Հանրային տրանսպորտ, արխիվային լուսանկար

Հանրային տրանսպորտը կգործի՞ երեկոյան ժամերին. պարզաբանում է տրանսպորտի վարչության պետը

1601
(Թարմացված է 23:36 15.05.2020)
Երևանի քաղաքապետարանը  ինտենսիվ նախապատրաստական աշխատանքներ է սկսել հանրային տրանսպորտի աշխատանքը մայրաքաղաքում վերականգնելու համար։ Մինչև մայիսի 18-ը անվտանգության բոլոր միջոցները պետք է ապահովվեն։

ԵՐԵՎԱՆ, 15 մայիսի - Sputnik, Արամ Գարեգինյան․ Երևանի քաղաքապետարանը տրանսպորտային ընկերությունների հետ քննարկում է, թե ինչպե՞ս և ո՞րտեղ են ավտոբուսներում մուտքերի մոտ տեղադրվելու ախտահանող լուծույթով սրվակները։ Տեղեկությունը Sputnik Արմենիայի հետ զրույցում հայտնեց քաղաքապետարանի տրանսպորտի վարչության պետ Էդգար Գալստյանը։

Գալստյանը հիշեցրեց, որ հանրային տրանսպորտը Երևանում կսկսի գործել մայիսի 18-ից, սակայն արտակարգ դրության պարետ, ՀՀ փոխվարչապետ Տիգրան Ավինյանի կարգադրությամբ, երթևեկության ժամանակ ուղևորները պարտադիր պետք է կրեն դիմակ և ձեռնոց։ Նրանք նաև պետք է ունենան մանրադրամ, որպեսզի հնարավորինս խուսափեն վարորդից մանրը վերցնելու և փողին քիչ դիպչելու առիթներից։ Եվ վերջապես հանրային տրանսպորտ բարձրանալիս` մուտքի մոտ ուղևորները ստիպած կլինեն սպիրտային գելերով ախտահանել ձեռքերը։

Այժմ քաղաքապետարանը մետրոպոլիտենի, մայրաքաղաքի տրոլեյբուսային և ավտոբուսային պարկերի, ինչպես նաև ավտոբուսների և երթուղայինների մասնավոր օպերատորների հետ քննարկում է, թե ինչպե՞ս և կոնկրետ տրանսպորտային միջոցի սրահում ո՞րտեղ են տեղադրվելու ախտահանող գելերով սրվակները, որպեսզի ուղևորները կարողանան հեշտությամբ հասնել դրանց և այն արագ լցնեն ձեռքի ափերի մեջ (որպեսզի ավտոբուս մտնելիս հերթ չգոյանա)։

Ի՞նչ նոր կանոններ են գործելու տրանսպորտում մայիսի 18-ից հետո. խախտողները տուգանվելու են

«Բոլոր այս նախապատրաստական աշխատանքներն անհրաժեշտ է ավարտել մինչև երկուշաբթի, այսինքն` մայիսի 18-ը, որպեսզի առավոտյան ամբողջ տրանսպորտը կարողանա գիծ դուրս գալ սովորական ռեժիմով»,– նշեց Գալստյանը։

Իսկ թե արդյո՞ք ավտոբուսում կա ախտահանող գել, այն հարմա՞ր է տեղադրված և արդյո՞ք վարորդը կրում է դիմակ և ձեռնոցներ, կարող են հետևել բոլորը։ Գալստյանի խոսքով՝ դրանցից մեկի բացակայության պարագայում քաղաքացիները կարող են ահազանգել թեժ գիծ։

 «Մեր վարչությունում ընդամենը 9 մարդ է աշխատում, և հարյուրավոր ավտոբուսներին և տրոլեյբուսներին հետևել մենք չենք կարող։ Խոսքը մեր ընդհանուր անվտանգության մասին է, այդ պատճառով յուրաքանչյուրը, խախտում տեսնելիս, կարող է և պետք է դիմի քաղաքապետարան, այդ թվում՝ թեժ գծով», – պարզաբանեց Գալստյանը։

Ավտոբուսներում և երթուղայիններում ուղևորների թիվը պետք է հավասար լինի տեղերի քանակին։ Տրոլեյբուսներում և մետրոյի վագոններում, որոնք համեմատաբար ավելի ընդարձակ են, կարելի է կանգնել, սակայն պետք է խուսափել ուղևորների կուտակումներից։

Չի բացառվում, որ մասնավոր օպերատորները երեկոյան ժամերին ավտոբուսները գիծ դուրս չբերեն։

«Բնականաբար, ուղևորները քիչ կլինեն նաև նոր պահանջների պատճառով, ինչպես նաև այն պատճառով, որ ուսումնական հաստատությունները դեռ փակ են։ Պետք է տեսնել, թե ինչպես դա կանդրադառնա մասնավոր օպերատորների ֆինանսական վիճակի վրա։ Բնականաբար, դրանք դատարկ չեն կարող երթևեկել», – նշեց քաղաքապետարանի ներկայացուցիչը։

Հայաստանում տրանսպորտը կաշխատի, մանկապարտեզները կբացվեն, իսկ դիմակ չկրողները կտուգանվեն

Հիշեցնենք, որ կորոնավիրուսի հետ կապված իրավիճակի պատճառով մարտի վերջից հանրային տրանսպորտը Հայաստանում դադարել էր գործել, իսկ ապրիլի սկզբից` նաև մետրոն։ Մայիսի 18-ից հանրային տրանսպորտի աշխատանքը կվերականգնվի, սակայն նշված պահանջների պահպանմամբ։

1601
թեգերը:
կորոնավիրուս, ձեռնոց, դիմակ, Երևանի քաղաքապետարան, Տրանսպորտ, Հայաստան
թեմա:
Կորոնավիրուսը Հայաստանում և Արցախում (1902)
Ըստ թեմայի
Դիմակով և շարժման մեջ․ ի՞նչ են շնչում երևանյան տրանսպորտի ուղևորներն ու վարորդները
Վերին Լարսի անցակետը փակ է բոլոր տեսակի տրանսպորտային միջոցների համար. հայտնի է պատճառը
Ոստիկանությունը մայիսի 18-ից կանցնի բնականոն աշխատանքային ռեժիմի
Տրանսպորտը գերբեռնված չպետք է լինի. Ավինյանն է հանձնարարել
20 06 2021թ.

Զենքով ընտրատեղամաս մուտք գործելու ու բռնություն գործադրելու փաստով քրգործ է հարուցվել

7
(Թարմացված է 17:32 20.06.2021)
ՔԿ–ում գրանցված ընդհանուր 15 դեպքերից 3–ը տեղի են ունեցել Արմավիրի, 1-ը` Արարատի, 3-ը` Կոտայքի, 1-ը` Շիրակի, 1-ը` Լոռու, 2-ը` Տավուշի, 2-ը` Գեղարքունիքի և 1-ական դեպք` Երևանի Ավան Նոր Նորք և Մալաթիա–Սեբաստիա վարչական շրջաններում։

ԵՐԵՎԱՆ, 20 հունիսի – Sputnik. Այսօր` հունիսի 20-ին, մինչև ժամը 15։00, ՀՀ քննչական կոմիտեում ստացվել են նյութեր` ընտրախախտումներին վերաբերող 15 դեպքերով։ Այս մասին այսօր ԿԸՀ–ում կայացած ասուլիսում հայտարարեց ՀՀ քննչական կոմիտեի ՀԿԳ քննության գլխավոր վարչության պետի տեղակալ Կամո Սահակյանը։

«15 դեպքերից 10–ը վերաբերում են 1–ից ավելի կամ այլ անձի փոխարեն քվեարկելուն, 4-ը` քվեարկության գաղտնիությունը խախտելուն, 1-ը` զենքով տեղամասային կենտրոն մուտք գործելուն ու տեղամասային կենտրոնում կամ դրան հարակից տարածքում բռնություն գործադրելուն»,– ասաց Սահակյանը։

15 դեպքերից միայն 1-ով` զենքով տեղամասային կենտրոն մուտք գործելու կամ տեղամասային կենտրոնում ու դրան հարակից տարածքում բռնություն գործադրելու դեպքով հարուցվել է քրեական գործ, մյուսներով նյութեր են նախապատրաստվում։

Կամո Սահակյանը նաև նշեց, որ հիշյալ 15 դեպքերից 3–ը տեղի է ունեցել Արմավիրի, 1-ը` Արարատի, 3-ը` Կոտայքի, 1-ը` Շիրակի, 1-ը` Լոռու, 2-ը` Տավուշի, 2-ը` Գեղարքունիքի և 1-կան դեպք` Երևանի Ավան, Նոր Նորք, և Մլաթիա–Սեբաստիա վարչական շրջաններում։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

7
թեգերը:
Հայաստան, Քրեական գործ, Բռնություն, Ընտրություններ
Ըստ թեմայի
Աբովյանի ընտրատեղամասերից մեկում ընտրողը փորձել է դուրս հանել քվեաթերթիկը
Ընտրողների 26.82 տոկոսն արդեն իսկ մասնակցել է ընտրություններին
ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում
Արխիվային լուսանկար

Նորամարգի երկու բնակիչ 15 000-20 000 դրամի սահմաններում ընտրակաշառք են բաժանել

36
(Թարմացված է 17:09 20.06.2021)
Ոստիկանությունը տեղեկացնում է, որ կաշառք բաժանելու կասկածանքով Նորամարգի երկու բնակիչներից մեկը ձերբակալվել է։

ԵՐԵՎԱՆ, 20 հունիսի – Sputnik. Կաշառք տալու կասկածանքով ՀՀ ոստիկանությունը Արարատի մարզի Նորամարգ գյուղի 2 բնակչի է բերման ենթարկել։ Ոստիկանության պաշտոնական կայքից տեղեկանում ենք, որ տեղեկություններ էին ստացվել, որ ԱԺ արտահերթ ընտրություններին մասնակցող դաշինքներից մեկի օգտին քվեներ ապահովելու համար Նորամարգի 2 բնակիչ, նախնական համաձայնության գալով, նույն գյուղի բնակչության շրջանում գումարի տեսքով ընտրակաշառք են բաժանել և շարունակում են բաժանել:

«Տվյալներ են ձեռք բերվել, որ նշված անձինք Նորամարգ գյուղի բնակչության շրջանում 15 000-20 000 դրամի սահմաններում փող են բաժանել դաշինքներից մեկի օգտին քվեներ ապահովելու համար»,–նշված է հաղորդագրության մեջ։

Փաստի առթիվ հարուցված քրեական գործի շրջանակներում նշված անձինք բերման են ենթարկվել ոստիկանության բաժին, նրանցից մեկը ձերբակալվել է։

Քննությունը շարունակվում է:

Ընտրակաշառքի 155 դեպք, 26 քրեական գործ, 6 կալանք. դատախազությունը տվյալներ է հայտնել

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

36
թեգերը:
Հայաստան, Ազգային ժողովի ընտրություններ, Ընտրություններ, Կաշառք, ընտրակաշառք
թեմա:
ԱԺ արտահերթ ընտրություններ 2021
Ըստ թեմայի
Սպիտակում 10 հազար դրամ ընտրակաշառք առաջարկելու մեղադրանքով կին է ձերբակալվել. ՔԿ
Քանաքեռ-Զեյթունում ընտրակաշառք է բաժանվել դաշինքի օգտին. թեկնածուներից մեկը ձերբակալված է
Սնունդ` քվեի դիմաց. Գավառում ընտրակաշառքի գործով ևս 8 անձի մեղադրանք է առաջադրվել