Անցակետ. արխիվային լուսանկար

Դդմաշենում կորոնավիրուսի նոր օջախ է գրանցվել. ելումուտի հատուկ ռեժիմ է սահմանվել

215
(Թարմացված է 17:09 06.05.2020)
Համայնքի վարչական սահման մուտքն ու ելքը հնարավոր է միայն անհրաժեշտության դեպքում։

ԵՐԵՎԱՆ, 6 մայիսի — Sputnik. Գեղարքունիքի մարզպետ Գնել Սանոսյանը տեղեկացնում է, որ Դդմաշեն համայնքում գրանցվել է կորոնավիրուսային հիվանդության բռնկման նոր օջախ։

«Հաշվի առնելով Դդմաշենում կորոնավիրուսի բռնկման նոր օջախի առկայությունը` ՀՀ պարետ Տիգրան Ավինյանի որոշմամբ` համայնքի մուտքի և ելքի հատուկ ռեժիմ է սահմանվում և կիրառվելու են սահմանափակումներ»,–Facebook–ի իր էջում գրել է մարզպետը։

Նրա խոսքով` համայնքի վարչական սահման մուտքն ու ելքը հնարավոր է միայն անհրաժեշտության դեպքում։

Սահմանափակումներն ուժի մեջ են մտնում 2020–ի մայիսի 6-ի՝ ժամը 18։00–ից մինչև 2020–ի մայիսի 16-ը` ժամը 23:59-ը։

Այսօրվա դրությամբ մարզում հաստավել է 32 նոր դեպք։ Գեղարքունիքում ընդհանուր կա կորոնավիրուսով վարակվածության 149 դեպք, որից 39–ը` Դդմաշեն համայնքում։ Դդմաշենում առաջին դեպքը գրանցվել է հուղարկավորության հետևանքով, այլ մարզից ժամանած ազգականների հետ շփման արդյունքում։

Հաստատված դեպքեր կան նաև մարզի Վարդենիս, Մեծ Մասրիկ, Շատվան, Սոթք, Նորակերտ, Ծովինար, Ծովազարդ, Սևան և Գեղամավան համայնքներում։

Արտակարգ դրության մեղմացում․ ինչպես են հետխորհրդային երկրները վերացնում սահմանափակումները

Բոլոր վարակակիրների շփման շրջանակը պարզվել է, նրանց մի մասը ինքնամեկուսացած է, մի մասը` մեկուսացված։ Գործընթացը կրում է շարունակական բնույթ։

Պարետի որոշման մեջ նշված է, որ հատուկ ռեժիմի իրականացումն ապահովելու նպատակով ՀՀ ազգային անվտանգության ծառայության և ՀՀ ոստիկանության կողմից սահմանված վայրերում կտեղադրվեն հատուկ անցակետեր և զննման կետեր՝ Դդմաշեն համայնքի վարչական տարածք մուտք գործող անձանց ու տրանսպորտային միջոցների զննումն իրականացնելու նպատակով։

Հիշեցնենք, որ այսօրվա դրությամբ Հայաստանում կորոնավիրուսով վարակվածների թիվը 2782–ի է հասել։

Հայաստանում կորոնավիրուսով վարակվածների թիվը մեկ օրում ավելացել է 163–ով և դարձել 2782

215
թեգերը:
Դդմաշեն, Հայաստան, Արտակարգ դրություն, Գնել Սանոսյան (Գեղարքունիքի մարզպետ), Գեղարքունիքի մարզ, Ոստիկանություն
թեմա:
Կորոնավիրուսը Հայաստանում և Արցախում (1715)
Ըստ թեմայի
«Համավարակից տևական ժամանակ զերծ մնալը երջանիկ պատահականություն էր». Գեղարքունիքի մարզպետ
Գեղարքունիքում կորոնավիրուսով վարակված քաղաքացին բժշկուհի է. մանրամասներ
Գեղարքունիքի մարզում կորոնավիրուսով վարակվածության արդեն 10 դեպք է գրանցվել․ մարզպետ

Առատ ձյուն, ավտոերթ, դատ, հերոս-եղբայրներ. շաբաթվա տպավորիչ լուսանկարները

13
(Թարմացված է 22:33 24.01.2021)
  • Առատ ձյուն Երևանում
  • Ռոբերտ Քոչարյանի կողմնակիցները Երևանի ընդհանուր իրավասության դատարանի առջև (2021թ․ հունվարի 19):
  • Ռոբերտ Քոչարյանի տարեց կողմնակիցը Երևանի ընդհանուր իրավասության դատարանի առջև (2021թ․ հունվարի 19)։
  • Լևոն Քոչարյանը Երևանի ընդհանուր իրավասության դատարանի առջև (2021թ․ հունվարի 19)։
  • Ձնեմարդը` Eրևանի վերնիսաժում
  • Արցախյան պատերազմի ժամանակ ձեռքերը կորցրած խաղաղապահ Վարազդատ Սանեյանի զինգրքույկը
  • Արցախյան պատերազմի ժամանակ ձեռքերը կորցրած խաղաղապահ Վարազդատ Սանեյանի ծնողները՝ Սարիբեկն ու Լիանան
  • Առատ ձյուն Երևանում
  • Շուշիում զոհված Գևորգ և Կարեն Գևորգյանների ծնողները՝ Արթուրն ու Արևիկը
  • Շուշիում զոհված Գևորգ և Կարեն Գևորգյանների հայրը՝ Արթուրը
  • Առատ ձյուն Երևանում
  • Վանաձորի «Լաչինի շուկան»
  • Վանաձորի «Լաչինի շուկան»
  • Վանաձորի «Լաչինի շուկան»
  • ՀՀ վարչապետ Նիկոլ Փաշինյանի հրաժարականը պահանջող քաղաքացիների ավտոերթը (2021թ․ հունվարի 24):
Sputnik Արմենիան ներկայացնում է շաբաթվա կարևոր լուսանկարներով ամփոփիչ ֆոտոռեպորտաժը, որը հուսով ենք` կդառնա ավանդական:

Ինչպես կանխատեսում էին մասնագետները, անցնող շաբաթը Հայաստանում ձնառատ էր։ Իրականություն դարձան նաև ցրտահարության կանխատեսումները:

Բայց չնայած Երևանի Շենգավիթ համայնքում տեղացող ձյանը և անտանելի ցրտին` «Մարտի 1»-ի գործով այս տարվա առաջին դատական նիստը, այնումենայնիվ, կայացավ: Մինչ Ռոբերտ Քոչարյանի կողմնակիցները դրսում սպասում էին նիստի ավարտին` ձեռքներին՝ կարգախոսներով պաստառներ, երկրորդ նախագահը նրանց մոտեցավ և խնդրեց տուն գնալ։ Լսումները կրկին հետաձգվեցին ՝ այս անգամ էլ թարգմանչի բացակայության պատճառով:

Այս շաբաթ մեր նկարահանող խումբն այցելեց «Լաչինի միջանցք»: Չէ, արցախյանը չէ։ Իրական Լաչինի միջանցքից ավելի քան երեք հարյուր կիլոմետր հեռավորության վրա հանրապետության երրորդ  քաղաքում՝ Վանաձորում, կա շուկա, որը մարդիկ անվանում են «Լաչինի միջանցք»: Փորձեցինք պարզել շուկայի անվան պատմությունը՝ զրուցելով շուկայի վաճառողների հետ։

Sputnik Արմենիայի թղթակիցներն այս շաբաթ այցելել են Գևորգյան և Սանեյան ընտանիքներին: Մեր ընթերցողներին պատմեցինք հուզիչ պատմություններ Շուշիի մոտ զոհված Գևորգյան ոստիկան-եղբայրների և Հադրութի մոտ վիրավորված խաղաղապահ եղբայրներ Սանեյանների մասին։

Մնացեք Sputnik Արմենիայի հետ, մենք կշարունակենք ամեն շաբաթն ամփոփել տպավորիչ լուսանկարներով։

13
  • Առատ ձյուն Երևանում
    © Sputnik / Asatur Yesayants

    Առատ ձյուն Երևանում

  • Ռոբերտ Քոչարյանի կողմնակիցները Երևանի ընդհանուր իրավասության դատարանի առջև (2021թ․ հունվարի 19):
    © Sputnik / Aram Nersesyan

    Ռոբերտ Քոչարյանի կողմնակիցները Երևանի ընդհանուր իրավասության դատարանի առջև (2021թ․ հունվարի 19):

  • Ռոբերտ Քոչարյանի տարեց կողմնակիցը Երևանի ընդհանուր իրավասության դատարանի առջև (2021թ․ հունվարի 19)։
    © Sputnik / Aram Nersesyan

    Ռոբերտ Քոչարյանի տարեց կողմնակիցը Երևանի ընդհանուր իրավասության դատարանի առջև (2021թ․ հունվարի 19)։

  • Լևոն Քոչարյանը Երևանի ընդհանուր իրավասության դատարանի առջև (2021թ․ հունվարի 19)։
    © Sputnik / Aram Nersesyan

    Լևոն Քոչարյանը Երևանի ընդհանուր իրավասության դատարանի առջև (2021թ․ հունվարի 19)։

  • Ձնեմարդը` Eրևանի վերնիսաժում
    © Sputnik / Andranik Ghazaryan

    Ձնեմարդը` Eրևանի վերնիսաժում

  • Արցախյան պատերազմի ժամանակ ձեռքերը կորցրած խաղաղապահ Վարազդատ Սանեյանի զինգրքույկը
    © Sputnik / Andranik Ghazaryan

    Արցախյան պատերազմի ժամանակ ձեռքերը կորցրած խաղաղապահ Վարազդատ Սանեյանի զինգրքույկը

  • Արցախյան պատերազմի ժամանակ ձեռքերը կորցրած խաղաղապահ Վարազդատ Սանեյանի ծնողները՝ Սարիբեկն ու Լիանան
    © Sputnik / Andranik Ghazaryan

    Արցախյան պատերազմի ժամանակ ձեռքերը կորցրած խաղաղապահ Վարազդատ Սանեյանի ծնողները՝ Սարիբեկն ու Լիանան

  • Առատ ձյուն Երևանում
    © Sputnik / Asatur Yesayants

    Առատ ձյուն Երևանում

  • Շուշիում զոհված Գևորգ և Կարեն Գևորգյանների ծնողները՝ Արթուրն ու Արևիկը
    © Sputnik / Asatur Yesayants

    Շուշիում զոհված Գևորգ և Կարեն Գևորգյանների ծնողները՝ Արթուրն ու Արևիկը

  • Շուշիում զոհված Գևորգ և Կարեն Գևորգյանների հայրը՝ Արթուրը
    © Sputnik / Asatur Yesayants

    Շուշիում զոհված Գևորգ և Կարեն Գևորգյանների հայրը՝ Արթուրը

  • Առատ ձյուն Երևանում
    © Sputnik / Asatur Yesayants

    Առատ ձյուն Երևանում

  • Վանաձորի «Լաչինի շուկան»
    © Sputnik / Aram Nersesyan

    Վանաձորի «Լաչինի շուկան»

  • Վանաձորի «Լաչինի շուկան»
    © Sputnik / Aram Nersesyan

    Վանաձորի «Լաչինի շուկան»

  • Վանաձորի «Լաչինի շուկան»
    © Sputnik / Aram Nersesyan

    Վանաձորի «Լաչինի շուկան»

  • ՀՀ վարչապետ Նիկոլ Փաշինյանի հրաժարականը պահանջող քաղաքացիների ավտոերթը (2021թ․ հունվարի 24):
    © Sputnik / Andranik Ghazaryan

    ՀՀ վարչապետ Նիկոլ Փաշինյանի հրաժարականը պահանջող քաղաքացիների ավտոերթը (2021թ․ հունվարի 24):

թեգերը:
Շուշի, Արցախյան պատերազմ, Վանաձոր, Լուսանկար, ձյուն, դատ, Ռոբերտ Քոչարյան, Երևան, Հայաստան
Ըստ թեմայի
Ձյան փաթիլների պարն ու մարդկանց գոհ և դժգոհ դեմքերը. մայրաքաղաքի ճերմակ լուսանկարները
«Ռումբն ընկավ, թևերս հետ թռան...». Վարոյի տեսած իրական պատերազմն ու թևավոր երջանկությունը
«Մա՞մ, էլի ջոկողություն ես անո՞ւմ...». Շուշիում նույն օրը զոհված եղբայրների պատմությունը
«Լաչինի միջանցքը» Վանաձորում

«Լաչինի միջանցքը» Վանաձորում, կամ շուկայում ամեն սանտիմետրի համար այլևս ոչ ոք չի պայքարում

220
Sputnik Արմենիայի նկարահանող խումբն այցելել է Լոռու մարզի Վանաձոր քաղաք, որտեղ շուկաներից մեկը ժողովրդի կողմից ստացել է «Լաչինի միջանցք» անվանումը։ Շուկայի պատմությունը` մեր նյութում։

Ժաննա Պողոսյան, Sputnik Արմենիա

Վանաձորը մեզ ուրախացրեց մարզային քաղաքի համար փոքր–ինչ արտասովոր աշխուժությամբ։ Ձմեռային փողոցներում տասնյակ մարդիկ կան. ոմանք շտապում են, ոմանք հանգիստ ճեմում։ Գլխավոր փողոցներից մեկում` Տիգրան Մեծում, մի քանի մարդ իրար հետևից մտնում են երկու շենքերի միջև գտնվող նեղ նրբանցքը, որտեղից գունեղ շարքեր են երևում և հոտերի բազմազանություն է տիրում. այստեղ է գտնվում քաղաքի ամենաաշխույժ շուկաներից մեկը։ Անվանումն էլ իր նման յուրահատուկ է` «Լաչինի միջանցք»։

Лачинский рынок в Ванадзоре
© Sputnik / Aram Nersesyan
«Լաչինի միջանցքը» Վանաձորում

– Լաչին է կոչվել 90-ականներին` պատերազմի ժամանակ։ Միջանցքի ա նման, չէ՞, – ժպտալով հարցնում է  արտաքինից մոտ 30 տարեկան վաճառողը։

– Ինչքան ինձ հիշում եմ, ստեղ միշտ շուկա է եղել։ Խորհրդային տարիներին էս տները չկային, մեքենա կարող էր անցնել էս ճանապարհով, էնքան լայն էր, – պատմում է մեկ այլ վաճառող։ Նրա դիմաց աղացած ու չաղացած սուրճի մի քանի պարկ է դրված։ Մեր զրույցի ժամանակ վաճառասեղանին մի կին է մոտենում, սուրճ ընտրելով, մեզ նայում։

– Իսկ խորհրդային տարիներին շուկան ինչպե՞ս էր կոչվում։

– Անուն չուներ, ոնց որ թե, – փորձում է մտաբերել ավելի մեծահասակ վաճառողը, – էն ժամանակ վաճառողներն ավելի քիչ էին, ու քաղաքում վաճառքի ավելի հայտնի կետեր կային..., – հանկարծ տղամարդն ինչ–որ բան է հիշում, – Մարտուն քեռուն հարցրեք, ստեղ շատ վաղուց է ապրում։

Бездомные собаки у мясной лавки в Лачинском рынке в Ванадзоре
© Sputnik / Aram Nersesyan
«Լաչինի միջանցքը» Վանաձորում

Մարտուն քեռին կաշվե գլխարկով է, ձեռքին հավկիթներով տոպրակ կա։

– Այստեղ ե՞ք ապրում, – հարցնում եմ ես։

– Հա, հեսա իմ տունը, – ցույց է տալիս նա կոշիկի խանութի ուղղությամբ։

– Չհասկացա, – տարակուսում եմ ես։

– Իսկ դու մի քանի քայլ հետ արա ու կտեսնես։

Նրա խորհրդին հետևելով հետ եմ գնում, և «Լիմար» ցուցանակով մեկ հարկանի խանութի հետևում երկհարկանի մոխրագույն տուն է երևում։

– Էրեխեքի պատվի՞ն է։ Լիանա՞, Մարիա՞մ։

– Գուշակեցիր, Լիանա, – ասում է, ժպտում է Մարտուն քեռին, – Լիանան մեծ թոռս է, հինգերորդ դասարանում է սովորում։ Իսկ «մար»–ը երկվորյակ թոռներիս պատվին` Մարատ և Մարտուն։

Մարտուն Լալայանը որդու հետ կոշիկի և գործվածքեղենի խանութը բացել է 12 տարի առաջ։ Շուկան արդեն այն ժամանակ էր «Լաչին» կոչվում։

– «Լաչին» անունը ստացավ 90-ականների արցախյան պատերազմի ամենաթեժ ժամանակ, – պատմում է Լալայանը, – 1992 թվականին Լաչինի միջանցքը մե՛կ հայերի կողմն էր անցնում, մե՛կ ադրբեջանցիների, միշտ կռիվ էր գնում այդ միջանցքի համար։ Նույնը ստեղ` ամեն օր վաճառողները շուկայի ամեն սանտիմետրի համար կռիվ էին անում։ Մենք ստեղ էինք ապրում, ու միշտ տեսնում ու լսում էինք էդ կռիվները, – պատմում է  Լալայանը։

– Ստեղ արցախյան մարտերից ավելի թեժ մարտեր էին գնում, – կատակում է երիտասարդ վաճառողը,– հիմա էլ կռվելու համար հատուկ ժամ ունենք ամեն օր։

Տղամարդիկ ծիծաղում են։ Արցախյան նոր պատերազմի մասին եմ նրանց հարցնում, որի հետևանքով Հայաստանին ամբողջ Լաչինից (Բերձոր) միայն մի միջանցք մնաց, այն էլ` ռուս խաղաղապահների հսկողության տակ։

– Մեզ էլ խաղաղապահները չէին խանգարի, – կրկին կատակում է երիտասարդը։

Рыбная лавка в Лачинском рынке в Ванадзоре
© Sputnik / Aram Nersesyan
«Լաչինի միջանցքը» Վանաձորում

Իսկ Լալայանը շարունակում է պատմել` ցույց տալով այն վաճառասեղանը, որտեղ նրանք հավաքվում էին պատերազմի օրերին, ծխախոտ ու այլ իրեր բերում ռազմաճակատ ուղարկելու համար։

Мартун Лалаян, владелец дома и магазина в ванадзорском Лачинском рынке
© Sputnik / Aram Nersesyan
Մարտուն Լալայանը

– Արծրունին էինք լսում միասին։ Հետո իզուր ամեն ինչ էդ տղու վրա քցեցին, – ասում է մեկ այլ տարիքով վաճառող։

– Նիկոլի վրա էլ, – ասում է մյուսը։

– Հա՞ – զարմանում եմ ես։

– Հա, բա ինչ, – վստահ ասում է նա, – մեր մոտ ամենալավ առևտուրը հեղափոխության տարին է եղել։ Էնքան մարդ էր Երևանից գալիս, զբոսաշրջիկներ, իրանցիներ, ղազախներ...

Посетители Лачинского рынка в Ванадзоре
© Sputnik / Aram Nersesyan
«Լաչինի միջանցքը» Վանաձորում

2018 թվականից հետո շուկայում գործերը վատ էին։ Մրգերի 60-ամյա վաճառողն ասում է, որ վերջին մեկ տարում առևտուրն այնքան քիչ էր, որ նույնիսկ մտածում էր իր նախկին գործին վերադառնալու մասին։

– 30 տարի վարորդ եմ աշխատել հրշեջ ծառայությունում։ Հետո թոշակի անցա։ Ձանձրույթից չմեռնելու համար շուկա մտա։ Սկզբում վատ չէր, բայց հիմա... Հազիվ հացի փող եմ առնում։

Այսօր շուկայի և իրական «Լաչինի միջանցքի» նմանությունը միայն երկուսի նեղ լինելու մեջ է. շուկայում ավելորդ սանտիմետրի համար այլևս ոչ ոք չի պայքարում։

– Սաղ կյանքս էս շուկա որպես գնորդ եմ եկել, միշտ նկատել եմ, որ ազատ տեղ կա։ Հենց թոշակի անցա, միանգամից եկա ստեղ ու իմ սեղանիկը բացեցի։ Ոչ մեկ ոչ մի բան նույնիսկ չհարցրեց։

Լուսանկարվել տղամարդը չցանկացավ։ Բացատրեց, որ այնքան չի սիրում լուսանկարվել, որ նույնիսկ ձգձգում է անձնագրի փոխումը, որի ժամկետը վաղուց լրացել է։

Մերձակայքում «Լաչին Սիթի» անունով հսկայական խանութ է գործում։ Խանութը հավակնում է սուպերմարկետի կոչման. այստեղ կարելի է գտնել ամեն ինչ` վարսակալից մինչև սպասք։

– Իսկ ինչի՞ «Լաչին Սիթի», – հարցնում եմ տնօրենին։

– Բա էլ ի՞նչ, – ժպտում է նա, – շուկան «Լաչին» է կոչվում, մենք էլ, որ 2009–ին խանութը բացեցինք, ամենահարմար անունն ընտրեցինք։

 «Լաչին Սիթիի» հարևանությամբ սուրճի սարք է դրված, որի վրա գրված է «Լաչին սուրճ»։

Магазин Лачин сити в Лачинском рынке в Ванадзоре
© Sputnik / Aram Nersesyan
«Լաչինի Սիթին» Վանաձորում

Շուկայի ժողովրդական անվանումն այնքան է տարածվել, որ նույնիսկ Գուգլի քարտեզը որոնման ժամանակ «Լաչինի միջանցք» բառակապակցություն գրելիս երկու տարբերակ է առաջարկում` Արցախի և Վանաձորի։

Автомат по приготовлению кофе Кофе Лачин в Лачинском рынке в Ванадзоре
© Sputnik / Aram Nersesyan
«Լաչինի սուրճը» Վանաձորում

«Լաչինի շուկան» Տիգրան Մեծ փողոցն Արցախ այգու հետ է կապում։ Այգում մի քանի հուշարձան կա ու «Արցախ» առևտրի կենտրոնն է գործում։ Շենքի վրա  Արցախի խորհրդանիշ «Մենք ենք մեր սարերը» հուշարձանի (Տատիկ–Պապիկ) նարնջագույն պատկերն է: Իրական Արցախի նման այգին էլ դատարկվել է. ասում են` տարվա տաք եղանակին այստեղ ասեղ գցելու տեղ չկա։ Ե՞րբ Արցախում կրկին գարուն կգա։

  • «Լաչինի միջանցքը» Վանաձորում
    «Լաչինի միջանցքը» Վանաձորում
    © Sputnik / Aram Nersesyan
  • «Լաչինի միջանցքը» Վանաձորում
    «Լաչինի միջանցքը» Վանաձորում
    © Sputnik / Aram Nersesyan
  • «Լաչինի միջանցքը» Վանաձորում
    «Լաչինի միջանցքը» Վանաձորում
    © Sputnik / Aram Nersesyan
  • «Լաչինի միջանցքը» Վանաձորում
    «Լաչինի միջանցքը» Վանաձորում
    © Sputnik / Aram Nersesyan
  • «Լաչինի միջանցքը» Վանաձորում
    «Լաչինի միջանցքը» Վանաձորում
    © Sputnik / Aram Nersesyan
1 / 5
© Sputnik / Aram Nersesyan
«Լաչինի միջանցքը» Վանաձորում
220
թեգերը:
Արցախ, Հայաստան, Լաչինի միջանցք, Շուկա, Վանաձոր
Ըստ թեմայի
Ինչով են զբաղված ԱՀ իշխանությունները. Դավիթ Բաբայանը` գերիների և Արցախի կարգավիճակի մասին
Աշխատուժի պակաս կա, ձնամաքրման տեխնիկայի մի մասն էլ մնացել է Ադրբեջանին. Արցախի խնդիրները
Հայաստանի և սփյուռքի ներգրավմամբ․ նախարարները քննարկել են արցախցիների սոցիալական խնդիրները
Այրվող ինքնաթիռ. արխիվային լուսանկար

Բրազիլիայում մասնավոր ինքնաթիռ է կործանվել․ զոհվել են ֆուտբոլիստներ

0
«Պալմաս» ֆուտբոլային ակումբը երկուշաբթի օրը թիմը պետք է հանդիպում ունենաեր «Վիլա-Նովա» ակումբի հետ:

ԵՐԵՎԱՆ, 24 հունվարի - Sputnik. Բրազիլական «Պալմաս» ակումբի նախագահն ու 4 ֆուտբոլիստներ զոհվել են մասնավոր ինքնաթիռի կործանման հետևանքով։ Տեղեկությունը հայտնում է Pledgetimes հրատարակությունը:

«Լուզիմանգեսե» օդանավակայանի մոտակայքում ինքնաթիռը վայր է ընկել օդ բարձրանալուց անմիջապես հետո: Օդաչուից բացի ինքնաթիռում եղել են «Պալմասի» նախագահ Լուկաս Մեյրան, ֆուտբոլիստներ Գիլերմե Նոեն, Ռանուլեն, Մարկոս Մոլինարին ու Լուկաս Պարեդեսը: Բոլորը մահացել են։

Երկուշաբթի օրը թիմը պետք է հանդիպում ունենար «Վիլյա-Նովա» թիմի հետ: Խաղը հետաձգվել է։

0
թեգերը:
Զոհ, Մահ, ֆուտբոլիստ, կործանում, ինքնաթիռ, Բրազիլիա
Ըստ թեմայի
Կոտայքում վրաերթի են ենթարկվել մայր ու որդի․ մայրը մահացել է
Աշտարակում 19-ամյա տղայի սպանության մեջ մեղադրվողը կալանավորվել է
Գորիս-Տաթև ճանաապարհը բքի պատճառով փակ է