Ավետիս Ղուկասյանի տունը

Առյուծներով տան գաղտնիքը. ինչպես մեծահարուստ Ղուկասյանը փորձանք բերեց իր ընտանիքի գլխին

524
(Թարմացված է 10:57 04.06.2020)
Որտեղի՞ց է ի հայտ եկել Գագիկ Ծառուկյանի` առյուծների հանդեպ սերը։ Գուցե նավթարդյունաբերող Ավետիս Ղուկասյանի՞ց, որը Թբիլիսիում մի արտասովոր տուն էր գնել։ Ավելի մանրամասն` Sputnik Գրուզիայի սյունակագիր Եկատերինա Միկարիձեի նյութում։

Թիֆլիսցի ճարտարապետ Պաուլ Շտերնը, որը ճարտարագիտական տարատեսակ հնարքների սիրահար էր, նախագծելով առանձնատունը, առյուծների քանդակներ «նստեցրեց» դարպասի դիմաց։ Առյուծներն այդպես նստած մնացին մինչև նոր ժամանակներ։ Հետո իշխանափոխություն տեղի ունեցավ, ազգայնացում, և տունը կոմունալ բնակարանի վերածվեց։ Գիշատիչները փոխեցին իրենց բնակության վայրն ու որոշակի ժամանակ պահպանում էին կենդանաբանական այգու մուտքը։ Քաղաքային նոր իշխանությունները կենդանաբանական այգին ավելի բնական միջավայր համարեցին առյուծների համար, քան Պլեխանովի պողոտան։

Տան վերակառուցումից հետո, որն ավարտվեց 2010 թվականին, առյուծները վերադարձան հայրենի օջախ։ Ավելի ստույգ` նախկին տարածք վերադարձան նրանց հետնորդները, ավելի երիտասարդները։ Նրանց քանդակեցին նախկինների տեսքով։ Սակայն, ի տարբերություն նրանց նախնիների, նորերը չգիտես ինչու անհամաչափ էին ստացվել։

Дом Аветиса Гукасяна на Михайловском проспектe в Тбилиси
© Sputnik / Ekaterina Mikaridze
Առյուծներով տունը

Ավելի տրամաբանական կլիներ, որ հենց հներին վերադարձնեին, բայց առյուծները վաղուց անհետացել էին կենդանաբանական այգու «նստավայրից»։ Թե ուր են գնացել և ում ձեռքով, հայտնի չէ։ Այժմ նրանց տեղը զբաղեցնում են կատվազգիների ընտանիքի այլ ներկայացուցիչները` վագրերը։

Ռեստավրացիան ավարտվեց 9 տարի առաջ։ Տունը վերականգնելու ժամանակ բանվորները վնասեցին ջրամատակարարման համակարգը, և հիմա նկուղում միշտ ջուր է կուտակվում։ Երկրորդ հարկում բնակարանի վաճառքի մասին հսկայական հայտարարություն է փակցված։ Տանտերերը քաղաքում չեն։ Հարևաններն ասում են, որ բնակարանն արդեն տասը տարի է` վաճառքի է դրված։

Կնոջ համար նվերն ու չարաբաստիկ կտակը

Պաուլ Շտերնը մի քանի տարի է աշխատել տան հատակագծի վրա։ Այլ կերպ չէր էլ կարող լինել, որովհետև նախատեսում էր առանձնատունը նվիրել կնոջը։ Շտերնը տան սկզբնական հատակագիծը կազմել էր 1889 թվականին։ Մեկ տարի անց արդեն եղած հատակագծին ավելացրեց փողոց դուրս եկող տաղավարների, երկաթյա ցանկապատի և դարպասների գծագրերը։ Իսկ 1893 թվականին կազմեց բակաշենքի գծագիրը, որն այդպես էլ մնաց թղթի վրա։

«Նա գնաց Երևան, բայց սիրտը մնաց այստեղ». տան պատմությունը, որտեղ ապրել է Փարաջանովը

Թե ինչ եղավ հետո, անհայտ է։ Շտերնի նախնական ծրագրերը խափանվեցին ինչ–ինչ հանգամանքների պատճառով, և նա հանկարծ վաճառեց տունը։ Գնորդը Բաքվից Թիֆլիս եկած նավթագործ Ավետիս Ղուկասյանն էր։ Մեծահարուստն այդ տուն տեղափոխվեց կնոջ` Աննայի և միակ դստեր` Թամարի հետ։ Ղուկասյանը ֆինանսավորում էր մի շարք ուսումնական նախագծեր։ Տներ, դպրոցներ էր կառուցում, օգնում աղքատներին։ Օրինակելի հավատացյալի պես մեծ նվիրատվություններ էր անում եկեղեցուն։ Ամենայն հայոց կաթողիկոս Մկրտիչ Խրիմյանը (Խրիմյան Հայրիկ) Թիֆլիս կատարած այցի ժամանակ հենց Ղուկասյանի տանն է հյուրընկալվել։

Дом Аветиса Гукасяна на Михайловском проспектe в Тбилиси
© Sputnik / Ekaterina Mikaridze
Ավետիս Ղուկասյանի տունը

Պատմության շարունակությունը մի փոքր սարսափ է առաջացնում։ Զուր չեն ասում, որ մեր մտքերն ու խոսքերը նյութականանալու հատկություն ունեն, և մեր յուրաքանչյուր ասածը կարող է մեր դեմ շրջվել։ Այդպես էլ եղավ այս ընտանիքում։

Դեռ կյանքի օրոք Ավետիք Ղուկասյանը կտակ կազմեց, որում կտակներին հատուկ ոճով ասվում էր. «Ես` Բաքվի առաջին գիլդիայի վաճառական Ավետիս Բալայի Ղուկասյանս, գտնվելով առողջ բանականության և ամուր հիշողության մեջ, իմ մահվան դեպքում անում եմ հետևյալ կարգադրությունները»: Այնուհետև թվարկվում է կտակատարների և միակ դստեր' Թամարի, մինչև նրա չափահաս դառնալը, խնամակալների անունները: Առաջին կտակատար և խնամակալ է նշանակում իր կնոջը` Աննա Հովհաննեսի Ղուկասյանին, եղբորորդուն` Պողոս Հովսեփի Ղուկասյանին, և աներորդի` Մնացական Հովհաննեսի Խունունցին, որոնց պատվիրում է իր մահվանից հետո մեկ տարվա ընթացքում որոշել իր ունեցած ամբողջ հարստությունը, որը կարգավորելուց հետո առաջնորդվել կտակում նշված կարգադրությունների համաձայն։

Ըստ կտակի` նրա մահից հետո 600 հազար ռուբլի պիտի փոխանցվեր Մայր աթոռ սուրբ Էջմիածնին, 10 հազար ռուբլի` Փարիզի հայկական դպրոցին, 5 հազար ռուբլի` Երուսաղեմի հայկական եկեղեցուն և 6 հազար ռուբլի` հրատարակչությանը։ Գործարարը նախատեսել էր նաև Ավետիք Ղուկասյանի անվան բարձրագույն ուսումնական հաստատություն կառուցել Հայաստանում։

Дом Аветиса Гукасяна на Михайловском проспектe в Тбилиси
© Sputnik / Ekaterina Mikaridze
Ավետիս Ղուկասյանի տունը

Մնացած գումարը` շուրջ 1.5 մլն ռուբլի, նա ժառանգել էր կնոջն ու դստերը` Թամարին։ Սակայն կտակում մի էական մանրուք կար։ Նշվում էր, որ եթե դուստրը մինչև չափահաս դառնալն ամուսնանա այլ ազգի ներկայացուցչի հետ, ոչինչ չի ստանա։ Իսկ դստեր վաղաժամ վախճանի դեպքում գումարը կարող են փոխանցել հայկական եկեղեցուն։ Հայրն իր կտակով փորձանք բերեց ընտանիքի գլխին։

Շուշիի նավթային հսկան կյանքից հեռացավ 1902 թվականին։ Նրա կինն ու դուստրը մահացան չպարզված հանգամանքներում 1914 թվականին։ Վարկածներից մեկի համաձայն` կանայք նավաբեկության զոհ դարձան։ Ասում են, Ղուկասյանները սեփական նավ ունեին, որը կանգնում էր Բաթումի նավահանգստում և կրում էր Թամարի անունը։

Ողջ ունեցվածքը, ինչպես և կտակի մեջ էր գրված, անցավ հայկական պատրիարքարանին։ Ընտանիքին հուղարկավորեցին Թբիլիսիի հայոց վանքի բակում գտնվող ընտանեկան գերեզմանատանը։ Սակայն 37 թվականին Բերիայի հրամանով վանքն ավերվեց, իսկ գերեզմանները ոչնչացվեցին։ Որոշ տեղեկությունների համաձայն` ազգայնացումից առաջ տունը պատկանում էր Ավետիք Ղուկասյանի զարմիկին։ Ավելի ուշ այնտեղ բնակեցրին ՆԿՎԴ–ի (Ներքին գործերի ժողովրդական կոմիսարիատ) աշխատակիցներին։

Միայն թե չքանդվի. Թիֆլիսի հայկական այս շենքը բազմաթիվ գաղտնիքներ ունի

524
թեգերը:
տուն, Թբիլիսի
Ըստ թեմայի
Ինչպես հայ նկարիչը Թբիլիսիի այցեքարտը դարձավ
Հայկական հետքը Վրաստանում
Ներսիսյան ճեմարանը` Թիֆլիսի հայ մտավորականության դարբնոցը
Հիվանդանոց, արխիվային լուսանկար

ՀՀ–ում կորոնավիրուսի հետևանքով 2 մարդ է մահացել

101
Առողջապահության նախարարությունը որոշ տեղեկություններ է հայտնում է կորոնավիրուսի զոհ դարձածների մասին։

ԵՐԵՎԱՆ, 5 օգոստոսի – Sputnik. Վերջին մեկ օրում Հայաստանում կորոնավիրուսը երկու մարդու կյանք է խլել։ Տեղեկությունը հայտնում է ՀՀ առողջապահության նախարարությունը։

«Պացիենտները եղել են 64 (տղամարդ) և 63 (կին) տարեկան։ Վերջիններս ունեցել են ուղեկցող խրոնիկական հիվանդություններ։»,– նշված է հաղորդագրության մեջ։

Նշենք, որ կորոնավիրուսով վարակվածների թիվը վերջին մեկ օրում ավելացել է 288–ով և դարձել 39 586։  Փաստացի բուժում է ստանում 7 738 մարդ, կատարվել է 170 012 թեստավորում, առողջացել են վարակվածներից 30 850–ը։ Գրանցվել է մահվան 770 (+2) դեպք։ Կորոնավիրուսով վարակված, բայց այլ հիվանդության պատճառով մահացածների թիվը չի ավելացել (228)։

ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրա

101
թեգերը:
Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Հայտնի են կորոնավիրուսով վարակվելու 5 հիմնական աղբյուրները
Գիտնականները պարզել են, որ կորոնավիրուսը կարող է խիստ ազդել լսողության վրա
Կորոնավիրուսից մահացել է հայտնի հնագետ Գրիգոր Արեշյանը
Հիվանդանոց, արխիվային լուսանկար

288 նոր դեպք` 1 օրում. Հայաստանում կորոնավիրուսով վարակվածների թիվը դարձավ 39 586

177
(Թարմացված է 11:16 05.08.2020)
Հիվանդությունների կանխարգելման և վերահսկման ազգային կենտրոնը հրապարակել է Հայաստանում կորոնավիրուսային հիվանդության վերաբերյալ նոր տվյալներ։

ԵՐԵՎԱՆ, 5 օգոստոսի — Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 288–ով և դարձել 39 586։ Տեղեկությունը հայտնում է Հիվանդությունների կանխարգելման և վերահսկման ազգային կենտրոնը:

Կենտրոնի տվյալներով` այս պահին փաստացի բուժում է ստանում 7 738 մարդ (-192), կատարվել է 170 012 թեստավորում (+1848), առողջացել են վարակվածներից 30 850–ը (+478)։ Գրանցվել է մահվան 770 (+2) դեպք։ Կորոնավիրուսով վարակված, բայց այլ հիվանդության պատճառով մահացածների թիվը չի ավելացել (228)։

Օգոստոսի 4-ի տվյալներով՝ ՀՀ-ում կորոնավիրուսով վարակվածների թիվը 39 298 էր:

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջիններս պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը։

Եթե չլիներ «կորոնան». ինչպես թագավարակը հայերին ստիպեց գներ իջեցնել ու ճանաչել Հայաստանը

177
թեգերը:
հիվանդ, համավարակ, վարակ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսի հրաշքը. կեսդարյա բաժանումից հետո ԱՄՆ-ում քույրերը գտել են միմյանց
Կորոնավիրուսից մահացել է հայտնի հնագետ Գրիգոր Արեշյանը
ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրա
Ալեն Սիմոնյան

Ալեն Սիմոնյանը գտնվել է հոգեկան խիստ հուզմունքի վիճակում. ՀՔԾ

0
(Թարմացված է 11:37 05.08.2020)
ԱԺ փոխխոսնակից և «Ադեկվադ» կուսակցության նախագահ Արթուր Դանիելյանի միջև տեղի ունեցած միջադեպից հետո վերջինիս խուլիգանության մեղադրանք է առաջադրվել։

ԵՐԵՎԱՆ, 5 օգոստոսի – Sputnik. Հատուկ քննչական ծառայությունը հայտնում է, որ ԱԺ փոխխոսնակ Ալեն Սիմոնյանի և «Ադեկվադ» կուսակցության նախագահ Արթուր Դանիելյանի միջև տեղի ունեցած միջադեպի առթիվ հարուցված քրեական գործով նախաքննությունն ավարտվել է։

Ձեռք բերված բավարար ապացույցների համակցությամբ պարզվել է, որ 2020թ. ապրիլի 29-ին՝ ժամը 17:05-ի սահմաններում, ՀՀ Ազգային ժողովի փոխխոսնակ Ալեն Սիմոնյանը, Երևան քաղաքի «Մալիբուի այգի» կոչվող զբոսայգու տարածքում նկատելով «Ադեկվադ» կուսակցության նախագահ Արթուր Դանիելյանին, բարևել է նրան, սակայն վերջինս, ներկա անձանց մոտ սեփական անձի առավելությունն ընդդգծելու նպատակով, սեռական բնույթի հայհոյանք է տվել ԱԺ փոխխոսնակի և նրա ծնողների հասցեին, որից անակնկալի եկած Ա.Սիմոնյանը ճակատով մեկ անգամ հարվածել է Ա. Դանիելյանի քթին, ինչից հետո նրանց միջև քաշքշուկ է սկսվել:

Այդ ժամանակ Ա. Դանիելյանը, անտեսելով հասարակական վայր հանդիսացող Երևանի մարդաշատ զբոսայգում գտնվելու հանգամանքը, տարածքում իրենց հանգիստն անցկացնող մարդկանց ներկայությամբ, խուլիգանական դրդումներով, շարունակել է դիտավորությամբ կոպիտ կերպով խախտել հասարակական կարգը՝ հասարակության նկատմամբ դրսևորելով անթաքույց արհամարհանք և բացահայտ անհարգալից վերաբերմունք, սեռական բնույթի հայհոյանքներ է տվել ՀՀ օրենսդիր իշխանության մարմնի ղեկավար աշխատողի հասցեին և բռնություն գործադրել նրա նկատմամբ՝ բռունցքով հարվածներ է հասցրել Ա.Սիմոնյանի գլխի շրջանին և մարմնի այլ մասերին՝ պատճառելով մարմնական վնասվածքներ:

«Ջարդել եմ Դանիելյանի քիթը»․ Ալեն Սիմոնյանին սեռական բնույթի հայհոյանք է ուղղվել

Դանիելյանը, անտեսելով իրեն մոտեցած քաղաքացիների` կռիվը դադարեցնելու վերաբերյալ հորդորները, շարունակել է խուլիգանական գործողությունները, որի ընթացքում հարվածներ է հասցրել ԱԺ փոխխոսնակին, ապա հետապնդել արդեն իսկ հեռացող Ա. Սիմոնյանին և նրա հասցեին տվել սեռական բնույթի հայհոյանքներ:

Վերը նշված հանցավոր արարքի կատարման համար Արթուր Դանիելյանին մեղադրանք է առաջադրվել ՀՀ քրեական օրենսգրքի 258-րդ հոդվածի 2-րդ մասով (խուլիգանություն, որը զուգորդվել է անձի նկատմամբ բռնություն գործադրելով կամ դա գործադրելու սպառնալիքով, ինչպես նաև ուրիշի գույքը ոչնչացնելով կամ վնասելով. պատժվում է տուգանքով՝ նվազագույն աշխատավարձի հարյուրապատիկից երեքհարյուրապատիկի չափով կամ կալանքով` մեկից երեք ամիս ժամկետով կամ ազատազրկմամբ` առավելագույնը երկու տարի ժամկետով):

«Նախաքննության ընթացքում պարզվել է, որ Ա.Դանիելյանին հարված հասցնելու պահին Ա. Սիմոնյանը գտնվել է հոգեկան խիստ հուզմունքի վիճակում, որպիսի հանգամանքը հաստատվել է քրեական գործով ձեռք բերված փաստական տվյալներով: Նման պայմաններում 2020թ. հուլիսի 30-ին որոշում է կայացվել Ա.Սիմոնյանի նկատմամբ քրեական հետապնդում չիրականացնելու մասին՝ նրա արարքում հանցակազմի բացակայության հիմքով»,– նշված է ՀՔԾ–ի հաղորդագրության մեջ:

Վարույթն իրականացնող մարմինը, ձեռք բերված ապացույցները բավարար համարելով քրեական գործով մեղադրական եզրակացություն կազմելու և գործը դատարան ուղարկելու համար, այդ մասին հայտնել է տուժողին և նրա ներկայացուցչին, մեղադրյալին ու նրա պաշտպանին՝ նրանց տրամադրելով քրեական գործի նյութերը ծանոթանալու համար:

Ալեն Սիմոնյանի հետ փողոցում «հաշիվներ են պարզել». արյունոտ լուսանկար է հրապարակվել

0
թեգերը:
Հատուկ քննչական ծառայություն (ՀՔԾ), Արթուր Դանիելյան, Ալեն Սիմոնյան, Հայաստան
Ըստ թեմայի
Ալեն Սիմոնյանը պատասխանել է Վատիկանում Հայաստանի նախկին դեսպան Միքայել Մինասյանին
«Ալեն Սիմոնյանը զոհ չէ...». «Ադեկվադը» պահանջում է հրապարակել տեսագրությունը
Մեկ քրեական գործ և դատական երկու հայց. ԱԺ փոխնախագահն իր ընդդիմախոսներից պատիվ է պահանջում