Ալեքսանդր Մահիկյանի տան առջևի դռան ապակենկարը, Թբիլիսի

Թբիլիսիի Մահիկյաններից վերջինը, ինչ է թաքնված հայ բժշկի վիտրաժային դռան հետևում

222
(Թարմացված է 13:54 29.06.2020)
Թբիլիսին հայտնի է իր ճարտարապետական հուշարձաններով, սակայն դրանցից բոլորը չէ որ ուսումնասիրված են։ Ցանկության դեպքում քաղաքում հնարավոր է հայտնաբերել շենքեր, որոնց պատմությունը դեռ առեղծված է։

ԵՐԵՎԱՆ, 27 հունիսի Sputnik. Sputnik Գրուզիայի սյունակագիր Եկատերինա Միկարիձեն ընթերցողներին շարունակում է ծանոթացնել Թբիլիսիի ճարտարապետական գանձերի հետ։ Այս անգամ նա  ներկայացնում է մի տան պատմություն, որում ապրել է բժիշկ Ալեքսանդր Մահիկյանը։

Ալեքսանդր Մահիկյանը ապրում էր Բեբուտովսկայա փողոցում, որն այժմ Ասաթիանի է կոչվում։ Նա աղեստամոքսային հիվանդություններ էր բուժում, նաև մանկաբուժությամբ զբաղվում։ 

Вид на дом Александра Магикяна, Тбилиси
© Sputnik / Ekaterina Mikaridze
Ալեքսանդր Մահիկյանի տունը, Թբիլիսի

Ի՞նչ կարելի է պատմել նրա տան մասին։ Շենքը երկրաչափորեն այնքան ճշգրիտ ու հարթ է կառուցված, ասես՝ որևէ թերություն չունի։ Տան երկու կողմերում երկար լուսամուտներ են, մուտքի դռան վերևում մասկարոն կա։ Պատուհանների մեջ արտացոլվում է կապույտ երկինքը։ Մի խոսքով՝ սա այն տներից է, որոնք վստահություն ու նույնիսկ վախ են ներշնչում։ Այս նրբագեղ ստեղծագործության հեղինակը ոչ այնքան հայտնի ճարտարապետ Գերոգի Ալաջանովն է։

Маскарон над парадным входом в дом Александра Магикяна, Тбилиси
© Sputnik / Ekaterina Mikaridze
Ալեքսանդր Մահիկյանի տան շքամուտքի մասկարոնը

Տանտերը երիտասարդ տարիքում կրթություն է ստացել Գերմանիայում։ Բժշկի մասնագիտություն ստանալուց հետո Թիֆլիս է վերադարձել ու ամուսնացել է հարուստ առևտրականի դստեր հետ, հետո կառուցել է այս եռահարկ տունը։ Շինանյութերը Գերմանիայից է բերել։ Առաջ ընկնելով ասենք, որ 1956 թվականին Ալեքսանդր Մահիկյանը տեղափոխվել է Հայաստան։ Այդ ժամանակ արդեն Թբիլիսիում ազգականներ չուներ։ Նա Մահիկյանների վերջին ներկայացուցիչն էր։

Ворота во двор дома Александра Магикяна, Тбилиси
© Sputnik / Ekaterina Mikaridze
Ալեքսանդր Մահիկյանի տան բակի դռները, Թբիլիսի

Բժիշկն ապրել է այս տանն ու միաժամանակ սենյակներ է տվել վարձակալությամբ։ Սովորական պատմություն է․ տան տարածքի կեսը կոմերցիոն նպատակներով է օգտագործվել։ Ինչ վերաբերում է յուրահատուկ ապակենկարին, ճիշտն ասած, պահպանված ապակին հաճելիորեն զարմացնում է։ 90-ականներին պատմական տներից շատերի շքամուտքերը ավազակային հարձակման էին ենթարկվում։ Թալանում էին այն ամենը, ինչը հնարավոր էր։ Իսկ ահա Մահիկյանների տան ապակենկարը հրաշքով փրկվել է։

Витражное стекло над парадной дверью дома Александра Магикяна, Тбилиси
© Sputnik / Ekaterina Mikaridze
Ալեքսանդր Մահիկյանի տան առջևի դռան ապակենկարը, Թբիլիսի

Մինչ վերջերս ապակին բարձիթողի վիճակում էր։ Պատկերը տեսնելու համար վառ երևակայություն էր պետք։

Հետո այդ տանը սկսեց ապրել վավերագրական ֆիլմերի ռեժիսոր Տոմա Չագերիշվիլին։ Նա իր ընկերոջ՝ հայտնի պատմաբան ու հիմա արդեն քաղաքական գործիչ Ալեկո Էլիսաշվիլիի հետ որոշեց մաքրել ապակենկարը։ Աստիճան դրեցին, բարձրացան, ապակին կեղտից մաքրեցին։ Ու վերջ, այն արդեն նոր գույներով փայլեց։

Միայն թե չքանդվի. Թիֆլիսի հայկական այս շենքը բազմաթիվ գաղտնիքներ ունի

Մահիկյանի պատմությունը ներկայացրել է տան բնակիչներից Էթերին։

- Մայրս տարբեր պատմություններ գիտեր։ Հին հարևանները երեկոյան հավաքվում էին վերանդայում ու տան սեփականատիրոջ մասին պատմություններ պատմում։ Դուստրն ավելի շուտ է հեռացել ։ Բայց այդ ամենն ինքս չեմ տեսել, մորս պատմածով գիտեմ։ Նա արդեն ողջ չէ։ Գիտեմ, որ շատ լավ բժիշկ է եղել։ Մորս խորհուրդ էր տալիս պարտադիր թութ ուտել։ Ասում էր՝ թութը շատ օգտակար է ու փրկում է շատ հիվանդություններից, - պատմեց Էթերին։

Вид на дом Александра Магикяна со стороны двора, Тбилиси
© Sputnik / Ekaterina Mikaridze
Ալեքսանդր Մահիկյանի տան տեսարանը՝ բակից, Թբիլիսի

Նրա խոսքով՝ ցարական ժամանակներում տունն ամբողջովին բժշկին էր պատկանում, նրա ընտանիքը վերևի հարկում էր ապրում, ներքևի հարկերը վարձով էր տալիս։ Հետո կոմունիստները եկան, ամեն ինչ ազգայնացրին, նրանց խտացրին։

Էթերին ցույց տվեց իրենից ձախ գտնվող սենյակն ու ասաց, որ բժիշկը հենց այդտեղ է ապրել։

Ականավոր թիֆլիսահայերի տունը քանդվում է մարդկանց աչքերի առաջ. լուսանկարներ

- Գիտեք, ի՞նչն է ամենավատը։ Մեզ երիտասարդ տարիքում հաճախ այնքան հետաքրքիր պատմություններ են պատմում, իսկ մենք քիչ բան ենք հիշում։ Երբ սկսում ենք հետաքրքրվել պատմությամբ, արդեն ուշ է։ Հիմա այդ պատմությունները լինեին, կգրեի ու կպահեի,- ափսոսանքով նշեց նա։

Вид на дом Александра Магикяна со стороны двора, Тбилиси
© Sputnik / Ekaterina Mikaridze
Ալեքսանդր Մահիկյանի տան տեսարանը՝ բակից, Թբիլիսի

Հայացք եմ նետում երկրորդ հարկին։ Էթերին նույն տեղում է, ճաղաշարի մոտ։ Հրաժեշտ է տալիս ու գնում դեպի մութ կամարը։ Քայլում եմ՝ մեկ, երկու, երեք։ Կամարն ասես ներկայից անցյալ ճանապարհորդելու պորտալ լինի։ Եվս մեկ-երկու վայրկյան ու իրականություն կվերադառնամ ու մանկությանս պատկերները թիկունքիս հետևում կմնան․․․

222
թեգերը:
բժիշկ, շենք, Վրաստանի Հանրապետություն, Թբիլիսի, Հայաստան
Ըստ թեմայի
«Թբիլիսին մեզ համար նշաձող չենք սահմանում». Սուսաննա Սաֆարյան
Այստեղ հին Թբիլիսիի մթնոլորտն է. Զուրաբիշվիլին հյուրընկալել է Փաշինյանին
Երևանը Թբիլիսիի առանցքն է. ինչով է նշանավոր Վրաստանի պաշտպանության նախարարի այցը
Դուբայ-Թբիլիսի չվերթով Վրաստան տեղափոխված ՀՀ քաղաքացիները ավտոբուսներով կվերադառնան ՀՀ
Հիվանդանոց, արխիվային լուսանկար

ՀՀ–ում կորոնավիրուսի հետևանքով 2 մարդ է մահացել

113
Առողջապահության նախարարությունը որոշ տեղեկություններ է հայտնում է կորոնավիրուսի զոհ դարձածների մասին։

ԵՐԵՎԱՆ, 5 օգոստոսի – Sputnik. Վերջին մեկ օրում Հայաստանում կորոնավիրուսը երկու մարդու կյանք է խլել։ Տեղեկությունը հայտնում է ՀՀ առողջապահության նախարարությունը։

«Պացիենտները եղել են 64 (տղամարդ) և 63 (կին) տարեկան։ Վերջիններս ունեցել են ուղեկցող խրոնիկական հիվանդություններ։»,– նշված է հաղորդագրության մեջ։

Նշենք, որ կորոնավիրուսով վարակվածների թիվը վերջին մեկ օրում ավելացել է 288–ով և դարձել 39 586։  Փաստացի բուժում է ստանում 7 738 մարդ, կատարվել է 170 012 թեստավորում, առողջացել են վարակվածներից 30 850–ը։ Գրանցվել է մահվան 770 (+2) դեպք։ Կորոնավիրուսով վարակված, բայց այլ հիվանդության պատճառով մահացածների թիվը չի ավելացել (228)։

ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրա

113
թեգերը:
Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Հայտնի են կորոնավիրուսով վարակվելու 5 հիմնական աղբյուրները
Գիտնականները պարզել են, որ կորոնավիրուսը կարող է խիստ ազդել լսողության վրա
Կորոնավիրուսից մահացել է հայտնի հնագետ Գրիգոր Արեշյանը
Հիվանդանոց, արխիվային լուսանկար

288 նոր դեպք` 1 օրում. Հայաստանում կորոնավիրուսով վարակվածների թիվը դարձավ 39 586

206
(Թարմացված է 11:16 05.08.2020)
Հիվանդությունների կանխարգելման և վերահսկման ազգային կենտրոնը հրապարակել է Հայաստանում կորոնավիրուսային հիվանդության վերաբերյալ նոր տվյալներ։

ԵՐԵՎԱՆ, 5 օգոստոսի — Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 288–ով և դարձել 39 586։ Տեղեկությունը հայտնում է Հիվանդությունների կանխարգելման և վերահսկման ազգային կենտրոնը:

Կենտրոնի տվյալներով` այս պահին փաստացի բուժում է ստանում 7 738 մարդ (-192), կատարվել է 170 012 թեստավորում (+1848), առողջացել են վարակվածներից 30 850–ը (+478)։ Գրանցվել է մահվան 770 (+2) դեպք։ Կորոնավիրուսով վարակված, բայց այլ հիվանդության պատճառով մահացածների թիվը չի ավելացել (228)։

Օգոստոսի 4-ի տվյալներով՝ ՀՀ-ում կորոնավիրուսով վարակվածների թիվը 39 298 էր:

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջիններս պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը։

Եթե չլիներ «կորոնան». ինչպես թագավարակը հայերին ստիպեց գներ իջեցնել ու ճանաչել Հայաստանը

206
թեգերը:
հիվանդ, համավարակ, վարակ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսի հրաշքը. կեսդարյա բաժանումից հետո ԱՄՆ-ում քույրերը գտել են միմյանց
Կորոնավիրուսից մահացել է հայտնի հնագետ Գրիգոր Արեշյանը
ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրա
Բեյրութ

Բեյրութի պայթյունից մեծ վնասներ է կրել նաև «Շաղզոյեան» կենտրոնը

0
(Թարմացված է 12:04 05.08.2020)
Պայթյունի հետևանքով վնասվածքներ է ստացել նաև Լիբանանում լույս տեսնող հայկական «Ազդակի» պատասխանատու խմբագիրը:

ԵՐԵՎԱՆ, 5 օգոստոսի – Sputnik. Բեյրութի նավահանգստում երեկ տեղի ունեցած ուժգին պայթյունի հետևանքով մեծ վնասներ է կրել «Շաղզոյեան» կենտրոնը, որտեղ տեղակայված են բազմաթիվ հայկական կառույցների գրասենյակներ։ Տեղեկությունը հայտնում է Լիբանանում լույս տեսնող հայկական «Ազդակ» թերթը:

«Կոտրված ու փշրված են գրասենյակների պատուհաններն ու դռները. մեծ վնասներ են կրել ՀՅԴ Բյուրոյի, Միջին Արևելքի Հայ դատի գրասենյակները, ՀՅԴ Լիբանանի կենտրոնական կոմիտեի գրասենյակը: Մեծապես վնասվել է «Ազդակի» «Փյունիկ» սրահը, խորհրդարանի հայ պատգամավորների գրասենյակը»,–գրում է թերթը:

Աղբյուրի փոխանցմամբ`նյութական վնաս են կրել «Ազդակի» խմբագրությունը, «Վանայ Ձայնի», Համազգայինի «Վահէ Սէթեան» տպարանը, Համազգայինի «Լուսի Թութունջյան» ցուցասրահը, Համազգային Կենտրոնական վարչության և «Բագինի» գրասենյակները:

Պայթյունի հետևանքով վնասվածքներ է ստացել նաև «Ազդակի» պատասխանատու խմբագիր Նորա Բարսեղյանը:

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով տասնյակ մարդիկ են մահացել, ավելի քան 4 հազարը` տուժել: Մահացածների թվում 5 հայ կա`  լիբանանյան «Քաթայիբ» կուսակցության գլխավոր քարտուղար Նիզար Նաջարյանը, բուժքույր Ջեսիկա Բեզջյանը, Ժակ Բարամաքյանը, Ալինա Զաբրին և Դելիա Փափազյանը։

Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա ամոնիումի սելիտրան է եղել։

Բեյրութում այսօր սուգ է հայտարարվել:

0
թեմա:
Պայթյուն Բեյրութում
Ըստ թեմայի
«Ցնցված եմ». Փաշինյանը ցավակցել է Բեյրութի պայթյունից զոհվածների հարազատներին
Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին
Բեյրութի պայթյունից հետո շատ հայեր ուզում են տեղափոխվել Հայաստան. պատգամավոր