ԵՐԵՎԱՆ, 27 մայիսի - Sputnik. Ավելի քան 80 մասնագիտություններով սովորող և միաժամանակ աշխատող ուսանողները կարող են վերադարձնել եկամտային հարկը՝ ուսման վարձի փոխհատուցման նպատակով: Այսօր Ազգային ժողովում Կրթության, գիտության, մշակույթի եւ սպորտի նախարար Արայիկ Հարությունյանը նշեց, որ այդ մասնագիտությունների ցանկը այժմ քննարկվում է։
Մի քանի ամիս առաջ «Իմ քայլը» խմբակցության պատգամավորները հանդես եկան աշխատող ուսանողներին ուսման վարձը փոխհատուցելու նախաձեռնությամբ։ Ավելի ուշ որոշվեց սահմանափակումներ մտցնել մի շարք մասնագիտությունների համար։ Ներկայումս քննարկվում է այն 80 մասնագիտությունների ցանկը, որով ուսանում են մագիստրանտներն ու ասպիրանտները։
Դրանցից 42-ը կապված են բնական գիտությունների, ինժեներիայի և մաթեմատիկայի, 11-ը ՝ հայագիտության և հարակից գիտությունների, 11–ը՝ արվեստի, 7–ը ՝ արդյունաբերության և շինարարության, 5–ը ՝ մանկավարժության, 5–ը ՝ սոցիալական պաշտպանության, 4-ը ՝ գյուղատնտեսության հետ:
Դատարկվող գյուղի միակ շրջանավարտը. Չինչինում եկող տարի այդ մեկն էլ չի լինի
Հունիսի 15-20-ը կմեկնարկեն մագիստրատուրայի քննությունները: Մինչև քննությունների մեկնարկը ցանկը պետք է ամբողջացվի։
Հիշեցնենք՝ օրինագծով առաջարկվում է փոխհատուցել սովորող և միաժամանակ աշխատող մագիստրանտների ու ասպիրանտների ուսման վարձերը՝ ի հաշիվ եկամտահարկի:
