Բողոքի ակցիա Եղեգնուտում

Եղեգնուտում կրքերը բորբոքվել են. գյուղացիները դեմ են նախկին համայնքապետի վերադարձին

542
(Թարմացված է 15:38 15.07.2020)
Եղեգնուտ համայնքի բնակիչները շարունակելու են ցույցեր անել և պահանջել համայնքապետ Ռազմիկ Մարգարյանի հրաժարականը։ Ինքը՝ Մարգարյանը, վստահ է, որ հնարավոր չէ բողոքի ակցիաների միջոցով իրեն զրկել պաշտոնից։

ԵՐԵՎԱՆ, 25 հունիսի – Sputnik. Արմավիրի մարզի Եղեգնուտ համայնաքում իրավիճակը կրկին լարվել է, որովհետև բնակիչները դեմ են նախկին համայնքապետ Ռազմիկ Մարգարյանի վերադարձին։ 

Մարգարյանը համայնքապետի պաշտոնը զբաղեցնում էր 27 տարի՝ 1991թ.-ից: 2018 թվականին, երկրում իշխանափոխությունից հետո, Ռազմիկ Մարգարյանը համագյուղացիների ճնշմամբ լիազորությունները վաղաժամկետ դադարեցնելու դիմում էր ներկայացրել Եղեգնուտ համայնքի ավագանուն:

Արմավիրի այդ ժամանակվա մարզպետ Գագիկ Միրիջանյանի 24.08.2018թ.–ին ընդունած որոշումով համայնքապետի ժամանակավոր պաշտոնակատար էր նշանակվել Ռազմիկ Մկրտչյանը։

Բնակիչները, գոնե բողոքող մասը, Ռազմիկ Մկրտչյանի աշխատանքից գոհ են և անարդար են համարում նախկին համայնքապետ Ռազմիկ Մարգարյանի վերադարձը։

Նախկին համայնքապետի վերադարձի պատճառն այն է, որ նա դատարանից պահանջել էր անվավեր ճանաչել Արմավիրի մարզպետ Գ. Միրիջանյանի՝ 24.08.2018թ. «Հայաստանի Հանրապետության Արմավիրի մարզի Եղեգնուտ համայնքի ղեկավարի պաշտոնակատար նշանակելու մասին» թիվ 287 որոշումը: Բացի այդ, պահանջել է վերացնել Եղեգնուտ համայնքի ղեկավարի իր լիազորությունների իրականացմանը խոչընդոտող հանգամանքները, վերադարձնել օրենքով նրա տիրապետմանը հանձնված գույքը, այդ թվում՝ համայնքի կլոր կնիքը, համայնքի ղեկավարի աշխատասենյակի և վարչական շենքի բանալիները:

Վարչական դատարանը մերժել էր հայցը, իսկ Վերաքննիչ վարչական դատարանը՝ բավարարել այն:

Արմավիրի նոր մարզպետ Համբարձում Մաթևոսյանը, Վարչական դատարանի ակտի հիման վրա անվավեր է ճանաչել Եղեգնուտ համայնքի ղեկավարի ժամանակավոր պաշտոնակատար նշանակելու մասին նախորդ մարզպետի որոշումը:

Ստացվում է` մի կողմից համայնքի շատ բնակիչներ  պահանջում են նախկին համայնքապետի հրաժարականը, մյուս կողմից օրենքը նրան թույլատրում է պաշտոնավարել։

Իրավիճակի լուծման տարբերակներ գտնելու հույսով Sputnik Արմենիան զրուցել է նախկին համայնքապետ Ռազմիկ Մարգարյանի և նրա լիազորությունները ժամանակավորապես կատարած Ռազմիկ Մրկտչյանի հետ։

Եղեգնուտցիները պահանջում են գյուղապետի հրաժարականն ու սպառնում` կգանք Երևան

2 տարի Եղեգնուտի համայնքապետի ժամանակավոր պաշտոնակատար եղած Ռազմիկ Մկրտչյանը հայտարարում է, որ պաշտոն պահելու խնդիր չունի, բայց թույլ չի տալու, որպեսզի Ռազմիկ Մարգարյանը կրկին համայնքապետ դառնա։

«Պաշտոնավարման ժամանակ իմ առաջին խնդիրը համայնքում համերաշխություն հաստատելն էր, քանի որ նախկին գյուղապետն իր քայլերով համայնքը երկու մասի էր բաժանել։ Մարդիկ իրար հետ միշտ վիճում էին, գործը միայն սպանության չի հասել։ Ես երբեք չեմ ձգտել պաշտոնի, ինձ խնդրել են, որպեսզի զբաղեցնեմ այն»,-ասաց  Մկրտչյանը։

Նրա խոսքով` մեկ տարի ավագանի չի ունեցել, քանի որ ավագանին բոյկոտում էր նախկին համայնքապետի լիազորությունները կասեցնելու որոշումը։

«2019 թվականի սեպտեմբերին ձևավորվել է նոր ավագանի և մենք լծվել ենք աշխատանքի։ Ընդամենը 8 ամիսների ընթացքում 14 կմ ջրամատակարարման համակարգ ենք բարելավել, խմելու ջրի ծորակներից որդ ու բլոճ էր թափվում։ Հիմա համայնքն ունի շուրջօրյա ջրամատակարարում։ Իրականացրել ենք գյուղամիջյան ճանապարհների ասֆալտապատում, համայնքի փողոցների արտաքին լուսավորության հարցն ենք լուծել։ Խնդիր չկա, դատարանի որոշում կա նախկին մարզպետի որոշումն անվավեր ճանաչել, ուրեմն ես գնում եմ իմ տուն։ Բայց ասել էի, որ Մարգարյանի վերադարձը ցնցելու է ամբողջ գյուղը, որովհետև ես մի կերպ էի նրանց համերաշխ համայնք դարձրել»,-ասաց Մկրտչյանը։

Նրա խոսքով՝ գյուղը պատրաստ չէ հին համայնքապետին ընդունել, քանի որ նա անգործություն է դրսևորել և միայն սեփական գրպանն է լցրել։

Մկրտչյանը պնդում է, որ Մարգարյանը համաներման տակ է ընկել, նրա վրա ժամանակին քրեական գործեր են հարուցվել տարբեր ապօրինությունների և փաստաթղթերի կեղծման համար։

«Հարցի լուծման մի տարբերակ կա․ նշանակել ուրիշ ժամանակավոր պաշտոնակատար, մինչև ընտրություններ կայանան։ Նշանակություն չունի, թե ում կնշանակեն, բայց գյուղը դրանից կհանգստանա»,-ասասց Մկրտչյանը։

Նախկին համայնքապետ Ռազմիկ Մարգարյանը Sputnik Արմենիայի հետ զրույցում զարմացավ, թե ինչի ենք իրենից խնդրի լուծման տարբերակ ակնկալում այն դեպքում, երբ խնդիր չկա։

«Ի՞նչ լարված իրավիճակ, ես տեղյակ չեմ ինչի մասին է խոսքը։ Ես հիմա գյուղում եմ, ոչ մի լարված բան չեմ տեսնում։ Մի քանի օր առաջ (գյուղում բողոքի ակցիա է եղել հունիսի 22–ին` խմբ.) մարդիկ ցույց էին անում։ Պատճառն այն էր, որ մարզպետը դատարանի որոշումով համայնքապետի ժամանակավոր պաշտոնակատարին ազատել էր պաշտոնից։ Հետո ցրվեցին գնացին իրենց տներով։ Այդ բոլորը եղել է 30 մարդու նախաձեռնությամբ։ Ես իմ պաշտոնից երբեք էլ չեմ ազատվել, ընդամենը կնիքն է բացակայել։ Նախկին մարզպետն առանց որևէ հիմքի ժամանակավոր պաշտոնակատար նշանակեց։ Դուք էլ գիտեք, թե այդ ժամանակ ինչ էր կատարվում երկրում, որպեսզի գյուղում աժիոտաժ չլիներ, ես թողեցի գնացի։ Դիմեցի դատարան, որն էլ վերականգնեց իմ իրավունքները»,- ասաց Մարգարյանը։

Նրա խոսքով՝ եթե ցույցերով կարելի է մարդ ազատել, ուրեմն բոլորն էլ ազատման ենթական են։ Վստահ է, որ չաշխատելու համար են պաշտոնից ազատում, իսկ ինքն աշխատել է։

Հավելենք, որ մեզ հետ զրույցում բնակիչներից մի քանիսն ասացին, որ չեն նահանջելու, շարունակելու են բողոքի ակցիաները և ամեն ինչ անելու են, որպեսզի Մարգարյանը չվերադառնա պաշտոնին։

Խնդրի վերաբերյալ ՀՀ Արմավիր մարզպետարանը ևս հայտարարություն է տարածել, որում նշված է, որ դատարանի վճիռը բողոքարկված և չբեկանված մասով թողնվել է անփոփոխ:

«Նշված որոշումն ինչպես ՀՀ Արմավիրի մարզպետի ներկայացուցչի, այնպես էլ գործով երրորդ անձ Ռազմիկ Մկրտչյանի ներկայացուցչի կողմից բողոքարկվել է ՀՀ վճռաբեկ դատարան, սակայն ՀՀ վճռաբեկ դատարանի 2020 թվականի հունվարի 22-ի որոշումներով նշված վճռաբեկ բողոքները վարույթ ընդունելը մերժվել է:

Գյուղապետը կեղծ աճուրդով հողը նախ վաճառել է անչափահաս որդուն, հետո «Լիդիան Արմենիային»

Այս ողջ ժամանակահատվածում ՀՀ Արմավիրի մարզպետ Համբարձում  Մաթևոսյանի կոմից բազմաթիվ հանդիպումներ են տեղի ունեցել ինչպես համայնքի ղեկավարի պաշտոնակատար Մկրտչյանի, ավագանու անդամների մեծամասնության, այնպես էլ գործով հայցվոր Մարգարյանի հետ: Եվ ՀՀ Արմավիրի մարզպետ Մաթևոսյանը, չնայած իր հայեցողական լիազորության, այդուհանդերձ, սկսած պաշտոնավարման օրվանից, որպես հավասարակշռության գրավական, Եղեգնուտ համայնքում համայնքի ղեկավարի պաշտոնակատարի փոփոխություն չի իրականացրել»,-նշված է պարզաբանման մեջ:

Հիշեցնենք, որ Արմավիրի նախկին մարզպետ Գագիկ Միրիջանյանը լրատվամիջոցներին հայտնել էր, որ Եղեգնուտ համայնքում մարզպետարանն իրավական հսկողություն է իրականացրել՝ ուսումնասիրելով համայնքապետարանի 2015-2018թթ. իրավական ակտերը: Բացահայտվել են օրենքի խախտումներ, որոնք ուղարկվել են գլխավոր դատախազություն: Մարզպետի խոսքով՝ դա է եղել Ռ. Մարգարյանի հրաժարականի դիմում ներկայացնելու պատճառը:

542
թեգերը:
Արմավիրի մարզ, Բողոքի ակցիա, Գյուղապետ, գյուղացի, Գյուղ, Եղեգնուտ համայնք
Ինքնաթիռ, արխիվային լուսանկար

Առաջիկա օրերին ՌԴ-ից միանգամից 3 չարտերային չվերթ կիրականացվի

35
(Թարմացված է 18:08 03.08.2020)
Չարտերային չվերթներից երկուսը նախատեսված է Մոսկվա-Երևան, մեկը՝ Կալուգա - Երևան ուղղություններով:

ԵՐԵՎԱՆ, 3 օգոստոսի - Sputnik. Ռուսաստանում ՀՀ դեսպանատնից հայտնում են, որ «Aircompany Armenia» ավիաընկերությունն առաջիկա օրերին կիրականացնի 3 չարտերային չվերթ՝ Մոսկվա-Երևան և Կալուգա - Երևան ուղղություններով:

Հայաստանից հայրենիք է վերադարձել ևս 158 ռուսաստանցի

«Տոմսերն ազատ վաճառքի սկզբունքով կարելի է ձեռք բերել ընկերության կայքից (armeniafly.com), կամ ընկերության երևանյան գրասենյակից (հասցե՝ Վ․Սարգսյանի 10)։ Մոսկվա-Երևան չվերթների տոմսերի արժեքը՝ սկսած 14 հազ․ 500 ռուբլի, իսկ Կալուգա-Երևան չվերթի տոմսի արժեքը՝ սկսած 10 հազ․ 700 ռուբլի»,- նշված է հաղորդագրության մեջ։

Մոսկվա-Երևան առաջին չվերթը նախատեսված է օգոստոսի 7-ին՝ ժամը 12։30-ին՝ «Վնուկովո» օդանավակայանից, Կալուգա - Երևան չվերթը՝ օգոստոսի 10-ին՝ ժամը 10։30-ին՝ «Կալուգա» միջազգային օդանավակայանից: Մոսկվայից դեպի Երևան ևս մեկ չվերթ նախատեսված է օգոստոսի 11-ին՝ ժամը 12։30-ին՝ դարձյալ «Վնուկովո» օդանավակայանից:

4 չվերթ՝ 2 օրում. օդային փոխադրումներն աստիճանաբար աշխուժանում են

35
թեգերը:
ուղևոր, տոմս, չվերթ, Կալուգա, Մոսկվա, Երևան, Հայաստան
Ըստ թեմայի
Մոսկվայից դեպի Երևան ու Գյումրի չարտերային չվերթեր կլինեն
Երևան–Մոսկվա չվերթ. Հայաստանից Ռուսաստան են վերադարձել ևս 112 քաղաքացի
Երևան-Մոսկվա երկու չվերթ․ Հայաստանում Ռուսաստանի դեսպանատունը մանրամասներ է ներկայացրել
Մինսկ-Երևան չվերթի ուղևորի ուղեբեռում թմրանյութեր են հայտնաբերվել
Գագարինան նախկին ամուսնու հետ

Պոլինա Գագարինայի նախկին ամուսինը հրապարակել է նոր ընկերուհու մերկ լուսանկարը

56
(Թարմացված է 17:33 03.08.2020)
Թեև հայտնի երգչուհի Պոլինա Գագարինայի ու Դմիտրի Իսխակովի ամուսնալուծության գործընթացը դեռ չի մեկնարկել, բայց վերջինս արդեն նոր հարաբերություններ է սկսել այլ կնոջ հետ։

ԵՐԵՎԱՆ, 3 օգոստոսի – Sputnik. Հայտնի երգչուհի Պոլինա Գագարինայի նախկին ամուսինը` լուսանկարիչ Դմիտրի Իսխակովը, ամենայն հավանականությամբ լուրջ հարաբերություններ է սկսել այլ կնոջ հետ։

Super պարբերականը գրում է, որ նրան տեսել են Բուսաբանական այգում նոր ընկերուհու հետ զբոսնելիս։ Հատկանշական է, որ կինը մենակ չի եղել, այլ մոտ մեկ տարեկան երեխայի հետ։

Իսխակովն ու ընկերուհին զբոսնել են իրար ձեռք բռնած ու երիտասարդ ընտանիքի տպավորություն են թողել, բայց պարբերականի տվյալներով` Դմիտրին երեխայի հայրը չէ։ Նշենք, որ Պոլինայից բաժանվելու գործընթացը դեռ չի սկսվել։

Լուսանկարչի նոր ընկերուհու անունը Եկատերինա է։ Նա գործարար է ու հեռու է երգարվեստից։

Իսխակովի նոր ընկերուհու լուսանկարները հայտնվել են նրա Instagram-ի էջում։ Մի նկարում կինը մերկ է, մյուսում կրծքով կերակրում է երեխային։ Լուսանկարչի խոսքով՝ երկրորդ լուսանկարն ամուր նյարդեր ունեցողների համար է։

Посмотреть эту публикацию в Instagram

Публикация от Дмитрий Исхаков (@isxakov)

Посмотреть эту публикацию в Instagram

Публикация от Дмитрий Исхаков (@isxakov)

Աշխարհի ամենաերիտասարդ վարչապետն ամուսնացել է ֆուտբոլիստի հետ. լուսանկար

Հիշեցնենք՝ լուսանկարիչն ու երգչուհին ամուսնացել էին 2014 թվականին։ Գագարինան այս ժամանակ արդեն երեխա ուներ դերասան Պյոտոր Կիսլովի հետ ամուսնությունից, իսկ 2017 թվականին ծնվեց նրանց դուստրը։

«Եթե ամուսնության առաջարկ անի, կհամաձայնեմ». Լոլիտան պատմել է նոր հարաբերությունների մասին

Նշենք՝ լրատվամիջոցները դեռ գարնան սկզբին էին գրում, որ ռուսական շոու բիզնեսի ամենահայտնի զույգերից մեկն ամուսնալուծության շեմին է։ Նրանք սկզբում չէին մեկնաբանում այդ լուրը, սակայն ավելի ուշ Դմիտրի Իսխակովը հաստատեց, որ իրենք առանձին են ապրում։

Հայկական կոնֆետները կախվածության մեջ են գցել երգչուհի Պոլինա Գագարինային

56
թեգերը:
Լուսանկար, ընկերուհի, ամուսին, Պոլինա Գագարինա
Ըստ թեմայի
Թուրքական սերիալի ճանաչված դերասանուհին ամուսնացել է հայ գործարարի հետ
Վալերիայի կրտսեր որդին ամուսնանում է Լիանա Վոլկովայի հետ. կրեատիվ առաջարկության տեսանյութը
«Պուտինի սիրելի լրագրողն» ամուսնացել է․ տեսանյութ
Նիկոլ Փաշինյան

ՊԵԿ-ն ամփոփել է 2019-ը և միջոցառումների կատարողականը ներկայացրել Փաշինյանին

0
(Թարմացված է 19:04 03.08.2020)
2019-ին Հայաստանում տպվել է 38%-ով շատ ՀԴՄ կտրոն, քան 2018-ին, ինչի հետևանքով 2018-ի համեմատ արձանագրվել է 21.9%-ով շատ առևտրաշրջանառություն։

ԵՐԵՎԱՆ, 3 օգոստոսի – Sputnik. Պետական եկամուտների կոմիտեի նախագահ Էդվարդ Հովհաննիսյանը վարչապետ Նիկոլ Փաշինյանին է ներկայացրել 2019 թվականին կատարված ՊԵԿ-ի միջոցառումների կատարողականը: Տեղեկությունը հայտնում է վարչապետի մամուլի ծառայությունը։

Համաձայն Հովհաննիսյանի ներկայացված զեկույցի՝ 2019-ին Հայաստանում տպվել է ավելի շատ ՀԴՄ կտրոն, ՊԵԿ-ում կատարվել են ավելի շատ գանձումներ և հարուցվել են քրեական գործեր, քան 2018-ին և մնացած նախորդ տարիներին։ Օրինակ՝ 2019-ին Հայաստանում տպվել է 120 մլն կամ 38%-ով շատ ՀԴՄ կտրոն, քան 2018-ին, ինչի հետևանքով 2018-ի համեմատ արձանագրվել է 345 մլրդ դրամի կամ 21.9%-ով շատ առևտրաշրջանառություն։

ՊԵԿ իրավական գործառույթ իրականացնող ստորաբաժանումների կողմից 2019-ի ընթացքում պետական բյուջե է գանձվել 63,6 մլրդ դրամ, 2018-ին՝ 30,6 մլրդ դրամ, 2017-ին՝ 26,8 մլրդ դրամ։ 2019-ի ընթացքում հարուցվել են 454 քրեական գործեր: Հաշվետու ժամանակաշրջանում վերականգնվել է 11,9 մլրդ դրամ գումար, 55 քրեական գործով ավարտվել է նախաքննությունը, գործերը մեղադրական եզրակացությամբ ուղարկվել են դատարաններ:

Ռեկորդային ցուցանիշ. պետության պարտքը տնտեսվարող սուբյեկտներին նվազել է

Նվազել են ՊԵԿ-ի ստուգումները։ 2019-ին հարկային մարմնի իրականացրած համալիր հարկային ստուգումների քանակը 2018-ի նույն ժամանակաշրջանի համեմատ նվազել է 5.6%-ով: Իրականացված համալիր ստուգումների թվի կրճատման պայմաններում արձանագրված լրացուցիչ պարտավորությունների գումարն աճել է 81.2%-ով, միաժամանակ աճել է նաև մեկ ստուգմանը բաժին ընկնող լրացուցիչ պարտավորության գումարը 92.0%-ով: 2019-ին 2018թ-ի համեմատ էականորեն նվազել են ՀՀ սահմանով ներմուծվող բեռների նկատմամբ մաքսային մարմինների կողմից իրականացվող բեռների ֆիզիկական զննման դեպքերը։ Դրանց տեսակակար կշիռը ներմուծման հայտարարագրերի ընդհանուր թվի մեջ 2018թ-ի 22%-ի փոխարեն 2019թ. կազմել է շուրջ 12%։ Էականորեն պարզեցվել է ԵԱՏՄ անդամ պետություններում հաշվառված անձնական տրանսպորտային միջոցների ՀՀ սահմանահատման գործընթացը։

Հովհաննիսյանը տեղեկացրել է, որ ներդրվել են երրորդ անձանց վերաբերյալ ՀՀ ՊԵԿ-ին տեղեկատվություն փոխանցելու երկու նորարար վեբ-ծառայություններ:

Հովհաննիսյանը խոսել է նաև Գյումրու արտաքին տնտեսական գործունեության կենտրոնի շինաշխատանքների մասին։ Նա հայտնել է, որ շինարարության առաջին փուլը կավարտվի առաջիկա ամսվա ընթացքում, իսկ երկրորդի աշխատանքները կմեկնարկեն 2021-ին ու կավարտվի 2022-ի վերջին:

Փաշինյանը սրան ի պատասխան հանձնարարել է կենտրոնի շինաշխատանքների ուղղությամբ իրականացնել խիստ վերահսկողություն: Նա նաև հավելել է, որ պատրաստվում է առաջիկայում այցելել սահմանային անցակետեր՝ գնահատելու նախորդ այցից հետո իրականացված աշխատանքները:

Խորհրդակցության վերջում ՊԵԿ նախագահը վարչապետին ներկայացրել է ՀՀ ՊԵԿ 2020-2024 թվականների զարգացման և վարչարարության բարելավման ռազմավարական ծրագիրը:

0
թեգերը:
Պետական եկամուտների կոմիտե (ՊԵԿ), Էդվարդ Հովհաննիսյան (ՊԵԿ նախագահ), Նիկոլ Փաշինյան, Հայաստան
Ըստ թեմայի
Հայաստանում տուրիզմի ոլորտը կոլապսի մեջ է. փրկության 2 ճանապարհ կա
Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»
Միջպետական ճանապարհները հիմնանորոգվում են. Փաշինյանը տեսանյութ է հրապարակել
Գևորգ Պետրոսյանը խոստացել է ավլել Հանրապետության հրապարակը, եթե...