Շահանե Բաղրամյան

Եթե ես չանեմ, չեմ կարող ուրիշից ակնկալել․ կորոնավիրուսի դեմ պայքարող կամավորի պատմությունը

1529
(Թարմացված է 20:15 21.06.2020)
Sputnik Արմենիան բուժաշխատողի օրվա առթիվ զրուցել է ապագա բժիշկ Շահանե Բաղրամյանի հետ, որը դեռ Հիպոկրատի երդում չտված, անցել է անձնուրաց կամավորական աշխատանքի կորոնավիրուսի դեմ պայքարում։

Աստղիկ Սուքիասյան, Sputnik Արմենիա

Այսօր բուժաշխատողների օրն է։ Այս տարի, ինչպես  բուժաշխատողներն են ասում, տոնելու ո՛չ ժամանակ ունեն, ո՛չ էլ սիրտ։ Հայաստանում կորոնավիրուսով վարակվածության առաջին դեպքը գրանցվեց մարտի 1-ին ու մինչ օրս բուժաշխատողները պայքարում են հազարավոր վարակվածների կյանքերի համար։

Վտանգն անտեսելով` կորոնավիրուսի դեմ ծանր պայքարում նրանց օգնության հասան կամավորները։

Шагане Баграмян с коллегами в закрытом на карантин отеле
© Photo : provided by Shahane Baghramyan
Կամավորները հիվանդանոցում

Այդ կամավորներից մեկը 21-ամյա Շահանե Բաղրամյանն է։ Սովորում է Երևանի Մ․Հերացու անվան պետական բժշկական համալսարանի ընդհանուր բժշկություն բաժնի 4-րդ կուրսում։

Մարտի 16-ից առողջապահության նախարարությունը սկսեց կամավորների հավաքագրման գործընթացը։ Շահանեն առաջիններից էր, որ արձագանքեց նախարարության հորդորին։

«Համալսարանում մեր խմբի ավագն եմ, հայտարարությունը լսելուց հետո զանգահարեցի կուրսեցիներիս, ասացի, որ կամավորական աշխատանք կա, և ես մասնակցում եմ։ Գիտակցում էի, եթե ես այդ ռիսկին չգնամ, չեմ կարող ուրիշներից դա ակնկալել։ Ընտանիքիս անդամները սկզբում շոկի մեջ էին, բայց հասկացան, որ այլ ելք չկա»,-պատմում է Շահանեն։

Կուրսից շատերն են միանում Շահանեի հորդորին, այդ թվում` իր մտերիմ ընկերուհիներից 2-ը։

Ժպիտով է նշում, առանց ընկերուհիների դժվար կլիներ։Ուսման ընթացքում շատ փորձություններ են միասին հաղթահարել, վստահ է՝ սա էլ են հաղթահարելու։

Սպասված զանգը եղավ ապրիլի 3-ին։ Շահանեին և ընկերուհիներին տեղավորեցին մեկուսարաններից մեկում,որտեղ պետք է զբաղվեին կոնտակտավորների խնամքով, 14 օր հետևեին նրանց առողջական վիճակին, եթե սիմպտոմներ ի հայտ գային, թեստավորում իրականացնեին և, իհարկե, սնունդ բաժանեին։

Նախնական պայմանավորվածությամբ` նրանց կամավորական աշխատանքը պետք է տևեր 14 օր, բայց օր-օրի ավելացող հիվանդացության դեպքերը թույլ չեն տալիս ավարտել աշխատանքն ու տուն գնալ։

Шагане Баграмян общается с родственниками по видеозвонку
© Photo : provided by Shahane Baghramyan
Շահանե Բաղրամյանը տնեցիրների հետ շփվում է տեսազանգով

«Իմ կյանքում առաջին անգամ է, որ տանից բացակայում եմ, այն էլ այսքան երկար ժամանակով։ Սկզբում դժվար էր ընտանիքիս  անդամների գերհոգածությունից զրկվելը և մարդկանց խնամելը, նրանց հոգեբանական և բժշկական օգնություն ցուցաբերելը, հետո սովորեցինք։ Այս ընթացքում 3 անգամ եմ տուն գնացել, որոնցից մեկը փոքր եղբորս ծննդյան տարեդարձին»,–պատմում է աղջիկը։ Շահանեն այլ նվեր գնելու ժամանակ չի ունեցել, «Զիփլայն» ատրակցիոնի 3 տոմս է պատվիրել, քանի  որ ընտանիքում երեք երեխա են։ Հույս ուներ, որ ամեն ինչ շուտ կավարտվի ու երեեքով միասին կգնան զվարճանալու։ Չստացվեց։ «Եղբայրս տոմսերը պահել է, չի ուզում առանց ինձ գնալ, մենք երկար ժամանակ իրարից հեռու լինելուն սովոր չենք»։

Տոնի առթիվ. «Շտապօգնության» բոլոր աշխատակիցները դրամական պարգևներ են ստացել «Տաշիրից»

Բուժանձնակազմով ու կամավորներով էին մի ընտանիք դարձել, նրանց պարբերաբար 14 օրով միանում էին ընտանիքի նոր անդամներ։

«Անհամբեր սպասում էինք յուրաքանչյուրի թեստի պատասխանին։ Ամենաուրախ  պահերից մեկն այն էր, երբ թեստի պատասխանը բացասական էր լինում։ Հիշում եմ` ինչ սթրես տարա, երբ առաջին անգամ թեստավորվեցի։ Լարված սպասում էինք թեստի պատասխանին, քանի որ գիտակցում էի, որ ոչ մեկն էլ ապահովագրված չէ, ինչքան էլ որ պահպանում ենք հակահամաճարակային կանոնները։ Հատկապես վախենում էի, երբ շատանում էին վարակված բուժաշխատողները։ Երբ թեստի բացասական պատասխանը գալիս էր, մի պահ ընկերներով հավաքվում էինք, գրկախառնվում, ուրախանում, հետո էլի ախտահանվում ու անցնում աշխատանքի»,-պատմում է Շահանեն ու ընդգծում, որ որքան էլ աշխատանքը բարդ է ու պատասխանատու, իրենց կողքին են փորձառու  բուժաշխատողները, որոնցից այնքան բան են հասցրել սովորել։

Шагане Баграмян
© Photo : provided by Shahane Baghramyan
Շահանե Բաղրամյանը

Երբ իրավիճակն այնքան բարդացավ, որ անհնար էր հասկանալ, թե ով ումից է վարակվել և այլևս պետությունն ի վիճակի չէր կոնտակտավորներին մեկուսարաններ տրամադրել, Շահանեի աշխատանքը փոխվեց։ Իրենց թիմը սկսեց զբաղվել արտերկրից Երևան ժամանող ուղևորներին նախապես նշված հասցեներ տեղափոխելով` միևնույն ժամանակ հսկողություն սահմանելով ինքնամեկուսացածների վրա, որպեսզի նրանք 14 օր չլքեն նշված վայրը։

Շահանեին մտահոգում ու նյարդայնացնում է այն հանգամանքը, որ դեռ շատերը կորոնավիրուսին չեն հավատում։

«Սիրելի հայրենակիցներ, կորոնավիրուս գոյություն ունի, մի սպասեք, որ ձեր հարազատը հայտնիվի վերակենդանացման բաժանմունքում, նոր միայն հավատաք վիրուսի գոյությանը։ Գիտեմ, դիմակ կրելը դժվար է, բայց երբ տեսնում ենք կյանքի ու մահվան հետ կռիվ տվող հիվանդին, հասկանում ենք, որ ավելի լավ է մեզ մի քիչ նեղություն տանք, քան այդ վիճակում հայտնվենք։ Մեր մաշկն էլ է ալկոգելից վնասվում, շատերս սպիրտից ալերգիա  ունենք, բայց դիմանում ենք»,-հորդորեց Շահանեն ու պնդեց, որ կորոնավիրուսին չհավատալու ամենամեծ պատճառներից մեկը սոցցանցերում առկա միֆերն են, դրանցից թերևս ամենահայտնին՝ չիպավորումն է։

«Երբ կոնտակտավորներին ասում էինք, որ գալու են իրենց թեստավորեն, շատերը պանիկայի մեջ էին ընկնում, վախենում էին ու հարցնում, թե այդ չիպը կոկորդում են տեղադրում, թե ուրիշ տեղ։ Բացատրում էինք, որ նման բան չկա, որ մենք էլ ենք թեստավորվել և ողջ-առողջ իրենց դիմաց կանգնած ենք»։

Շահանեն շնորհակալություն է հայտնում բոլոր այն գիտակից քաղաքացիներին, որոնք սոցցանցերն օգտագործում են հակահամաճարակային կանոները քարոզելու համար։

Նրա խոսքով՝ դա իրենց հոգեպես ամրապնդում է, քանի որ այս իրավիճակը կարելի է հաղթահարել միայն համազգային բարձր պատասխանատվության շնորհիվ։

Шагане Баграмян
© Photo : provided by Shahane Baghramyan
Շահանե Բաղրամյանը հիվանդանոցում

«Երբ համավարակն ավարտվի, առաջին բանը, որ կանեմ, կգնամ տուն, կգրկեմ հարազատներիս, փոքրիկ զարմիկներիս ու միասին կնշենք մեր հաղթանակը»,-եզրափակեց Շահանեն։    

Մեր  հերոսուհին բուժաշխատողների օրվա կապակցությամբ առողջապահության նախարար Արսեն Թորոսյանից պատվոգիր է ստացել՝ անձնվեր ծառայության և իրականացրած պատասխանատու աշխատանքի համար։

Грамота, полученная от министра здравоохранения Арсена Торосяна студенткой Шагане Баграмян, работающей волонтером в местах изоляции граждан
© Photo : provided by Shahane.Baghramyan
Շահանե Բաղրամյանի ստացած պատվոգիրը

Հավելենք, որ այս պահի դրությամբ, կորոնավիրուսային հիվանդության դեմ պայքարում ընդգրկված կամավորների ընդհանուր թիվը 226-ն է:

Կամավորներից 118-ը ներգրավված են եղել հատուկ կարանտինային վայրերում, 6-ը` «Նորք ինֆեկցիոն կլինիկական հիվանդանոցում», 25-ը` առողջապահության նախարարության տարբեր ստորաբաժանումների և ենթակա կառույցների աշխատանքներում, 30-ն աջակցել են տեղեկատվական բազաներում մուտքագրումների աշխատանքներին: 

Երկիրը «պատերազմի» մեջ է, բուժաշխատողներն` առաջնագծում. Արսեն Թորոսյան

Կամավորների առողջապահության համակարգում հետագայում աշխատելու հետ կապված հարցեր առողջապահության նախարարությունում դեռևս չեն քննարկվել: Իսկ կամավորական գործունեության համար դրամական պարգև, ըստ ԱՆ-ի, նախատեսված չէ:

Шагане Баграмян
© Photo : provided by Shahane Baghramyan
Շահանե Բաղրամյանը

Իսկ մեզ մնում է շնորհավորել բուժաշխատողներին, շնորհակալություն հայտնել նրանց մարդկանց կյանքերը փրկելու համար և մաղթել համբերություն ու շուտափույթ  վերադարձ, վերադարձ սեփական ընտանիք։

1529
թեգերը:
Հայաստան, կորոնավիրուս, տոն, բժիշկ, կամավոր
թեմա:
Կորոնավիրուսը Հայաստանում և Արցախում (1491)
Ըստ թեմայի
Մարդիկ «Դեքսամետազոն» են գնում կորոնավիրուսից փրկվելու համար. նախարարության արձագանքը
Կառուցենք Հայաստանը նորովի. կորոնավիրուսը չի խանգարում շինարարական աշխատանքներին
Կորոնավիրուսից մահվան ևս 19 դեպք Հայաստանում. ամենաերիտասարդը 48 տարեկան կին է
Pentawards մրցանակաբաշխություն

Հայկական ընկերությունը երկրորդ անգամ փաթեթավորման դիզայնի «Օսկար» է ստացել

39
(Թարմացված է 23:58 24.09.2020)
Pentawards միջազգային մրցույթի պատմության մեջ  սա առաջին դեպքն է, երբ որևէ ընկերություն 2 տարի անընդմեջ արժանանում է «Տարվա լավագույն ընկերություն» տիտղոսին։

ԵՐԵՎԱՆ, 24 սեպտեմբերի – Sputnik. Հայկական Backbone բրենդինգ ընկերությունը երկրորդ տարին է` ճանաչվում է  Pentawards մրցանակաբաշխության հաղթող, տեղեկանում ենք ընկերության Facebook-ի էջից։

Pentawards-ը փաթեթավորման դիզայնի ոլորտում նույն մասշտաբի և հեղինակության մրցանակաբաշխություն է, ինչ կինեմատոգրաֆիայի ոլորտում «Օսկարը»։ Այն հիմնադրվել է Լոնդոնում, նրան ամեն տարի մասնակցում են աշխարհի առաջատար դիզայներական ընկերությունները՝ ներկայացնելով  տարբեր մեգաընկերությունների համար ստեղծված բրենդները՝ Microsoft, Coca Cola, Snickers, Nestle, Nike, Xiaօmi  և այլն։

«Մենք ուրախ  և անասելի հպարտ ենք, որ այս տարի աշխարհի տարբեր երկրների և միջազգային խոշոր կազմակերպությունների ներկայացուցիչների և ընկերությունների ներկայությամբ, 2-րդ անգամ հնչեց Agency of the Year - Backbone from ARMENIA արտահայտությունը: Այս տիտղոսը մեծ փառք և հեղինակություն է բերում ոչ միայն մեր ընկերությանը այլև Հայաստանին՝ միջազգային հարթակում», – ասված է ընկերության տարածած հաղորդագրությունում։

Սիմոն Աբգարյանը միանգամից երեք մրցանակ է ստացել «Մոլիեր» մրցանակաբաշխության ժամանակ

Pentawards միջազգային մրցույթի պատմության մեջ  սա առաջին դեպքն է, երբ որևէ ընկերություն 2 տարի անընդմեջ արժանանում է «Տարվա լավագույն ընկերություն» տիտղոսին։

39
թեգերը:
«Օսկար» մրցանակաբաշխություն, մրցանակաբաշխություն
Ըստ թեմայի
Նոբելյան մրցանակակիրը հայտարարել է` կորոնավիրուսը լաբորատորիայում է ստեղծվել
Հայտնի են «Ավրորա 2020»–ի մրցանակակիրները
Նախագահական, հետո «Պողոսյան». մրցանակների հանձնման արարողությունը՝ լուսանկարներով
Ադամ Սահկյանի անկյունը իրենց տանը

«Վերածնունդդ օրհնվի, Ադամ ջան». ծնվել է Ապրիլյան պատերազմի հերոս Ադամ Սահակյանի եղբորորդին

56
(Թարմացված է 23:29 24.09.2020)
Երեխան Ադամի եղբոր` Մուշեղ Սահակյանի և նրա կնոջ Անի Ամիրջանյան–Սահակյանի առաջնեկն է։ Նա հորեղբոր անունը կկրի։

ԵՐԵՎԱՆ, 24 սեպտեմբերի – Sputnik. Ծնվել է ապրիլյան պատերազմի հերոս Ադամ Սահակյանի եղբորորդին, նրան հորեղբոր պատվին Ադամ են անվանել։ Տեղեկությունը հայտնում է Ադամի մայրիկը` Գայանե Անտոնյանը, Facebook-ի իր էջում։ Երեխան Ադամի եղբոր` Մուշեղ Սահակյանի և նրա կնոջ Անի Ամիրջանյան–Սահակյանի առաջնեկն է։

Բարեկամներն ու ընկերները շնորհավորում են Ադամի մայրիկին` փոքրիկի ծննդյան առթիվ։

«Վերածնունդդ օրհնվի, Ադամ ջան։ Գայանե քույրս, բոլորիս աչքը լույս», «Գայանե ջան, ձեր ընտանիքում նրա ծնունդով ուրախությունը ուրախությանը թող հաջորդի», – գրում են Անտոնյանին։

Ադամ Սահակյանը 2016-ի ապրիլին տեղի ունեցած հայ–ադրբեջանական պատերազմի հերոս է։ Ապրիլի 1-ի գիշերը՝ «Լալայկա» կոչվող բարձունքում ավագ Ադամ Սահակյանի գլխավորությամբ 7 հոգուց բաղկացած սահմանապահ ուժերն անցնում են շրջանաձև պաշտպանության` ադրբեջանական հարձակման դեմ։ Իր զինընկերների հետ 5 ժամ շարունակ մարտնչելով թշնամու դեմ և հասցնելով նրան զգալի կորուստներ (200-ից ավելի սպանված հատուկջոկատային)` Սահակյանն ընկնում է հերոսի մահով։

Սահակյանի և նրա զինընկերների` թշնամու դեմ մղած պայքարը հնարավորություն է տվել Ջաբրաիլի հայկական գնդին տեղակայվել ռազմաճակատի 2-րդ գծում և կանգնեցնել հակառակորդին։ Սահակյանը հետմահու պարգևատրվել է Արցախի Հանրապետության «Մարտական ծառայություն» և Հայաստանի Հանրապետության «Արիության» մեդալներով։

Յուրաքանչյուր տարիքում երջանկությունը մի տեսք ունի. զրույց` Ադամ Սահակյանի մոր հետ

56
թեգերը:
երեխա, նորածին, Ադամ Սահակյան
Ըստ թեմայի
Ապրիլյան պատերազմում զոհված Արմենակ Ուրֆանյանին Արցախի հերոսի կոչում կշնորհվի
«Որպես նախարար` ես հաղթելու կողմնակից եմ». Դավիթ Տոնոյանը` Ապրիլյան պատերազմի մասին
Ո՞վ է հաղթել Ապրիլյան պատերազմում. Արցախի նախագահը ներկայացրեց իր տեսակետը

Ի՞նչը պետք է պահպանել. համաշխարհային առաջնորդները որոշել են ՄԱԿ-ում փոփոխություններ անել

0
(Թարմացված է 23:43 24.09.2020)
Այս տարի լրացավ ՄԱԿ–ի 75-ամյակը։ Անդամ երկրները որոշել են, որ կառույցում պետք է փոփոխություններ անել։

ՄԱԿ-ի անդամ երկրների առաջնորդները մտադիր են բարեփոխումներ իրականացնել ՄԱԿ-ում։ Գլխավոր ասամբլեայի հոբելյանական նիստի ժամանակ նման կոչով են հանդես եկել համաշխարհային մի քանի առաջնորդներ։

Օրինակ՝ Գերմանիայի կանցլեր Անգելա Մերկելը հայտարարել է, որ Բեռլինը կարող է դառնալ Անվտանգության խորհրդի ընդլայնման գործընթացի նախաձեռնողը։

«Գլոբալ խնդիրները համաձայնություն և համագործակցություն են պահանջում, անկախ ազգային սահմաններից։ Չափազանց հաճախ է ԱԽ–ն արգելափակման մեջ հայտնվում, երբ կարևոր որոշումներ ընդունելու կարիք կա»,-հայտարարել է նա:

Փոփոխությունների անհրաժեշտության մասին խոսել է նաև Ռուսաստանի նախագահ Վլադիմիր Պուտինը, այլապես, նրա կարծիքով, «կարելի է ընդարմանալ»։ 

Հակամարտությունները պետք է լուծվեն միայն խաղաղ ճանապարհով. Լավրով

ՌԴ առաջնորդը միաժամանակ ընդգծել է, որ պետք է պահպանել գլխավորը՝ ՄԱԿ–ի Անվտանգության խորհրդի մշտական անդամների վետոյի իրավունքը, թեև Արևմուտքը պնդում է, որ այն չեղարկվի:

Իսկ, թե ինչով է այն կարևոր աշխարհում կայունության պահպանման համար՝ դիտեք տեսանյութում:

0
թեգերը:
Անգելա Մերկել, Վլադիմիր Պուտին
Ըստ թեմայի
ՄԱԿ-ի գլխավոր քարտուղարը կոչով դիմել է Երևանին ու Բաքվին
ԱՄՆ պետքարտուղարության օրինագծում տեղ է գտել հստակ ձևակերպում` Լեռնային Ղարաբաղ. Մակունց
Ադրբեջանը չի հետևում ՄԱԿ-ի հրադադարի կոչին. Եկեղեցիների համաշխարհային խորհրդի արձագանքը
Որն է COVID-19–ից մահացության ամենաբարձր ցուցանիշ ունեցող երկիրը. ՄԱԿ–ի տվյալները