Սերգեյ Կոպիրկին, ՀՀ-ում ՌԴ դեսպան

Լավ կաճի՝ ի հիշատակ պատերազմի. ՀՀ-ում ՌԴ դեսպանատանը մայիսի 9-ին ընդառաջ եղևնի են տնկել

122
(Թարմացված է 19:33 05.05.2020)
Ռուսաստանի դեսպանատան բակում ծառատունկը կազմակերպվել է «Հիշատակի այգի» միջազգային նախագծի շրջանակում։ Այն նախագծի շրջանակում Հայաստանում իրականացվող առաջին ակցիան է։

ԵՐԵՎԱՆ, 5 մայիսի –Sputnik.  Հայաստանում Ռուսաստանի դեսպանատան բակում Հայրենական մեծ պատերազմի օրվան ընդառաջ երկնագույն եղևնի տնկեցին։  Միջոցառմանը մասնակցեցին Հայաստանում Ռուսաստանի արտակարգ և լիազոր դեսպան Սերգեյ Կոպիրկինը, Երևանում գիտության և մշակույթի ռուսական կենտրոնի տնօրեն Սերգեյ Ռիբինսկին և Ռուսաստանի դիվանագիտական ներկայացուցչության աշխատակիցները։

Ակցիայի ընթացքում անձրև սկսվեց, որը րոպե առ րոպե էլ ավելի էր ուժգնանում։ Դեսպանատան աշխատակիցներից մեկը նկատեց. «Անձրևը լավ նշան է ցանկացած նախաձեռնության համար»։

Посадка ели ко Дню Великой Победы во дворе посольства России в Армении (5 мая 2020). Еревaн
© Sputnik / Andranik Ghazaryan
ՀՀ-ում Ռուսաստանի դեսպանատան բակում Մեծ հաղթանակի օրվա կապակցությամբ դեսպանատան աշխատակիցները եղևնի են տնկել (2020 թ. մայիսի 5), Երևան

Դեսպան Կոպիրկինը, վերցնելով մեծ մոխրագույն ցնցուղը, մոտեցավ ծառին և ջրեց այն։

«Օգնենք անձրևին»,- ասաց նա։

Sputnik Արմենիայի թղթակցի հետ զրույցում դեսպանը նշեց, որ եղևնու տնկումը Հայաստանում «Հիշատակի այգի» միջազգային նախագծի շրջանակում իրականացվող առաջին ակցիան է։

Посадка ели ко Дню Великой Победы во дворе посольства России в Армении (5 мая 2020). Еревaн
© Sputnik / Andranik Ghazaryan
Սերգեյ Կոպիրկին, ՀՀ-ում ՌԴ դեսպան

«Այսօր մենք փոքր, խորհրդանշական ակցիա ենք անցկացնում, որը «Հիշատակի այգի» միջազգային մեծ ակցիայի մի մասն է։ Այն նվիրված է Հայրենական մեծ պատերազմի հաղթանակի օրվան։ Մենք մի շարք զանգվածային ակցիաներ էինք նախատեսում անցկացնել Երևանում և Հայաստանի մյուս քաղաքներում, սակայն կորոնավիրուսի համավարակի հետ կապված զանգվածային միջոցառումները հետաձգվեցին։ Դրանք կիրականացվեն այն ժամանակ, երբ երկրում համաճարակաբանական իրավիճակը կկարգավորվի»,– հայտարարեց դեսպանը։

Посадка ели ко Дню Великой Победы во дворе посольства России в Армении (5 мая 2020). Еревaн
© Sputnik / Andranik Ghazaryan
ՀՀ-ում Ռուսաստանի դեսպանատան բակում Մեծ հաղթանակի օրվա կապակցությամբ դեսպանատան աշխատակիցները եղևնի են տնկել (2020 թ. մայիսի 5), Երևան

Երկնագույն եղևնու տնկին դեսպանատանը տրամադրել էր Վանաձորի դենդրոպարկը։ Շուտով այս եղևնու մոտ հուշատախտակ կտեղադրեն։

«Կարծում եմ, այս եղևնին լավ է աճելու և մեր ապագա սերունդներին հիշեցնելու է այս մեծ իրադարձության մասին»,–ասաց Կոպիրկինը։

Посадка ели ко Дню Великой Победы во дворе посольства России в Армении (5 мая 2020). Еревaн
© Sputnik / Andranik Ghazaryan
ՀՀ-ում Ռուսաստանի դեսպանատան բակում Մեծ հաղթանակի օրվա կապակցությամբ դեսպանատան աշխատակիցները եղևնի են տնկել (2020 թ. մայիսի 5), Երևան

Նշենք, որ «Հիշատակի այգի» ակցիան մեկնարկել է 2020 թվականի մարտի 18-ին Ռուսաստանի հարավային շրջաններում, որից հետո ակցիային սկսեցին միանալ մյուս քաղաքներն ու երկրները։ Ծառատունկը կավարտվի հունիսի 22-ին։ Ակցիայի նպատակն է Ռուսաստանի և ԱՊՀ այլ պետությունների տարածքում 27 մլն ծառ տնկել՝ ի հիշատակ Հայրենական մեծ պատերազմի տարիներին զոհված 27 մլն հայրենակիցների։

122
թեգերը:
ծառատունկ, եղևնի, դեսպանատուն, Դեսպան, Հայրենական մեծ պատերազմ, Ռուսաստան, Հայաստան, Սերգեյ Կոպիրկին
թեմա:
Հայրենական մեծ պատերազմի հաղթանակի 75–ամյակը (61)
Ըստ թեմայի
Հաղթանակի օրվա առթիվ Մեծ հայրենականի վետերանները 300 հազարական դրամ պարգև կստանան
Լոռիում բնակվող Հայրենական մեծ պատերազմի վետերաններին հոբելյանական մեդալներ են հանձնել
Հայրենական մեծ պատերազմի առաջին օրերի բացառիկ կադրերը
Հայրենական մեծ պատերազմի վետերանների պատվո վճարները կավելանան
Երեխա

Մասիսի բնակչուհին 1–ամյա որդուն 500 000 դրամով վաճառել է. հարուցվել է քրգործ

118
(Թարմացված է 19:25 14.08.2020)
Մեկ տարեկան տղայի գնորդը ճանաչել է երեխայի հայրությունը, վերցրել են նրա ազգանունով նոր ծննդյան վկայական։

ԵՐԵՎԱՆ, 14 օգոստոսի — Sputnik. Դատախազությունը տեղեկացնում է, որ Արարատի մարզում մեկամյա երեխայի առուվաճառքի դեպք է բացահայտվել. հարուցվել է քրեական գործ։

«Ոստիկանության Մասիսի  բաժնում օպերատիվ տվյալներ են ստացվել, որ  2020թ. մայիսին Մասիսի բնակչուհին իր մեկամյա երեխային վաճառել է: Իրականացված աշխատանքի արդյունքում այս տարվա մայիսի 13-ին Մասիսի բնակչուհին հաղորդում է տվել, որ իր որդուն 500 000  դրամ  դիմաց վաճառել է Երևանում բնակվող ամուսիններին։ Վերջիններս մաս-մաս վճարել են ընդամենը 300 000 դրամ»,–նշված է հաղորդագրության մեջ։

Պարզվել է` նշված կինը 2019թ. ապրիլին ծննդաբերել է տղա երեխա: Վերջինս Երևանի բնակիչ հանդիսացող ամուսինների հետ նախապես համաձայնության գալով իր մեկամյա որդուն 500 000 դրամի դիմաց նրանց վաճառելու շուրջ՝ 2020թ. մայիսի 5-ին գնացել է Մասիսի ՔԿԱԳ տարածքային բաժին։ Այնտեղ գնորդը  ճանաչել է երեխայի հայրությունը և ստացել է վերջինիս ազգանունով երեխայի՝ նոր ծննդյան պետական վկայականը։

Օրեր անց գնորդ ամուսիները հարազատների հետ գնացել են երեխայի կենսաբանական մոր տուն, որտեղ երեխայի առքի համար նախատեսված պայմանավորված 500 000 դրամից վճարել են 200 000 դրամ  գումար, մնացած մասը՝ 300 000 դրամը, պայմանավորվել են վճարել հետագայում։ Նրանք երեխային տարել են իրենց հետ, իսկ հաջորդ ամիսներին վճարել ևս 50 000 դրամ։

Նորածին վաճառելու նոր փորձ է եղել. ինչքա՞ն է «գնահատվում» Հայաստանում երեխան

Հարուցվել է քրեական գործ՝ ՀՀ քրեական օրենսգրքի 168-րդ հոդվածի 1-ին մասով, այն է` խնամքը ստանձնելու նպատակով երեխայի առքը կամ ստանձնողի խնամքին հանձնելու նպատակով երեխայի վաճառքը։ Նախաքննություն կատարելու համար քրեական գործն ուղարկվել է ՀՀ քննչական կոմիտեի Մասիսի քննչական բաժին:

Միջոցներ են ձեռնարկվում դեպքի լիարժեք հանգամանքները պարզելու ուղղությամբ:

Հիշեցնենք, որ վերջին օրերին նորածնի վաճառքի դեպքեր էին գրանցվել Արարատի մարզում։ Ավելին` հուլիսի 29-ին զարհուրելի դեպք էր տեղի ունեցել Երևանում. կինը ծննդաբերել է, հետո երեխային փաթեթավորելով պոլիէթիլենային տոպրակի մեջ՝ նետել աղբարկղը։

118
թեգերը:
Մասիս, Քրեական գործ, ՀՀ դատախազություն, վաճառք, երեխա
Ըստ թեմայի
Երկու երեխայի վաճառք կազմակերպելու կասկածանքով ձերբակալված կա. ՔԿ
Ոստիկանները երեխայի վաճառքի դեպք են բացահայտել
Ավտոբուս, արխիվային լուսանկար

Ժամանակավոր կասեցվել է մի շարք երթուղայինների գործունեությունը

60
Երթուղայինների աշխատանքները վերահսկելու համար ստուգայցերի ժամանակ պարզվել է, որ մի շարք երթուղայիններ երթևեկել են գերբեռնված։

ԵՐԵՎԱՆ, 14 օգոստոսի - Sputnik. ՀՀ կառավարությունը տեղեկացնում է, որ ժամանակավոր կասեցվել են մի շարք երթուղայինների գործունեությունը` հակահամաճարակային կանոնները չպահպանելու համար։

«Օգոստոսի 14-ին, ՀՀ պարետի որոշմամբ 24 ժամով կասեցվել է կանոնավոր ուղևորափոխադրում իրականացնող N 8, N 57, N 44, N 42, N 39 համարի երթուղիները սպասարկող թվով 18 տրանսպորտային միջոցի գործունեություն։ Դրանք պարբերաբար երթևեկել են գերբեռնված»,– նշված է հաղորդագրության մեջ։

Կասեցման աշխատանքներին զուգահեռ, շարունակվել է ուժեղացված վերահսկողություն իրականացվել Երևանի Կենտրոն վարչական շրջան մուտք գործող հանրային տրանսպորտի նկատմամբ։ Բաղրամյան պողոտայում, Աբովյանի պուրակի հարակից կանգառներում, Ծովակալ Իսակովի պողոտայի ողջ երկայնքով իրականացված վերահսկողական աշխատանքների արդյունքում մարդատար տաքսի ավտոմոբիլներով ուղևորափոխադրում իրականացնող տրանսպորտային միջոցներում խախտումներ չեն հայտնաբերվել։ Իսկ կանոնավոր երթուղիներում ուղևորափոխադրում իրականացնող տրանսպորտային միջոցներում հայտնաբերվել են սահմանված քանակից ավելի ուղևորների նստեցումով փոխադրում իրականացնելու դեպքեր։

Վարորդները չեն վախենում կորոնավիրուսից․ նրանց ավելի շատ անհանգստացնում է եկամուտի պակասը

Արձանագրված խախտումների դեպքերով կազմվել են արձանագրություններ։

ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետները մշտադիտարկումների և վերահսկողության հետ իրականացրել են բացատրական և իրազեկման աշխատանքներ։

60
թեգերը:
պարետ, ուղևոր, վարորդ, երթուղային, երթուղի, Երևան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Երթուղայինների վարորդներն աջակցություն են պահանջում. ինչ են ասում քաղաքապետարանից
Երևանում միկրոավտոբուսային երթուղիներից ևս մեկի սպասարկումը կդադարեցվի
Բողոքի ակցիա Երևանում. երթուղայինների վարորդները չգիտեն՝ ինչպես տունը պահեն
Երթուղայինների վարորդներն առանձին աջակցություն չեն ստանա. նախարար
Հաքեր

Հաքերները ռուսական բանկերի վրա յուրօրինակ հարձակում են գործել. ԶԼՄ–ները խուճապի են մատնվել

0
(Թարմացված է 23:45 14.08.2020)
Նամակներ են ուղարկվել են հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։

ԵՐԵՎԱՆ, 14 օգոստոսի – Sputnik. Կիբեռհանցագործները լրագրողների անվան տակ գրոհել են Ռուսաստանի բանկերի վրա։ Ինչպես գրում է ռուսական մամուլը, որոշ տվյալներով` TinyScouts խմբավորման հաքերները հաղորդագրություններ էին ուղարկում հարցազրույցի առաջարկով և համավարակի երկրորդ ալիքի մասին նախազգուշացումներով։

«Ռոստելեկոմի» կիբեռսպառնալիքների մոնիթորինգի և արձագանքման կենտրոնի մասնագետներին հայտնի է դարձել, որ կիբեռհանցագործները հարձակման համար ծրագրային նոր ապահովագրում են կիրառում։ Բանկերի վրա առանձին հարձակումներն իրականացվել են ապրիլին։

Նամակներ են ուղարկվում հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։ Հաղորդագրության մեջ բանկի աշխատակիցներից մեկին առաջարկվել է հարցազրույց անցնել։ Հարցերին պատասխանելու համար կից ներկայացված հղումով անցնելու դեպքում բեռնվում է վնասակար ծրագրի հիմնական բաղադրիչը, և կիբեռհանցագործները հեռավար հասանելիություն ու վերահսկողություն են ստանում օտար համակարգիչների նկատմամբ։

Չինացի հաքերները թիրախավորել են Նուբար Աֆեյանի ընկերության COVID-19–ի դեմ պատվաստանյութը

Եթե սարքի վրա որևէ կարևոր տեղեկություն ստանալ չի հաջողվում, այլ ծրագիր է տեղադրվում, որը կոդավորում է համակարգչի ողջ կոնտենտը, այնուհետև գումար պահանջում այն ապակոդավորելու համար։

0
թեգերը:
ԶԼՄ, Ռուսաստան, Բանկ, հաքեր
Ըստ թեմայի
Սին «հերոսություն» է. մասնագիտական ապտակ ադրբեջանցի հաքերներին
«Մենք թիկունքում ենք և ձեր մեջ». հայերը պատասխան հարված են հասցրել ադրբեջանցի հաքերներին
Հայերը կոտրել են ադրբեջանցիների գլխավոր հաքերական կայքը. համացանցում «փոխհրաձգություն» է