Ռեջեփ Թայիփ Էրդողան, արխիվային լուսանկար

Այդ «սրից փրկվածները» դեռ կան․ Էրդողանը գռեհիկ է արտահայտվել հույների և հայերի հասցեին

4973
(Թարմացված է 12:00 12.05.2020)
Երբ երկրիդ տնտեսությունն անկում է ապրում, իսկ կորոնավիրուսը տարածվում է, ամեն ինչի համար ծպտված հայերին ու հույներին մեղադրելուց լավ բան չկա։ Երբ ասում են, թե Էրդողանը հույն է, նրա մոտ կատաղության նոպա է սկսվում։

ԵՐԵՎԱՆ, 11 մայիսի – Sputnik․ Մի քանի օր առաջ Թուրքիայի նախագահ Ռեջեփ Թայիփ Էրդողանը կրկին խոսել է հույների և հայերի մասին՝ նրանց անվանելով «սրից փրկվածներ»։

Իր վերջին ելույթներից մեկի ժամանակ նա հայտարարել է․ «Մենք թույլ չենք տա, որ այդ սրից փրկվածներն ու ահաբեկիչները նորից ապստամբեն։ Նրանք մինչև հիմա դեռ կան, չնայած մեր երկրում նրանց թիվը բավական քչացել է»։

Հնարավոր է, որ նա նկատի ուներ քրդերին, բայց առաջին անգամը չէ, որ հայերն ու հույները նման ակնարկներ են լսում։ Այդ պատճառով Մեջլիսի հայազգի պատգամավոր Կարո Փայլանը խստորեն քննադատել է Էրդողանին։ Թուրքիայի առաջնորդի հայտարարություններին անդրադարձել է նաև հունական Greek City Times պարբերականը։

Այս բոլոր խնդիրները Էրդողանը փորձված ձևով է լուծում․ ամեն ինչում մեղադրում է ծպտված հայերին և հույներին։

«Թուրքիան վախենում է, որ իր միլիոնավոր քաղաքացիներ մահմեդականացած և թրքացած հույներ ու հայեր են, անգամ եթե նրանք իրենք էլ այդ մասին չգիտեն»,-գրում է պարբերականը։

Էրդողանի արկածախնդիր գործողությունները Հունաստանի սահմանին, ինչպես նաև Սիրիայում և Լիբանանում մեծ փողեր պահանջեցին, բայց այդպես էլ արդյունք չտվեցին։ Համաշխարհային բանկի տվյալներով՝ Թուրքիայում դեռ կորոնավիրուսից առաջ գործազրկությունը կազմում էր 14%։

Հանրապետությունում կորոնավիրուսի մոտ 127 հազար դեպք է գրանցվել, որից 3․5 հազարը՝ մահվան ելքով, ընդ որում՝ սա միայն պաշտոնական տվյալներն են (մինչդեռ այս երկրում խոսքի ազատությունը աշխարհում ամենաթույլերից է, բանտում գտնվող լրագրողների թվով երկիրը առաջին հորիզոնականում է)։

Հատկանշական է Իբրահիմ Յայլալիի՝ թուրք ազգայնականի պատմությունը, որը զինվորական էր դարձել քրդերի դեմ պատերազմելու համար։

Հետո նա իմացավ իր հունական ծագման մասին և փոխեց կյանքը․ քրիստոնեություն ընդունեց, անվանափոխվեց՝ դառնալով Յանիս Վասիլիս։ Հիմա նա պաշտպանում է Թուրքիայի թաքնված հույների իրավունքները և հունական ժառանգությունը։

Արտասահմանում բնակվող բազմաթիվ թուրքեր գենետիկ թեստեր են հանձնում և իրենց համար էլ անսպասելի կերպով բացահայտում են, որ կիսով չափ հույն են, հայ կամ ասորի։ Ահա թե ինչու են Թուրքիայում արգելված նման թեստերը։

Ընդդիմության հետ վեճերում թուրքական իշխանությունների սիրելի հարձակումը հակառակորդին ծպտված հայ կամ հույն կոչելն է։ Անցած տարի Կոստանդնուպոլսի (Ստամբուլի) քաղաքապետ դարձավ Էքրեմ Իմամօղլուն։ Վերջին 20 տարում առաջին անգամ պաշտոնը ստանձնեց ըննդիմության ներկայացուցիչը, ինչի համար Էրդողանը հույներին մատնացույց անելուց ավելի լավ առիթ չգտավ․ «Ո՞վ ամենաշատը ուրախացավ ընտրությունների արդյունքից։ Հույները։ Նրանց թերթերը գրում էին, որ հույնը նվաճեց քաղաքը»։

Իմամօղլուն ծագումով հունական Պոնտոսից է (այսինքն՝ սևծովյան ափից), այդ պատճառով ոմանք համարում են, որ նա թրքացած հույն է, ոմանք էլ նույնը ասում են Էրդողանի մասին։

Թուրք պատմաբան Չեզմի Յուրթսևերը Օսմանյան կայսրության հարկային ցուցակում տեղեկություններ է գտել Էրդողանի պապի մասին։ Ըստ պատմաբանի՝ նա ոչ միայն հույն է, այլև գլխավորել է թուրքերի դեմ ինքնապաշտպանական ջոկատը։

Միրանը համբուրում է Մայր տաճարի դուռը, բայց չի խաչակնքվում. ինչո՞ւ է նա պահպանում Անին

Էրդողանի համար այդ ամենը լսելը հավասարազոր է հայհոյանքի։ 2011 թ-ին թուրքական NTV հեռուստաալիքին տված հարցազրույցում նա հայտարարել էր, որ դատի կտա իրեն հույն անվանող լրագրողներին և պատմաբաններին։

Հարցազրույցում նա ավելացրել էր, որ հարցրել է հորը՝ արդյո՞ք իրենք թուրք են։ Հայրը պատասխանել է․ «Քո պապն ինձ ասել է՝ երբ մենք մեռնենք, մեզ հարցնելու են, թե որ աստծուն ենք մենք հավատում և թե ով է մեր մարգարեն։ Նրանք չեն հարցնելու, թե որ ազգից ենք մենք սերում»։

Այստեղ կարելի է ևս մեկ հստակ ակնարկ տեսնել, որ Էրդողանը տեղյակ է իր ծագման մասին, բայց չի ուզում բարձրաձայնել։

4973
թեգերը:
Կարո Փայլան, կորոնավիրուս, հույն, հայ, Թուրքիա, Ռեջեփ Թայիփ Էրդողան
Ըստ թեմայի
Թուրքիայի ծպտյալ հայերը հզոր հաղթաթուղթ են, բայց պետք է դա ճիշտ օգտագործել. Ախոյան
Համով Հայաստան. պահոցում Արևմտյան Հայաստանում տարածված բաղադրատոմս է հայտնաբերվել
«Ավրորան», Արևմտյան Հայաստանն ու «շրջված» Արարատը. իրականում երկու Հայաստան չկա
Գորդոնը կնոջ հետ

Հանրահայտ հաղորդավար Ալեքսանդր Գորդոնը բաժանվել է երիտասարդ կնոջից

22
(Թարմացված է 14:22 04.08.2020)
Չորրորդ ամուսնությունը նույնպես երջանկություն չբերեց հայտնի հեռուստահաղորդավարին: Հայտնի է, որ ամուսնալուծության դիմումը ներկայացրել է կինը։

ԵՐԵՎԱՆ, 4 օգոստոսի - Sputnik. Ռուսական Առաջին ալիքի հաղորդավար Ալեքսանդր Գորդոնը և նրա երիտասարդ կինը՝ Նոզանին Աբդուլվասիևան, գաղտնի խզել են ամուսնությունը։ Տեղեկությունը հայտնում է Starhit–ը։

Ըստ կայքի` Աբդուլվասիևան ամուսնալուծության դիմում է ներկայացրել հունիսին, դատարանը մեկ ամիս անց պաշտոնապես խզել է նրանց ամուսնությունը:

«Ամուսինների միջև ոչ մի վեճ չի եղել, ալիմենտի և գույքի վերաբերյալ բոլոր հարցերը լուծվել են մինչդատական կարգով», — հայտնել են դատարանի մամուլի ծառայությունից։

Հիշեցնենք` նրանք ամուսնացել էին 2014-ին, երբ Աբդուլվասիևան 20 տարեկան էր, Գորդոնը` 50։ Սա հայտնի հաղորդավարի չորրորդ ամուսնությունն էր, որի արդյունքում լույս աշխարհ եկան Ալեքսանդրն ու Ֆյոդորը ( մեկը 6 տարեկան է, մյուսը` երեք)։

Երբ կորոնավիրուսի տարածման պատճառով ինքնամեկուսացման ռեժիմ էր հայտարարվել, Աբդուլվասիևան գրել էր, որ հոգնել է երեխաների հետ ինտենսիվ ժամանակ անցկացնելուց: Նա նաև նշել էր, որ պարբերաբար խտրականության է ենթարկվում ազգային պատկանելության պատճառով (Աբդուլվասիևան տաջիկ է, բայց ծնվել է Մոսկվայում)։

Հաղորդավար, լրագրող և դերասան Ալեքսանդր Գորդոնը հիմա 56 տարեկան է։ Աշխատել է NTV–ում: 1989-ին կնոջ և դստեր հետ արտագաղթել էր ԱՄՆ, 1997-ին` վերադարձել Ռուսաստան։

Աշխարհի ամենաերիտասարդ վարչապետն ամուսնացել է ֆուտբոլիստի հետ. լուսանկար

22
թեգերը:
Ալեքսանդր Գորդոն, ամուսնալուծություն
Ըստ թեմայի
«Տիեզերքի լավագույն տղամարդը». Աննա Սեդոկովան 3-րդ անգամ է ամուսնանում
Վալերիայի կրտսեր որդին ամուսնանում է Լիանա Վոլկովայի հետ. կրեատիվ առաջարկության տեսանյութը
«Եթե ամուսնության առաջարկ անի, կհամաձայնեմ». Լոլիտան պատմել է նոր հարաբերությունների մասին
Մաշտոցի պուրակ

«Դա իր սեփականությունն է, մենք ոչինչ չենք կարող անել». Մարությանը` Մաշտոցի պուրակի մասին

176
(Թարմացված է 14:05 04.08.2020)
Երևանի Մաշտոցի պուրակում իրականացվող շինարարական աշխատանքների դեմ արդեն մի քանի օր է, ինչ բողոքի ակցիաներ են տեղի ունենում։ Բնապահպաններն ահազանգում են նաև հատված ծառերի մասին։ Քաղաքապետը մեկնաբանել է, թե ինչ է իրականում կատարվում այգու տարածքում։

ԵՐԵՎԱՆ, 4 օգոստոսի – Sputnik. Երևանի քաղաքապետ Հայկ Մարությանն այսօր լրագրողների հետ հանդիպմանը անդրադարձավ Մաշտոցի պուրակի շուրջ վերջին օրերին կատարվող իրադարձություններին և ասաց, որ Երևանում տեղի ունեցող ամեն ինչ չէ, որ կատարվում է քաղաքապետի ցանկությամբ։

«Եթե իմ ցանկությամբ լիներ, ես շատ ու շատ բաներ շատ ավելի արագ կանեի, այլ կերպ կանեի, բայց իմ ցանկությունը շատ հաճախ գալիս ու բախվում է օրենքների պատնեշներին։ Եվ քանի որ մենք հայտարարել ենք, որ մեր պետությունն օրենքով շարժվող երկիր է, անգամ եթե գիտենք, որ լավ բան է, բայց օրենքը թույլ չի տալիս, մենք էլ մեզ թույլ չենք տալիս այդպես գործել»,– շեշտեց Մարությանը։

Խոսելով Մաշտոցի պուրակի խնդրից` Մարությանը հիշեց իր նախորդ պաշտոնակցի` Տարոն Մարգարյանի օրոք այգու փրկություն համար տեղի ունեցող բողոքի ակցիաները, նշեց, որ ինքն էլ է մասնակցել դրանց ու վստահեցրեց` այսօր էլ է պայքարում։

  • Մաշտոցի պուրակ
    Մաշտոցի պուրակ
    © Sputnik / Asatur Yesayants
  • Մաշտոցի պուրակ
    Մաշտոցի պուրակ
    © Sputnik / Asatur Yesayants
  • Մաշտոցի պուրակ
    Մաշտոցի պուրակ
    © Sputnik / Asatur Yesayants
  • Մաշտոցի պուրակ
    Մաշտոցի պուրակ
    © Sputnik / Asatur Yesayants
1 / 4
© Sputnik / Asatur Yesayants
Մաշտոցի պուրակ

«Դուք գիտեք` այն տաղավարները, որոնք պետք է կառուցվեին այն ժամանակ, հանրային ճնշմամբ ուղղակի թույլ չտրվեց, որ պարոն Մարգարյանը թույլ տա` այդ ամենը կառուցվի, և մենք ունեցանք Մաշտոցի պուրակ։ Բայց կա այնտեղ մի սրճարան, որն ուներ 277 քմ սեփականության իրավունքով գրանցված տարածք և 17 քմ սեփականությամբ գրանցված տարածք` որպես տաղավար։ Եվ դա իր սեփականությունն է, ու մենք ոչ մի բան դրա դեմ չենք կարող անել»,– պարզաբանեց Մարությանը։

«Այ ախպեր, ո՞ւր ա գործ...». Փաշինյանը պատմել է Մարությանի հաղորդագրության մասին

Քաղաքապետը նաև հայտնեց, որ տարածքը սեփականության իրավունքով սրճարանի տիրոջն է տրվել Տարոն Մարգարյանի` 2015թ–ի մայիսի 16-ի որոշմամբ։ Մինչ այդ նույն տնտեսվարողին մինչև 2040 թ–ի ավարտը վարձակալության իրավունքով տրված այգու 386 քմ տարածքը հասցվել է 1048 քմ–ի, իսկ վերոհիշյալ 277 և 17 քմ տարածքները վարձակալին են տրվում արդեն սեփականության իրավունքով։

Մարությանը հայտարարեց, որ Տարոն Մարգարյանի այս որոշումն ինքն արդեն չեղյալ է համարել, վերականգնել նախկին` 386 քմ տարածքի վարձակալության մասին որոշումը։ Բացի այդ, սեփականատիրոջ հետ պայմանավորվածություն է ձեռք բերել 277 և 17 քմ–երի վրա կառուցված գույքը քանդելու և դրանց փոխարեն կառուցվող նոր գույքը համայնքային սեփականություն սահմանելու մասին։

«Այսինքն` այդ գույքի տերը համայնքն է։ Այս տարիներին ինքը կօգտագործի դա, և վարձակալության ժամկետն ավարտվելուց հետո դա կդառնա համայնքի գույքը, մերը, քաղաքինը։ Այդ ժամանակ ովքեր կլինեն քաղաքապետ, համայնքային իշխանություն, կորոշեն, թե այդ գույքն ինչ են անում»,– ասաց Մարությանը։

Արդեն կառուցված սրճարանը, ըստ քաղաքապետի, քանդվել է ապօրինի կառույց լինելու պատճառով, քանի որ օրենքով այգիների, պուրակների տարածքում հիմնական շինությունների շինարարությունն արգելվում է։

«Իմ կողմից պայման է դրվել, որ նոր կառուցվողը պիտի լինի թեթև կոնստրուկցիաներով, և ոչ մի ծառ ու թուփ չպետք է տուժի։ Իսկ եթե անհրաժեշտ լինի հատել որևէ ծառ, այն պարտադիր պետք է փոխարինվի նոր տնկվող այլ, ավելի որակյալ ծառով, որն ավելի օգտակար կլինի թե՛ պուրակին, թե՛ էկոլոգիային»,– ասաց Մարությանը։

Հիշեցնենք` Մաշտոցի այգում իրականացվող նոր շինարարական աշխատանքների դեմ արդեն մի քանի օր է` բողոքի ակցիաներ են տեղի ունենում։ Բնապահպաններն ահազանգում են նաև հատված ծառերի մասին։

Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»

176
թեգերը:
Մաշտոցի պուրակ, Երևան, Հայկ Մարության, Հայաստան
Ըստ թեմայի
Կորոնավիրուսի պայմաններում աշխատող մանկապարտեզների աշխատակիցները հավելավճար կստանան
Բարելավում հանրային տրանսպորտի ոլորտում․ Մարությանը լավ լուր է հայտնել
Մարությանի կարգադրությամբ քաղաքապետարանի աշխատակիցներից 122-ը պարգևավճարներ են ստացել
Ռոբերտ Քոչարյանը դատարանում

Դատարանը հրաժարվեց վերացնել Քոչարյանի ու Գևորգյանի հաշիվների վրա դրված կալանքը

9
(Թարմացված է 15:12 04.08.2020)
ՀՀ երկրորդ նախագահի ու նախկին փոխվարչապետի փաստաբանները դեմ են դատարանի որոշմանը։ Նրանք կարծում են, որ այդ որոշումը հակասում է քրեական դատավարության օրենսգրքին։

ԵՐԵՎԱՆ, 4 օգոստոսի — Sputnik. ՀՀ երկրորդ նախագահ Ռոբերտ Քոչարյանի և մյուսների գործով դատական նիստում դատարանը մերժեց քննության այս փուլում հանել Քոչարյանի ունեցվածքի, ինչպես նաև նախկին փոխվարչապետ Արմեն Գևորգյանի հաշիվների վրա դրված կալանքը։ Որոշումը կայացվեց այն բանից հետո, երբ փաստաբանները մերժեցին դատավորին տրամադրել կալանքի տակ գտնվող գույքի արժեքը։

Հուլիսի 28-ին կայացած նախորդ նիստում փաստաբանները դատարանին միջնորդել էին վերացնել նրանց գույքի և դրամական միջոցների վրա դրված կալանքը։։ Երկրորդ նախագահի պաշտպանները կարծում են, որ կալանքի ոչ մի պատճառ չկա։

Ալումյանը, ներկայացնելով պաշտպանական կողմի դիրքորոշումը, նշեց, որ դեռ 2019 թվականին իրենք կալանքը չեղարկելու համար Վերաքննիչ դատարան էին դիմել, դատարանը բավարարել էր բողոքը։ Սակայն ընդհանուր իրավասության դատավոր Աննա Դանիբեկյանն անցյալ տարվա հունիսին փաստացի հրաժարվել էր կատարել վերադաս դատական ատյանի որոշումը։ Ալումյանի խոսքով` դատարանը չի ուզում վերացնել ակնհայտ ապօրինությունը, հենց այդ պատճառով էլ իրենք որոշել են մերժել դատարանի խնդրանքը։

Ալումյանի որոշմանը միացավ նաև նախկին փոխվարչապետ Արմեն Գևորգյանի փաստաբան Էրիկ Ալեքսանյանը։

Դանիբեկյանն իր հերթին հայտարարեց, որ դատարանը չի կարող կալանքը հանելու հարցը լուծել առանց ունեցվածքի չափի նախնական գնահատման։ Այդ պատճառով էլ դատարանը որոշել է հետաձգել կալանքը հանելու հարցը։ Ի պատասխան դրան պաշտպանները հայտնեցին, որ այդ որոշումը հակասում է քրեական դատավարության օրենսգրքին։

«Ես չեմ հասկանում` ինչ է նշանակում՝ Արցախը Հայաստան է, և վերջ». Ռոբերտ Քոչարյան

Հիշեցնենք, որ հունիսի 18-ին Վերաքննիչ քրեական դատարանի դատավոր Արսեն Նիկողոսյանը մասնակի բավարարեց Քոչարյանի կալանքը փոխելու միջնորդությունները մերժելու մասին դատարանի որոշման դեմ բողոքը։ Քոչարյանն ազատ արձակվեց 2 միլիարդ դրամ գրավի դիմաց։

Ռոբերտ Քոչարյանը խոսել է տավուշյան դեպքերի ու Ադրբեջանի ագրեսիայի պատճառների մասին

ՀՀ երկրորդ նախագահին մեղադրանք է առաջադրվել 2008 թ.–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։ 2018թ-ին Քոչարյանին երկու անգամ ձերբակալեցին: 2019 թվականի հունիսի վերջին նա ձերբակալվեց երրորդ անգամ: Երկրորդ նախագահին նաև կաշառք ստանալու մեղադրանք է առաջադրված։

Իշխանությունները պատրաստ չեն լսել. Ռոբերտ Քոչարյանը մտահոգություններ ունի. տեսանյութ

9
թեգերը:
Դատարան, Ռոբերտ Քոչարյան, Հայաստան
թեմա:
Ռոբերտ Քոչարյան