ԵՐԵՎԱՆ, 11 հունիսի – Sputnik. Ճանաչված դերասան Մկրտիչ Արզումանյանը շարունակում է մարդկանց ժպիտ պարգևել։Նա Instagram-ի իր էջում նոր ու զվարճալի լուսանկար է հրապարակել` անդրադառնալով այս օրերին ամենաքննարկվող թեմաներից մեկին՝ դիմակ դնելուն։ Լուսանկարում դերասանը հոգևորականի հագուստով է, իսկ նրա դիմաց զինված երիտասարդներ են կանգնած, որոնք մարմնավորում են ուժային կառույցների ծառայողներին։
«Տղերք ջան, դիմակս լվացած ա, չորանում ա»,- լուսանկարին կից գրել է դերասանը։
Посмотреть эту публикацию в Instagram
Արզումանյանի երկրպագուները բազմաթիվ զվարճալի մեկնաբանություններ են գրել։
«Մկո ջան, ԱԱԾ-ին ասա` կարող ա քիչ են, մի քանի հոգու էլ ուղարկեն», «Մկո, աղոթիր, թող ԱԱԾ-ն կորի», «1000 հոգի մեկի՞ դեմ, արդար չի»,-կատակել են հետևորդները։
«Ինքնամեկուսացած»․ Մկրտիչ Արզումանյանը զվարճալի լուսանկար է հրապարակել
Ավելի վաղ հրապարակած լուսանկարում դերասանը հումորով անդրադարձել էր համավարակի ժամանակ հարսանիք կազմակերպելուն։ Լուսանկարում հարսանիքի մասնակիցները ոչ թե մարդիկ էին, այլ մանեկենները։
Посмотреть эту публикацию в Instagram
Հիշեցնենք` մարտի 16–ից Հայաստանում արտակարգ դրություն է։ ՀՀ կառավարությունը մայիսի 14–ի նիստում որոշեց կորոնավիրուսի կանխարգելման նպատակով հայտարարված արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։ Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։
Հունիսի 4-ից արտակարգ դրության ընթացքում կիրառվող կարգավորումներում փոփոխություններ և լրացումներ են ուժի մեջ մտել։ Այսուհետ բոլոր հանրային բաց տարածքներում դիմակ դնելը պարտադիր է։ Հանրային բաց վայրերում դիմակ կարող են չդնել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։
«Երկու ոտքով աչք մտնելուց առաջ». Մկրտիչ Արզումանյանի «խորհրդանշական» լուսանկարը
