ԵՐԵՎԱՆ, 4 մայիսիս - Sputnik. Հայաստանում կորոնավիրուսով վարակվածներից 391-ը գտնվում է ծանր վիճակում։ Տեղեկությունը այսօր կառավարության նիստում հայտնեց ՀՀ առողջապահության նախարար Արսեն Թորոսյանը։
Ի դեպ, նիստը հեռավար վարում է ՀՀ վարչապետ Նիկոլ Փաշինայնը, որի մոտ կորոնավիրուս էր հայտնաբերվել հունիսի 1-ին։
«Բացի այդ, 391 պացիենտից, ունենք նաև 59` ծայրահեղ ծանր վիճակում գտնվողներ։ Իսկ թոքերի արհեստական օդափոխության սարքին միացված է 15 պացիենտ»,– ասաց նախարարը։
Նրա խոսքով` հիվանդանոցները շարունակում են ծանրաբեռնված աշխատել, քանի որ հոսպիտալացման դեպքերի քանակը չի նվազում։ Թորոսյանը հայտնեց` յուրաքանչյուր օրվա կտրվածքով վարակակիրների 15-20 տոկոսը հոսպիտալացման կարիք է ունենում։
Կորոնավիրուսի տարածման դինամիկան Հայաստանում
Առողջապահության նախարարը նշեց, որ կա վտանգավոր տենդենց`կորոնավիրուսի դեպքեր են հայտնաբերվում արտադրական կոլեկտիվներում։ Ըստ նրա` փորձը ցույց է տալիս, որ դրանից հետո կարող է բռնկում լինել, ինչպես եղավ այս ընթացքում։
Հայաստանում կորոնավիրուսով վարակվածների թիվը հասել է 11 221–ի։
Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։
Այն կտևի մինչև հունիսի 13–ը` ժամը 17։00–ը ներառյալ։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։
ՀՀ–ում կորոնավիրուսից մահացածներից մեկը 44 տարեկան կին է. նոր տվյալներ
Այսօրվանից՝ հունիսի 4-ից, արտակարգ դրության ընթացքում կիրառվող կարգավորումներում փոփոխություններ և լրացումներ են ուժի մեջ մտել։ Այսուհետ բոլոր հանրային բաց տարածքներում դիմակ կրելը պարտադիր է։ Հանրային բաց վայրերում դիմակ կարող են չկրել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։
