Հայուհի. արխիվային լուսանկար

Ինչպես կարելի է արևի երկրում արևից պաշտպանել դեմքի մաշկը. օգտակար խորհուրդներ մասնագետից

492
(Թարմացված է 23:00 17.06.2020)
Ամռանն արևի ճառագայթներն առավել ագրեսիվ են։ Սակայն բազմաթիվ կանայք և աղջիկներ տարվա այս եղանակին նույնպես ստիպված են ակտիվ կենսակերպ վարել։ Sputnik Արմենիան ներկայացնում է, թե այս ժամանակահատվածում ինչ պրոցեդուրաներ է պետք անել մաշկը պաշտպանելու համար։

Լիլիթ Հարությունյան, Sputnik Արմենիա

Արևոտ Հայաստանում ամառը դեռ նոր է սկսվել։ Մարդկային հոգին ուրախանում է, մաշկը` տուժում։ Ձգվածության զգացում, պիգմենտային հետքերի առաջացում, ակնեի սրացում. և սա դեռ խնդիրների ամբողջական ցանկը չէ, որոնց ստիպված բախվում ենք շոգին։

Sputnik Արմենիայի հետ զրույցում մաշկաբան–կոսմետոլոգ, էսթետիկ բժշկության ոլորտի մասնագետ Արմինե Շաղբաթյանն ասել է` ինչպես կանխել նման խնդիրների առաջացումն ու մաշկի համար գրագետ խնամք ապահովել։

Նախևառաջ պետք է պաշտպանվել արևից

Ամենակարևոր խորհուրդը, որ տալիս ենք կանանց և աղջիկներին ամռան շրջանում, արևապաշտպան կրեմների օգտագործումն է։ Դրանք իհարկե շատ տարբեր են։ Ընդհանրապես, մենք խորհուրդ ենք տալիս ընտրել հայտնի ապրանքանիշների դեղատնային կոսմետիկա, որոնք ներկայացվում են որպես դերմատոկոսմետիկա, բավական երկար պատմություն ունեն և ապացուցել են իրենց արդյունավետությունն ու անվտանգությունը։

Люди на улицах Еревана в невыносимую жару
© Sputnik / Andranik Ghazaryan
Շոգ Երևան

Սակայն, իհարկե, ամենալավ տարբերակը կրեմի ընտրության հարցում մասնագետի հետ խորհրդակցելն է. այն պետք է ընտրվի մաշկի տեսակից ելնելով, դրա համար սկզբնական փուլում կոսմետոլոգը հետազոտություն կանցկացնի։

Չէ՞ որ մաշկը կարող է լինել չոր, ճարպոտ, շատ զգայուն, կարմրությունների, հիպերպիգմենտացիայի հակված և այլն։ Իսկ համավարակով պայմանավորված դիմակների մշտական կրման պայմաններում չեն բացառվում նաև ալերգիկ ռեակցիաները։ Առավել ևս, որ դա մեկանգամյա պրոցեդուրա չէ. արևապաշտպան կրեմը օգտագործում են ամեն օր և նույնիսկ օրը մի քանի անգամ։ Եթե խնամքի միջոցը սխալ է ընտրված, նույնիսկ ամենալավ ապրանքանիշը փրկություն չէ։

Երևանում կարելի է օգտագործել SPF 15-30 պարունակող կրեմներ, սակայն, բնության գրկում կամ սար բարձրանալիս SPF–ն պետք է լինի ոչ պակաս, քան 50։ Միևնույն ժամանակ, պետք է հաշվի առնել, որ այն պետք է բավական հաստ շերտով քսել և կրկնել պրոցեդուրան որոշ ժամանակ անց։

Չմոռանաք խոնավացնելու մասին

Խոնավեցումը ևս չպետք է անտեսվի։ Այս դեպքում նույնպես կրեմը գերադասելի է ընտրել մասնագետի օգնությամբ, սակայն ամռան համար ավելի հարմար են թեթև բաղադրություն ունեցող միջոցները, օրինակ` հեշտ ներծծվող կրեմ–գելերը։

Не стесняйтесь наносить SPF-крем зимой, так как ваша кожа нуждается в защите от солнца круглый год
© Depositphotos / Fotodom
Օգտագործեք SPF կրեմ

Պայքար դիմակների և ձեռնոցների դեմ. ինչպես խնամել ձեռքերի և դեմքի մաշկը

Ի դեպ, շատ լավ խառնուրդներ կան, որոնք միաժամանակ և՛ խոնավացնում են, և՛ պաշտպանում արևից։ Կան նաև երեք բաղադրիչ ունեցող կրեմներ. խոնավացման և պաշտպանության հետ մեկտեղ դրանք կարողանում են թաքցնել մաշկի անհարթությունները։

Նուրբ մաքրում

Մաշկի խնամքի հիմնական միջոցների շարքում ամռանը պետք է անպայման լինեն մաքրող միջոցները։ Բայց, միևնույն ժամանակ, դրանք չպետք է ագրեսիվ լինեն, չպետք է պարունակեն թթուների բարձր կոնցենտրացիա, որոնք թեփազատում են մաշկը։ Ամռան շրջանում եղջերաշերտի վնասումը որևէ լավ բանի չի հանգեցնի, քանի որ մենք կխախտենք Աստծու տված այն շերտը, որը մեզ պաշտպանում է ուլտրամանուշակագույն ճառագայթումից և մաշկի աղտոտումից։

Кофе содержит множество веществ, положительно влияющих на состояние кожи
© Depositphotos / Fotodom
Սուրճը պարունակում է բազմաթիվ նյութեր, որոնք դրական են ազդում մաշկի վրա

Մասնագետը խորհուրդ չի տալիս նաև սկրաբներ օգտագործել։ Սկրաբ կարելի է օգտագործել միայն այն դեպքում, երբ մաշկը ճարպոտ է։ Սակայն պետք է ընտրել առավելագույնս նուրբ սկրաբ, որը դեմքը չի վնասի։

Իսկ եթե մաշկի վրա առկա են բորբոքումներ, ապա սկրաբն ընդհանրապես արգելված է, քանի որ այն բորբոքումը կտեղափոխի նաև մաշկի առողջ հատվածի վրա։

Հայկական իժի թույնը բուժում է մաշկի քաղցկեղը. չորս կանոն` թունավոր օձին զանազանելու համար

Դեմքը մաքրելու համար կարելի է օգտվել նաև գեղեցկության սրահում առաջարկվող պրոցեդուրաներից։ Սեզոնային պիլինգները, օրինակ, բացարձակապես չեն խաթարում մաշկի ջրալիպիդային շերտը և թեփ չեն առաջացնում։

Կօգնե՞ն արդյոք բնական միջոցները

Շաղբաթյանը կողմ չէ կոսմետոլոգիայում սննդամթերքի օգտագործմանը։ Բանն այն է, որ մաշկը բնությունից օժտված է արտաքին գործոնների դեմ կայուն պաշտպանությամբ։ Արտաքին այդ պատնեշին` եղջերաշերտին, ստիպել որևէ բան անցկացնել իր միջով` այնքան էլ հեշտ է։ Այստեղ մի շարք գործոնների համադրություն է անհրաժեշտ։

Куда пойти на спа-процедуры в Ереване?
© Photo : Unsplash
Երևանում որտեղ գնալ սպա պրոցեդուրաների

«Եվ եթե բնական պաշտպանիչ շերտը վնասված չէ, պարզապես վարունգի կտորներ դնելը (թեև դա շատ թարմացնող և հաճելի է), կամ դեղնուց ու մեղր քսելը հազիվ թե որևէ բան տա բացի հավանական ալերգիկ ռեակցիաներից», – ասում է նա։

Ավելի շատ ջուր խմեք

Շատ ջուր խմելը, հատկապես ամռան տապին, միայն օգտակար է ձեր մաշկի համար։ Որպես կանոն` ջրի ծավալը հաշվարկվում է մարմնի քաշով, և գոնե այդ 30 միլիլիտրը մեկ կիլոգրամի համար պետք է պահպանել։

Питьевой фонтанчик
© Sputnik / Andranik Ghazaryan
Մաքուր ջուր

Միևնույն ժամանակ, շատերը դժվարանում են մեծ քանակությամբ ջուր խմել։ Այդ դեպքում մեր զրուցակիցը խորհուրդ է տալիս ջրի մեջ մի քանի կաթիլ կիտրոնի հյութ ավելացնել։

Բնական աղբյուրի ջրի օգտակար հատկությունները

Բնական աղբյուրի ջուրը գերազանց թարմացնում և խոնավացնում է մաշկը շոգի ժամանակ։ Այն շպարված դեմքին ցողելն անօգուտ է, արդյունավետ է մաքուր մաշկի դեպքում կամ նույնիսկ արևապաշտպան կրեմ օգտագործելուց հետո։

Источник Джермаджур
Բնական աղբյուրի ջուր
492
թեգերը:
կոսմետիկա, ամառ, արև, մաշկ
Ըստ թեմայի
Եթե ամուսնացել ես հայի հետ... օտարերկրացի կանայք պատմում են իրենց ամուսինների մասին
Հայկական «էֆեկտ»․ համացանցի ամենակենսուրախ զույգերը հետևորդներին ստիպում են ժպտալ
«Անշարժացած» հայ աղջիկը հաղթանակ է բերել լեհ Տոմեկին. մի լուսանկարի պատմություն
Դաքայի մարգարիտը. ինչպես է բենգալյան ընտանիքը պահպանում հայկական եկեղեցին
Pop it

Միֆ և իրականություն. ի՞նչ պետք է իմանան հայ ծնողները «Pop it» խաղալիքների մասին

37
(Թարմացված է 19:36 17.06.2021)
Ճանաչված հոգեբան Անի Խուդոյանը Sputnik Արմենիայի հետ զրույցում մանրամասն ներկայացրել է ծնողներից շատերին մտահոգող խաղերի, երեխաների ագրեսիայի առաջացման հիմնական պատճառների մասին և ոչ միայն։

Վերջին ամիսներին Հայաստանում թրենդային են դարձել ամբողջ աշխարհում հայտի «Pop it» խաղալիքները, որոնք նախատեսված են երեխաների նյարդերը թուլացնելու համար։ Սակայն համացանցում այս խաղալիքների հանդեպ ծնողների կարծիքները խիստ հակասական են։ Օրեր շարունակ Facebook սոցիալական ցանցի հայկական տիրույթի մի շարք խմբերում ծնողներն ահազանգում են, որ նշված խաղալիքները «խիստ վտանգավոր» են երեխաների համար և խանգարում են ուղեղի բնականոն աշխատանքին։

Sputnik Արմենիան խաղալիքի օգուտների և վնասների մասին խոսել է հոգեբանական գիտությունների թեկնածու, հոգեբան Անի Խուդոյանի հետ։

«Երբ մարդու հոգին լարված է, մարմինը փորձում է հանգստացնել այն։ Շատերն անգիտակցաբար կրկնվող գործողություն են անում, որպեսզի լարվածությունը թուլացնեն։ Ելնելով այդ առանձնահատկությունից խաղալիք արտադրողները ստեղծել են Pop it–ն ու դրա նման խաղալիքներ, որոնք նյարդերը հանգստացնող ազդեցություն ունեն»,–ասում է հոգեբանը։

Նրա խոսքով` այլ հարց է, թե արդյո՞ք երեխաներն այնքան լարված իրավիճակում են, որ անհրաժեշտ է նրանց նյարդերը թուլացնել։

Игрушка-антистресс Попит
© Sputnik / Andranik Ghazaryan
Pop it

«Ես փորձել եմ մի փոքր հետազոտություն անել այն ծնողների հետ, որոնց երեխաները խաղում են «Pop it»–ով։ Կարող եմ ասել, որ դա ընդամենը թրենդային խաղալիքի մակարդակից ավել չի անցել ու որևէ բացասական ազդեցություն այս պարագայում դժվար թե նկատվի։ Երեխան ուզում է կամ ունի «Pop it» , որովհետև դրանից ունի իր ընկերը, դասարանցին... Ծնողները փաստում են, որ երեխաներն այդ խաղալիքը 1-2 անգամ օգտագործելուց հետո ուղղակի մի կողմ են դնում, այնուհետև պարզապես ասում, որ իրենք էլ դրանից ունեն։ Կա տեսակետ, մտահոգություն, որ այդ խաղալիքը անջատում է երեխայի ուղեղը, չի թողնում, որ այն լավ աշխատի։ Կարճ ասեմ` դա այն խաղալիքը չէ, որի հետևանքով երեխան կկտրվի աշխարհից։ Ուղղակի եթե երեխայի մոտ նյարդային լարվածություն կա, այս խաղալիքը կարող է թեթև, աննշան դրական ազդեցություն ունենալ»,–նշում է մասնագետը։

Բայց նման խաղալիքները հակացուցուցված են հատուկ կարիքներ ունեցող երեխաներին, որոնք չափազանց դյուրագրգիռ են։

«Օրինակ` աուտիզմով երեխաները ուրախանում են կրկնվող գործողություններից, կարող են ձեռքերը թափահարել, ծափ տալ, նրանց դեպքում նման խաղալիքը հակացուցված է, դա կարող է երեխայի մոտ ստիմային վարքի (ինքնախթանում) առաջացմանը նպաստել, երեխան դրանից ոգևորվում է, ու նորից սկսում են ստիմերը ակտիվանալ»,–զգուշացնում է Խուդոյանը։

Հոգեբանի խոսքով` երեխաների հետ աշխատանքում իրենք էլ են լարվածությունը արհեստականորեն թուլացնող խաղեր կիրառում։

Օրինակ` փուչիկի մեջ ալյուր են լցնում, երեխան լարվածության ժամանակ այն սեղմում–թողնում է, կամ լոբին խառնում են ձավարի հետ, երեխային խնդրում են` դրանք իրարից առանձնացնի և այլն։

Խուդոյանը շեշտում է, որ երեխաների ագրեսիվ վարքի պատճառները պետք է հասկանալ, հետո միայն փորձել նրան օգնել։ Իսկ ամենաառաջին պատճառը հենց ծնողի վարքի ընդօրինակումն է։

«Եթե ծնողը երեխայի հետ բղավելով է խոսում, ապա երեխան կրկնօրինակում է։ Եթե չի կարող ծնողի վրա բղավել, բղավում է ընկերոջ կամ խաղալիքի վրա։ Ամերիկացի հոգեբան Ալբերտ Բանդուրան «Բոբո» տիկնիկի փորձով ապացուցում է, որ երեխան ագրեսիվ վարքը ընդօրինակելու հատկություն ունի. երեխան նստում է մեծ էկրանի դիմաց և նայում, թե ինչպես է մեկ այլ երեխա ծեծում տիկնիկին, դրանից հետո երեխային տալիս են այդ նույն տիկնիկը ու սպասում, թե նա ինչ պետք է անի։ Երեխան սկսում է ծեծել տիկնիկին։ Այսինքն` նախադպրոցական տարիքում երեխայի ընդօրինակման ֆունկցիան շատ զարգացած է»,–ասում է մասնագետը։

Նրա խոսքով` նախ պետք է հասկանալ, թե ծնողների մոտ ինչն է առաջին հերթին ագրեսիա առաջացնում։ Առաջին տեղում համացանցն է, որտեղ կա հսկայական տեղեկատվություն։ Ծնողների մեծ մասը չի տարբերում ճշտված լուրը չճշտվածից, անընդհատ սթրեսի մեջ են ընկնում, դրան գումարվում է երկրի դրությունը, հետպատերազմական իրավիճակը, ընտանեկան խնդիրները և այլն։

Համացանցի պատճառով մի շատ վատ էֆեկտ է տարածվում մարդկանց մեջ` իրենց ընտանիքը լավն է, մերը` վատը։ Օրինակ` երբ կինը համացանցում տեսնում է ինչ–որ մեկին ամուսնու հետ ջերմ գրկախառնված, մտածում է, որ ինքն այդպիսի նկար չի կարող հրապարակել, որովհետև գուցե բավարար սիրված չէ, ու նրա մոտ արդեն սթրես է սկսվում։ Այդ պահին մարդու մոտ ներքին չարություն է կուտակվում։

Հոգեբանը բացատրում է, որ ստեղծված իրավիճակը իրականում շատ հեշտ է հաղթահարել։ Պետք է ընդամենը դուրս գալ համացանցից և ժամանակը հատկացնել սեփական երեխային, ընտանիքին, իսկ համացանցը օգտագործել որպես կարճ ժամանակում տեղեկություն ստանալու միջոց։

Մասնագետի խոսքով`երկրորդ կարևոր գործոնը, որը ազդում է երեխայի վրա, նրա նայած մուլտֆիլմներն են, յութուբյան տեսանյութերը։

«Ցանկացած մուլտֆիլմ, տեսանյութ կարող է ունենալ բացասական հետևանք, եթե ծնողը չի բացատրում երեխային դրա իմաստը։ Եթե երեխայի համար մուլտֆիլմ եք միացնում ու գնում եք ձեր գործերն անելու, ու երեխան 2-3 ժամ նայում է, օրինակ, թե ինչպես է Մաշան («Մաշան և արջը» մուլտֆիլմի գլխավոր հերոսը ) չարություններ անում, ապա նա անգիտակցաբար դա կրկնելու է, բայց եթե ծնողը նստի երեխայի կողքին, բացատրի, թե ինչն է ճիշտ, ինչը` սխալ, ապա երեխան վատ բանը չի անի։ Այստեղ կրկին պետք է խոսել Ալբերտ Բանդուրան «Բոբո» տիկնիկի երկրորդ փորձից, որի ժամանակ ծնողը երեխային բացատրում է, որ մյուս երեխան սխալ է անում, երբ ծեծում է տիկնիկին, ու երբ տեսանյութից հետո երեխային նույն տիկնիկը տալիս են, նա այլևս տիկնիկին չի ծեծում»,–բացատրում է Խուդոյանը։

Հոգեբանը երեխաների ագրեսիայի 3–րդ պատճառը համարում է համակարգչային «կռիվ–կռիվ» խաղերը, որոնք ուղղակի չեն կարող ագրեսիա չառաջացնել։ Իհարկե դրա հակատեսությունն էլ կա. որոշ մասնագետներ նշում են, որ երեխաները խաղի միջոցով դուրս են հանում իրենց ագրեսիան, բայց հետազոտություններն այլ բան են ցույց տալիս։

Փաստ է, որ միայն 6-7 տարեկանում է երեխայի մոտ ձևավորվում տրամաբանական մտածողությունը, ու նա սկսում է ինքնուրույն վերլուծություններ անել, թե որն է ճիշտ, որը` սխալ, բայց մինչ այդ, երեխային պետք է օգնել։ Երեխայի դաստիարակության համար բաց թողնված տարիները, ոչ բավարար ուշադրությունը անդառնալի հետևանքներ կարող են ունենալ։

Ինչպես ազատվել սթրեսից ու նյարդային լարվածությունից․ 6 արդյունավետ միջոց

37
թեգերը:
Խաղ, հոգեբան, ծնող, երեխա, Հայաստան
Ըստ թեմայի
Ո՞րն է երեխայի սեռական դաստիարակության սահմանը. պարզաբանում է հոգեբանը
Կոմունիկատորի վստահելիություն. հոգեբանն ասել է` որ դեպքերում են մարդիկ տրվում ասեկոսեներին
Ինչ հոգեբանական խնդիրներ կարող է առաջացնել կորոնավիրուսը. պարզաբանում է մասնագետը
Գառնի

Ցերեկային ժամերին խուսափեք արևի ուղիղ ճառագայթներից. եղանակի տեսություն

13
(Թարմացված է 16:48 18.06.2021)
Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։

ԵՐԵՎԱՆ, 19 հունիսի – Sputnik. ՀՀ ԱԻՆ «Հիդրոմետ» ծառայությունից զգուշացնում են, որ առաջիկա 5 օրերին Արարատյան դաշտում և նրա նախալեռներում, Սյունիքի հովտային շրջաններում, Վայոց Ձորի նախալեռներում, լեռնային առանձին շրջաններում սպասվում է բարձր կարգի հրդեհավտանգ իրավիճակ։

Ինչպես կարելի է մուտք գործել Ռուսաստան ԱՊՀ երկրներից. նոր կանոններ

Ուլտրամանուշակագույն ճառագայթման ինտենսիվությունը սպասվում է նորմայից բարձր: Խորհուրդ է տրվում ժամը 11:00-ից մինչև 17:00-ն ընկած ժամանակահատվածում խուսափել արևի ուղիղ ճառագայթներից:

Եղանակի կանխատեսում
Եղանակի կանխատեսում

Հանրապետության տարածքում հունիսի 19-23-ը սպասվում է առանց տեղումների եղանակ։ Քամին հարավ-արևմտյան է՝ 5-10 մ/վ արագությամբ: Օդի ջերմաստիճանն էապես չի փոխվի:

«Տաշիր» ընկերությունների խումբը պատասխանել է Ադրբեջանի գխավոր դատախազությանը

Երևան քաղաքում հունիսի ևս 19-23-ը սպասվում է առանց տեղումների եղանակ: Մայրքաղաքում հունիսի 19–ի գիշերը կլինի 20-22 աստիճան տաքություն, իսկ ցերեկային ժամերին կգրանցվի +36...+38 աստիճան։

13
թեգերը:
Արցախ, շոգ, Երևան, եղանակ, Հայաստան
թեմա:
Եղանակը Հայաստանում
Արմեն Չարչյան

Չարչյանն ընդունել է ձերբակալման օրը գործընկերների հետ ունեցած զրույցի փաստը. Աբրահամյան

0
Դատախազը միջնորդություններ է ներկայացրել ԿԸՀ, որպեսզի Չարչյանի նկատմամբ քրեական հետապնդում իրականացնելու համաձայնություն ստանան։

ԵՐԵՎԱՆ, 19 հունիսի – Sputnik. «Իզմիրլյան» բժշկական կենտրոնի տնօրեն Արմեն Չարչյանն ընդունել է ձերբակալման օրը առավոտյան գործընկերների հետ ունեցած զրույցի փաստը։ Տեղեկությունը հայտնում է գլխավոր դատախազի խորհրդական Գոռ Աբրահամյանը։

Ավելի վաղ հայտնի էր դարձել, որ բժշկական հաստատության ղեկավարի կողմից տվյալ կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում ձերբակալվել է 2021թ. հունիսի 20-ին կայանալիք ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը:

«Քրեական գործով ձեռք բերված բավարար ապացույցներով հաստատվել է ձայնագրության մեջ առկա դեպքի փաստն ու բովանդակությունը։ Չարչյանն ընդունել է զրույցի փաստը»,– Facebook–ի իր էջում գրել է Աբրահամյանը։

Նա նշել է` քրեական գործի նախաքննության օրինականության նկատմամբ հսկողություն իրականացնող դատախազն օրենքով սահմանված կարգով ՀՀ կենտրոնական ընտրական հանձնաժողով միջնորդություններ է ներկայացրել նրա նկատմամբ քրեական հետապնդում հարուցելուն և նրան ազատությունից զրկելուն համաձայնություն տալու վերաբերյալ՝ հաշվի առնելով այն հանգամանքը, որ վերջինս հանդիսանում է ԱԺ պատգամավորության թեկնածու:

 

0