջազգային ուղղություն կամ կրճատել չվերթերի քանակը։

Utair-ի մամուլի ծառայությունից ևս ասացին, որ բոլոր ինքնաթիռներն աշխատանքային վիճակում են, ուստի «չվերթերը կվերականգնվեն անմիջապես, հենց որ ԱՊՀ երկրների իշխանությունները թույլատրեն դրանք իրականացնել»։ Համավարակից առաջ Utair-ը թռիչքներ էր իրականացնում դեպի Հայաստան, Ադրբեջան, Բելառուս, Տաջիկստան և Ուզբեկստան։

Ավելի քան 20 հայ մնացել են «Վերին Լարսում». այդ թվում՝ կանայք և երեխաներ

«Red Wings ավիաընկերությունը նախատեսում է սահմանափակումների վերացումից հետո վերսկսել թռիչքներն ավանդական ուղղություններով, որոնց թվում են Մոսկվա-Երևան, Մոսկվա-Ֆերգանա/Նավոյի/Նամանգան (Ուզբեկստան) չվերթերը»,- Sputnik-ին ասաց Red Wings-ի գլխավոր տնօրենի խորհրդական Դարյա Կապլունովան։

Ռոսավիացիայի տվյալներով՝ S7 Airlines և Utair ավիաընկերությունները միջազգային և ներգնա չվերթերի ընթացքում տեղափոխած ուղևորների քանակով առաջատար վեցնյակում են։ 2020 թ-ի հունվար և փետրվար ամիսների ընթացքում ռուսական ավիափոխադրողների (գործակալության ցուցակում 35 ավիաընկերություն է)ծառայություններից օգտվել է 16,87 միլիոն ուղևոր։ Ավելի քան 2,6-ը բաժին է ընկնում S7 Airlines-ին, դրանցից 665,3 հազարը՝ միջազգային չվերթներին։

Մեկ միլիոնից ավելի ուղևոր է սպասարկել Utair-ը (ներքին և միջազգային չվերթներ), իսկ Red Wings-ը՝ 297 հազար։ Հրապարակման պահին ռուսաստանյան մյուս ավիաընկերությունները Sputnik-ի հարցմանը չէին պատասխանել։

Ավելի վաղ Ռուսաստանի Դաշնության Օդային տրանսպորտի դաշնային գործակալությունը (Ռոսավիացիա) առաջարկել էր աստիճանաբար վերսկսել միջազգային ավիափոխադրումներն ԱՊՀ երկրների հետ։ Փոխվարչապետ Տատյան Գոլիկովայի գրասենյակից հաստատեցին, որ կորոնավիրուսի դեմ պայքարի օպերատիվ շտաբը ԱԳՆ-ին, Ռոսավիացիային և Ռոսպոտրեբնադզորին հանձնարարել է դիտարկել ավիափոխադրումների հնարավոր վերսկսման հարցը․ այն այժմ քննարկման փուլում է։ Բացի այդ, միջազգային ավիահաղորդակցությունը վերականգնելու որոշումները կընդունվեն համաչափ, հաշվի առնելով այլ պետությունների հետ Ռուսաստանի պայմանավորվածությունները։

Փողը վերջացել է, իսկ ինքնաթիռի համար հերթ է․ ինչպես են հայերը գոյատևում Վերին Լարսում

4123
թեգերը:
թռիչք, չվերթ, Ռուսաստան, Հայաստան
Ըստ թեմայի
Առաջիկա օրերին մոտ 10 չվերթ կիրականացվեն ՌԴ-ից, Ուկրաինայից և Բելառուսից
Մոսկվայից Երևան հերթական չարտերային չվերթը կիրականացվի
Հատուկ չվերթով ռուսաստանցի բժիշկներ են գալիս Հայաստան
3 չվերթ կլինի. հայտնի է`որ ուղղություններով են թռիչքներ նախատեսված
Երևան

Լույս չի լինի Երևանի և 2 մարզի որոշ հատվածներում

8
(Թարմացված է 09:48 13.08.2020)
Հանրապետության տարածքում հոսանքազրկումները կատարվում են պլանային նորոգման աշխատանքներ իրականացնելու նպատակով։

ԵՐԵՎԱՆ, 13 օգոստոսի — Sputnik. «Հայաստանի էլեկտրական ցանցեր» ընկերությունը տեղեկացնում է, որ օգոստոսի 13-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևանում՝

10:00-16:00 Գարեգին Նժդեհ փ․27/2 շենք, 11:00-17:00 Աբովյան փ 41, Հերացու փ. 10-16 շենքերը, Այգեստան 7փ. 1-18; 11փ. 11-61 սեփական տներ, Վարդանանց փ. 93-127 սեփական տներ, Ալեք Մանուկյան փ. 10, 15, 15ա, 17 շենքեր, Հ․ Շահինյան 1փ. 2, 11, 12 սեփական տներ, Մաշտոցի պող. 42, 42ա շենքեր, Թումանյան փ. 25, 27ա, 29 շենքեր, Կողբացի փ. 83, Սարյան փ. 29, 31, 40 շենքեր, Վարդանանց փ. 10 շենք և հարակից ոչ բնակիչ-բաժանորդներ, Քոչար փ. 16, Ռայնիսի փ. 88, 90, Բաբայան փ. 36, 38 շենքեր, Կիևյան փ. 2բ, Բաղրամյան պող. 23, 66 շենքեր,Ա.Ավետիսյան փ. 25 շենք, Սունդուկյան փ. 7 շենք 1 մուտք, Արղության փողոցի սեփական տներ և հարակից ոչ բնակիչ-բաժանորդներ, Քանաքեռ 9, 10 փողոցների սեփական տներ և հարակից ոչ բնակիչ-բաժանորդներ, Մանթաշյան փ․4/2, 6, 8, 10, 10ա, 12 շենքեր, Մանթաշյան փողոցի 1-ին նրբանցքի սեփական տներ, Արշակունյաց պող․30, 32 շենքեր, Լազոյի փ․6 շենք, Լազոյի փողոցի և նրբանցքի սեփական տներ,

«Արգո» ՍՊԸ, Ձիասպորտի կենտրոն, «Ծատուրյան» ԱՁ, «Հայր և որդի Կարապետյաններ» ՍՊԸ և հարակից ոչ բնակիչ-բաժանորդներ, Մարգարյան փ. 12 շենք, Դավթաշեն 2 թաղ. 46/4 շենք; 3 թաղ. 7Ա շենք, Շիրազի փ. 36 շենք, Նազարբեկյան փ. 3/1 շենք և հարակից ոչ բնակիչ-բաժանորդներ, Նոր-Արեշ 1փ. 69-183; 2փ. 1-14; 7փ. 1-10; 24փ. 1-40 սեփական տներ և հարակից ոչ բնակիչ-բաժանորդներ, Նոր-Նորքի 2-րդ զանգ.՝ Թոթովենցի փ. 14, Ն․ Ստեփանյան փ. 13 շենքեր, Նոր-Նորքի 3-րդ զանգ.՝ Բաղյան 2-րդ նրբ․ 3 շենք, «Սուրբ Գրիգոր Լուսավորիչ» բժշկական կենտրոնի ծննդատան շենք, «Սուրբ Գրիգոր Լուսավորիչ» պոլիկլինիկայի շենք, Գյուրջյան փ. 8՝ «Նորք» ՇՇ շենք և հարակից ոչ բնակիչ-բաժանորդներ, Նոր-Նորքի 4-րդ զանգ.՝ Գյուլիքևխյան փ․ 1 շենք, Նոր-Նորքի 6-րդ զանգ.՝ Շոպրոնի փ․ 4, 12 շենքեր, Նոր-Նորքի 7-րդ զանգ.՝ Կարախանյան փ. 18 շենք, Նոր-Նորքի 8-րդ զանգ.՝ Մինսկի փ. 5 շենք, Նոր-Նորքի 9-րդ զանգ.՝ Վիլնյուսի փ. 87 շենք, Ավան՝ Թումանյան թաղ․ 13/3 շենք, Ավան Առինջ 1-ին միկրո.՝ 3/9 շենք, Ավան Առինջ 2-րդ միկրո.՝ Տաշքենդի փ. 26 (2/8) շենք և հարակից ոչ բնակիչ-բաժանորդներ,

Արագածոտնի մարզում՝

10:00-14:00 Աշտարակ քաղաքի Մուղնի թաղամաս,

Կոտայքի մարզում՝

11։00-14։00 Պռոշյան համայնքի հարավարևելյան թաղամաս, «ՍԼԼ գազ», «ԱԻՍԱ», «Հ․ Բալյան» ՍՊԸ-ներ և Զին-մաս, 11։00-16։00 Եղվարդ համայնք՝ Շահումյան, Սպանդարյան փողոցներ և Կալեր թաղամաս, 11։00–17։00 Աբովյան քաղաք՝ 4-րդ միկրոշրջան 4 շենք; 3-րդ միկրոշրջան 10 շենք, Գեղաշեն և Կամարիս գյուղեր՝ մասնակի:

Ատոմակայանին հարվածելն այնքան էլ հեշտ չէ, Հայաստանի երկինքը պաշտպանված է. Պապիկյան

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

8
թեգերը:
Արագածոտնի մարզ, Կոտայք, էլեկտրաէներգիա, Լույս, Երևան, Հայաստան
Ըստ թեմայի
Եվրոպական օմբուդսմանի ինստիտուտին մտահոգել է Ադրբեջանի` ԱԷԿ–ի հետ կապված հայտարարությունը
Պապիկյանն ԱԷԿ–ին հարվածելու թեմայով խոսել է Ատոմային էներգիայի գործակալության տնօրենի հետ
Ալիևի խորհրդականը վստահեցրել է, որ Մեծամորի ԱԷԿ-ին հարվածելու հարց օրակարգում չի եղել
Կոռկոշ

Ի՞նչ է կատարվում օրգանիզմում, երբ կոկռոշ եք ուտում

59
(Թարմացված է 15:38 11.08.2020)
Թթվաշ պտուղների գրեթե բոլոր սիրահարները սառցախցիկում կամ մուրաբայի տեսքով պահեստավորած կոկռոշի պաշար են ունենում։ Թե ինչ օգուտ է տալիս այս հատապտուղը և ինչու չի կարելի այն չարաշահել՝ ընթերցեք մեր հոդվածում։

Կոկռոշը սննդարար և շատ օգտակար հատապտուղ է: Որպես կանոն, մեկ հատապտուղը կշռում է 3-6 գրամ: Հատապտուղները կարող են լինել կանաչ, դեղնասպիտակ, վարդագույն, կարմիր կամ մուգ մանուշակագույն: Կարող են լինել շատ քաղցր կամ մի քիչ թթվաշ։ Բայց գույնից կամ համից այս հատապտղի օգտակար հատկություններն ամենևին էլ չեն փոխվում։

Крыжовник
Կոկռոշ

Հատապտուղը պարունակում է սննդային մանրաթելեր, դաբաղանյութեր, օրգանական թթուներ, մոնոսախարիդներ և դիսախարիդներ։ Կոկռոշը պարունակում է մի շարք վիտամիններ և հանքանյութեր՝ PP, E, C, B9, B6, B2, B1, A, բետա կարոտին, նիկել, ցինկ, կալիում, մագնեզիում, մեծ քանակությամբ երկաթ և այլն: Սակայն այս հատապտղի կարևորագույն առաքելությունը դեպրեսիան բուժելը և տրամադրությունը բարձրացնելն է, ինչը հնարավոր է դառնում հասուն հատապտուղներում երջանկության հորմոնի՝ սերատոնինի պարունակության շնորհիվ։

Կոկռոշի օգտակար հատկությունները․

  • Ամրացնում է արյան անոթները
  • Դանդաղեցնում է սկլերոզի զարգացումը և ուռուցքների աճը
  • Մարմնից հեռացնում է տոքսինները և կարգավորում մարսողությունը
  • Իջեցնում է արյան ճնշումը
  • Նվազեցնում է խոլեստերինի մակարդակը
  • Չեզոքացնում է մարմնի բորբոքային գործընթացները
  • Արագացնում է նյութափոխանակությունը և նպաստում նիհարելուն
  • Կանանց մոտ կարգավորում է դաշտանային ցիկլը
  • Ապահովում է տղամարդկանց հորմոնալ հավասարակշռությունը
    Крыжовник
    © CC0 / pxhere
    Կոկռոշ

Հակացուցումները

  • Կարող է հանգեցնել ստամոքսաղիքային տրակտի հիվանդությունների սրման
  • Բարձրացնում է արյան մեջ շաքարի մակարդակը
  • Սրում է ալերգիկ ռեակցիաները
  • Նորածինների մոտ մետեորիզմ է առաջացնում
  • Զարգացնում է գաստրիտը կամ ստամոքսի խոցը
    Кексы с крыжовником
    © CC0 / LUM3N / Muffins
    Կոկռոշով կեքս

Ինչպես ընտրել կոկռոշ

Հատապտուղների կեղևը պետք է լինեն առաձգական։ Եթե պտուղը պինդ է, այն դեռ խակ է, որքան փափուկ է, այնքան ավելի հասուն է։ Հատապտուղները պետք է լինեն չոր, ոչ կպչուն։ Խորհուրդ է տրվում գնել պոչիկներով հատապտուղներ․ դրանք ավելի երկար են պահպանվում։

Ինչպես պահպանել կոկռոշը

Սառնարանում հատապտուղները կարելի է պահել 2 շաբաթ, իսկ սենյակային ջերմաստիճանում՝ ընդամենը 5 օր, այն էլ՝ եթե ջերմության տատանումներ չկան։ Երկարաժամկետ պահպանելու համար կոկռոշը սառեցնում են, չորացնում կամ մուրաբա պատրաստում։

59
թեգերը:
օրգանիզմ, հատապտուղ, հաղարջ
Ըստ թեմայի
Ի՞նչ է կատարվում օրգանիզմում, երբ սմբուկ ենք ուտում
Ի՞նչ է կատարվում օրգանիզմում, երբ մոշ ենք ուտում
Ինչ է տեղի ունենում օրգանիզմում, երբ մեղր ենք ուտում
Ի՞նչ է տեղի ունենում օրգանիզմում, երբ լոռամիրգ ենք ուտում