Արթուր Մարտիրոսյան

Ոչխարի պանիր և մոցարելա․ Արթուր Մարտիրոսյանը որոշել է Իրկուտսկը պանրային քաղաքի վերածել

208
(Թարմացված է 10:12 24.06.2020)
Ռուսաստանցի բրենդ խոհարար Արթուր Մարտիրոսյանը դարձել է стопкоронавирус.рф կայքի «Թռիչքը նորմալ է․ գործարարների պատմություններ» նախագծի հերոսը և պատմել իր երազանքի մասին։

ԵՐԵՎԱՆ, 24 հունիսի – Sputnik. Եթե համեղ կաչոտայի ու մոցարելայի, նրբահամ սկամորցիայի ու սուլուգունիի համար դեռ արտասահման եք մեկնում, ապա իզուր եք տանջվում։ Հիմա այդ ամենը հասանելի է Ռուսաստանի Իրկուտսկ քաղաքում։ Այդ քաղաքը պանրի արտադրության կենտրոն դարձնելու գաղափարի հեղինակը ռուսաստանցի բրենդ խոհարար Արթուր Մարտիրոսյանն է։

Նա իր երազանքի ու ծրագրերի մասին խոսել է ՌԻԱ Նովոստիի և стопкоронавирус.рф կայքի «Թռիչքը նորմալ է․ գործարարների պատմություններ» հատուկ նախագծի շրջանակում։

Մարտիրոսյանը ծնվել է Իրկուտսկում: Ավելի քան 15 տարի խոհարարությամբ է զբաղվում․ աշխատել է Իրկուտսկի մի քանի խոշոր ռեստորաններում, միշտ երազել է սեփական գործը բացելու մասին։ Մի քանի տարի առաջ դասընթացներ է անցել, հետո սկսել է ինքնուրույն պանիր պատրաստել։ Իսկ այս տարի սարքավորումներ գնելու համար անհրաժեշտ գումար խնայելով` ԱՁ ու պանրի արտադրություն է բացել։

«Ուզում եմ առաջ մղել տեղական խոհանոցը։ Ռուսաստանում մթերային էմբարգոյից հետո պանրի տեսակներից մի քանիսը վերացել են, իսկ մնացածի որակն էլ չեմ հավանում։ Մենք որոշեցինք սեփական կաչոտա, մոցարելա, սկամորցիա, նաև սուլուգունի ու ոչխարի պանիր արտադրել մեր գյուղացիներից գնած որակյալ կաթով», - ասել է խոհարարը։

Կորոնավիրուսը բոլորի տուն «կմտնի», կամ վարակը ստիպում է հիշել «տալոնով» հացը

Մարտիրոսյանը որոշել էր պանիր մատակարարել քաղաքի սրճարաններին ու ռեստորաններին։ Մարտին առաջին խմբաքանակն էր արտադրել և համտեսի ուղարկել հնարավոր պատվիրատուներին։

Սակայն ինքնամեկուսացման ռեժիմի պատճառով հանրային սննդի բոլոր կետերը փակվեցին, Մարտիրոսյանն էլ փակեց արտադրամասը, քանի որ չէր կարողանում իրացնել մթերքը։

«Սկզբում խուճապ էր։ 15 տարվա մեջ առաջին անգամ բախվեցի մի իրավիճակի, երբ իմ մասնագիտության տեր մարդիկ ոչ ոքի պետք չեն։ Հետո հանգստացա, սկսեցի մտածել՝ ինչպես դուրս գալ այս վիճակից։ Սկսեցի տարբեր ուտեստների պատրաստման առցանց դասընթացներ անցկացնել, պանիր էի գովազդում։ Օրվա հացի գումար վաստակում էի։ Թեև եկամուտը 80%-ով ընկել էր», - ասել է Մարտիրոսյանը։

Արթուրն անգործ չի մնացել, աշխատանքի է անցել մի սրճարանում, որտեղ առաքման ծառայություն են գործարկել։

Բայց նաև չի ցանկացել փակել նոր ծնվող բիզնեսը։ Բրենդ խոհարարին փրկել է այն հանգամանքը, որ վարկեր չի ունեցել, իսկ արտադրամասի տարածքն էլ իրեն է եղել։ Արթուրը սովոր է հույսը դնել միայն իր վրա, այդ պատճառով չի էլ մտածել պետական աջակցությունից օգտվելու մասին։

Երեք շաբաթ առաջ Արթուրը վերսկսել է արտադրությունը։ Թեև ռեստորանները դեռ փակ են, բայց նա արդեն պատվերներ ունի։ Արտադրամասում ընդամենը երեք մարդ է աշխատում` ներառյալ բրենդ շեֆը։ Այստեղ սանիտարական կանոնները խստորեն են պահպանում․ չափում են աշխատակիցների ջերմությունը, ախտահանում տարածքը։

Պանրի արտադրությունից բացի` Արթուրը երազում է նաև սեփական սրճարանի մասին` «ճիշտ», առողջ սնունդով, որտեղ մարդիկ կհավաքվեն ընտանիքներով։

Ի՞նչ է կատարվում օրգանիզմում, երբ պանիր եք ուտում

208
թեգերը:
խոհարար, Արթուր Մարտիրոսյան, Իրկուտսկ, Պանիր, Ռուսաստան
Ըստ թեմայի
Ինչպես զարմացնել կանանց․ լավագույն ուտեստների հնգյակ` տանը մնացած տղամարդկանց համար
Հավկիթն օրգանիզմի համար օգտակա՞ր է, թե ՞ վնասակար. միֆ և իրականություն
Ի՞նչ է կատարվում օրգանիզմում, երբ լոլիկ եք ուտում
Արխիվային լուսանկար

Հայաստանի 101 դպրոցում կան առարկաներ, որոնք չեն դասավանդվում ուսուցիչներ չլինելու պատճառով

4
(Թարմացված է 18:26 23.01.2021)
ԿԳՄՍ փոխնախարարը հայտնել է, որ 101 դպրոցներում էլեկտրոնային դասավանդման կանցնեն որոշ առարկաների մասով։

ԵՐԵՎԱՆ, 23 հունվարի – Sputnik. Հանրապետության 9 մարզերի 101 դպրոցներում կան առարկաներ, որոնք չեն դասավանդվում ուսուցիչների բացակայության հետևանքով։ Տեղեկությունը Facebook-ի իր էջում հայտնել է ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը:

«Չդասավանդվող առարկաների թիվը 18 է, նախնական հաշվարկներով` առկա է շուրջ 695 ուսուցչի կարիք։ Այս խնդրի կարգավորման նպատակով բացի գործուղման կարգի և տրանսպորտային ծառայությունների փոխհատուցման փոփոխություններից, սկսել ենք դպրոցների մենթորական աջակցության և էլեկտրոնային ուսուցման կարողությունների զարգացման ծրագիրը»,-գրել է փոխնախարարը։

Նրա խոսքով` վերոհիշյալ դպրոցներում ստեղծվել են անհրաժեշտ սարքավորումներով հագեցված դասասենյակներ, որտեղ հնարավոր է կազմակերպել հեռավար ուսուցում։

Մինչև այս տարվա մարտի 30-ը նախատեսվում է արագ աջակցության դասընթացների մշակում և առցանց հարթակներում դրանց բաց հասանելիության ապահովում։ Այնուհետև կմշակվեն և կհավաքագրվեն էլեկտրոնային դասավանդող դպրոցների ընտրության չափանիշները. յուրաքանչյուր դպրոցի համար նախատեսվում է պատրաստել առնվազն մեկ մենթոր։

Ավագ մենթորները ապրիլ-մայիս ամիսներին կպատրաստեն ընտրված դպրոցների ուսուցիչներին՝ զարգացնելով նրանց էլեկտրոնային դասավանդման կարողությունները։

Էլեկտրոնային դասավանդման կարողությունների որակի ապահովման նպատակով մինչև օգոստոսի 30-ը նախատեսվում է մշակել և ներդնել որակի ապահովման մեխանիզմներ։

Ծրագրի միջոցով 2021 թվականի սեպտեմբերից բոլոր 101 դպրոցներում կապահովվի ներքոնշյալ առարկաների ուսուցումը:

4
թեգերը:
Մարզ, Ուսուցիչ, Աշակերտ, դպրոց

Իրականում քանի՞ հայ է ապրել Շուշիում

87
(Թարմացված է 16:00 23.01.2021)
Վարչապետ Նիկոլ Փաշինյանի աղմկահարույց հայտարարության հետքերով, թե մինչև 90-ականներին հայերի կողմից Շուշիի ազատագրումը նրա բնակչության 90%-ն ադրբեջանցիներ էին, ներկայացնում ենք ինֆոգրաֆիկա։ Դրանում ակնհայտ է, որ քաղաքի հայ բնակչությունը տարբեր տարիներին գերակշռել են։
Իրականում քանի՞ հայ է ապրել Շուշիում
© Sputnik / Shushanik Avdalyan

Փաստերն անողոք բան են։ Շուշիում միշտ գերակշռել են հայերը։ Շուշիում ադրբեջանական բնակչության ավելի քան 90%-ը բաժին եղել է միայն երկու շրջանում (երկուսն էլ հայերի ջարդերից հետո)՝ 1920 և 1988 թվականներին։ Փորձագետներն արդեն Փաշինյանի հայտարարությունն անվանել են Շուշիի կորուստն արդարացնելու փորձ։

Փաշինյանը շրջանցում է մի ոչ պակաս կարևոր փաստ՝ Շուշիի կարգավիճակը հայկական վերահսկողության տակ (անգամ ադրբեջանական բնակչության 90% –ի դեպքում) մի բան է, իսկ քաղաքի կարգավիճակը Ադրբեջանի ձեռքում՝ բոլորովին այլ։

Դրանք իրարից տարբերվող սցենարներ են ՝ աշխարհաքաղաքական տարբեր հետևանքներով, ինչի մասին Հայաստանի վերնախավում առանձնապես չեն սիրում խոսել։

«Գիտակցված ենք եկել այստեղ». Թաթուլը նստեց տեղն ու... Շուշիի մշակույթի տունը հրթիռակոծեցին

87
թեգերը:
ադրբեջանցի, Նիկոլ Փաշինյան, հայեր, Շուշի
Ըստ թեմայի
Ե՛վ պատերազմը կանգնեցնել, և՛ Շուշին պահել․ որն էր Հայաստանի իշխանության հիմնական սխալը
Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին
Դա կարող է Ալիևի պատվերը լինել. Կարապետյանը` Շուշիի վերաբերյալ Փաշինյանի ասածի մասին
Ինչո՞ւ է «ադրբեջանականացվում» Շուշին. փորձագետները` Փաշինյանի հայտարարության մասին