Նիկոլ Փաշինյանն ու Իլհամ ալիևը, արխիվային լուսանկար

Նիկոլ Փաշինյանը Իլհամ Ալիևին կոչ է արել կառուցողական մոտեցում ցուցաբերել

102
(Թարմացված է 20:49 18.06.2020)
Փաշինյանն Ալիևից պահանջել է հրապարակային համաձայնվել նախկինում առաջ քաշած իր բանաձևին․ այն է՝ Արցախի հարցի որևէ կարգավորում պետք է ընդունելի լինի Արցախի ժողովրդի համար, Հայաստանի ժողովրդի համար, և Ադրբեջանի ժողովրդի համար:

ԵՐԵՎԱՆ, 18 հունիսի – Sputnik․ Հայաստանի վարչապետ Նիկոլ Փաշինյանը Ադրբեջանի նախագահ Իլհամ Ալիևին կոչ է արել կառուցողական մոտեցում ցուցաբերել։ ՀՀ վարչապետի մամուլի ծառայությունը հայտնում է, որ Փաշինյանը և Ալիևը մասնակցել են Արևելյան գործընկերության գագաթնաժողովի տեսակոնֆերանսին։ Վերջինիս մասնակցել են նաև Եվրոպական խորհրդի նախագահ Շառլ Միշելը, Եվրոպական հանձնաժողովի նախագահ Ուրսուլա Ֆոն Դեր Լայենը, Արևելյան գործընկերության մասնակից պետությունների՝ Բելառուսի, Վրաստանի, Ուկրաինայի, Մոլդովայի առաջնորդները, Գերմանիայի կանցլեր Անգելա Մերկելը, Ֆրանսիայի նախագահ Էմանուել Մակրոնը, Ավստրիայի կանցլեր Սեբաստիան Կուրցը, Նիդերլանդների վարչապետ Մարկ Ռուտեն, եվրոպական այլ պետությունների առաջնորդներ:

Փաշինյանն իր ելույթում ասել է, որ կորոնավիրուսի համավարակի պայմաններում տարածաշրջանում լարվածությունը մեծացնելու ցանկացած փորձ խիստ անպատասխանատու է և պետք է դատապարտվի միջազգային հանրության կողմից:

«Այս համատեքստում, ԵԱՀԿ Մինսկի խմբի համանախագահության մոտեցումներին համահունչ ԵՄ շարունակական հավասարակշռված դիրքորոշումը Լեռնային Ղարաբաղի հակամարտության հարցում շատ կարևոր գործոն է մեր տարածաշրջանում խաղաղության և կայունության պահպանման համար», -նշել է Փաշինյանը։

Տեսակոնֆերանսի ընթացքում վարչապետն արձագանքել է Ադրբեջանի նախագահի՝ փաստերը խեղաթյուրող և անհիմն հայտարարությանը: Մասնավորապես, Նիկոլ Փաշինյանն ընդգծել է այդ երկրի իշխանությունների կողմից մինչ այժմ իրականացվող ռասիստական քաղաքականությունը՝ օրինակ բերելով Հունգարիայում հայ սպա Գուրգեն Մարգարյանին քնած ժամանակ կացնով սպանած Ռամիլ Սաֆարովին հերոսացնելու քայլը:

Պուտին-Ալիև հեռախոսազրույց․ Ադրբեջանի նախագահը չի մասնակցի Մոսկվայի ռազմական շքերթին

Փաշինյանը շեշտել է, որ Լեռնային Ղարաբաղի ժողովուրդը սեփական ապագան կառուցելու իր որոշման մեջ հաստատակամ է և պատրաստ պաշտպանելու իր անվտանգությունը՝ համարժեք արձագանքելով ցանկացած ոտնձգության:

Վարչապետը ևս մեկ անգամ կոչ է արել Ադրբեջանի նախագահին կառուցողական մոտեցում ցուցաբերել, և ի վերջո, հրապարակային համաձայնել նախկինում առաջ քաշած իր բանաձևին, այն է՝ Արցախի հարցի որևէ կարգավորում պետք է ընդունելի լինի Արցախի ժողովրդի, Հայաստանի ժողովրդի և Ադրբեջանի ժողովրդի համար:

«Միակ պաշտոնյան, որ շնորհավորեց ինձ, Տեր-Պետրոսյանն էր». ինչի մասին էր խոսում Հեյդար Ալիևը

102
թեգերը:
Ադրբեջան, բանաձև, Իլհամ Ալիև, Նիկոլ Փաշինյան, Հայաստան
Ըստ թեմայի
Բնակարաններ սպայական անձնակազմին, զինհաշմանդամներին և ոչ միայն. Արցախի նախագահի խոստումը
Ադրբեջանը փոքր-ինչ հանդարտվել է. քանի՞ կրակոց է արձակվել Արցախի ուղղությամբ
Ադրբեջանը հերթական ապատեղեկատվությունն է տարածել. Արցախի ՊՆ–ն պատասխանել է
Ադրբեջանին զսպելու մեխանիզմներն ավելի կկատարելագործվեն. Դավթյանն Արցախում է
Յուրի Կոտենոկ

«Հայ բժիշկները պահպանեցին ոտքս». Արցախում վիրավորված Յուրի Կոտենոկին վիրահատել են Երևանում

338
(Թարմացված է 16:09 23.10.2020)
Արցախում վիրավորված և Երևանում բուժման մեջ գտնվող ռուս լրագրող Յուրի Կոտենոկը պատմել է վիրահատության ու հայ բժիշկների արհեստավարժության մասին։

ԵՐԵՎԱՆ, 23 հոկտեմբերի - Sputnik. «Сегодня.ру»–ի գլխավոր խմբագիր Յուրի Կոտենոկը, որը ծանր վնասվածքներ էր ստացել Շուշիի Ղազանչեցոց եկեղեցու հրետակոծության հետևանքով, այսօր վիրահատվել է Երևանի «Էրեբունի» բժշկական կենտրոնում: Ոտնաթաթի բարդ վիրահատությունը տևել է երեք ժամ։ Sputnik Արմենիան զրուցել է Կոտենոկի հետ։

«Վիրահատությունն իրականացրեց բուժկենտրոնի միկրովիրաբույժների բրիգադը՝ Հայաստանի առաջատար միկրովիրաբույժներից մեկի՝ Արմեն Հովհաննիսյանի գլխավորությամբ», - ասաց նա։

Ասիստենտները եղել են միկրովիրաբույժ Իզաբելլա Տիգրանյանը և պլաստիկ վիրաբույժ Արամ Բորոյանը, անեսթեզիոլոգը` Արմեն Վարոսյանը։ Նրա խոսքով՝ հայ բժիշկները բառի բուն իմաստով պահպանել են նրա ոտքը, քանի որ ոտնաթաթի վրա հսկայական վնասվածք է եղել։ Բժիշկները փոխպատվաստել են հյուսվածքները, որպեսզի փակեն բաց մասը։ Կատարվել է բավականին բարդ նյարդավիրաբուժական վիրահատություն։

Բժիշկների գնահատմամբ՝ վիրահատությունը հաջող է անցել։ Կոտենոկը շատ շնորհակալ է հայ բժիշկներին։ Հիմա գլխավոր խնդիրը վերականգնվելն է, ուժ հավաքելն ու աշխատանքը շարունակելը։

«Նրանք իսկական պրոֆեսիոնալներ են, մեծատառով մարդիկ։ Այստեղ բազմաթիվ վիրավորներ են բուժվում, և բավականին կարճ ժամանակահատվածում նրանց ոտքի են կանգնեցնում»,– ասաց լրագրողը։

  • Վիրահատություն
    Վիրահատություն
    © Photo
  • Վիրահատություն
    Վիրահատություն
    © Photo
  • Վիրահատություն
    Վիրահատություն
    © Photo
1 / 3
© Photo
Վիրահատություն

Հիշեցնենք, որ հոկտեմբերի 8-ին Շուշիի Սուրբ Ղազանչեցոց եկեղեցու գնդակոծության ժամանակ վիրավորվել էին ռազմական մեկնաբան Յուրի Կոտենոկը, «Ռուսաստանի սպաներ» պորտալի հատուկ թղթակից Լևոն Արզանովը և նրանց ուղեկցող Հրանտ Բալադյանը: Ավելի ուշ Արզանովին և Բալադյանին Մոսկվա էին տեղափոխել «Ռոսիա» կառավարական ինքնաթիռով:

«Մեր փրկությունն իսկական հրաշք է». Կոտենոկը` Արցախի պատերազմի առանձնահատկության մասին

338
թեգերը:
վիրահատություն, Յուրի Կոտենոկ, Երևան, Հայաստան
Ըստ թեմայի
Շուշիում վիրավորված լրագրողը պատմել է` ինչպես է փոքրիկ հայուհին խնամել ու մխիթարել իրեն
«Զգում էի, որ մահանում եմ, աղոթում էի». ռուս լրագրողը պատմել է իր վիրավորվելու մասին
Ոստիկանություն

Իրավիճակն անհանդուրժելի է. ՀՀ ոստիկանությունն անցնում է ուժեղացված ծառայության ռեժիմի

294
(Թարմացված է 15:31 23.10.2020)
Ոստիկանությունը զգուշացնում է` անվտանգության կանոնները խախտողներն անխտիր ենթարկվելու են վարչական պատասխանատվության։

ԵՐԵՎԱՆ, 23 հոկտեմբերի – Sputnik. Կորոնավիրուսով վարակվածների թվի կտրուկ աճի պատճառով ՀՀ ոստիկանությունն այսօրվանից անցնելու է ուժեղացված ծառայության ռեժիմի: Տեղեկությունը տարածել է ոստիկանության մամուլի ծառայությունը։

«Ոստիկանությունը մեր երկրի սահմաններին մարտական գործողությունների սկսվելուց հետո էլ, չնայած գործառույթների ընդլայնմանն ու գերծանրաբեռնվածությանը, շարունակել է համավարակի տարածման դեմ ուղղված գործողությունները: Միևնույն ժամանակ, նկատի ունենալով հանրության հոգեբանական վիճակը՝ ոստիկանությունը հնարավորինս ձեռնպահ է մնացել իրավազանցներին վարչական պատասխանատվության ենթարկելուց՝ վստահելով հասարակության բարձր ինքնագիտակցությանը և բավարարվելով զգուշացումով ու հորդորով:Ցավոք, պարզվում է, մեր որոշ քաղաքացիներ թյուր ըմբռնում ունեն քաղաքացիական պարտքի և հանրային ինքնահսկողության մասին և բացահայտ անտեսում են անվտանգության կանոնների պահպանումը, ինչի հետևանքով կտրուկ աճել է կորոնավիրուսով հիվանդացողների թիվը»,– գրված է հայտարարության մեջ:

Ոստիկանությունը նշում է` սա այսօր ոչ միայն հանրային առողջության, այլև ազգային անվտանգության հարց է, որովհետև լուրջ խնդիրներ է ստեղծում առանց այն էլ գերծանրաբեռնված բուժհաստատությունների համար:

«Նման իրավիճակն անհանդուրժելի է: Ոստիկանությունն այսօրվանից այս ուղղությամբ անցնելու է ուժեղացված ծառայության ռեժիմի: Ողջ ծավալով իրականացվելու են հակահամավարակային անվտանգության կանոնների վերահսկման բոլոր գործառույթները: Անվտանգության կանոնները խախտողներն անխտիր կենթարկվեն վարչական պատասխանատվության՝ տուգանքի տեսքով:

Ոստիկանությունը կոչ է անում ըմբռնումով մոտենալ այսպիսի գործողությունների անհրաժեշտությանը և ոստիկանների հետ համագործակցությամբ նպաստել մեր հաղթանակին նաև այս ճակատում:

Հայաստանում կորոնավիրուսով վարակվածների թիվը հասել է 73310–ի։

Հիշեցնենք` մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Ծանրաբեռնվածությունն ավելանում է. Հայաստանում կորոնավիրուսի ցուցանիշները մտահոգիչ են

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Առողջապահության նախարարությունը ահազանգում է` կորոնավիրուսը կարող է վնասել մեր զինվորներին

Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասարակական վայրերում դիմակ դնելու պահանջը շարունակում է գործել:

294
թեգերը:
Ոստիկանություն, կորոնավիրուս, Հայաստան
Ըստ թեմայի
Արդյո՞ք COVID-19-ը հաղթահարածները պետք է պատվաստվեն գրիպի դեմ. պատասխանում են բժիշկները
Ռեսուրսներն ավելացվում են, բայց դրանք անսահմանափակ չեն. կորոնավիրուսի թվերը մտահոգիչ են
COVID-19-ով հիվանդ 186 մարդու համար Հայաստանի հիվանդանոցներում տեղ չկա
Արցախ

Ադամ Շիֆը կոչ է արել ԱՄՆ-ին ճանաչել Արցախի անկախ հանրապետությունը

198
(Թարմացված է 00:39 24.10.2020)
ԱՄՆ կոնգրեսականի խոսքով` Ալիևին ու Էրդողանին պետք է հասկացնել, որ եթե շարունակեն պատերազմը, ապա կտեսնեն դրա հետևանքները։ Միացյալ Նահանգները «ձեռքերը ծալած» չի նստելու։

ԵՐԵՎԱՆ, 23 հոկտեմբերի - Sputnik. ԱՄՆ կոնգրեսական Ադամ Շիֆը պաշտոնապես կոչ է արել ԱՄՆ-ին ճանաչել Արցախի անկախ հանրապետությունը։

«Տևական ժամանակ է, ինչ Թուրքիան և Ադրբեջանը պատերազմում են Արցախի դեմ, գնդակոծում խաղաղ բնակավայրերը, եկեղեցիները` ռազմական հանցագործություններ կատարելով: Ադրբեջանի գրոհները հետ մղելիս զոհվել է ավելի քան 800 զինծառայող, ինչպես նաև տասնյակ խաղաղ բնակիչներ »,–իր կոչում նշել է Շիֆը։

Շիֆի խոսքով` ձմռան շեմին Արցախի քաղաքացիական բնակչության կեսից ավելին ստիպված է տեղափոխվել այլ քաղաք, քնել մեքենաներում կամ բաց դաշտերում ՝ ընկնող ռումբերից հեռու։

Նա նշում է, որ չեն կարող թույլ տալ, որ պատմությունը կրկնվի։ Եթե Ադրբեջանն ու Թուրքիան որոշել են պատերազմել, ապա ԱՄՆ–ն, ԵԱՀԿ Մինսկի խումբը և միջազգային հանրությունը պետք է հստակ ասեն, որ Ադրբեջանն ու Թուրքիան իրենց ցանկություններում հաջողության չեն հասնելու։
Ալիևին ու Էրդողանին պետք է հասկացնել, որ եթե շարունակեն պատերազմը, ապա կտեսնեն դրանց հետևանքները։ Միացյալ Նահանգները «ձեռքերը ծալած» չի նստելու։

Շիֆն իր աջակցությունն է հայտնել Հայաստանին և Արցախին։

Ավելի վաղ` հոկտեմբերի 6-ին, Շիֆը Facebook–ի իր էջում գրել էր, որ Լոս Անջելեսը սատարում է Հայաստանի և Արցախի ժողովրդին։

Նշենք, որ Ադամ Շիֆը հայտնի է իր հայամետ դիրքորոշմամբ։ Նա լավ հարաբերություններ ունի հայ համայնքի ներկայացուցիչների հետ ու հաճախ է մասնակցում Հայոց ցեղասպանության զոհերի հիշատակի ոգեկոչմանը նվիրված միջոցառումներին։

198
թեգերը:
ԱՄՆ, Ադամ Շիֆ, Արցախյան պատերազմ
Ըստ թեմայի
Միլանի քաղաքային խորհուրդը ճանաչել է Արցախի անկախությունը
Ֆրանսիայի Վիեն քաղաքը ճանաչեց Արցախի անկախությունը
ԱՄՆ կոնգրեսականը կոչ է արել ճանաչել Արցախի անկախությունը