Արման Թաթոյան

Թաթոյանը պատգամավորների «պորտը տեղը դրեց»

511
(Թարմացված է 13:15 12.05.2020)
Արման Թաթոյանը պատգամավորներին հիշեցրեց, որ ԱԺ ամբիոնից կարելի է քննարկել ավելի հրատապ հարցեր, քան ատելության խոսքն է, և բերեց բազմաթիվ օրինակներ, որոնց հարցում ակնկալում է պատգամավորների տեսակետը։

ԵՐԵՎԱՆ, 12 մայիսի –Sputnik. ՀՀ Մարդու իրավունքների պաշտպան Արման Թաթոյանն այսօր Ազգային ժողովում անդրադարձավ պատգամավորների եզրափակիչ ելույթներին և բոլորին հիշեցրեց իր լիազորություններն ու պարտականությունները։

Ալեն Սիմոնյանը սպասում է Էդմոն Մարուքյանի ու Անի Սամսոնյանի ներողությանը

«Ես ամփոփել եմ եզրափակիչ երեք ելույթները, որոնք կարելի է բաժանել երեք խմբի․ ելույթներ, որոնք քաղաքական էին, ելույթներ, որոնք քաղաքական էին, բայց դրանցում կային մարդու իրավունքներին անդրադարձեր, ելույթներ, որոնք վերաբերում էին մարդու իրավունքերի կոնկրետ խնդիրներին։ Ահնհայտ էր, երեկվա հարց ու պատասխանի գրեթե ողջ քննարկումը պտտվում էր մեկ հիմնահարցի շուրջ՝ վիրավորանք, ատելություն և կառուցված էր գլխավորապես երեք իրադարձության վրա»,-ասաց Թաթոյանը։

Նա դիտարկեց` այն հարցերը, որոնք հնչել են պատգամավորների կողմից, մասնավորոպես, թե ինչու մարդու իրավունքների պաշտպանը չի դատապարտել Երևան քաղաքում մի շարք անձանց կողմից վիրավորանքի և ատելության խոսքի տարածումը, ինչու մարդու իրավունքների պաշտպանը չի պաշտպանել պետական կառավարման մարմնին կամ այդ մարմնի ղեկավարին ՝ համացանցում սոցիալական ցանցերի օգտատերերի կողմից վիրավորանքների կապակցությամբ, կամ թե ինչու մարդու իրավունքների պաշտպանը չի արել հայտարարաություն` կապված վերջին քաղաքական դեպքերի հետ։

«Պատգամավորների ելույթներից ինձ համար պարզ դարձավ, որ ես ավելի մանրամասն հավանաբար ներկայացնեմ, թե ինչ լիազորություններ և իրավունքներ ունի մարդու իրավունքների պաշտպանը»,-ասաց օմբուդսմանը։

Նա հիշեցրեց, որ ըստ մի շարք օրենքների` մարդու իրավունքների պաշտպանը պաշտպանում է քաղաքացուն պետությունից, այլ ոչ թե հակառակը։

«Կարծում եմ` այս ամբիոնից կարելի էր անդրադառնալ այնպիսի հարցերի, օրինակ` ինչո՞ւ են մարդիկ ամիսներով մոռացվում հոգեբուժարաններում, ինչո՞ւ երկրում չունենք հոգեբույժների բավարար քանակ, ինչպե՞ս անենք, որ հաշմանդամություն ունեցող երեխաներն այնպես չլինի, որ չգնան դպրոց, որովհետև մայրը կարծում է, որ, օրինակ իր՝ դաունի համախտանիշ ունեցող երեխային դպրոցում կծաղրեն, ինչո՞ւ են մարդիկ բողոքում, որ անվճար տրամադրվող դեղերն անարդյունավետ են և նույնիսկ բժշկի ցուցումով նրանք չեն վերցնում այդ դեղերը, այլ ստիպված են լինում նոր դեղ գնել»,-ասաց Թաթոյանը։

Նա անդրադարձավ նաև համակարգային կոռուպցիայի դեմ պայքարի բացասական հետևանքներին։

Ըստ օմբուդսմանի՝ եթե նախկինում տեսուչը քաղաքացուց 2-3 ամսվա գումար էր վերցնում և շատ մեծ հաճույքով գործին ընթացք էր տալիս, ապա այժմ, քանի որ չկա այդ շահագրգռվածությունը, մարդկանցից ընդանրապես դիմում չեն վերցնում, որպեսզի այդ մարդկանցից ձերբազատվեն և խնդիր չունենան գրավոր մերժում տալու։

«Ինձ օգտակար կլիներ լսել ձեր առաջարկները, թե ինչպես անենք, որ այդ կարևոր խնդիրներին լուծում տանք։ Խնդրում եմ մարդու իրավունքների պաշտպանի լիազորությունները նաև այս տեսանկյունից քննարկել»,-հեգնեց Թաթոյանը։

«Վիզդ կկտրեմ». Էդմոն Մարուքյանն ու Սասուն Միքայելյանը ԱԺ-ում ծեծեցին իրար. տեսանյութ

Հիշեցնենք, որ վերջին օրերի աղմկահարույց իրադարձությունների ֆոնին տարբեր պատգամավորների կողմից շահարկվում էր այն, որ ՀՀ մարդու իրավունքների պաշտպանը որևէ կերպ չի անդրադառնում խնդրին, կարճ ասած` իր լիազորությունները չի կատարում։

Մայրը պնդում է, որ 16-ամյա որդուն հայրն ամիսներ շարունակ սեռական բռնության է ենթարկել

511
թեգերը:
ՀՀ Ազգային ժողով, ԱԺ, ՀՀ ՄԻՊ, Արման Թաթոյան
Ըստ թեմայի
«Ջարդել եմ Դանիելյանի քիթը»․ Ալեն Սիմոնյանին սեռական բնույթի հայհոյանք է ուղղվել
Ալեն Սիմոնյանի և Արթուր Դանիելյանի միջև տեղի ունեցածի հետևում մարդիկ կան կանգնած. Մակունց
Ալեն Սիմոնյանի և Արթուր Դանիելյանի միջադեպի առթիվ հարուցվել է քրեական գործ. ՀՔԾ
Կորոնավիրուսի թեստ

«Ձորակ» հոգեկան առողջության խնդիրներ ունեցողների կենտրոնում կորոնավիրուսի դեպք է հաստատվել

21
(Թարմացված է 14:34 26.05.2020)
Այս պահին Ձորակ» հոգեկան առողջության խնդիրներ ունեցող անձանց խնամքի կենտրոն»-ից մեկուսացվածների թիվը 21 է։

ԵՐԵՎԱՆ, 26 մայիսի — Sputnik. «Ձորակ» հոգեկան առողջության խնդիրներ ունեցող անձանց խնամքի կենտրոնում կորոնավիրուսի առաջին դեպքն է հաստատվել։ Տեղեկությունը Sputnik Արմենիայի հետ զրույցում հաստատեց Աշխատանքի և սոցիալական հարցերի նախարարության մամուլի խոսնակ Սոնա Մարտիրոսյանը։

«Մայիսի 23–ին առողջության վատթարացում է նկատվել հաստատությունում գտնվող անձանցից մեկի` 23–ամյա աղջկա մոտ`կապված նրա խրոնիկ հիվանդության հետ։ Նրան տեղափոխել են բուժկենտրոն, թեստավորում են իրականացրել, և պատասխանը դրական է եկել»,–ասաց նա։

Մարտիրոսյանի խոսքով` այս պահին մեկուսացվածների թիվը 21 է։ Նրանց այսօր, հավանաբար, կթեստվորեն։ Մարտիրոսյանը խոստացավ արդյունքների հայտնի լինելու դեպքում հավելյալ տեղեկություն տրամադրել։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 289-ով և դարձել 7402։

Հիեցնենք` մայիսի 25–ին պարզ դարձավ, որ Մարի Իզմիրլյանի անվան մանկատանը ևս 15 վարակակիր կա։

Հայաստանում կորոնավիրուսից ևս 4 մարդ է մահացել. նրանցից 3-ը կանայք են

 

21
թեգերը:
հիվանդանոց, հիվանդ, թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Աշխարհում կորոնավիրուսի 5.5 մլն դեպք է բացահայտվել, ավելի քան 347 հազարը մահացել են
Կորոնավիրուսի տված դասը, վարչապետն ու Մոսկվան. ինչպես է պարտավոր մտածել Հայաստանի նախագահը
ՀԱՊԿ ներուժը կարևոր է կորոնավիրուսի ստեղծած սպառնալիքներին արձագանքելու համար. Լավրով
Վլադիմիր Վարդանյան. արխիվային լուսանկար

Վարդանյանն Էդմոն Մարուքյանին մեղադրեց պետության հեղինակության հետ խաղալու մեջ

14
(Թարմացված է 14:09 26.05.2020)
ԱԺ «Իմ քայլը» խմբակցության պատգամավոր Վլադիմիր Վարդանյանը «Լուսավոր Հայաստան» խմբակցության ղեկավարին ասաց, որ պետք չէ կոնֆիդենցիալ հարցերը բարձրաձայնել. դա կարող է անցանկալի հետևանքներ ունենալ։

ԵՐԵՎԱՆ, 26 մայիսի – Sputnik. «Իմ քայլը» խմբակցության պատգամավոր Վլադիմիր Վարդանյանն ԱԺ ամբիոնից բավականին վրդովված անդրադարձավ «Լուսավոր Հայաստան» խմբակցության ղեկավար Էդմոն Մարուքյանի ելույթին։

Մարուքյանը կասկածի տակ էր առել Վարդանյանի անաչառությունը որպես Եվրոպայի խորհրդի համապատասխան հանձնաժողովում COVID 19-ի զեկույցի համազեկուցող։

«Չեմ կարող չանդրադառնալ պարոն Մարուքյանի ասածներին. մե՜ծ, մեծ հարցական է՝ արդյո՞ք պարոն Մարուքյանն իրավունք ուներ այդ հարցը բարձրաձայնել որպես իրավաբան, որպես պատգամավոր, որպես ԵԽԽՎ անդամ և որպես իրավական հարցերի և մարդու իրավունքների հարցերի հանձնաժողովի առաջին փոխնախագահ, որովհետև դա դեռևս կոնֆիդենցիալ է, որոշումը դեռ կայացված չէ»,–ասաց Վարդանյանը:

Նա հավելեց՝ այո, քննարկվում էր հարց, որ ինքն էլ կարող է նշանակվել զեկուցող, չնայած այս քննարկումից հետո չգիտի՝ ինչ կստացվի: Նա ասաց, որ զեկույցը վերաբերում է մարդու իրավունքների պաշտպանությանը COVID-19-ի պայմաններում:

«Երաշխավորել եմ և երաշխավորում եմ, որ ես, այո՛, օբյեկտիվ եմ լինելու բոլոր 47 պետությունների նկատմամբ և արձանագրելու եմ ցանկացած խախտում, որը, իմ կարծիքով, կգտնվի արժանի արձանագրվելու այդ զեկույցում, բայց այս կարգի հարցերը բերել և քննարկել ԱԺ ամբիոնից, վտանգել պետությանդ հեղինակությունը, կասկածի տակ դնել որոշակի գործընթացներ... Չեմ ուզում մեկնաբանել, թող մեկնաբանի ՀՀ քաղաքացին»,- ասաց նա:

Հիշեցնենք, որ այսօր ԱԺ նախագահ Արարատ Միրզոյանը հայտարարեց, որ համավարակով պայմանավորված` ԱԺ նիստերի դահլիճում նախազգուշացվելուց հետո 1 կամ 7 օրով դուրս կհրավիրվեն բոլոր այն պատգամավորները, որոնք դիմակ չեն կրում։

«Ուզում եմ խոստովանել, որ սխալ էինք»․Արարատ Միրզոյանը` Արցախում դիմակ չկրելու մասին

Էդմոն Մարուքյանը Միրզոյանի այս հայտարարությունը համարեց ոչ սահմանադրական, նշելով, որ ԱԺ նիստերին առանց դիմակի խոսելը չի կարող համարվել կանոնների խախտում։

Նա հիշեցրեց Սահմանադրության այն նորմը, որով արտակարգ դրությունը չի տարածվում ԱԺ-ի վրա, հետևաբար, արտակարգ դրության շրջանակներում պարետի որոշումները չեն կարող կիրառվել խորհրդարանում և չեն կարող հիմք հանդիսանալ պատգամավորին դահլիճից դուրս հրավիրելու համար։

Նա մեղադրեց Միրզոյանին ԱԺ-ում երկակի ստանդարտներ կիրառելու մեջ, հիշեցնելով, որ երբ իր հանդեպ բռնություն էին գործադրում, որևէ պատգամավորի նախազգուշացում չտրվեց և որևէ պատգամավոր դուրս չհրավիրվեց ԱԺ դահլիճից։

Մարուքյանը նաև հայտարարեց, որ Վլադիմիր Վարդանյանը Եվրոպայի խորհրդի համապատասխան հանձնաժողովում պետք է հաստատվի որպես COVID 19-ի զեկույցի համազեկուցող, որով նա 47 անդամ-պետություններում պետք է տեսնի` մարդու իրավունքներն ինչպես են խախտել COVID 19-ի ժամանակ` արտակարգ դրությունից ելնելով։

«Սա անպատասխանատվության գագաթնակետն է». Ռուբինյանը` Մարուքյանի դիմակ չկրելու պահանջի մասին

Մարուքյանը մեղադրեց Վարդանյանին, որ նա ձայն չի հանում, երբ ԱԺ-ում երկակի ստանդարտներ են կիրառվում և, ըստ էության, ոտնահարվում է Սահմանադրությունը` ԱԺ կանոնակարգ օրենքի սխալ կիրարկմամբ, հետևաբար, կասկածի տակ է Վարդանյանի` Եվրոպայի խորհրդում օբյեկտիվ զեկուցով հանդես գալու հարցը։

14
թեգերը:
Պատգամավոր, Վլադիմիր Վարդանյան, Էդմոն Մարուքյան, ՀՀ Ազգային ժողով, ԱԺ
Ըստ թեմայի
«Ես չէի սպասում, որ Սասուն Միքայելյանը կխփի». Էդմոն Մարուքյանը խոսեց ԱԺ–ի ծեծկռտուքի մասին
Քո մայրն ինձ համար սուրբ է. Սասուն Միքայելյանն ԱԺ ամբիոնից առաջարկ արեց Էդմոն Մարուքյանին
Էդմոն Մարուքյանին հրավիրել են ՀՔԾ