Արայիկ Հարությունյան, արխիվային լուսանկար

Սեռական դաստիարակության մասին պնդումները սուտ են. նախարարը՝ Լանզարոտեի կոնվենցիայի մասին

275
(Թարմացված է 15:31 31.05.2020)
Նախարարը նշել է, որ մանկապղծության դեմ պայքարի կոնվենցիայի 50 հոդվածներից միայն մեկն է առնչվում կրթությանը: Մնացած 49-ը նախատեսված են խստացնելու պայքարը մանկապիղծների դեմ:

ԵՐԵՎԱՆ, 31 մայիսի - Sputnik. Լանզարոտեի կոնվենցիայի մասին հանրության որոշ շրջանակում տարծվող քննադատություններն իրականությանը չեն համապատասխանում: Այս մասին Facebook-ի ուղիղ եթերում այսօր հայտարարեց ՀՀ ԿԳՄՍ նախարար Արայիկ Հարությունյանը:

«Կենվենցիան, ըստ էության, մանկապղծության դեմ պայքարի կոնվենցիա է, որի 50 հոդվածներից 49-ը որևէ առնչություն չունեն կրթության հետ և նախատեսված են խստացնելու պայքարը մանկապիղծների դեմ և պաշտպանելու են մեր երեխաներին մանկապղծությունից»,- ասաց նա:

Հարությունյանը հիշեցրեց, որ Հայաստանն այս կոնվենցիան ստորագրել է դեռ 10 տարի առաջ, բայց նախորդ իշխանություններն այն չեն վավերացրել որոշակի անձնական ու քաղաքական դրդապատճառներից ելնելով:

«Հարց է առաջանում, թե նախորդ իշխանությունները 2010-ին միանալով դրան, ինչու 10 տարի շարունակ չէին վավերացնում: Մի պարզ պատճառով, որ ունեին մարդիկ իրենց շարքերում, (որոնք նաև դատվել են դրա համար) որոնք զբաղվել են մանկապղծությամբ: Նաև որոշակի քաղաքական դրդապատճառներով չէին անդրադառնում այդ հարցին»,- նշեց նախարարը:

«Նորապսակները սեռական կյանքի մասին որտեղի՞ց են իմանում, բիսեդկեքի՞ց». Փաշինյան

Ինչ վերաբերում է կոնվենցիայի շրջանակում նախատեվող կրթական ծրագրերին, նախարարը շեշտեց, որ կոնվենցիայի միակ՝ 6-րդ հոդվածը, որը վերաբերում է կրթությանը նախատեսում է միայն ընդհանուր բնույթի տեղեկություններ տալ երեխաներին, որպեսզի նրանք կարողանան ճանաչել բռնությունը և կարողանան պաշտպանվել:

«Սեռական դաստիարակությանը վերաբերող բոլոր պնդումները սուտ են, նոր դասագրքերի հետ կապված բոլոր պնդումները սուտ են, նոր ծրագրերի հետ կապված բոլոր պնդումները սուտ են»,- վստահեցրեց Հարությունյանը:

Մեջբերելով կոնվենցիայի համապատասխան հոդվածը՝ ԿԳՄՍ նախարարը հանրության ուշադրությունը հրավիրեց այն հանգամանքի վրա, որ երեխաներին սեռական բռնության մասին կրթելը նախևառաջ ծնողների պարտականությունն է, իսկ կրթական համակարգում այն պետք է իրականացվի ծնողների հետ խորհրդակցելով:

Ավելի մանրամասնելով խնդիրը՝ Արայիկ Հարությունյանը նշեց, որ երեխան պետք է տեղյակ լինի փողոցում, համացանցում, ծանոթ ու անծանոթ անձանցից իրեն սպասվող հնարավոր վտանգների մասին, որպեսզի պաշտպանված լինի դրանցից:

Նախարարը հանրությանը կոչ արեց չտրվել սանդրանքների ու չմտահոգվել՝ հավելով, որ կրթական համակարգում թեմայի շուրջ վերապատրաստումներ են իրականացվելու մասնագետների ու հոգեբանների հետ:

Հիշեցնենք` մայիսի 11–ին հակառակ հասարակության շրջանում առկա դժգոհություններին, ՀՀ Ազգային ժողովն ընդունեց դեռևս 10 տարի առաջ ՀՀ այն ժամանակվա իշխանության ստորագրած ու չվավերացրած «Սեռական շահագործումից և սեռական բնույթի բռնություններից երեխաների պաշտպանության մասին» եվրոպական կոնվենցիան:

Կոնվենցիայի նախագծին կողմ քվեարկեց նիստին ներկա 84 պատգամավորներից 79-ը:

Սարգսյան. «Լանզարոտեի կոնվենցիան շատ լուրջ վտանգներ է պարունակում»

«Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կոնվենցիան ստորագրվել է 2007թ. հոկտեմբերի 25-ին:

Հայաստանի Հանրապետությունը կոնվենցիան ստորագրել էր 2010թ. սեպտեմբերի 29-ին, բայց չէր վավերացրել:

Վավերացնելով միջազգային այդ փաստաթուղթը, ՀՀ-ն պարտավորվում է ձեռնարկել օրենսդրական ու այլ փոփոխություններ՝ կյանքի տարբեր ոլորտներում երեխաների հետ շփում ունեցող անձանց հնարավոր ոտնձգություններից երեխաների պաշտպանությունն ու իրավունքների մասին իրազեկումն ապահովելու համար:

Կոնվենցիան նախատեսում է նաև երեխայի անձնական տվյալների պաշտպանության ազգային օրենսդրության ընդունում:

Լանզարոտեի կոնվենցիան վավերացնելը քիչ է, այն պետք է համապատասխանի մեր արժեհամակարգին

275
թեգերը:
սեռական բռնություն, դպրոց, Աշակերտ, Արայիկ Հարությունյան, Լանզարոտեի կոնվենցիա, Հայաստան
Ըստ թեմայի
ԱԺ-ն ընդունեց Լանզարոտեի կոնվենցիան. սեռական դաստիարակությունը կարող է սկսվել դպրոցից
ԱԺ-ն այս տարի չի քննարկի Ստամբուլյան կոնվենցիայի հարցը․ նախարար
Հանուն Ստամբուլյան կոնվենցիայի կաթողիկոսին պատրաստվում են պատժե՞լ. «Հրապարակ»
Երեխաները կսովորեն անկաշկանդ օգնություն խնդրել․ պատգամավորը՝ Լանզարոտեի կոնվենցիայի մասին
Գոհար Ավետիսյան

Գոհար Ավետիսյանի առաջնեկը ծնվել է. լուսանկար

81
(Թարմացված է 00:15 04.07.2020)
Երկրպագուները վաղուց էին սպասում հայտնի դիմահարդարի փոքրիկի ծնվելուն։ Գոհարն էլ ծննդաբերությունից հետո լուսանկար է հրապարակել։

ԵՐԵՎԱՆ, 4 հուլիսի – Sputnik. Հանրահայտ դիմահարդար Գոհար Ավետիսյանը, որին Ռուսաստանում և Հայաստանում հաճախ «մեյքափի գուրու» են անվանում, ծննդաբերել է։

«Բարի գալուստ այս գեղեցիկ աշխարհ, իմ փոքրիկ հսկա, 4 կգ երջանկություն և անիրական սեր առաջին վայրկյանից։ Սա, թերևս, իմ ծննդյան օրվա լավագույն նվերն է (այն կլինի վաղը, բայց ես, միևնույնն է, բոլորին ցանկանում եմ զգալ այդ երջանկությունը)», - գրել է նա Instagram–ում:

Посмотреть эту публикацию в Instagram

Публикация от Goar Avetisyan (@goar_avetisyan)

Մաղթանքներն ու շնորհավորանքները չեն ուշացել։ Մաքսիմ Գալկինը երջանկություն է մաղթել փոքրիկին, իսկ երգչուհի Ժասմինը ապագա տղամարդուն հրահանգել է, որ ամեն օր ու ամեն ժամ ուրախացնի մայրիկին:

«Ուռա։ Շնորհավոր։ Մի հրաշալի հայ էլ ավելացավ»,- գրել է ռեժիսոր Սարիկ Անդրեասյանը:

Գոհար Ավետիսյանը ծնվել է Մարտունիում, նրա ընտանիքը տեղափոխվել է Մոսկվա, երբ Գոհարը մեկ տարեկան է եղել։ Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան 5 միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։

Գոհարն ինքնուրույն է հասել հաջողության։ Նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:

Գոհար Ավետիսյանը տոնական մեյքափի հեշտ ու արագ տարբերակ է առաջարկում․ տեսանյութ

Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը:

2012թ.-ին սկսել է դասախոսել, դիմահարդարման վարպետության դասեր անցկացնել։ Հիմա արդեն հայտնի դիմահարդարը Մոսկվայի կենտրոնում սեփական դպրոց և ստուդիա ունի:

Նշենք, որ առաջին ամուսնուց բաժանվելուց հետո Գոհարը գրեթե կես տարի դեպրեսիվ վիճակում էր։ Ամուսնալուծությունից հետո նա 43 կգ նիհարեց և նոր սեր գտավ։ 

«Ո՞վ կմտածեր, որ...». Գոհար Ավետիսյանի հուզիչ գրառումը

81
թեգերը:
երեխա, Գոհար Ավետիսյան
Ըստ թեմայի
«Որքան գեղեցիկ ես». դիմահարդարման վարպետ Գոհար Ավետիսյանը՝ Վարդայի նոր կերպարի մասին
«Ես քեզ կդարձնեմ ուժեղ». Գոհար Ավետիսյանը հերթական անգամ զարմացրել է երկրպագուներին
Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ
Շորենա Բեգաշվիլի

«Ախ, այդ Բեգաշվիլին». վրացի մոդելը փորձում է նմանվել Քարդաշյանին

40
(Թարմացված է 22:37 03.07.2020)
Որոշ լուսանկարներում, որոնցում գեղեցկուհու դեմքը չի երևում, նրան կարելի է շփոթել Քիմ Քարդաշյանի հետ։ Նույն կազմվածքն է, նույն սև մազերը։

ԵՐԵՎԱՆ, 3 հուլիսի – Sputnik. Հայտնի դերասանուհի և մոդել, Վրաստանի սեքս խորհրդանիշ Շորենա Բեգաշվիլին Instagram–ում նոր լուսանկարներ է հրապարակել, որոնցում կարելի է նմանություն գտնել ամերիկահայ հեռուստաաստղ Քիմ Քարդաշյանի հետ։

Նկարներից մեկում Բեգաշվիլին առօրյա հագուստը համադրել է բարձրակրունկ կոշիկների հետ և նկարվել աշխատասենյակում։

Посмотреть эту публикацию в Instagram

Публикация от Shorena Begashvili (@shorenabegashviliofficial)

Իսկ գեղեցկության սրահ այցելելիս նա ցուցադրել է իր բարակ գոտկատեղը։

Посмотреть эту публикацию в Instagram

Публикация от Shorena Begashvili (@shorenabegashviliofficial)

Բաժանորդները հիացել են մոդելի կազմվածքով ու հաճոյախոսություններ շռայլել նրա հասցեին։

Այս մեկը կարծես պատահական լուսանկար է, բայց միևնույնն է` Շորենան հրաշալի տեսք ունի։

Посмотреть эту публикацию в Instagram

Публикация от Shorena Begashvili (@shorenabegashviliofficial)

Նշենք, որ 37-ամյա դերասանուհին շատ երիտասարդ է երևում։ Նրա գեղեցկության գաղտնիքը ճիշտ սնվելն է, մարզվելն ու մաշկի խնամքը։

Բեգաշվիլին հայ հանրությանը հայտնի է նաև «Պոկեր խաղի կանոններով» ֆիլմով, որտեղ ներկայացել է էպիզոդիկ դերում։

Կարմրահեր Քիմը․ Քարդաշյանն անճանաչելի է դարձել․ լուսանկարներ

40
թեգերը:
մոդել, Շորենա Բեգաշվիլի, Վրաստանի Հանրապետություն
Ըստ թեմայի
Քարդաշյան-Ուեսթ ընտանիքում ներդաշնակություն է․ Քիմը սրտառուչ լուսանկար է հրապարակել
Քիմից հետ չեն մնում․ Քարդաշյան քույրերը նկարվել են բիկինիով
Քիմ Քարդաշյանի ամուսինը «Արարատ» անվանումով կոշիկ է արտադրել. լուսանկար