Էդուարդ Մարտիրոսյան, արխիվային լուսանկար

ԱԱԾ տնօրենն ազատվե՞լ է աշխատանքից. ԱԱԾ մեկնաբանությունը

611
(Թարմացված է 13:47 07.05.2020)
ԱԱԾ լրատվական ծառայությունից Sputnik Արմենիայի հետ զրույցում մեկնաբանել են տարածված լուրերը, թե Էդուարդ Մարտիրոսյանն ազատման դիմում է գրել։

ԵՐԵՎԱՆ, 7 մայիսի Sputnik. Մամուլում տարածված լուրերը, թե Ազգային անվտանգության ծառայության տնօրեն Էդուարդ Մարտիրոսյանը և նրա տեղակալներն աշխատանքից ազատման դիմում են գրել, չեն համապատասխանում իրականությանը։ Այս մասին Sputnik Արմենիայի հարցմանն ի պատասխան հայտնեցին ԱԱԾ–ի լրատվական ծառայությունից։

«ԱԱԾ–ն շարունակում է իր բնականոն գործունեությունը»,–ասացին լրատվականից։

Նշենք, որ մամուլում լուրեր էին տարածվել, թե ԱԱԾ–ում բունտ է հասունացել Արգիշտի Քյարամյանի` ԱԱԾ տնօրենի տեղակալ նշանակվելուց հետո, և շատերն ազատման դիմում են գրել։

Հիշեցնենք` ՀՀ նախագահ Արմեն Սարգսյանը, հիմք ընդունելով վարչապետ Նիկոլ Փաշինյանի առաջարկը, մայիսի 5-ին ՀՀ ազգային անվտանգության ծառայության տնօրենի տեղակալ էր նշանակել Արգիշտի Քյարամյանին։

Ուշագրավ է այն հանգամանքը, որ Քյարամյանը մեկ օրում երկրորդ անգամ էր պաշտոն ստացել և ազատվել. մայիսի 4-ին, Փաշինյանի որոշմամբ, Քյարամյանը նշանակվել էր Քննչական կոմիտեի նախագահի տեղակալ, սակայն մեկ օր պաշտոնավարելուց հետո ազատվել էր ու նշանակվել ԱԱԾ-ի տնօրենի տեղակալ։

Փաշինյանն ու Ավինյանը տարաձայնություննե՞ր ունեն, կամ ովքե՞ր են փորձում նրանց «գժտեցնել»

2019 թվականի ապրիլի 10-ից մինչև 2020-ի մայիսի 4-ը Քյարամյանը զբաղեցնում էր ՊՎԾ-ի ղեկավարի տեղակալի պաշտոնը։

611
թեգերը:
Նշանակում, ազատում, Արգիշտի Քյարամյան, Արմեն Սարգսյան, ՀՀ ազգային անվտանգության ծառայություն. ԱԱԾ, Էդուարդ Մարտիրոսյան
Ըստ թեմայի
Տիգրան Ավինյանի խորհրդականն ազատվել է պաշտոնից
Ոստիկանության Գեղարքունիքի մարզային վարչության պետն ազատվել է աշխատանքից
Պետրոս Ղազարյանն ազատվել է աշխատանքից. հեռուստառադիոընկերության խորհրդի հայտարարությունը
Գևորգ Լոռեցյանն ազատվել է պաշտոնից
Ավետ Բարսեղյան

«Լկստվեք, միայն թե առողջ եղեք». ինչպես են հայտնի մարդիկ շնորհավորել երեխաների տոնը

3
(Թարմացված է 23:22 01.06.2020)
Երեխաների պաշտպանության օրը շատերն են հրապարակել իրենց զավակների լուսանկարներն ու սեր խոստովանել նրանց։

ԵՐԵՎԱՆ, 1 հունիսի – Sputnik. Երեխաների պաշտպանության օրը ամենաջերմ և ամենալուսավոր տոներից մեկն է։ Զարմանալի չէ, որ շատերը հենց հունիսի 1-ին են հրապարակում իրենց դուստրերի և որդիների լուսանկարները։

Sputnik Արմենիան արդեն անդրադարձել է «Ռոսիա սեգոդնյա» ՄՏԳ–ի և RT հեռուստաալիքի գլխավոր խմբագիր Մարգարիտա Սիմոնյանի գրառմանը։ Բայց նա միակը չէ, որ այսօր հրապարակել է իր բալիկների հուզիչ լուսանկարներն ու տեսագրությունները։

Հայաստանի հավաքականի և իտալական «Ռոմայի» կիսապաշտպան Հենրիխ Մխիթարյանը նույնպես լուսանկար է հրապարակել որդու հետ։

«Ընտանիքն առաջին տեղում է», – լուսանկարին կից գրել է նա։

Посмотреть эту публикацию в Instagram

Публикация от Henrikh Mkhitaryan (@micki_taryan)

Մխիթարյան կրտսերը ծնվել է այս տարվա մարտին։ Նրան կոչել են ֆուտբոլիստի հոր անունով` Համլետ։

Հայկական արմատներով ռուսաստանաբնակ արտիստ Ալեքսեյ Չումակովի կինը` երգչուհի Յուլյա Կովալչուկն էլ Instagram–ում հրապարակել է իրենց փոքրիկի ձեռքը։

«Անվերապահ սեր և յուրաքանչյուր վայրկյան պաշտպանելու ցանկություն։ Աղոթում եմ Աստծուն, որ աշխարհի բոլոր բալիկները չիմանան, թե ինչ է մենակությունը, հիվանդությունն ու բաժանումը։ Գիտեմ, որ աշխարհը դաժան է, բայց այն ընդհանուր առմամբ կազմված է յուրաքանչյուրիս մեջ եղած աշխարհից։ Թող մեր ներսի աշխարհը ջերմ, բարի ու անսահման սիրով լցված լինի։ Եվ այդ դեպքում մեզ շրջապատող բալիկներն ավելի երջանիկ կլինեն»,– գրել է նա։

Посмотреть эту публикацию в Instagram

Публикация от Julia Kovalchuk/Юлия Ковальчук (@juliakovalchuk)

Հայտնի ռեժիսոր Սարիկ Անդրեասյանն էլ որդիների հետ լուսանկար է հրապարակել։

«Թող բոլոր երեխաները երջանիկ լինեն։ Շնորհավոր մեջք կրծողների պաշտպանության օրը», – կատակել է նա։

Посмотреть эту публикацию в Instagram

Публикация от Sarik Andreasyan (@sarik_andreasyan)

Հայտնի դերասան Մկրտիչ Արզումանյանը հրապարակել է որդու լուսանկարը։

«Շնորհավոր երեխաների պաշտպանության օրը։ Մեր բոլոր փոքրիկներին մաղթում եմ երջանիկ մանկություն և լուսավոր ապագա…», – լուսանկարին կից գրել է նա։

Посмотреть эту публикацию в Instagram

Публикация от Mkrtich Arzumanyan (@mkrtich.arzumanyan)

«Միսս Հայաստան 1998», «Միսս ԱՊՀ 1999», «Միսս Երկրագունդ 2010» տիտղոսակիր, գեղեցկուհի Գոհար Հարությունյանը հրապարակել է իրար քնքշորեն գրկած որդիների լուսանկարը և գրել. «Տղաներս։ Շնորհավոր երեխաների օրը»։

Посмотреть эту публикацию в Instagram

Публикация от Gohar Harutyunyan (@miss_armenia_gohar)

Հայտնի հաղորդավար Ավետ Բարսեղյանի հրապարակած լուսանկարում փոքրիկը հոր իրերն է քչփորում։

«Խանգարեք մեզ, լկստվեք, չարաճճի պահեք, գոռացեք, ջղայնացրեք... Մենակ առողջ եղեք։ Շնորհավոր, բալիկներ», – գրել է երջանիկ հայրը։

Посмотреть эту публикацию в Instagram

Публикация от Avet Barseghyan (@avetbarseghyan)

Իսկ երգիծաբան Գարիկ Մարտիրոսյանի կինը` Ժաննա Լևինան, ինչպես միշտ, կատակել է։ Նա ոչ թե երեխաների լուսանկարն է հրապարակել, այլ ոտքերի անիմացիա։

«Գարիկի հետ տոնում ենք ամռան առաջին օրը։ Աղջիկներ, հավատացեք, որ անկախ կարանտինից, իմ ոտքերը ձախինն են»,– գրել է նա։

Посмотреть эту публикацию в Instagram

Публикация от Janna Levina (@jannalevina_martirosyan)

Տիկնիկային թատրոնը երեխաներին անակնկալ է մատուցել տանիքից. տեսանյութ

3
թեգերը:
Լուսանկար, տոն, երեխա, Հայաստան
Ըստ թեմայի
Փոքրիկ «ավազակների» անհավատալի արկածները. զվարճալի տեսանյութ
Ձեռք չտաս, Արմանչիկ. ինչ է անում փոքրիկը, երբ նրան ասում են` չուտես, մինչև գամ. տեսանյութ
«Մամ, զանգի Պուտինին». փոքրիկը խնդրում է բացել դպրոցները

Երբ երեխաները մնացին առանց տոնի. երևանյան լուսանկարներ

20
(Թարմացված է 22:49 01.06.2020)
  • Մայրն ու դուստրը
  • Ջրաներկով գունազարդման փոխարեն` բժշկական դիմակ
  • Տոնական զգեստորվ աղջնակը Հյուսիսային պողոտայի շատրվանների մոտ
  • Փոքրիկ տղան Հանրապետության հրապարակում
  • Պաղպաղակով ու փուչիկով աղջիկը
  • Շիկահեր փոքրիկը Հանրապետության հրապարակում
  • Գեղեցիկ սանրվածքով աղջնակը լողացնում է տիկնիկին
  • Մոր ապահով ձեռքերում
  • Պաղպաղակով տղան
  • Սոցիալական հեռավորության մասին նրանք էլ չեն մոռանում
  • Աղջնակը թռչկոտում է Հանրապետության հրապարակում
  • Փոքրիկ տղան Հյուսիսային պողոտայում
Երևանի փողոցներում երեխաների թիվն այնքան էլ մեծ չէր` ի տարբերություն նախորդ տարիների, երբ հունիսի 1-ին մանուկների լացի ու ծիծաղի ձայները լսվում էին ողջ օրվա ընթացքում։

Երևանի փողոցներում այսօր` Երեխաների պաշտպանության օրը, սովորաբար «խցանումներ» էին լինում հենց երեխաների առատությունից։

Սակայն այս տարի կորոնավիրուսի պատճառով Երևանում տոնական միջոցառումներ չեղան, և երեխաները մնացին առանց տոնի։

Աննա Հակոբյանն արյունաբանական կենտրոն չի այցելել և չի վտանգել երեխաների առողջությունը

Քաղաքի կենտրոնում ծնողների հետ զբոսնող երեխաներին զարմացնող մուլտհերոսներ չկային, այտերին ջրաներկով գունազարդումներ անողներ չկային. փոքրիկները ստիպված էին բավարարվել պաղպաղակով ու փուչիկներով։

Տիկնիկային թատրոնը երեխաներին անակնկալ է մատուցել տանիքից. տեսանյութ

 

20
  • Մայրն ու դուստրը
    © Sputnik / Asatur Yesayants

    Մայրն ու դուստրը

  • Ջրաներկով գունազարդման փոխարեն` բժշկական դիմակ
    © Sputnik / Asatur Yesayants

    Ջրաներկով գունազարդման փոխարեն` բժշկական դիմակ

  • Տոնական զգեստորվ աղջնակը Հյուսիսային պողոտայի շատրվանների մոտ
    © Sputnik / Asatur Yesayants

    Տոնական զգեստորվ աղջնակը Հյուսիսային պողոտայի շատրվանների մոտ

  • Փոքրիկ տղան Հանրապետության հրապարակում
    © Sputnik / Aram Nersesyan

    Փոքրիկ տղան Հանրապետության հրապարակում

  • Պաղպաղակով ու փուչիկով աղջիկը
    © Sputnik / Aram Nersesyan

    Պաղպաղակով ու փուչիկով աղջիկը

  • Շիկահեր փոքրիկը Հանրապետության հրապարակում
    © Sputnik / Asatur Yesayants

    Շիկահեր փոքրիկը Հանրապետության հրապարակում

  • Գեղեցիկ սանրվածքով աղջնակը լողացնում է տիկնիկին
    © Sputnik / Aram Nersesyan

    Գեղեցիկ սանրվածքով աղջնակը լողացնում է տիկնիկին

  • Մոր ապահով ձեռքերում
    © Sputnik / Asatur Yesayants

    Մոր ապահով ձեռքերում

  • Պաղպաղակով տղան
    © Sputnik / Asatur Yesayants

    Պաղպաղակով տղան

  • Սոցիալական հեռավորության մասին նրանք էլ չեն մոռանում
    © Sputnik / Aram Nersesyan

    Սոցիալական հեռավորության մասին նրանք էլ չեն մոռանում

  • Աղջնակը թռչկոտում է Հանրապետության հրապարակում
    © Sputnik / Andranik Ghazaryan

    Աղջնակը թռչկոտում է Հանրապետության հրապարակում

  • Փոքրիկ տղան Հյուսիսային պողոտայում
    © Sputnik / Aram Nersesyan

    Փոքրիկ տղան Հյուսիսային պողոտայում

թեգերը:
Լուսանկար, Երևան, Հայաստան, երեխա
Ըստ թեմայի
Ո՞ր դեպքում դպրոցները նորից կբացվեն. Արայիկ Հարությունյանը գիտի խնդրի լուծումը
«Մամ, զանգի Պուտինին». փոքրիկը խնդրում է բացել դպրոցները
Իլոն Մասկը ստիպված է եղել փոխել երեխայի անունը. նորը պակաս տարօրինակ չէ

Բողոքի ակցիաներ ԱՄՆ-ում․ ամերիկացիները փորձում են մեղքը բարդել Ռուսաստանի վրա

0
(Թարմացված է 23:30 01.06.2020)
Առաջին անգամ չէ, որ ԱՄՆ-ն սեփական անզորության մեղքը բարդում է Ռուսաստանի վրա։ Այդպես եղավ 2016 թվականին, երբ Հիլարի Քլինթոնը պարտվեց նախագահական ընտրություններում։ Այդպես է նաև հիմա, երբ ամերիկյան իշխանությունը ոչ մի կերպ չի կարողանում վերահսկել սեփական քաղաքացիներին։

Աֆրոամերիկացի Ջորջ Ֆլոյդի մահվան պատճառով ԱՄՆ-ում շարունակվում են զանգվածային բողոքի ակցիաները։ Նա մահացել է ձերբակալության ժամանակ Մինեսոտա նահանգի Մինեապոլիս քաղաքում։

Մայիսի վերջին տեղի ունեցած միջադեպից հետո ամբողջ երկրում բողոքի ակցիաներ են կազմակերպվում։

Հարյուրավոր մարդիկ դուրս են գալիս Մինեապոլիսի, Նյու Յորքի, Վաշինգտոնի ու ԱՄՆ-ի մի շարք այլ խոշոր քաղաքների փողոցներ` բողոքելով ոստիկանների ամենաթողությունից։ Բազում քաղաքներում խաղաղ ցույցերը վերածվել են անկարգությունների ու ոստիկանության հետ բախումների։

Մարդիկ խանութներ են թալանում, կոտրում են ցուցափեղկերն ու այրում աղբամանները։ Ցույցերի ընթացքում անգամ ՌԻԱ Նովոստիի թղթակից Միխայիլ Տուրգիևն է տուժել, ինչի պատճառով ՌԴ դեսպանությունը նոտա է հղել Պետդեպարտամենտին։ Մի շարք նահանգներում օգնության են հասել ԱՄՆ ազգային գվարդիան, սակայն ո՛չ գվարդիան, ո՛չ արցունքաբեր գազը, ո՛չ էլ ռետինե փամփուշտները չեն կարողանում ճնշել խռովությունները։ Այդ ֆոնին Բարաք Օբամայի նախկին խորհրդական Սյուզան Ռայսը մեղադրանք է հնչեցրել Ռուսաստանի հասցեին։

Մեր տեսանյութում ներկայացնում ենք՝ ինչի համար են այս անգամ մեղադրում Մոսկվային, և այս ամենի հետ ինչ կապ ունի Դոնալդ Թրամփի բունկերը։

Սոցիալական կայքերը հեղեղված են ԱՄՆ-ում տեղի ունեցող բողոքի ակցիաների տեսանյութերով

0
թեգերը:
Բողոքի ակցիա, տեսանյութ, Ռուսաստան, ԱՄՆ
Ըստ թեմայի
Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ
Ինչու են Ռուսաստանին մեղադրում ԱՄՆ անկարգությունների մեջ. պարզաբանում է Կուբիշկինը
«Իրականություն վերադարձեք». Զախարովան պատասխանել է ԱՄՆ նախագահի նախկին խորհրդականին