Ուղղաթիռը, որով երեխային Երևան են տեղափոխել

Վանաձորի շենքերից մեկի պատուհանից ընկած 9-ամյա երեխայի վիճակը կայունացել է

137
(Թարմացված է 14:11 21.05.2020)
Երկրորդ հարկից ընկած երեխան շարունակում է մնալ «Սուրբ Աստվածամայր» ԲԿ-ի վերակենդանացման բաժանմունքում։

ԵՐԵՎԱՆ, 21 մայիսի – Sputnik. Վանաձորի շենքերից մեկի 2-րդ հարկի պատուհանից ընկած 9-ամյա երեխայի վիճակը կայունացել է։ Դրական լուրը հայտնել է «Սուրբ Աստվածամայր» ԲԿ-ի մամուլի քարտուղար Գևորգ Դերձյանը։

«9–ամյա երեխայի առողջության մեջ նկատվում է դրական դինամիկա: Նա շարունակում է մնալ «Սուրբ Աստվածամայր» ԲԿ-ի վերակենդանացման բաժանմունքում»,–գրել է Դերձյանը։

Հիշեցնենք` դեպքի մասին հայտնի դարձավ մայիսի 15-ին։ Վանաձորի շենքերից մեկի 2–րդ հարկից ընկած երեխայի մոտ առկա էր համակցված վնասվածքներ, գագաթոսկրերի կոտրվածքներ, ծանր աստիճանի գլխուղեղի սալջարդ և մի շարք այլ վնասվածքներ: Նա կոմայի մեջ էր ընկել։

2-րդ հարկի պատուհանից ընկնելուց հետո երեխային տեղի ԲԿ-ում առաջին բուժօգնություն էին ցուցաբերել, որից հետո «Սուրբ Աստվածամայր» ԲԿ-ի բժիշկները նրան ուղղաթիռով տեղափոխել էին Երևան:

Վանաձորի շենքերից մեկի պատուհանից 9 տարեկան երեխա է ընկել

137
թեգերը:
հիվանդանոց, Գևորգ Դերձյան, Վանաձոր, երեխա
Ըստ թեմայի
«Ուզում եմ բժիշկ դառնալ». Գյումրիում ծեծված 13-ամյա աղջիկն արդեն խոսում և շարժվում է
Տավուշում վիրավորված երեխայի առողջական վիճակում դրական դինամիկա կա. մանրամասներ
Գյումրիում ծեծի ենթարկված 13-ամյա Նազելիին տեսակցության է գնացել եղբայրը
Հիվանդանոց, արխիվային լուսանկար

Հայաստանում վերջին մեկ օրում կորոնավիրուսից 8 մարդ է մահացել. մանրամասներ

21
(Թարմացված է 11:21 01.06.2020)
Մահացածներից հինգը տղամարդիկ են, երեքը՝ կանայք։ Արձանագրվել է մահվան ևս 5 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով:

ԵՐԵՎԱՆ, 1 հունիսի – Sputnik. Վերջին մեկ օրում Հայաստանում ևս 8 մարդ է մահացել կորոնավիրուսից։ Տեղեկությունը հայտնում է ՀՀ առողջապահության նախարարությունը։

«Պացիենտները եղել են 81 (տղամարդ), 63 (տղամարդ), 65 (տղամարդ), 73 (կին), 82 (կին), 67 (տղամարդ), 81 (տղամարդ), 69 (կին) տարեկան: Բացի վերջինից, մնացած բոլորն ունեցել են ուղեկցող քրոնիկական հիվանդություններ»,- նշված է նախարարության տարածած հաղորդագրության մեջ:

Նախորդ օրը արձանագրվել է մահվան ևս 5 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 55 է:

ՀՀ կառավարության անդամների մասսայական թեստավորում չի անցկացվի

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 210-ով և հասել 9492–ի։

Երեկ 4 մարդ էր մահացել Covid 19-ից։

21
թեգերը:
համավարակ, Կին, տղամարդ, Մահ, կորոնավիրուս, Հայաստան
Ըստ թեմայի
Հոգեկան առողջության կենտրոնում արձանագրվել է կորոնովիրուսային հիվանդության 8 դեպք
Կորոնավիրուսից մահացել է Սարհատ Պետրոսյանի մայրը՝ Ռուբինա Ղազարյանցը
Մի քանի օրից ՀՀ–ում կսկսվի կորոնավիրուսն ախտորոշող թեստերի արտադրությունը. Փաշինյան
Արցախում ևս երկու մարդու մոտ կորոնավիրուս է հաստատվել
Փաշինյանն ասաց` երբ կորոնվիրուսի հարցով կդիմեն Վրաստանին
«Նորք» ԲԿ

Հայաստանում կորոնավիրուսով վարակվածների թիվը մեկ օրում ավելացել է 210-ով և հասել 9492–ի

218
(Թարմացված է 11:10 01.06.2020)
Հիվանդությունների կանխարգելման և վերահսկման ազգային կենտրոնը ներկայացրել է Հայաստանում կորոնավիրուսային հիվանդության վերջին մեկ օրվա զարգացումները։ Եվս 8 մարդ մահացել են։

ԵՐԵՎԱՆ, 1 հունիսի — Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 210–ով և դարձել 9492–ի։ Տեղեկությունը հայտնում է Հիվանդությունների կանխարգելման և վերահսկման ազգային կենտրոնը:

Այս պահին փաստացի բուժում է ստանում 5896 մարդ, կատարվել է 58668 թեստավորում, առողջացել են վարակվածներից 3402–ը։

Ընդհանուր առմամբ գրանցվել է կորոնավիրուսային հիվանդությունից մահանալու 139 դեպք (+8) և մահվան 55 (+5) անուղղակի դեպք:

Մայիսի 31-ի տվյալներով՝ ՀՀ-ում կորոնավիրուսով վարակվածների թիվը 9282 էր:

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

«Լավագույն միջոցը սթրեսի դեմ». բուժաշխատողների զգացմունքային տանգոն հուզել է օգտատերերին

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

218
թեգերը:
թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Արցախում ևս երկու մարդու մոտ կորոնավիրուս է հաստատվել
Հոգեկան առողջության կենտրոնում արձանագրվել է կորոնովիրուսային հիվանդության 8 դեպք
Կորոնավիրուսից մահացել է Սարհատ Պետրոսյանի մայրը՝ Ռուբինա Ղազարյանցը
Արայիկ Հարությունյան

Արայիկ Հարությունյանը կորոնավիրուսի թեստ է հանձնել

6
(Թարմացված է 11:24 01.06.2020)
Արցախի նախագահ Արայիկ Հարությունյանը մասնակցել է մայիսի 28-ի Առաջին հանրապետության տոնակատարություններին, ինչի հետ կապված կրկնակի թեստավորում է անցել։

ԵՐԵՎԱՆ, 1 հունիսի – Sputnik. ՀՀ վարչապետ Նիկոլ Փաշինյանի կորոնավիրուսով վարակվելու մասին հայտնի դառնալուց հետո, Արցախի նախագահ Արայիկ Հարությունյանը կորոնավիրուսի թեստ է հանձնել, որի արդյունքները հայտնի կլինեն այսօր երեկոյան։ Տեղեկությունը Sputnik Արմենիայի հետ զրույցում հայտնեց Հարությունյանի մամուլի քարտուղար Վահրամ Պողոսյանը։

«Հարությունյանը մեկ անգամ արդեն թեստավորում անցել է, բարեբախտաբար բացասական է եղել արդյունքը։ Բայց կրկնակի թեստավորում ենք անցկացրել, որի արդյունքը հավանաբար հայտնի կլինի օրվա վերջին», - նշեց նա։

Պողոսյանը հավելեց, որ մայիսի 21-ի երդմնակալության արարողությունից  հետո որևէ խնդիր չի առաջացել, բոլոր մասնակիցները թեստավորվել են, և արդյունքները բացասական են եղել։ Կրկնակի թեստավորումը իրականացվում է, քանի որ Հարությունյանը մասնակցել է նաև մայիսի 28-ի Առաջին հանրապետության տոնակատարություններին։

Հայաստանում վերջին մեկ օրում կորոնավիրուսից 8 մարդ է մահացել. մանրամասներ

Նշենք, որ այսօր` հունիսի 1–ի, Նիկոլ Փաշինյանը նշում է իր ծննդյան 45–ամյակը։ ՀՀ վարչապետ Նիկոլ Փաշինյանն ու նրա ընտանիքի անդամները վարակվել են կորոնավիրուսով։ Առաջնագիծ մեկնելուց առաջ մայիսի 31–ին Փաշինյանը որոշել է թեստ հանձնել, և թեստի պատասխանը դրական է եկել։ Նա շարունակելու է աշխատել, բայց  վարչապետի կեցավայրից, որտեղ ապահովված են բոլոր անհրաժեշտ պայմանները։

6
թեգերը:
թեստ, կորոնավիրուս, Արցախի նախագահ Արայիկ Հարությունյան, Արցախ, Լեռնային Ղարաբաղ
թեմա:
Կորոնավիրուսը Հայաստանում և Արցախում
Ըստ թեմայի
Հոգեկան առողջության կենտրոնում արձանագրվել է կորոնովիրուսային հիվանդության 8 դեպք
Կորոնավիրուսից մահացել է Սարհատ Պետրոսյանի մայրը՝ Ռուբինա Ղազարյանցը
Հայաստանում կորոնավիրուսով վարակվածների թիվը մեկ օրում ավելացել է 210-ով և հասել 9492–ի