Премьер-министр Никол Пашинян на онлайн брифинге (29 июня 2020). Еревaн

Կորոնավիրուսի հետևանքով 1739 պացիենտի մոտ թոքաբորբ կա. Փաշինյանը նոր տվյալներ հրապարակեց

281
(Թարմացված է 18:28 29.06.2020)
Նիկոլ Փաշինյանը հայտնեց, թե կորոնավիրուսի հետևանքով հիվանդանոցներում գտնվողներից քանիսի վիճակն է ծանր կամ ծայրահեղ ծանր։

ԵՐԵՎԱՆ, 29 հունիսի – Sputnik. Այս պահի դրությամբ կորոնավիրուսով վարակվածներից 123–ի վիճակը ծայրահեղ ծանր է, 529–ինը` ծանր։ Այսօր պարետատան նիստից հետո կայացած ճեպազրույցում հայտարարեց ՀՀ վարչապետ Նիկոլ Փաշինյանը։

«Կորոնավիրուսի հետևանքով 1739 պացիենտի մոտ թոքաբորբ կա, ինչը նշանակում է, որ նրանց վիճակը ցանկացած պահի կարող է դառնալ ծանր կամ ծայրահեղ ծանր»,–ավելացրեց վարչապետը։

Փաշինյանի խոսքով` յուրաքանչյուրս կարիք ունենք հակահամաճարակային վարքագիծը ռեսթարթ անելու, հակառակ դեպքում համաճարակը հաղթահարել չի լինի։ Վարչապետը նշեց` մեր հայրենակիցներից շատերն ավելի շատ պրոհամաճարակային վարքագիծ են դրսևորում, ինչի մասին փաստում են հանգստյան օրերին սոցցանցերում զանգվածային միջոցառումների ու բազմամարդ ուխտագնացությունների մասին վկայող տեսանյութերն ու լուսանկարները:

Ըստ վարչապետի` հիմա արդեն կորոնավիրուսով վարակվածների մեր թվերը ցույց են տալիս, որ բոլորը որտեղ ինչքան կարողացել ենք քամահրական վերաբերմունք են ցուցաբերել հակահամաճարակային իրավիճակի վերաբերյալ։

Հիշեցնենք` Հայաստանում կորոնավիրուսով վարակվածների թիվն արդեն հասել է 25 127–ի։

«Բժիշկը տեղում չէ, դեղ չունենք...». կորոնավիրուսն ավելացրել է հաշմանդամների խնդիրները

281
թեգերը:
Նիկոլ Փաշինյան, կորոնավիրուս, Հայաստան
թեմա:
ՀՀ վարչապետ Նիկոլ Փաշինյան (1053)
Ըստ թեմայի
Վրաստանում կորոնավիրուսից հայ է մահացել. նա Հայաստանից էր մեկնել այնտեղ
Փաշինյանը շնորհակալություն է հայտնել կորոնավիրուսի դեմ պայքարում Հայաստանին օգնողներին
Գագիկ Ծառուկյանի որդին վարակվել է կորոնավիրուսով
ՍԴ շենք

Միջադեպ ՍԴ շենքի մուտքի մոտ. Հրանտ Նազարյանին չեն թույլատրել մտնել ՍԴ

61
(Թարմացված է 13:57 03.07.2020)
Սահմանադրական դատարանի աշխատակազմից Sputnik Արմենիային հայտնել են, թե ինչ է տեղի ունեցել առավոտյան ՍԴ շենքի մոտ։

ԵՐԵՎԱՆ, 3 հուլիսի - Sputnik. Մամուլում շրջանառվող լուրերը, թե Սահմանադրական դատարանի շենքի մուտքի մոտ միջադեպ է տեղի ունեցել, համապատասխանում են իրականությանը։ Այդ մասին Sputnik Արմենիային հայտնեցին ՍԴ–ի աշխատակազմից։

ՍԴ–ից տեղեկացրին, որ ՍԴ նախկին դատավոր Հրանտ Նազարյանը փորձել է մուտք գործել ՍԴ շենք, սակայն շենքի պահպանությունն իրականացնող ոստիկանները նրան թույլ չեն տվել։

Նշենք, որ հունիսի 22-ին ԱԺ–ն ընդունեց Սահմանադրությունում փոփոխությունների փաթեթը, որն ուժի մեջ մտավ հունիսի 26-ին։ Սա նշանակում է, որ հունիսի 26-ից Սահմանադրական դատարանի գործող նախագահը պաշտոնանկ է արվում ու շարունակում աշխատել որպես ՍԴ անդամ, իսկ ՍԴ երեք անդամները` Ալվինա Գյուլումյանը, Հրանտ Նազարյանն ու Ֆելիքս Թոխյանը, որոնք այդ պաշտոնում աշխատել են 12 տարուց ավելի, դադարում են պաշտոնավարել:

Սարգսյանի ստորագրել-չստորագրելն օրենքի համար գրեթե նշանակություն չունի. սահմանադրագետ

Նույն օրը խորհրդարանն ընդունեց նաև «ԱԺ կանոնակարգ» օրենքում առաջարկվող փոփոխությունը, որով դադարեցվեց սահմանադրական փոփոխությունները ՀՀ նախագահի կողմից ստորագրելու լիազորությունը: Նախագահը պետք է ստորագրեր միայն «ԱԺ կանոնակարգի» փոփոխությունը, ինչը նա արեց հունիսի 24-ին՝ կեսգիշերն անց։

Արմեն Սարգսյանը հայտնել է, որ Սահմանադրական դատարանին վերաբերող օրենքը չի ստորագրի

Միջադեպի առնչությամբ ոստիկանությունը հաղորդագրություն է տարածել` հայտնելով, որ եթե լրացել է ՍԴ անդամի կամ դատավորի` պաշտոնավարման ընդհանուր տևողությամբ ոչ պակաս, քան 12 տարին, ապա նրա լիազորությունները համարվում են դադարած: Իսկ ՍԴ արդեն նախկին անդամներն իրավունք չունեն մուտք գործելու Սահմանադրական դատարանի վարչական շենք:

61
թեգերը:
Ալվինա Գյուլումյան (ՍԴ դատավոր), Հրայր Թովմասյան, Ֆելիքս Թոխյան (ՍԴ դատավոր), Սահմանադրական փոփոխությունների նախագիծ, Դատավոր, Սահմանադրական դատարան, միջադեպ
Ըստ թեմայի
«Ես չեմ համարվում ՍԴ նախագահի պարտականությունները կատարող». Աշոտ Խաչատրյան
ՍԴ–ում դատավորների թափուր տեղերը կլրացվեն 2 ամսվա ընթացքում. ԱԺ հայտարարությունը
Նիկոլ Փաշինյանը իմաստնություն է մաղթել ՍԴ նախագահի պաշտոնը ստանձնած դատավորին
Չի համապատասխանում հորդորներին․ ԵԺԿ-ն ցավում է ՀՀ ԱԺ–ի` ՍԴ-ի վերաբերյալ որոշման համար
Red Wings-ի ինքնաթիռ

Ի՞նչ չվերթեր են նախատեսված առաջիկա օրերին

67
(Թարմացված է 13:58 03.07.2020)
Քաղաքացիական ավիացիայի կոմիտեն տեղեկացնում է, որ հուլիսի 4-ին, 5-ին և 6-ին կիրականացվի Մինսկ-Երևան-Մինսկ չվերթը։

ԵՐԵՎԱՆ, 3 հուլիսի - Sputnik. ՀՀ քաղաքացիական ավիացիայի կոմիտեն տեղեկացնում է, որ հուլիսի 3-ին կիրականացվի Երևան-Մոսկվա-Երևան չվերթը «Aircompany Armenia» ընկերության կողմից (Երևանից մեկնելու ժամը 18:00, ժամանում դեպի Երևան 23:55):

«Հուլիսի 4-ին նախատեսված է Մոսկվա-Երևան չվերթը` «Red Wings»-ի կողմից (ժամանում 01:40), հուլիսի 6-ին՝ Մոսկվա-Երևան չվերթը` նույն ավիաընկերության կողմից (ժամանում 21:40)»,–նշված է քաղավիացիայի ֆեյսբուքյան էջում։

Բացի այդ, հուլիսի 4-ին, 5-ին և 6-ին «Belavia» ավիաընկերությունը կիրականացնի Մինսկ-Երևան-Մինսկ չվերթը (ժամանում դեպի Երևան 02:45, Երևանից մեկնում ժամը 03:35): Հուլիսի 4-ին նախատեսված է Սանկտ Պետերբուրգ-Երևան չվերթը («Red Wings» ժամանում 19:30):

Ի դեպ, արտերկրից ժամանած ՀՀ քաղաքացիները և ՀՀ տարածք մուտք գործելու իրավունք ստացած օտարերկրյա քաղաքացիները հունիսի 23-ից պարտավորվում են ինքնուրույն կազմակերպել իրենց տեղափոխումը օդանավակայանից և ցամաքային սահմանային անցակետերից դեպի նախանշված ինքնամեկուսացման վայրեր:

Հիշեցնենք՝ վերջին ամիսների ընթացքում Ռուսաստանի տարբեր քաղաքներից դեպի Հայաստան, այսպես կոչված, ՀՀ քաղաքացիների տարհանման հատուկ չվերթներ են իրականացվել, մասնավորապես՝ Մոկսվայից, Սանկտ Պետերբուրգից, Կրասնոդարից, Սոչիից, Վորոնեժից, Դոնի Ռոստովից։

Երևան-Մոսկվա չվերթն անորոշ ժամանակով հատաձգվել է

Պարետի նոր որոշմամբ՝ Հայաստան վերադարձող քաղաքացիներն այլևս չեն մեկուսացվի հյուրանոցներում. նրանց ինքնամեկուսացման պահանջ է ներկայացվում։

67
թեգերը:
չվերթ, թռիչք, որոշում, ինքնամեկուսացում, Հյուրանոց, պարետ, Մինսկ, Սանկտ Պետերբուրգ, Երևան, Մոսկվա, Հայաստան
Ըստ թեմայի
Նոր չարտերային չվերթով Հայաստան են վերադարձել 248 քաղաքացի
Հատուկ չվերթով ռուսաստանցի բժիշկներ են գալիս Հայաստան
Առաջիկա օրերին մոտ 10 չվերթ կիրականացվեն ՌԴ-ից, Ուկրաինայից և Բելառուսից
Երևանից Ռուսաստան ևս 4 չվերթ կիրականացվի. ովքե՞ր կարող են մեկնել
Սունդուկյանի անվան թատրոն

Սունդուկյանի անվան թատրոնին 120 մլն դրամ է տրամադրվել. ինչ խնդիր կլուծվի թատրոնում

0
(Թարմացված է 14:41 03.07.2020)
Արայիկ Հարությունյանը հայտնել է, որ Մայր թատրոնի 100-ամյա հոբելյանին ընդառաջ այնտեղ հաճելի փոփոխություններ կլինեն։

ԵՐԵՎԱՆ, 3 հուլիսի - Sputnik. Գաբրիել Սունդուկյանի անվան ազգային ակադեմիական թատրոնի հոբելյանին ընդառաջ հատկացվել է ավելի քան 120 միլիոն դրամ։ Facebook սոցիալական ցանցի իր էջում լուրը հայտնել է կրթության, գիտության, մշակույթի և սպորտի նախարար Արայիկ Հարությունյանը` «#ԹատրոնԱռԹատրոն արդիականացնելու ենք» հեշթեգով։

«Մայր թատրոնը կունենա ջեռուցման նոր համակարգ` 120 մլն դրամով տասնամյակներ առաջ տեղադրված ջեռուցման համակարգն ամբողջությամբ կփոխվի»,–գրել է նախարարը։

Մնջախաղի թատրոնը վերջապես իր շենքն ու հասցեն կունենա. մեկնարկը տրվեց մուրճի հարվածով

Հարությունյանի խոսքով` մշակույթում ներդրումները տնտեսական լարվածության ժամանակ լավագույն ցուցիչն են այն բանի, որ պետությունը կարևորում է ոլորտը և լուրջ նախադրյալներ է ստեղծում հետհամավարակային փուլում մշակութային զարգացումն ապահովելու համար:

Նշենք, որ 2022-ին կլրանա թատրոնի հիմնադրման 100-ամյակը։

Հիշեցնենք` ելնելով երկրում տիրող համավարակի պայմաններից՝ Գաբրիել Սունդուկյանի անվան ազգային ակադեմիական թատրոնն անցել է աշխատանքային նոր պայմանների։

Երևանի տիկնիկային թատրոնը ֆլեշմոբ է նախաձեռնել. տեսանյութ

Հուլիս-օգոստոս ամիսներին թատրոնը կշարունակի ստեղծագործական ակտիվ ընթացքը՝ առցանց հարթակում հասանելի նոր ծրագրերով։ Թատրոնի 100-ամյակին ընդառաջ կիրականացվի «Հուշերի քառուղիներ» ծրագիրը։ Դրա միջոցով թատրոնի ներկայիս դերասանները կներկայացնեն թատրոնի նախկին աշխատակիցներին` հայտնի ու սիրված արվեստագետներին։

Մարդիկ օնլայն հարթակներում թատրոն, համերգ, օպերա են դիտում. մշակութային շարժը մեծ է

0
թեգերը:
մշակույթ, Արայիկ Հարությունյան, Կրթության, գիտության, մշակույթի և սպորտի նախարարություն (ԿԳՄՍ), Գաբրիել Սունդուկյանի անվան ազգային ակադեմիական թատրոն
Ըստ թեմայի
Տիկնիկային թատրոնը երեխաներին անակնկալ է մատուցել տանիքից. տեսանյութ
Փլուզվել է Սունդուկյանի թատրոնի ձմեռային այգի տանող մի քանի տոննա կշռող աստիճանավանդակը
Հեռահար ներկայացում՝ «լեփ–լեցուն դահլիճով». Գյումրու տիկնիկային թատրոնն օգնեց «մնալ տանը»