Կարեն Խաչանով

Հայեր էլ կան. Forbes-ն առանձնացրել է ռուսաստանաբնակ 40 ամենահաջողակ աստղերին

186
(Թարմացված է 12:46 27.06.2020)
Ռուսաստանցի ամենահաջողակ աստղերի շարքում երկու հայ կա։ Ցանկի երկրորդ տեղում է հայտնվել նաև Օլգա Բուզովան, որը պատրաստվում է ամուսնանալ բլոգեր Դավայի (Դավիթ Մանուկյան) հետ։

ԵՐԵՎԱՆ, 27 հունիսի — Sputnik. Forbes հեղինակավոր ամսագիրը հրապարակել է մինչև 40 տարեկան 40 հաջողակ ռուսաստանցի աստղերի ցանկը։ Վարկանիշը կազմելիս հաշվի են առել տարվա եկամուտը, հիշատակումները լրատվամիջոցներում, սոցիալական ցանցերում, հարցումները Яндекс և Google որոնողական համակարգերում, Instagram-ում և YouTube-ում բաժանորդների քանակը։

Պարբերականի ցանկում երկու հայ է ներառվել։ 23-րդ տեղում է թենիսիստ Կարեն Խաչանովը։ Նրա տարեկան եկամուտը կազմել է 6 միլիոն դոլար, ԶԼՄ-երն ավելի քան 14 հազար անգամ հիշատակել են նրա անունը, այսինքն` նրա մասին ավելի շատ են գրել, քան ցանկի երրորդ տեղում հայտնված երգիչ Եգոր Կրիդի։ Կարեն Աբրահամի Խաչանովը Ռուսաստանի առաջին ռակետն է, աշխարհի ութերորդ ռակետը, ընդամենը 24 տարեկան է։

Карен Хачанов
© Sputnik / Алексей Филиппов
Կարեն Խաչանով

Ցանկի 30-րդ տեղում Միխայիլ Գալուստյանն է, որը մեկ տարում 1,5 միլիոն դոլար է վաստակել, նրա մասին գրել են մոտ 3000 հազար անգամ։ 40 տարեկան Գալուստյանը դերասան է, շոումեն, հաղորդավար, իսկ վերջերս սկսել է նաև երգել։

Актер и шоумен Михаил Галустян с женой Викторией на юбилейном вечере модельера Вячеслава Зайцева (2 марта 2018). Москвa
Միխայիլ Գալուստյանն իր կնոջ հետ

Խաչանովից ու Գալուստյանից բացի` ցանկում է ներառվել նաև երգչուհի Օլգա Բուզովան, որը լուրջ հարաբերություններ ունի հայ բլոգեր Դավայի (Դավիթ Մանուկյան) հետ։ Գեղեցկուհին համեմատաբար քիչ է վաստակել՝ 2,7 միլիոն դոլար, բայց լրագրողները 43 հազար անգամ հիշատակել են նրա անունը։

Мужик сказал, мужик сделал
Օլգա Բուզովան Դավիթ Մանուկյանի հետ

Նշենք՝ հայտնի երգիծաբան Գարիկ Մարտիրոսյանը չի ներառվել ցանկում, քանի որ արդեն 46 տարեկան է։ Նախորդ տարի այս ցանկում կար նաև Եվգենյա Մեդվեդևայի (Բաբասյան) անունը։ Թեև նրա տարեկան եկամուտը գերազանցել է 1 միլիոն դոլարը, բայց նրան չեն ընդգրկել ցանկում, քանի որ Մեդվեդևայի անունն այդքան շատ չեն հիշատակել լրատվամիջոցներում ու սոցցանցերում, նրա բաժանորդների քանակն էլ այդքան շատ չէ։

Forbes-ի հեղինակավոր ցանկը գլխավոր է մարզիկ Հաբիբ Նուրմագոմեդովը։ Նրան հաջորդում են Օլգա Բուզովան, Եգոր Կրիդը, հոկեյիստ Ալեքսանդր Օվեչկինն ու լրագրող Քսենյա Սոբչակը։

186
թեգերը:
Գարիկ Մարտիրոսյան, Օլգա Բուզովա, Միխայիլ Գալուստյան, Կարեն Խաչանով
Ըստ թեմայի
Հայկական «էֆեկտ»․ համացանցի ամենակենսուրախ զույգերը հետևորդներին ստիպում են ժպտալ
«Տղամարդու խոսք եմ տվել, պիտի անեմ»․Դավա Մանուկյանը Բուզովային հավերժացրել է մաշկի վրա
«Տարվա ձախողո՞ւմ», թե՞ հաջողված կատակ․ Գոհար Ավետիսյանի կեղծամը զվարճացրել է օգտատերերին

«Ինձ համար մեկ էր...». Ժաննա Լևինան խոսել է Գարիկ Մարտիրոսյանի հանդեպ իր սիրո մասին

39
(Թարմացված է 23:04 13.08.2020)
Լևինան պատմել է, թե ինչպես են բնակարան վարձել Մոսկվայում։ Նա ասել է, որ 40 տարեկանում պատրաստ չէր լինի նույն սցենարի կրկնությանը։

ԵՐԵՎԱՆ, 13 օգոստոսի — Sputnik. Հայտնի հաղորդավար Գարիկ Մարտիրոսյանի կինը՝ Ժաննա Լևինան, պատմել է՝ ինչպես է սկսվել ամուսնու հետ համատեղ կյանքը։ Նա ասել է, որ 20 տարեկանում այնքան է սիրահարված եղել, որ չի էլ մտածել փողի մասին։

Լևինան YouTube-ի «ТО Gazgolder» ալիքում հրապարակված «Конечно, Вася» շոուի ժամանակ հիշեցրել է, որ իրենք արդեն 20 տարվա ամուսիններ են։

«Գարիկն այն ժամանակ պարզապես ՈւՀԱ-ի մասնակից էր, ընդհանրապես փող չուներ։ Բայց ես էլ 20 տարեկան էի։ Ինձ համար լրիվ մեկ էր․․․», - ասել է Լևինա–Մարտիրոսյանը։

Կինը պատմել է, որ սկզբում դժվարությունների են բախվել։ Մոսկվա տեղափոխվելուց հետո պարտքով գումար են վերցրել ընկերներից ու մեկսենյականոց բնակարան վարձել։ Լևինան ինքն է այդ «հյուղակի» համար վարագույր կարել էժան կտորից։

Գարիկ Մարտիրոսյանի կինը միաժամանակ ասել է, որ 40 տարեկանում պատրաստ չէր լինի նույն սցենարի կրկնությանը։ Տղամարդու մեջ նա առաջին հերթին ուժեղ բնավորությունն է գնահատում։

Ինչպե՞ս «կալանավորել», որ չփախչի. Գարիկ Մարտիրոսյանի կինը՝ իր բաղձալի ցանկության մասին

«Ամուսինս պետք է ինձանից մի քանի անգամ ուժեղ լինի։ Եթե նա ավելի թույլ լինի, ես նրան «կուտեմ»։ Չեմ կարողանա նրա հետ ապրել», - ավելացրել է նա։

Ժաննա Լևինան ու Գարիկ Մարտիրոսյանն ամուսնացել են 1998 թվականին։ 2004 թվականի ամռանը ծնվել է նրանց դուստրը` Ժասմինը։ Որդին` Դանիելը, լույս աշխարհ է եկել 2009 թվականի հոկտեմբերին։ Ժաննան այժմ 44 տարեկան է, Գարիկը` 46։

Գարիկ Մարտիրոսյանն ու կինը պարում են «Սուպեր Ժորիկի» «Զոլոտո» երգի ներքո

39
թեգերը:
Կին, ամուսին, սեր, Գարիկ Մարտիրոսյան, Ժաննա Լևինա
Ըստ թեմայի
«Ցնցող կին». Գարիկ Մարտիրոսյանը պարծենում ու հպարտանում է իր կողակցով. տեսանյութ
Գարիկ Մարտիրոսյանը նմանակում է Դմիտրի Նագիևին. տեսանյութ
Գարիկ Մարտիրոսյանի կինը հիշել է` ինչպես էին տարազով պարում Երևանում
Շրջակա միջավայրի նախարարության, ոստիկանության աշխատակիցներն ու համայնքի ղեկավարը հայտնաբերել ու ապամոնտաժել են Աժդահակ լեռան խառնարանային լճում տեղադրված բենզապոմպը

Պարզվել է Կարմիր կատարից ձգվող խողովակի առեղծվածը. ո՞վ է ջուր գողացել խառնարանային լճից

325
(Թարմացված է 21:04 13.08.2020)
Զբոսաշրջիկների սիրելի վայրերից մեկի` Աժդահակ լեռան անունը վերջին օրերին շատ արծարծվեց։ Պատճառն ահազանգն էր` բարձունքներից մեկի լճի մոտ խողովակ են դրել և ջուր են «քաշում»։ Պատկերն արդեն հստակեցվել է, հայտնի է` ով է նման քայլի դիմել, և որքան ջրից է զրկվել լիճը։

Գեղամա լեռնաշղթայի հյուսիսային հատվածում շուրջ 3600 մետր բարձրության վրա գտնվող Կարմիր կատար բարձունքի խառնարանային լճից երկրորդ տարին անընդմեջ ապօրինի ջրառ իրականացնողը մի անասնապահ է։ Sputnik Արմենիային լուրը հայտնեց Բնապահպանության և ընդերքի տեսչական մարմնի Կոտայքի տարածքային բաժնի տնօրեն Մկրտիչ Վանոյանը։

Сотрудники министерства окружающей среды, полиции и глава общины нашли, демонтировали и конфисковали установленный бензонасос в кратерном озере Аждаак (12 августа 2020). Гегамский хребет
Լիճ մտնող խողովակը

Երեկ մեծ աղմուկ էր բարձրացրել ահազանգը, որ Աժդահակ լեռան բարձունքներից մեկի խառնարանի տարածքում 5 կիլոմետրանոց խողովակաշար է տեղադրվել, ջրառ է իրականացվում։ Ըստ ահազանգի` եթե այսպես շարունակվի, խառնարանը կարող է անապատացման եզրին հայտնվել։ Շրջակա միջավայրի նախարարի հանձնարարությամբ` թիմ էր ձևավորվել, որոնք այցելել էին «դեպքի վայր»։ Ահազանգը ճիշտ էր, պոմպը տեղում ապամոնտաժել էին։

Сотрудники министерства окружающей среды, полиции и глава общины нашли, демонтировали и конфисковали установленный бензонасос в кратерном озере Аждаак (12 августа 2020). Гегамский хребет
Ապամոնտաժված պոմպը

«Դեռ նախորդ տարի Արմավիրի մարզի Արտաշատ քաղաքի բնակիչ Թեմուր Խուդոյանը (ազգությամբ եզդի) Աժդահակ լեռան խառնարանային լճից առանց ջրօգտագործման թույլտվության բենզապոմպի և խողովակաշարի միջոցով կատարել էր ապօրինի ջրառ։ Նա վարչական պատասխանատվության էր ենթարկվել (150 000 դրամ) և պարտավորվել հեռացնել խողովակները։ Այս տարի, սակայն, նորից նույն դեպքին ականատես եղանք»,–ասաց Վանոյանը։

Նրա խոսքով` տղամարդն ասել է, որ ջուրն իր` 1000-ի հասնող անասունների համար է օգտագործում։ Սովորաբար անասնապահներն այնտեղ մի քանի ամիս մնում են իրենց անասունների և ընտանիքների հետ։ Իսկ որ այս տարի նույնպես այդ տարածքից ապօրինի ջրառ է իրականացվում և նորից նույն մարդու «մատն է խառը», դեռ օգոստոսի 6-ին են ահազանգ ստացել։ Տեսչական մարմնի աշխատակիցները բանավոր նկատողություն են տվել Թեմուր Խուդոյանին` հանձնարարելով խողովակները հեռացնել։ Սակայն օրեր անց նորից ահազանգ են ստացել, որ տղամարդը շարունակում է ջրառը։

Հարցին, թե ո՞վ է մեղավոր, որ երկրորդ տարին անընդմեջ նույն ապօրինությունն է կատարվում, և ինչպե՞ս է ստացվել, որ խողովակները տեղադրելու պրոցեսն աննկատ է մնացել, Վանոյանը պատասխանեց, որ վերահսկողությունը պետք է Գառնի համայնքի ղեկավարությունն իրականացներ։ Նրա խոսքով` տեսչական մարմինը հաջորդ տարի չի թույլատրի, որ տղամարդը ջրամբարին «մոտ գնա»` անասուններին արածացնի։

Мкртич Ваноян, директор Котайкского территориального управления инспекции по охране природы
© Sputnik / Asatur Yesayants
Մկրտիչ Վանոյան

Կոտայքի մարզպետի պաշտոնակատար, փոխմարզպետ Առնակ Ավետիսյանն էլ իր հերթին ասաց` եթե խնդիրը կրկնվում է երկրորդ անգամ, ուրեմն չի բացառվում, որ պատկան մարմիններից մեկը թերացել է իր աշխատանքում։ Սակայն, ըստ Ավետիսյանի, այս պահին խնդիրն ամբողջությամբ լուծվել է։

«Բենզապոմպը հեռացվել է, առանց որի հնարավոր չէ ջրառ անել։ Խողովակներն ապամոնտաժվել են, հիմա խողովակները տարածքից հեռացնելու առնչությամբ քննարկում է գնում»,–ասաց Ավետիսյանը։

Նա հայտնեց, որ վերջերս է արշավախմբով Աժդահակ բարձրացել, որի կատարներից մեկի վրա էլ գտնվում է Կարմիր կատարի խառնարանը։ Սակայն այդ հատվածից, որտեղով իրենք են լեռը բարձրացել, խողովակները նկատելի չեն եղել։

И.о. губернатора Котайкской области Арнак Аветисян
© Sputnik / Asatur Yesayants
Առնակ Ավետիսյան

Ավետիսյանի խոսքով` համայնքների ղեկավարներին արդեն իսկ հանձնարարվել է ավելի ուշադիր լինել` բացառելու համար նման երևույթները։ Նա նշեց` ՏԻՄ–երի գործառույթների մեջ է մտնում բնապահպանական ռիսկերի նվազեցումը։ Աժդահակը, ըստ Կոտայքի մարզպետի պաշտոնակատարի, բնության գոհարներից մեկն է, որի հանդեպ լեռնագնացների ուշադրությունը տարեցտարի ավելանում է։

Գեղարդ համայնքի ղեկավար Սանասար Թառոյանն էլ հայտնեց` ապօրինի ջրառի հետևանքով խառնալիճը մեծ վնասներ չի կրել, քանի որ խոսքը 15 տոննա ջրի մասին է։ Նրա խոսքով` Թեմուր Խուդոյանն այսօր իր մոտ է եղել, գրություն գրել ու ներողություն խնդրել արածի համար։

«Հաջորդ տարի նրան թույլ կտամ այդ տարածք մուտք գործել, երբ նա օրինական ձևով ջրառ իրականացնելու թույլտվություն կունենա։ Այդ տարածքում, ուր անասուններ են պահում, կա ջրագիծ, սակայն Խուդոյանն արդարանում էր, թե հեռու է ջրագիծը, ինչի պատճառով էլ ինքն իր ջրագիծն էր գցել»,–ասաց համայնքի ղեկավարը։

Ինչ վերաբերում է վերահսկողությանը, ապա, ըստ Թառոյանի, դա ոչ թե իրենք, այլ Շրջակա միջավայրի նախարարությունը պետք է իրականացնի։ Նրա խոսքով` հենց նախարարությունը պետք է հետևողական լիներ, որ նախորդ տարվա նույն քայլը չանեին այս տարի։

Շրջակա միջավայրի նախարարության մամուլի քարտուղար Դավիթ Գրիգորյանը մեզ հետ զրույցում հայտնեց, որ նախարարությունը որևէ վերահսկողական գործառույթ չունի այս դեպքում, քանի որ Կարմիր կատարը բնության հատուկ պահպանվող տարածքի կարգավիճակ չունի։ Նա փաստեց միայն, որ ջրառն ապօրինի է կատարվել խառնարանային լճից, քանի որ ջրօգտագործման թույլտվություն այդ տարածքից չի տրամադրվել որևէ մեկին։

Ստացվում է` վերահսկողության առումով կլոր շրջան է ստեղծվում, երբ պատկան մարմիններից որևէ մեկը պատասխանատվությունն իր վրա չի վերցնում։

Նշենք միայն, որ պոմպն արդեն իսկ փոխանցել են տիրոջը, իսկ օգոստոսի 17-ին վարչական լսումների օր է նշանակվել, որի ժամանակ Թեմուր Խուդոյանին նորից 150 000 դրամի չափով տուգանելու որոշում կկայացվի։

325
թեգերը:
Աժդահակ լեռ, լիճ, Հայաստան
Ըստ թեմայի
Դեբեդ գետի Լալվար վտակի ջրում մեծ քանակի սուլֆատ իոն ու մանգան է հայտնաբերվել
Սևանի ափերին քանդման ենթակա 3800 շինություն կա. նախարարը տեղում ծանոթացել է լճի խնդիրներին
Մինսկ

Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից

0
(Թարմացված է 23:50 13.08.2020)
Հանրապետության ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

ԵՐԵՎԱՆ, 13 օգոստոսի - Sputnik. Բելառուսի ներքին գործերի նախարար Յուրի Կարաևը խոսել է ցուցարարների հետ բախումների ժամանակ պատահաբար տուժած մարդկանց մասին։

ՌԻԱ Նովոստին հայտնում է, որ Կարաևը «Մարկով. անձնական ոչինչ» հաղորդման ժամանակ ներողություն է խնդրել այդ մարդկանցից։

Հիշեցնենք` կիրակի՝ օգոստոսի 9-ին, Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Քվեարկության ավարտից հետո զանգվածային բողոքի ակցիաներ են սկսվել: ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

Տիխանովսկայան չի ընդունել ընտրության արդյունքներն ու Բելառուսից փախել է Լիտվա։

Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ

0
թեգերը:
Բողոքի ակցիա, Մինսկ, Բելառուս
Ըստ թեմայի
Բելառուսում տղամարդը շան հետ զբոսնելիս փամփուշտ է «որսացել» ու վիրավորվել. տեսանյութ
«Ձեր «սև» ուժը Ձեր թուլությունն է». Սպիվակովը հրաժարվել է Լուկաշենկոյի հանձնած շքանշանից
Բախումներ հատուկջոկատայինների և ցուցարարների միջև. ինչ է կատարվում Մինսկում. տեսանյութ
Վլադիմիր Պուտինը և Էմանուել Մակրոնը քննարկել են Բելառուսում տիրող իրավիճակը