Գյումրի

Տուգանքը նույնիսկ գյումրեցիներին է ստիպել կարգապահ դառնալ

471
(Թարմացված է 15:33 19.05.2020)
Գյումրեցիները տրանսպորտ են նստում ձեռնոցներով ու դիմակներով: Դժվարություններ կան, բայց անհնազանդ ուղևորներին սաստում է «գրպանին կպչելու» օրենքը:

ԵՐԵՎԱՆ, 20 մայիսի – Sputnik, Արմենուհի Մխոյան. Արդեն երկու օր է` հանրային տրանսպորտն «աշխատում» է դիմակներով, ձեռնոցներով, ալկոգելով: Գյումրեցիները, որոնք սովորաբար դժվարությամբ են ենթարկվում այս կամ այն կանոնին, վերջին օրերին նույնպես կարգապահ են դարձել։ Դիմակների ու ձեռնոցների պահանջը գործում է ինչպես վարորդների, այնպես էլ ուղևորների համար: Գյումրու քաղաքապետարանի Տրանսպորտի բաժնի պետ Արտյոմ Սարգսյանը Sputnik Արմենիայի հետ զրույցում ասաց, որ վարորդներին ու տրանսպորտային միջոցներին վերաբերող պահանջները վերահսկելը հեշտ է, մինչդեռ ուղևորների դեպքում որոշակի խնդիրներ են ծագում։

Второй день подряд общественный транспорт в городе «работает» с масками, перчатками и алкоголем (19 мая 2020). Гюмри
Մուտքը միայն ձեռնոցներով ու դիմակներով

Ավտոբուսներն ու միկրոավտոբուսներն ախտահանվում են, կանգառներում հանրային տրանսպորտի աշխատանքը վերահսկում են ոստիկանական կարգախմբերը:

Второй день подряд общественный транспорт в городе «работает» с масками, перчатками и алкоголем (19 мая 2020). Гюмри
Ավտոբուսներն ու միկրոավտոբուսներն ախտահանվում են

«Գյումրիում հանրային տրանսպորտը շահագործող ՍՊԸ-ները պայմանագիր են կնքել համապատասխան կազմակերպության հետ, համաձայն որի` մեքենաներում օրական երկու անգամ ախտահանման աշխատանքներ են իրականացվում»,-ասաց Սարգսյանը։

Նրա խոսքով` չնայած վարորդները դեռ չեն բողոքել կարգազանց ուղևորներից, բայց առանց դիմակի ու ձեռնոցի տրանսպորտ նստելու փորձ եղել է։

«Վարորդներին ասել ենք, որ չվերցնեն նման ուղևորների: Երեկ մի երիտասարդ է փորձել բարձրանալ միկրոավտոբուս, վիճել է, բայց հաջողվել է նրա մուտքը տրանսպորտ կանխել»,-նշեց Սարգսյանը։

Ըստ պատասխանատուի` դժգոհություններ կան, բայցևայնպես ուղևորները ձեռնոցներ ու դիմակներ կրում են։ Ըստ Սարգսյանի` դա կապված է տուգանքի հետ։ Երեկ ԱԺ–ն առաջին ընթերցմամբ ընդունեց կառավարության առաջարկած նախագիծը, ըստ որի` արտակարգ դրության ժամանակ սահմանված ազատ տեղաշարժի սահմանափակումները խախտողները կտուգանվեն 10 հազար դրամով:

Sputnik Արմենիան փորձեց զրուցել նաև ուղևորների հետ, սակայն միայն նրանցից երկուսը համաձայնեցին պատասխանել մեր հարցերին։

«Աղջիկ ջան, որ գրպաններիս կպան, սաղս էլ կկրենք, ձեռնոց ու դիմակ չէ, պետք եղավ արտահագուստ էլ,-ասաց 25 համարի երթուղու ուղևորներից մեկը, որը չցանկացավ ներկայանալ,– եթե համարում են, որ սա մեր առողջության համար է, ուրեմն պետք է կրենք, միայն թե հարց է՝ հմի էս շոգին տրանսպորտի մեջ դիմակով խեղդելուց ենք մեռնելու, թե կորոնավիրուսից»:

Երիտասարդ Գայանեն էլ, որը նույնպես օգտվում է հանրային տրանսպորտից, մեզ հետ զրույցում ասաց, որ անկախ տուգանքից, ինքն արդեն տևական ժամանակ հետևում է նախարարության հորդորներին։

«Դիմակներ ու ձեռնոցներ կրելը այս պարագայում պարտադրանքով չպետք է լինի, մարդիկ գիտակցելով պիտի անեն, հատկապես` տրանսպորտում։ Զարմանում եմ, որ շատերն ըմբոստանում են ու ոչ միայն իրենք չեն կրում, այլև ծիծաղում են նրանց վրա, ովքեր դիմակով ու ձեռնոցով են տնից դուրս գալիս»,– ասաց նա։

Հավելենք, որ այս պահին Գյումրիում դեռ հաջողվում է ուղևորափոխադրումը նստատեղերի քանակով ապահովել. մի շարք հաստատություններ դեռ չեն աշխատում: Առայժմ Գյումրու հանրային տրանսպորտն աշխատում է ոչ ամբողջական շարժակազմով. չի գործում 14 համարի միկրոավտոբուսային երթուղին, փոխարենը նոր ուղղություն է շահագործվում: Երթուղիների ու շարժակազմի քանակը կախված է ուղևորահոսքից:

471
թեգերը:
ձեռնոց, դիմակ, Տրանսպորտ, Գյումրի, Հայաստան
Ըստ թեմայի
COVID 19-ի և մարդկանց չիպավորելու մասին կեղծ լուրեր տարածողներով կզբաղվեն իրավապահները
Եթե ուղևորը չենթարկվի, վարորդը չի շարունակի ընթացքը. տրանսպորտից օգտվելու նոր կանոնները
Ինչպես կարող են առօրյա պարզ, անվտանգ թվացող բաները վտանգել հարազատ, սիրելի մարդկանց կյանքը
Արխիվային լուսանկար

Նորամարգի երկու բնակիչ 15 000-20 000 դրամի սահմաններում ընտրակաշառք են բաժանել

31
(Թարմացված է 17:09 20.06.2021)
Ոստիկանությունը տեղեկացնում է, որ կաշառք բաժանելու կասկածանքով Նորամարգի երկու բնակիչներից մեկը ձերբակալվել է։

ԵՐԵՎԱՆ, 20 հունիսի – Sputnik. Կաշառք տալու կասկածանքով ՀՀ ոստիկանությունը Արարատի մարզի Նորամարգ գյուղի 2 բնակչի է բերման ենթարկել։ Ոստիկանության պաշտոնական կայքից տեղեկանում ենք, որ տեղեկություններ էին ստացվել, որ ԱԺ արտահերթ ընտրություններին մասնակցող դաշինքներից մեկի օգտին քվեներ ապահովելու համար Նորամարգի 2 բնակիչ, նախնական համաձայնության գալով, նույն գյուղի բնակչության շրջանում գումարի տեսքով ընտրակաշառք են բաժանել և շարունակում են բաժանել:

«Տվյալներ են ձեռք բերվել, որ նշված անձինք Նորամարգ գյուղի բնակչության շրջանում 15 000-20 000 դրամի սահմաններում փող են բաժանել դաշինքներից մեկի օգտին քվեներ ապահովելու համար»,–նշված է հաղորդագրության մեջ։

Փաստի առթիվ հարուցված քրեական գործի շրջանակներում նշված անձինք բերման են ենթարկվել ոստիկանության բաժին, նրանցից մեկը ձերբակալվել է։

Քննությունը շարունակվում է:

Ընտրակաշառքի 155 դեպք, 26 քրեական գործ, 6 կալանք. դատախազությունը տվյալներ է հայտնել

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

31
թեգերը:
Հայաստան, Ազգային ժողովի ընտրություններ, Ընտրություններ, Կաշառք, ընտրակաշառք
թեմա:
ԱԺ արտահերթ ընտրություններ 2021
Ըստ թեմայի
Սպիտակում 10 հազար դրամ ընտրակաշառք առաջարկելու մեղադրանքով կին է ձերբակալվել. ՔԿ
Քանաքեռ-Զեյթունում ընտրակաշառք է բաժանվել դաշինքի օգտին. թեկնածուներից մեկը ձերբակալված է
Սնունդ` քվեի դիմաց. Գավառում ընտրակաշառքի գործով ևս 8 անձի մեղադրանք է առաջադրվել
Ընտրատեղամաս. Երևան

Տեղամասում բռնություն գործադրելու փաստով հարուցվել է մեկ քրեական գործ. նոր տվյալներ

25
(Թարմացված է 16:58 20.06.2021)
Դատախազության ներկայացուցիչը հիշեցնում է` ՀՀ Քրեական օրենսգրքով ընտրական իրավունքի խախտումների համար նախատեսված են պատժաչափեր` մինչև 5 տարի ազատազրկման ժամկետով։

ԵՐԵՎԱՆ, 20 հունիսի – Sputnik. ՀՀ Գլխավոր դատախազությունն արտահերթ ընտրությունների քվեարկության ընթացքում արդեն ստացել է 64 հաղորդում և ահազանգ, որոնցից 11-ը ԶԼՄ–ների հրապարակումներ են, 28-ը` քաղաքացիների ահազանգեր, 2-ը` սոցցանցերում կատարված գրառումներ, 23-ը` ոստիկանության ծառայողների կողմից ստացված օպերատիվ տվյալներ։ Տեղեկությունն այսօր ԿԸՀ–ում կազմակերպված ասուլիսում հայտնեց դատախազության ներկայացուցիչ Էդգար Արսենյանը։

«Ստացված հաղորդումներից ու ահազանգերից 16–ը վերաբերում են քվեարկության գաղտնիությունը խախտելու դեպքերին, 1-ը` ընտրողների ցուցակ կազմելուն ու այն կուսակցություններին տրամադրելու կամ հրապարակելու կարգը խախտելուն, 6-ը` ընտրողներին կաշառք տալու և ստանալու դեպքերին, 16-ը` ընտրական իրավունքի իրացմանը խոչընդոտելուն, 2-ը` քարոզչությանը մասնակցելուն հարկադրելուն կամ խոչընդոտելուն, 4-ը` տեղամասային կենտրոններում կամ դրան հարող տարածքում բռնություն գործադրելուն կամ դրա սպառնալիքի դեպքերի առթիվ։ Ի դեպ, այս հոդվածով արդեն հարուցվել է 1 քրեական գործ ու  իրականացվում է նախաքննություն։ Եվս 15–ը` մեկից ավելի անգամ քվեարկելու դեպքերի առթիվ»,– ասաց Արսենյանը։

Նա նաև հիշեցրեց, որ ՀՀ Քրեական օրենսգրքով ընտրական իրավունքի խախտումների համար նախատեսված են  պատժաչափեր` մինչև 5 տարի ազատազրկման ժամկետով։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Աբովյանի ընտրատեղամասերից մեկում ընտրողը փորձել է դուրս հանել քվեաթերթիկը

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

25
թեգերը:
Քրեական գործ, քվեարկություն, Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Ընտրողների 26.82 տոկոսն արդեն իսկ մասնակցել է ընտրություններին
«Այո, ես վիրահատել եմ ՀՔԾ պետի հայրիկին». Արմեն Չարչյանը մանրամասներ հայտնեց
ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում
«Պատիվ ունեմ» դաշինք

Իրականացվել են ապօրինի խուզարկություններ և ձերբակալություններ. «Պատիվ ունեմն» ահազանգում է

11
(Թարմացված է 17:20 20.06.2021)
Դաշինքը հրավիրում է միջազգային ու տեղական դիտորդական առաքելությունների ուշադրությունը և պատրաստակամություն է հայտնում տրամադրել անհրաժեշտ աջակցություն:

ԵՐԵՎԱՆ, 20 հունիսի – Sputnik. «Պատիվ ունեմ» դաշինքը հայտարարություն է տարածել ընտրությունների ընթացքի վերաբերյալ` նշելով, որ հատկապես վերջին 48 ժամվա ընթացքում իշխանությունները լծվել են առաջատար քաղաքական ուժերի, անվանական՝ «Պատիվ ունեմ» դաշինքի թեկնածուների և աջակիցների դեմ բռնաճնշումներ իրականացնելու անպատվաբեր գործին: Տեղեկացվում է, որ իրականացվել են ակնհայտ ապօրինի խուզարկություններ և ձերբակալություններ, որոնց մեծ մասը դատական ատյաններն արդեն չեղարկել են:

«Ժամը 15:45-ի դրությամբ գերացանցապես մարզային ընտրատեղամասերից շարունակում ենք ստանալ բազմաթիվ ահազանգեր` տեղերում պաշտոնատար անձանց կողմից ուղղորդումների ու ճնշումների վերաբերյալ։ Մեր բոլոր թիմակիցներին ու համակիրներին կոչ ենք անում հետևել օրենքի տառին ու շարունակել պատվով կատարել իրենց վստահված աշխատանքը»,–ասված է հաղորդագրության մեջ:

Նշվում է նաև զինծառայողների՝ շարքայիններից մինչև սպայակազմի նկատմամբ իշխանությունների կողմից կիրառվող կազմակերպված ճնշման համատարած դեպքերի մասին: Դաշինքը խոստանում է, որ ընտրությունների օրինական ընթացքը խաթարող բոլոր անձինք պետք է չկասկածեն, որ իրենց գործողությունները մանրամասն հետաքննվելու ու պատժվելու են օրենքի ողջ խստությամբ:

«Հույս ենք հայտնում, որ տարբեր ընտրատեղամասերից ու դիտորդներից ստացվող տեղեկություններն ու փաստերը առ այն, որ «Պատիվ ունեմ» դաշինքի՝ 6-րդ համարի քվեաթերթիկի վրա առկա և օրենքով չնախատեսված հետքերը կամ նշումները պատրվակ չեն դառնա այդ քվեները անվավեր ճանաչելու համար։ Ընտրություններից հետո այդ ամենը նույնպես պետք է դառնա քննության առարկա»,–ասված է հաղորդագրության մեջ:

«Պատիվ ունեմ»-ը կոչ է անում մեր բոլոր քաղաքացիներին ոչնչից չվախենալ և այսօր մինչև ժամը 20:00 գնալ ընտրատեղամասեր ու կատարել իրենց ընտրությունը: «Այդ ընտրությունից է կախված Հայաստանի ու Արցախի ինքնիշխանությունը, սահմանների անվտանգությունը, մեր ազգային համերաշխության վերականգնումը եւ ինքնության պահպանումը»,–ասված է հաղորդագրության մեջ:

Նորամարգի երկու բնակիչ 15 000-20 000 դրամի սահմաններում ընտրակաշառք են բաժանել

Դաշինքը միջազգային ու տեղական դիտորդական առաքելությունների ուշադրությունն է հրավիրում այս հանգամանքների վրա և պատրաստակամություն հայտնում տրամադրել անհրաժեշտ աջակցություն:

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

11
թեգերը:
խախտում, Հայաստան, Ազգային ժողովի ընտրություններ, «Պատիվ ունեմ» դաշինք
թեմա:
ԱԺ արտահերթ ընտրություններ 2021
Ըստ թեմայի
ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում
Աբովյանի ընտրատեղամասերից մեկում ընտրողը փորձել է դուրս հանել քվեաթերթիկը
30 հազար դրամ՝ 2-ին. Վեդիում ոստիկանները ընտրակաշառքի դեպք են բացահայտել