հիվանդանոց

Մոսկվայում բնակվող հայերը համախմբվել են փոքրիկ Ադա Քեշիշյանցին օգնելու համար

1463
(Թարմացված է 13:20 27.06.2020)
Գարիկ Մարտիրոսյանի կինը պատմել է հայերի նախաձեռնության մասին, որոնք մտադիր են բարեգործական ակցիայով գումար հավաքագրել հայուհի աղջնակի բուժման համար։

ԵՐԵՎԱՆ, 27 հունիսի – Sputnik. Հայտնի շոումեն Գարիկ Մարտիրոսյանի կինը՝ Ժաննա Լևինան, Instagram-ի իր էջում գրել է, որ Մոսկվայում բնակվող հայերը համախմբվել են, որպեսզի օգնեն թանկարժեք բուժման կարիք ունեցող փոքրիկ Ադա Քեշիշյանցին. նրա մոտ ախտորոշվել է SMA` ողնաշարի մկանային ատրոֆիա։

Լևինայի խոսքով` հայտնի պրոդյուսեր, Comedy Club Production-ի հիմնադիր Արթուր Ջանիբեկյանի կինը ՝ Էլինան, դիզայներ Arutmscw-ի հետ ստեղծել է ջինսե բաճկոնների հավաքածու, և բաճկոնների վաճառքից ստացած ամբողջ հասույթը կուղղվի երեխայի բուժմանը:

Լևինայի հետևորդները ողջունել են բարեգործական նախաձեռնությունը և բազմաթիվ շնորհակալական խոսքեր գրել։

«Կեցցեք, որ փրկում եք երեխային, ապրեն հայերն իրենց միասնությամբ, շնորհակալ եմ, որ օգնում եք», - գրել են նրանք:

Մինչև 6 տարեկան երեխաները կորոնավիրուսի ամենավտանգավոր տարածողներ են ճանաչվել

Փոքրիկ Ադան ընդամենը 8 ամսական է։ Նա ծնվել է Ստավրոպոլի երկրամասում և հազվագյուտ գենետիկ հիվանդություն ունի։ Ախտորոշումը հաստատվել է մոլեկուլային գենետիկական հետազոտության արդյունքներով։ 1-ին տիպի SMA-ն հիվանդության ամենալուրջ ձևն է, և մինչև վերջերս այն համարվում էր մահացու հիվանդություն, բայց այսօր արդեն կա մի դեղամիջոց, որը կարող է ամբողջությամբ բուժել այն։ Եթե հիվանդությունը չի բուժվում մինչև երկու տարին լրանալը, երեխան կարող է մահանալ:

Հաղթահարեցի հիվանդությունը, բայց ինձ հաղթած չեմ զգում. բժիշկ Տոնոյան

Երեխային օգնելու համար անհրաժեշտ է 2 400 000 դոլար։ Բավարար գումարը հայթայթելու համար երեխայի մայրիկը դիմել է հանրության օգնությանը։

Ավելի վաղ Գարիկ Մարտիրոսյանը Instagram-ի իր էջում հրապարակել էր փոքրիկ Ադայի տվյալները և խնդրել, որ մարդիկ օգնեն։

Կորոնավիրուսն ու կավասակիի համախտանիշը. ո՞ր դեպքերում է վտանգվում երեխայի կյանքը

1463
թեգերը:
Ժաննա Լևինա, երեխա, Մոսկվա
Ըստ թեմայի
Գիտնականները կորոնավիրուսի կանխարգելման գործուն միջոց են բացահայտել
Հայեր էլ կան. Forbes-ն առանձնացրել է ռուսաստանաբնակ 40 ամենահաջողակ աստղերին
Եվգենի Պետրոսյանը երիտասարդ կնոջից երեխա է ունեցե՞լ. հումորիստի ծանոթը փակագծեր է բացել
ՍԴ շենք

Միջադեպ ՍԴ շենքի մուտքի մոտ. Հրանտ Նազարյանին չեն թույլատրել մտնել ՍԴ

47
(Թարմացված է 13:57 03.07.2020)
Սահմանադրական դատարանի աշխատակազմից Sputnik Արմենիային հայտնել են, թե ինչ է տեղի ունեցել առավոտյան ՍԴ շենքի մոտ։

ԵՐԵՎԱՆ, 3 հուլիսի - Sputnik. Մամուլում շրջանառվող լուրերը, թե Սահմանադրական դատարանի շենքի մուտքի մոտ միջադեպ է տեղի ունեցել, համապատասխանում են իրականությանը։ Այդ մասին Sputnik Արմենիային հայտնեցին ՍԴ–ի աշխատակազմից։

ՍԴ–ից տեղեկացրին, որ ՍԴ նախկին դատավոր Հրանտ Նազարյանը փորձել է մուտք գործել ՍԴ շենք, սակայն շենքի պահպանությունն իրականացնող ոստիկանները նրան թույլ չեն տվել։

Նշենք, որ հունիսի 22-ին ԱԺ–ն ընդունեց Սահմանադրությունում փոփոխությունների փաթեթը, որն ուժի մեջ մտավ հունիսի 26-ին։ Սա նշանակում է, որ հունիսի 26-ից Սահմանադրական դատարանի գործող նախագահը պաշտոնանկ է արվում ու շարունակում աշխատել որպես ՍԴ անդամ, իսկ ՍԴ երեք անդամները` Ալվինա Գյուլումյանը, Հրանտ Նազարյանն ու Ֆելիքս Թոխյանը, որոնք այդ պաշտոնում աշխատել են 12 տարուց ավելի, դադարում են պաշտոնավարել:

Սարգսյանի ստորագրել-չստորագրելն օրենքի համար գրեթե նշանակություն չունի. սահմանադրագետ

Նույն օրը խորհրդարանն ընդունեց նաև «ԱԺ կանոնակարգ» օրենքում առաջարկվող փոփոխությունը, որով դադարեցվեց սահմանադրական փոփոխությունները ՀՀ նախագահի կողմից ստորագրելու լիազորությունը: Նախագահը պետք է ստորագրեր միայն «ԱԺ կանոնակարգի» փոփոխությունը, ինչը նա արեց հունիսի 24-ին՝ կեսգիշերն անց։

Արմեն Սարգսյանը հայտնել է, որ Սահմանադրական դատարանին վերաբերող օրենքը չի ստորագրի

Միջադեպի առնչությամբ ոստիկանությունը հաղորդագրություն է տարածել` հայտնելով, որ եթե լրացել է ՍԴ անդամի կամ դատավորի` պաշտոնավարման ընդհանուր տևողությամբ ոչ պակաս, քան 12 տարին, ապա նրա լիազորությունները համարվում են դադարած: Իսկ ՍԴ արդեն նախկին անդամներն իրավունք չունեն մուտք գործելու Սահմանադրական դատարանի վարչական շենք:

47
թեգերը:
Ալվինա Գյուլումյան (ՍԴ դատավոր), Հրայր Թովմասյան, Ֆելիքս Թոխյան (ՍԴ դատավոր), Սահմանադրական փոփոխությունների նախագիծ, Դատավոր, Սահմանադրական դատարան, միջադեպ
Ըստ թեմայի
«Ես չեմ համարվում ՍԴ նախագահի պարտականությունները կատարող». Աշոտ Խաչատրյան
ՍԴ–ում դատավորների թափուր տեղերը կլրացվեն 2 ամսվա ընթացքում. ԱԺ հայտարարությունը
Նիկոլ Փաշինյանը իմաստնություն է մաղթել ՍԴ նախագահի պաշտոնը ստանձնած դատավորին
Չի համապատասխանում հորդորներին․ ԵԺԿ-ն ցավում է ՀՀ ԱԺ–ի` ՍԴ-ի վերաբերյալ որոշման համար
Red Wings-ի ինքնաթիռ

Ի՞նչ չվերթեր են նախատեսված առաջիկա օրերին

57
(Թարմացված է 13:58 03.07.2020)
Քաղաքացիական ավիացիայի կոմիտեն տեղեկացնում է, որ հուլիսի 4-ին, 5-ին և 6-ին կիրականացվի Մինսկ-Երևան-Մինսկ չվերթը։

ԵՐԵՎԱՆ, 3 հուլիսի - Sputnik. ՀՀ քաղաքացիական ավիացիայի կոմիտեն տեղեկացնում է, որ հուլիսի 3-ին կիրականացվի Երևան-Մոսկվա-Երևան չվերթը «Aircompany Armenia» ընկերության կողմից (Երևանից մեկնելու ժամը 18:00, ժամանում դեպի Երևան 23:55):

«Հուլիսի 4-ին նախատեսված է Մոսկվա-Երևան չվերթը` «Red Wings»-ի կողմից (ժամանում 01:40), հուլիսի 6-ին՝ Մոսկվա-Երևան չվերթը` նույն ավիաընկերության կողմից (ժամանում 21:40)»,–նշված է քաղավիացիայի ֆեյսբուքյան էջում։

Բացի այդ, հուլիսի 4-ին, 5-ին և 6-ին «Belavia» ավիաընկերությունը կիրականացնի Մինսկ-Երևան-Մինսկ չվերթը (ժամանում դեպի Երևան 02:45, Երևանից մեկնում ժամը 03:35): Հուլիսի 4-ին նախատեսված է Սանկտ Պետերբուրգ-Երևան չվերթը («Red Wings» ժամանում 19:30):

Ի դեպ, արտերկրից ժամանած ՀՀ քաղաքացիները և ՀՀ տարածք մուտք գործելու իրավունք ստացած օտարերկրյա քաղաքացիները հունիսի 23-ից պարտավորվում են ինքնուրույն կազմակերպել իրենց տեղափոխումը օդանավակայանից և ցամաքային սահմանային անցակետերից դեպի նախանշված ինքնամեկուսացման վայրեր:

Հիշեցնենք՝ վերջին ամիսների ընթացքում Ռուսաստանի տարբեր քաղաքներից դեպի Հայաստան, այսպես կոչված, ՀՀ քաղաքացիների տարհանման հատուկ չվերթներ են իրականացվել, մասնավորապես՝ Մոկսվայից, Սանկտ Պետերբուրգից, Կրասնոդարից, Սոչիից, Վորոնեժից, Դոնի Ռոստովից։

Երևան-Մոսկվա չվերթն անորոշ ժամանակով հատաձգվել է

Պարետի նոր որոշմամբ՝ Հայաստան վերադարձող քաղաքացիներն այլևս չեն մեկուսացվի հյուրանոցներում. նրանց ինքնամեկուսացման պահանջ է ներկայացվում։

57
թեգերը:
չվերթ, թռիչք, որոշում, ինքնամեկուսացում, Հյուրանոց, պարետ, Մինսկ, Սանկտ Պետերբուրգ, Երևան, Մոսկվա, Հայաստան
Ըստ թեմայի
Նոր չարտերային չվերթով Հայաստան են վերադարձել 248 քաղաքացի
Հատուկ չվերթով ռուսաստանցի բժիշկներ են գալիս Հայաստան
Առաջիկա օրերին մոտ 10 չվերթ կիրականացվեն ՌԴ-ից, Ուկրաինայից և Բելառուսից
Երևանից Ռուսաստան ևս 4 չվերթ կիրականացվի. ովքե՞ր կարող են մեկնել
Նիկոլ Փաշինյանն ու Ալեքսանդր Լուկաշենկոն, արխիվային լուսանկար

Բելառուսը նշում է երկիրը ֆաշիզմից ազատագրելու օրը. Փաշինյանը շնորհավորել է Լուկաշենկոյին

0
Նիկոլ Փաշինյանը շնորհավորական ուղերձ է հղել Ալեքսանդր Լուկաշենկոյին՝ Անկախության օրվա առթիվ

ԵՐԵՎԱՆ, 3 հուլիսի - Sputnik. ՀՀ վարչապետի աշխատակազմից հայտնում են, որ Նիկոլ Փաշինյանը շնորհավորական ուղերձ է հղել Բելառուսի Հանրապետության նախագահ Ալեքսանդր Լուկաշենկոյին՝ երկրի Անկախության օրվա կապակցությամբ:

«Սրտանց շնորհավորում եմ Ձեզ և Բելառուսի Հանրապետության բոլոր քաղաքացիներին պետական գլխավոր տոնի` Անկախության օրվա առթիվ: Մաղթում եմ Ձեզ հաջողություններ և նոր ձեռքբերումներ երկրի տնտեսական, սոցիալական և գիտատեխնիկական զարգացման և միջազգային ասպարեզում նրա հեղինակության բարձրացման գործում: Խորհրդանշական է, որ այսօր Բելառուսը նշում է երկիրը ֆաշիզմից ազատագրելու օրը», - նշված է վարչապետի ուղերձում:

Փաշինյանը կարևորել է երկու երկրների ժողովուրդների բարեկամությունը, որը, ըստ նրա, ավելի է կոփվել Հայրենական մեծ պատերազմի տարիներին: Նրա խոսքով՝ այդ բարեկամությունը պարտավորեցնում է շարունակել ձևավորված ավանդույթները և ընդլայնել փոխշահավետ գործընկերությունը: ՀՀ վարչապետը վստահություն է հայտնել, որ այսուհետ ևս, Երևանի և Մինսկի համակարգված գործողությունների շնորհիվ, հայ-բելառուսյան միջպետական համագործակցությունը կբարձրանա որակապես նոր մակարդակի:

Փաշինյանը Լուկաշենկոյին մաղթել է քաջառողջություն և հաջողություններ բոլոր նախաձեռնություններում, իսկ Բելառուսի Հանրապետության բարեկամ ժողովրդին՝ խաղաղություն, կայունություն և բարգավաճում:

Ավելի վաղ Բելառուսի իր գործընկերոջը անկախության տոնի առթիվ շնորհավորական ուղերձ էր հղել նաև ՀՀ նախագահ Արմեն Սարգսյանը:

0