Անի Վարդանյան

«Բռնակալ ամուսինն արգելո՞ւմ է». երգչուհի Անիվարը խոսել է կարիերան ավարտելու մասին

194
(Թարմացված է 20:45 14.06.2020)
Երկրպագուներից ոմանք ենթադրել են, որ երգչուհու որոշումը կապված է ընտանեկան հանգամանքների, մասնավորապես, Անիի ամուսնու հետ։ Սակայն աղջիկն այդ հարցին անսպասելի պատասխան է տվել...

ԵՐԵՎԱՆ, 11 հունիսի – Sputnik. Ռուսաստանցի հայտնի երգչուհի և բլոգեր Անի Վարդանյանը, որը հանդես է գալիս Անիվար կեղծանունով, հայտարարել է, որ ուզում է հանգստանալ։

Աղջիկն Instagram–ի իր էջում լուսանկար է հրապարակել, որին կից գրել է. «...Շատերը հարցնում են, թե ուր եմ կորել։ Թանկագիններս, ինձ մոտ ամեն ինչ լավ է։ Պարզապես... չգիտեմ ինչից սկսեմ։ Որոշել եմ թողնել կարիերաս, երկար եմ մտածել... Ինչ–որ պահի իմ հայտնի դառնալը փոխեց ինձ ներքուստ, ես դարձա ավելի բռնկվող և նյարդային։ Ինձ պարզապես հանգիստ է պետք»։

Посмотреть эту публикацию в Instagram

Публикация от Ани Варданян ▪️ Ani Vardanyan (@anivar77)

Փոփ երգչուհու խոսքով` իրեն ժամանակ է պետք, որ գլուխ հանի սեփական անձից։ Միևնույն ժամանակ Անին չի բացառել,  որ մի օր կվերադառնա։

«Անկեղծ՝ չգիտեմ, ինչ է լինելու։ Պարզապես ինձ ժամանակ է պետք։ Ես անչափ սիրում եմ ձեզ։ Հույս ունեմ, որ կհասկանաք ինձ», –եզրափակել է 24-ամյա երգչուհին։

Աղջկա երկրպագուները թեև ըմբռնումով են մոտեցել նրա որոշմանը, բայց չեն թաքցրել իրենց տխրությունը. «Ափսոս։ Պաշտում եմ Ձեզ և Ձեր երգերը։ Հուսով եմ` կվերադառնաք և մեզ կրկին կուրախացնեք Ձեր արվեստով...», «վերադարձե՛ք», «ոչ, իսկապես ափսոս է», «այնքան լավն ես դու, շատ եմ սիրում երգերդ, մի՛ թող, ամեն ինչ կկարգավորվի և հիանալի կլինի»,- գրել են նրանք։

Посмотреть эту публикацию в Instagram

Публикация от Ани Варданян ▪️ Ani Vardanyan (@anivar77)

Իսկ բաժանորդներից ոմանք ենթադրել են, որ Անիի որոշումը կարող է կապված լինել ընտանեկան հանգամանքների հետ. «Հավանաբար, ամուսինն է դեմ։ Արևելյան ընտանիքներում կինն ընդհանրապես երեխաների հետ տանն է նստում։ Ափսոս, իհարկե։ Ձեր երգերն ու ձայնը սիրում են»։

Սակայն երգչուհին բաժանորդներին հավասիացրել է, որ ամուսինն իր որոշման հետ որևէ կապ չունի և նշել, որ միայն կողմ է իր կարիերային և աջակցում է իրեն:

Посмотреть эту публикацию в Instagram

Публикация от Ани Варданян ▪️ Ani Vardanyan (@anivar77)

Անի Վարդանյանի կատարմամբ հնչել են «Աստղն է ընկնում», «Հոգու դատարկություն», «Էլ չեմ սիրում», «Իմ դրախտն ես», «Կառևանգեմ» երգերը։  Առաջին քայլերը դեպի մեծ բեմ նա արել է դեռևս 2014 թվականին. աղջիկը Вконтакте–ի իր էջում սկսել էր տեղադրել հայտնի կատարողների երգերի քավեր–տարբերակները (Տիմատի, Եգոր Կրիդ, Պոլինա Գագարինա, L'One, Բումբոքս, Jah Khalib), որոնք արժանացել են ոչ միայն նրա ընկերների, այլև անծանոթ օգտատերերի հավանությանը։

Посмотреть эту публикацию в Instagram

Публикация от Ани Варданян ▪️ Ani Vardanyan (@anivar77)

2017 թվականի հոկտեմբերին Անին ամուսնացել է Կարեն անունով մի երիտասարդի հետ։ Մեկ տարի անց զույգը տղա է ունեցել, որին անվանել են Իվան։

194
թեգերը:
երգ, երկրպագու, երգչուհի
Ըստ թեմայի
Երգչուհի Լիլուն յուրահատուկ ձևով է հայտնել ապագա փոքրիկի սեռը․ տեսանյութ
Հնարամիտ հայի Instagram-ի ֆիլտրերը գրավել են Բեյոնսեին. երգչուհին պատասխանել է Արմենին
Ադելի անձնական մարզիչը բացահայտել է, թե հանուն ում է երգչուհին 45 կգ քաշ կորցրել
«Գոնե մեկ անգամ էլ ասեի, որ ամենագեղեցիկն ես...». երգչուհի Էմմիի հուզիչ գրառումը
Նորածին

Արցախում վնասվածքներ ստացած հղի կինն արու զավակ է լույս աշխարհ բերել. լուսանկար

178
(Թարմացված է 01:50 29.09.2020)
Ադրբեջանական հրետակոծության հետևանքով վնասվածքներ ստացած մայրը հերոսի անուն է տվել որդուն։ Հանրայինը հրապարակել է փոքրիկի լուսանկարը։

ԵՐԵՎԱՆ, 28 սեպտեմբերի – Sputnik. Արցախում հակառակորդի կրակից վիրավորված հղի կինն արու զավակ է ծնել։ Տեղեկությունը հայտնում է Հայաստանի հանրային հեռուստաընկերությունը։

Տղայի անունը Մոնթե են դրել։ 

Արցախի ՄԻՊ Արտակ Բեգլարյանը այսօր լրագրողների հետ ունեցած ճեպազրույցում հայտնել էր, որ ադրբեջանական զինված ուժերի կողմից քաղաքացիական բնակավայրերի հրետակոծության հետևանքով մեկ հղի կին էլ է լրջորեն վիրավորվել:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 36 անօդաչու թռչող սարք, 47 տանկ և ՀՄՄ, 2 ինժեներական զրահատեխնիկա։ Մարտերը շարունակվում են։

Մոմեր, քաղցրեղեն, երգ. ապաստարանում նշել են 6-ամյա Արմենի ծննդյան տոնը. տեսանյութ

Հակառակորդի կրակոցների հետևանքով զոհվել են 58 զինծառայողներ և 2 քաղաքացիական անձինք։ Հայկական կողմը շուրջ 200– վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

Գարեգին Բ–ն կմեկնի Արցախ. Պարգև արքեպիսկոպոս

178
թեգերը:
նորածին, երեխա, հղի, Հայաստան
Ըստ թեմայի
«Երեկ որ տվել էին, թե Մռավը գրավել են, այսօր արդեն հարձակվել են». Արցախի նախագահ
Հրապարակվել են Ադրբեջանի խոցված ԱԹՍ-ի լուսանկարները
Հայկական ԶՈՒ–ն հակառակորդի ինքնաթիռ է խոցել
«Զվարթնոց» օդանավակայան

Ո՞ր դեպքում 18-55 տարեկան տղամարդիկ կարող են մեկնել Հայաստանից

933
(Թարմացված է 21:43 28.09.2020)
Հայաստանում հայտարարված ռազմական դրությունը սահմանափակում է տղամարդկանց ելքը երկրից։

ԵՐԵՎԱՆ, 28 սեպտեմբերի – Sputnik. Հայաստանից մեկնելու ցանկություն ունեցող 18-55 տարեկան տղամարդիկ պետք է զինկոմի թույլտվություն ունենան։ Տեղեկությունը Sputnik Արմենիայի հարցմանն ի պատասխան հայտնեցին  ՀՀ Քաղաքացիական ավիացիայի կոմիտեից։

«Տեղեկացնում ենք, որ համաձայն  27.09.2020 թվ. կառավարության 1586֊Ն որոշման հայտարարված է մինչև 55 տարեկան անձանց զորակոչ, ՀՀ  արական սեռի 18-55 տարեկան քաղաքացիների ելքը թույլատրվում է միայն տարածքային զինկոմների գրավոր թույլտվությամբ»,–նշված է պատասխանում:

Հիշեցնենք` սեպտեմբերի 27-ի ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 36 անօդաչու թռչող սարք, 47 տանկ և ՀՄՄ, 2 ինժեներական զրահատեխնիկա։ Մարտերը շարունակվում են։

Աստված վերևում է, մենք՝ ներքևում. կամավորական խմբերը շարունակում են Շիրակից մեկնել Արցախ

Հակառակորդի կրակոցների հետևանքով զոհվել են 58 զինծառայողներ և 2 քաղաքացիական անձինք։ Հայկական կողմը շուրջ 200– վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

ՀՀ ԶՈւ–ն կասեցրել է թշնամու գրոհը և ի վիճակի է մարտերը տեղափոխել Ադրբեջանի տարածք

933
թեգերը:
տղամարդ, «Զվարթնոց» օդանավակայան, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Բաքուն ազգային փոքրամասնություններին օգտագործում է որպես կենդանի պատնեշ. Վարդանյան
Գարեգին Բ–ն կմեկնի Արցախ. Պարգև արքեպիսկոպոս
Հակառակորդը սկսել է լայնամասշտաբ հարձակում Արաքսի հովտի և Մատաղիս-Թալիշ հատվածներում
Հրապարակվել են Ադրբեջանի խոցված ԱԹՍ-ի լուսանկարները
Ադրբեջանական զրահատեխնիկա, արխիվային լուսանկար

Ինչ կորուստներ ունի Ադրբեջանը

432
(Թարմացված է 01:50 29.09.2020)
Ադրբեջանն իր իսկ սանձազերծած ռազմական գործողությունների հետևանքով արդեն 80 զրահատեխնիկայից է զրկվել։

ԵՐԵՎԱՆ, 29 սեպտեմբերի – Sputnik. ՀՀ ՊՆ մամուլի խոսնակ Շուշան Ստեփանյանը Facebook–ի իր էջում ներկայացրել է հայկական զինուժի կողմից խոցված սպառազինությունը սեպտեմբերի 28-ի, ժամը 21:00-ի դրությամբ։ 

Ըստ այդմ` Ադրբեջանը կորցրել է 19 ԱԹՍ, 4 ուղղաթիռ, 80 զրահատեխնիկա, 1 ինքնաթիռ և 82 ավտոտրանսպորտ։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 2 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, հայկական կողմը հայտնում է, որ հակառակորդի կորուստներն անհամեմատ մեծ են։

Արցախում և Հայաստանում ռազմական դրություն և համատարած զորահավաք է հայտարարվել։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

432
թեգերը:
ինքնաթիռ, անօդաչու թռչող սարք, տանկ, Ադրբեջան
թեմա:
Ադրբեջանական ագրեսիա Արցախում. 2020